ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᐃᓐᓇᐃᑦ ᖃᒻᒪᖅ – ᓯᕙᑖᕐᕕᒃ ᒪᐃ 31, 2025-ᒥ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᒪᐃ 31, 2025, 10 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐃᓐᓇᐃᑦ ᖃᒻᒪᒃᑯᓐᓂ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᑎᓕᐅᓂᕐᒧᑦ ᑐᑭᓯᒋᐊᕈᑏᑦ
ᒪᐃ 21, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᑖᓐᓇ ᖃᕋᓴᐅᔭᒃᑯᑦ ᐊᑎᓕᐅᕐᓂᖅ 2025 ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᕐᕌᒍᖓ ᒪᑐᐃᓛᖅᑐᖅ ᓇᒡᒐᔾᔭᐅ, ᒪᐃ 26 ᓯᕿᓐᖑᔭᖓ 1:00 ᐅᓐᓄᓴᒃᑯᑦ ᐊᒻᒪ ᒪᑐᓗᓂ ᑕᓪᓕᕐᒥᖅ, ᔫᓂ 6 ᓯᕿᓐᖑᔭᖓ 5:00 ᐅᓐᓄᓴᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓚᖓ ᐊᑐᕆᐊᑉ ᒪᑐᔭᐅᓯᒪᔪᖅ - ᐅᒥᐊᖅ ᐊᑐᕆᐊᖅ
ᒪᐃ 20, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᐃᖃᓗᒻᒥᐅᑕᓂᒃ ᐃᓚᖓ ᐅᒥᐊᖅ ᐊᑐᕆᐊᑉ ᒪᑐᔭᐅᓯᒪᓂᖓᓂᒃ, ᒪᑐᔭᐅᓯᒪᓂᐊᖅᑐᖅ ᐱᒋᐊᕐᓗᑎᒃ ᒪᐃ 22-ᒥ ᐅᓪᓛᒃᑯᑦ 8-ᒨᖅᐸᑦ ᑎᓴᒻᒥᕐᒥ, ᐊᐃᑉᐱᕐᒧᑦ, ᒪᐃ 27-ᒧᑦ, 8-ᒧᓄᑦ ᐅᓪᓛᒃᑯᑦ.

ᐅᓇ ᒪᑐᓯᒪᓂᐅᓂᐊᖅᑐᖅ ᑳᓐᑐᕌᑎᒍᑦ ᐱᓕᕆᔨᐅᔪᑦ ᐱᓕᕆᔪᓐᓇᖁᓪᓗᒋᑦ ᓄᑖᕐᒥ ᐃᓪᓗᓕᐊᖑᔪᒥᒃ 158 ᐅᒥᐊᖅ ᐊᑐᕆᐊᕐᒦᑦᑐᒥᒃ. ᒪᑐᔭᐅᓯᒪᓂᖓᓂ ᐊᑐᕆᐊᑉ, ᐃᓚᐃᓐᓇᖓᒍᑦ ᐊᖅᑯᑎᖃᓛᕐᒪᑕ ᖃᐅᔨᒪᒋᐊᓖᑦ, ᐊᒻᒪ ᐊᑐᕆᐊᒃᑰᖅᑐᓄᑦ ᐊᐅᓚᑦᓯᔾᔪᑎᐅᔪᑦ ᐊᑐᖅᑕᐅᓛᖅᑐᑎᒃ ᑕᐅᓇᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑉᐱᒍᓱᑦᓯᐊᓂᕐᒥᒃ ᐊᖏᕐᕋᓂ ᐆᒪᔪᖁᑎᓂᒃ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ
ᒪᐃ 20, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᓕᒐᕋᓛᓕᕆᔨᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐃᑉᐱᒍᓱᑦᓯᐊᓂᒃᑯᑦ ᐊᖏᕐᕋᒥ ᐆᒪᔪᖁᑎᖃᕐᓂᐅᔪᖅ ᐊᑑᑎᖃᖅᑐᒻᒪᕆᐅᒻᒪᑕ ᐊᑦᑕᓇᔾᔭᐃᕐᓯᒪᒋᐊᖃᕐᓂᒃᑯᑦ ᐊᒻᒪ ᖃᓄᐃᖕᖏᒋᐊᖃᕐᓂᖏᓐᓄᒃ ᓄᓇᓕᑦᑕ ᐃᓗᐊᓂᕐᒥᐅᑕᐃᑦ.

ᑭᐅᔾᔪᑎᐅᓗᑎᒃ ᐱᕐᕈᓗᐊᕿᓕᐅᒥᓯᒪᔪᓄᑦ ᐱᔾᔪᑎᐅᓗᑎᒃ ᑕᒫᓂᖅᑭᕙᑦᑐᑦ ᐆᒪᔪᐃᑦ, ᒪᓕᒐᕋᓛᓕᕆᔨᒃᑯᑦ ᖃᐅᔨᓴᕐᓂᕐᓴᐅᕙᓐᓂᐊᓕᖅᑐᑦ ᓄᓇᓕᐅᑉ ᐃᓗᐊᓂ. ᑲᒪᔨᐅᔪᑦ ᐱᓕᕆᐊᖃᖅᐸᑎᓪᓗᒋᑦᑕᐅᖅ, ᐱᕙᓪᓕᐅᑎᓂᖅᐹᖑᔪᖅ ᐆᒪᔪᐃᑦ ᐊᒥᓱᐃᑦ ᑕᒫᓂᖅᑭᓗᐊᖁᓇᒋᑦ ᐆᒪᔪᖁᑎᓕᐅᔪᑦ ᑭᓯᐊᓂᑦᑕᐅᖅ ᐱᓕᕆᖃᑕᐅᕙᓪᓗᑎᒃ ᑕᒪᓐᓇ ᐱᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᓈᓗᓐᓄᑦ ᓱᓪᓗᓖᑦ ᓴᓇᔭᐅᓂᖏᑦ – ᒪᐃ 21 ᑎᑭᑦᑐᒍ ᔫᓂ 27
ᒪᐃ 16, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᖅᑎᑦᑎᔪᒪᔪᑦ ᓄᓇᓕᒻᒥᐅᑕᓂᑦ ᑖᒃᑯᐊ ᑕᐅᕗ ᐋᑦᑎᒃ ᑎᒥᖓᑦ, ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ, ᑭᓈᓗᓐᓄᑦ ᓱᓪᓗᓕᖏᓐᓂ ᓴᓇᓂᐊᖅᑐᑎᑦ ᓄᓇᓕᒻᒥᑦ.

ᐃᖅᑲᓇᐃᔭᕐᓂᖃᓂᐊᖅᑐᑦ ᓴᓂᕌᓂ ᐊᑐᕆᐊᑦ ᐊᑯᓐᓂᖏᓐᓂ ᓱᓪᓗᓕᖏᓐᓄᑦ ᖃᐅᔨᒋᐊᕐᕕᖏᓐᓂ ᐊᒻᒪ ᐊᒻᒪᒧᒥ ᖃᐅᔨᓴᕐᕕᐅᔪᓂᑦ (AV/MH’s) ᐱᒋᐊᕐᓗᓂ ᒪᐃ 21 ᑎᑭᓪᓗᒍ ᔫᓂ 27, 2025. ᓄᓇᖑᐊᖅ ᑕᑯᔅᓴᐅᑎᑦᑎᔪᖅ ᓇᒦᓐᓂᖏᑦ ᐊᒻᒪ ᓂᕆᐅᒋᔭᐅᔪᑦ ᐅᓪᓗᖏᑦ ᐃᖅᑲᓇᐃᔭᕐᕕᐅᓂᐊᖅᑐᑦ ᐱᖃᓯᐅᑎᓯᒪᔪᖅ ᖃᐅᔨᒋᐊᕐᕕᐅᓗᓂ.

ᓂᕿᐅᓐᓂᖃᖏᑦᑐᒍᑦ ᐸᕕᓴᑦᑕᐅᓗᑎ ᐱᔨᑦᑎᖅᑕᐅᔪᑦ ᑕᒪᑐᒪᓂᐅᑎᓪᓗᒍ. ᑭᓯᐊᓂᓕ, ᓄᓇᓕᒻᒥᐅᑕᐃᑦ ᖃᐅᔨᒍᓐᓇᓂᐊᖅᑐᑦ ᓂᐱᖃᑲᐃᓐᓇᖅᑐᓂᑦ ᐅᕝᕙᓘᓐᓃᑦ ᖃᐳᐊᒐᓛᑦᑐᓂᑦ ᐃᓪᓗᖏᓐᓂ ᓱᓪᓗᓕᖏᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕕᒃᑑᕆᐊ ᐅᓪᓗᖓ ᐊᓪᓚᕝᕕᒃ ᒪᑐᓯᒪᓂᖓ – ᒪᐃ 19
ᒪᐃ 16, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᓄᓇᓕᐸᐅᔭᒃᑯᑦ ᐊᓪᓚᕕᖏᑦ ᒪᑐᓯᒪᓛᖅᑐᑦ ᑭᒃᑯᑐᐃᓐᓇᕐᓄ ᐃᓄᓐᓄᑦ ᓇᒡᒐᔾᔭᐅᒥ, ᒪᐃ 19, 2025, ᐃᓕᓴᕆᓪᓗᒍ ᕕᒃᑑᕆᐊ ᐅᓪᓗᖓ.

ᐳᐃᔾᔪᕋᕐᕕᒃ ᒪᑐᐃᖓᓛᖅᑐᖅ ᒪᐃ 19 ᐱᒋᐊᕐᓗᓂ 12:00 ᐅᓐᓄᓴᒃᑯᑦ ᑎᑭᓪᓗᒍ 4:00 ᐅᓐᓄᓴᒃᑯᑦ. ᐊᓯᓕᒫᖏᑦ ᐱᓐᖑᐊᕐᕖᑦ ᐃᓪᓗᐃᑦ ᒪᑐᓯᒪᓛᖅᑐᑦ.

ᐊᖏᕐᕋᕆᔭᐅᔪᓄᑦ ᐃᒥᑦᑕᓐᓃᑦ ᐊᒻᒪᓗ ᑭᓈᓗᑕᑦᑕᐅᓂᒻᒧᑦ ᐱᔨᔅᓯᕈᑎᑦ, ᐃᓚᒋᔭᐅᓗᑎᒃ ᓴᓂᑦᑕᑦᑕᐅᓂᑦ, ᐊᐅᓚᓂᐊᑦᑐᑦ ᐊᑐᖃᑦᑕᑦᑕᖏᑎᒍ ᑲᔪᓯᑐᐃᓐᓇᑦᓂᐋᑦᑐᑦ ᐊᒻᒪᓗ ᐊᑦᑐᑦᑕᐅᔾᔮᙱᑦᑐᑦ ᓄᓇᓕᐸᐅᔭᒃᑯᑦ ᐊᒡᓚᒡᕕᖓᑕ ᒪᑐᓯᒪᓂᖓᓄᑦ. ᐊᔅᓯᕕᒃ ᒪᑐᓯᒪᓛᖅᑐᖅ ᐊᒻᒪ ᒪᑐᐃᒃᑲᓂᕐᓗᓂ ᐃᑲᕋᕆᖃᑦᑕᖅᑕᖏᓐᓄᑦ ᐊᐃᑉᐱᕐᒥ ᒪᐃ 20.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᖅᑯᑎᐅᑉ ᐃᓚᖕᒐ ᒪᑐᓯᒪᔪᖅ – ᓂᐊᖁᖖᒎᓯᐊᕆᐊᖅ ᐊᖅᑯᑎ (AWG ᐃᒡᓗᕐᔪᐊᖅ)
ᒪᐃ 12, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᓂᐊᖁᖖᒎᓯᐊᕆᐊᖅ ᐊᖅᑯᑎᖕᒐ ᒪᑐᓯᒪᓂᐊᕐᓂᖕᒐᓂᒃ, ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕕᒡᔪᐊᖅ ᐃᒡᓗᕐᔪᐊᖕᒐᑦ, ᐱᖕᒐᑦᓯᖅ ᒪᐃ 14-ᒥᑦ ᓈᑦᓰᖕᒍᔭᓛᕐᓂᐊᒧᑦ, ᒪᐃ 17, 2025-ᒥᑦ.
ᒪᑐᓯᒪᑲᐃᓐᓇᕆᐊᓕᒃ ᐋᖅᑭᒃᓯᕕᐅᓂᐊᕐᒪᑦ ᑰᕝᕕᖕᒥᑦ ᓄᑖᕐᒥᑦ.

ᖃᐅᔨᒪᓂᐊᖅᐳᓯ ᒪᕐᕈᐃᓕᖕᒐᔪᒃᑰᕐᕕᒃᓴᐅᖃᑦᑕᕐᓂᐊᕐᒪᑦ ᓴᓇᑎᓪᓗᒋᑦ. ᑳᓐᑐᕌᒃᓯᓕᕆᔩᑦ ᖃᐅᔨᓴᕐᓂᐊᖅᑐᑦ ᐃᖕᒋᕐᕋᔪᑦ ᑕᒪᒃᑮᓄᑦ ᐃᖕᒋᕐᕋᔪᓐᓇᑦᑎᐊᕋᓗᐊᕐᒪᖕᒑᑕ. ᐊᖁᑏᑦ ᐅᔾᔨᖅᓱᑦᑎᐊᖁᔭᐅᔪᑦ ᐃᖕᒋᕐᕋᑎᓪᓗᒋᑦ ᓇᓗᓇᐃᒃᑯᑕᓂᒃ.

ᓄᓇᖖᒍᐊᖅ ᑕᑯᔭᒃᓴᖅ ᐊᖅᑯᑎᐅᑉ ᐃᓚᖕᒐᓂᑦ ᓇᐅᒃᑯᑦ ᒪᑐᓯᒪᓂᐊᕐᒪᖕᒑᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒪᑐᔪᖅ
ᒪᐃ 12, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒪᖁᔨᔪᑦ ᓄᓇᖅᑲᑎᒌᓂᒃ ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒫᓐᓇ ᒪᓗᓯᒪᓕᕐᒪᑦ ᑕᒪᑐᒪᓂ ᐊᕐᕌᒍᒥ.

ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᓯᑯᖕᒐᓂ ᐲᔭᐃᕙᓪᓕᐊᓕᖅᑐᑦ, ᐊᒻᒪᓗ ᐱᔭᕇᖅᐸᓪᓕᐊᔪᓐᓇᖅᓯᔪᑦ ᓄᑖᖖᒍᕆᐊᕆᐊᓕᖕᓂᒃ ᐊᒻᒪᓗ ᐋᖅᑭᐅᒪᑎᑦᑎᓗᑎᒃ ᒪᑐᓯᒪᓂᖕᒐᓂ ᐊᑐᐃᓐᓇᐅᔪᓐᓇᖅᓯᓛᕐᒪᑦ ᓯᑯᖃᕈᓐᓇᖅᓯᒃᐸᑦ.

ᒪᑐᐃᒃᑲᓐᓂᕐᕕᒋᓛᖅᑕᖕᒐ ᐅᓪᓗᖅ ᐅᖃᐅᓯᐅᓛᖅᑐᖅ ᓇᓗᓇᐃᖅᑕᐅᓚᐅᕐᓗᓂ.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᓄᓇᖅᑲᑎᒌᑦ ᑐᑭᓯᐅᒪᓂᖕᒋᓐᓄᑦ ᓂᕆᐅᒋᔭᖃᖅᑐᑎᓪᓗ ᑐᖖᒐᓱᒃᑎᑦᑎᓛᕐᓂᖕᒋᓐᓂᒃ ᓄᓇᖅᑲᑎᒌᓂᒃ ᓯᐊᕐᕆᔮᕐᕕᒃ ᐱᐅᓯᒋᐊᖅᑎᑕᐅᓚᐅᖅᑎᓪᓗᒍ ᑕᖅᑭᓂ ᐊᒡᒋᖅᐸᓪᓕᐊᔪᓂ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᓕᕆᓂᖅ ᐊᒻᒪ ᖃᐅᔨᓴᒃᑲᓐᓂᐸᓐᓂᐊᓕᕐᓂᖏᑦ
ᒪᐃ 9, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᓂ ᐆᒪᔪᖁᑎᓕᒫᑦ ᓚᐃᓴᖃᕆᐊᖃᕐᒪᑕ. ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᐃᑦ ᐊᑭᖃᖏᑦᑐᖅ ᐊᒻᒪ ᐊᑐᐃᓐᓇᐅᓯᐊᖅᑐᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᕐᓚᕝᕕᖓᓐᓂ (ᐃᓪᓗᒥ 1549 ᖃᖓᑕᓲᒃᑯᕕᓕᐊᕆᐊᑉ ᐃᓚᖓᓂ). ᓇᓗᓇᐃᕐᓯᒪᒋᐊᖃᖅᑐᓯ ᐊᖏᕐᕋᓐᓂ ᐆᒪᔪᖁᑎᒋᔭᐃᑦ ᐅᔭᒥᓯᒪᑎᒋᐊᖃᕋᕕᐅᒃ - ᑲᒪᔨᓄᑦ ᓇᓗᓇᐃᒃᑯᑎᐅᒻᒪᑕ ᑭᒃᑯᓐᓄᑦ ᐆᒪᔪᖁᑎᐅᒻᒪᖔᑕ ᕿᓚᒥᐅᔫᒥᔪᒃᑯᑦ ᐊᒻᒪ ᐊᑭᓕᕋᔭᖕᖑᐊᖅᑐᓂᒃ ᐊᑭᓖᔾᔭᐃᒃᑯᑎᐅᒍᓐᓇᕐᒪᑕ ᑎᒍᔭᐅᓐᓂᖅᐸᑕ ᒪᓕᑦᑐᒋᑦ ᑎᑎᕋᕐᓯᒪᔪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖁᑎᖓᓐᓂ 924.