ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
*** ᑐᐊᕕᕐᓇᖅᑐᓄᑦ ᐅᖄᓚᐅᑏᑦ: 867-979-4422 ***
ᖃᐅᔨᒋᐊᕈᓐᓇᕐᑐᑎᑦ ᖃᖓᑐᐃᓇᖅ ᐅᖃᐅᓚᐅᑎᖓᑦ 867 979 5650 (ᑐᐊᕕᓐᓇᖏᑦᑐᒧᑦ ᓇᓴᐅᑎᖓ)
ᐊᖏᔪᖅᖄᖓᑦ ᑐᓴᕋᑦᓴᖁᑎᖓ:
ᐅᐱᒍᓱᑦᑎᐊᑦᑐᒍᑦ ᐱᔨᔅᓯᕆᐋᓴᖅ ᑖᔅᓱᒥᖓ ᐱᐅᔪᐋᓗᒻᒥᒃ ᓄᓇᓕᒻᒥᒃ ᐱᓕᕆᒍᒪᑦᑎᐊᓪᓗᑕ, ᐊᔾᔨᐅᖏᑦᑐᓂᑦ, ᐊᒻᒪᓗ ᐱᓕᕆᑦᑎᐋᓪᓗᑎᒃ ᑐᐊᕕᓇᑦᑐᓕᕆᓂᒻᒥ ᐱᓕᕆᒋᐋᑦᑎᑦ ᐱᓕᕆᖃᑎᒋᑐᑦ. ᓇᓪᓕᐋᖑᒐᓗᐋᕈᕕᑦ ᓄᓇᓕᒻᒥᐅᑕᓪᓚᕆᐅᓗᑎᑦ, ᓂᐅᕐᕈᓯᒪᓗᑎᒃ ᐃᖅᑲᓇᐃᔭᑎᐅᒍᕕᑦ, ᐅᕝᕙᓘᓐᓃᑦ ᐸᓚᕋᑎᐅᒍᕕᑦ, ᐱᓕᕆᓇᓱᐋᕋᑦᑕ ᐃᑉᐱᒍᓱᑦᑎᐊᓪᓗᑕ ᐊᒻᒪᓗ ᐃᖅᑲᓇᐃᔭᑦᑎᓚᕆᐅᓗᑕ ᐱᓕᕆᒋᐋᓱᖑᒐᑦᑕ ᑐᐊᕕᓐᓇᓂᕆᔭᔅᓯᓐᓂᒃ.
ᑕᒫᓂᒥᐅᑕᐅᒐᑦᑕᑦᑖᐅᖅ ᐊᒻᒪᓗ ᖃᓄᐃᓘᑉᐸᓗᑕᓗ ᑕᒫᓂ, ᐊᒻᒪᓗ ᐃᑎᔪᒥᒃ ᐱᓕᕆᒍᒪᓂᖃᕋᑦᑕ ᐱᐅᓂᔅᓴᐅᑎᑦᑎᒍᒪᓪᓗᑕ ᐃᓄᓕᒫᓄᑦ ᐊᑦᑕᓇᑦᑕᐃᓕᒪᒍᑎᒥᒃ ᐃᖃᓗᓐᓂ. ᐃᖅᑲᓇᐃᔭᓲᖑᒐᑦᑕ ᐊᐅᓚᓂᖃᖃᑎᒋᑦᑎᐊᓪᓗᒋᑦ ᐊᓯᕗᑦ ᓄᓇᓕᒻᒥ ᑐᐊᕕᓐᓇᖅᑐᓕᕆᓂᒻᒥᑦ ᐱᔨᑦᓯᕋᖅᑎᒃᑯᑦ, ᐃᓚᒋᔭᐅᓪᓗᑎᒃ ᓄᓇᓕᓕᕆᓂᒻᒥ ᒪᓕᑦᑕᐅᑎᑦᑎᓂᑦ, ᐸᓖᓯᒃᑯᑦ, ᖃᖓᑕᓲᒃᑯᕕᒻᒥᒃ ᖃᑦᑎᕆᔨᒃᑯᓂᒃ, ᐊᒡᓚᒡᕕᖓᓂ ᖃᑦᑎᕆᔨᒃᑯᑦ ᐊᖓᔪᖄᖓᑕ, ᐊᒻᒪᓗ ᐊᔾᔨᒌᖏᑦᑐᓂᒃ ᓄᓇᓕᐸᐅᔭᐅᑉ ᐱᓕᕆᕕᖏᓐᓂᒃ.
ᒥᑭᔪᕈᓘᓪᓗᑕ ᐱᓕᕆᖃᑎᒌᑎᐅᒐᓗᐊᑦᑎᓪᓗᑕ, ᐊᔅᓱᐋᓗᒃ ᐱᓕᕆᕙᒃᑲᑦᑕ ᐊᒻᒪᓗ ᐊᐅᓚᑦᑎᓪᓗᑕ ᐊᔾᔨᒌᖏᑦᑑᑎᓂᒃ ᑐᐊᕕᓇᑦᑐᓕᕆᓂᒻᒥ ᐱᓕᕆᐊᕆᒋᐋᓕᓐᓂᒃ – ᒪᑯᓇᙵᑦ ᐊᒥᓲᓂᔅᓴᐅᓕᑦᑎᓪᓗᒋᑦ ᐅᓄᓂᖏᑦ ᐋᓐᓂᐊᔪᖃᑦᑎᓪᓗᒍ ᐅᖄᓚᕙᒃᑐᓂᒃ ᐃᑭᑦᑐᖃᑦᑎᓪᓗᒍᓗ, ᓄᓇᓯᐅᑎᒥᒃ ᐱᕐᕈᓗᐊᕿᔪᖃᑦᑎᓪᓗᒍ, ᐅᓗᕆᐊᓇᑦᑐᕋᔭᓂᒃ ᑯᕕᔪᖃᑦᑎᓪᓗᒍ, ᐊᒻᒪᓗ ᐊᓯᒃᑲᓐᓂᖏᓐᓂᒃ.
ᐃᑲᔪᕈᓐᓇᑦᑐᓯ ᐃᖅᑲᓇᐃᔮᑦᑎᓐᓂ ᐊᑐᖃᑦᑕᓪᓗᑎᒃ ᐃᑭᑦᑐᖃᑦᑕᐃᓕᒪᑎᑦᑎᓂᒻᒥᒃ, ᐊᑐᕆᐊᑉ ᓴᓂᕌᓄᑉᐸᓪᓗᓯ ᑐᐊᕕᓐᓇᑦᑐᓕᕆᒍᑎ ᓄᓇᓯᐅᑏᑦ ᖃᐅᒻᒪᓪᓛᑎᓪᓗᒋᑦ ᖁᖁᐋᑦᑎᓪᓗᒋᓪᓗ, ᐊᒻᒪᓗ ᐊᒡᕕᐋᑦᑕᐃᓕᕙᓪᓗᓯ ᐃᖅᑲᓇᐃᔭᑦᑎᓄᑦ ᐊᒻᒪᓗ ᐅᓗᕆᐊᓇᑦᑐᓕᕆᔪᖃᑦᑎᓪᓗᒍ ᑐᐊᕕᓐᓇᓯᔪᓂᒃ ᐱᓕᕆᕕᐅᔪᒥ. ᐊᒡᓛᑦ ᐃᓱᒪᔅᓴᔅᓯᐅᕈᑎᖃᕈᓐᓇᑦᑐᑎᑦ ᐃᓚᒋᔭᐅᓕᕈᓇᔅᓯᓂᒻᒥᒃ ᑐᐊᕕᓐᓇᑦᑐᓕᕆᕕᑦᑎᓐᓄᑦ.
ᐱᔭᕇᕈᑎᒋᓗᒍ, ᑲᔪᖏᔅᓴᐃᕗᒍᑦ ᐃᓕᔅᓯᓂᒃ ᓇᒻᒥᓂᖅ ᐱᓕᕆᒍᒪᑦᑎᐋᖁᓪᓗᓯ ᐃᓚᒋᔭᓯ ᐊᑦᑕᓇᑦᑕᐃᓕᒪᓂᖏᓐᓂᒃ ᐊᒻᒪᓗ ᐱᓂᓪᓗᑦᑕᐃᓕᒪᓂᖏᓂᒃ. ᐳᔫᑦᑐᖃᓕᓐᓂᑉᐸᑦ ᖁᖁᐋᕈᑎᓯ ᐋᖅᑭᑦᑎᐊᔅᓯᒪᓗᑎᒃ ᐊᒻᒪᓗ ᐊᑐᕈᓐᓇᑦᑎᐋᓪᓗᑎᒃ ᖃᓄᑐᐃᓐᓇᓕᒫᖅ ᐊᖏᕐᕋᔅᓯᓐᓂ ᐊᒻᒪᓗ ᐅᖃᓚᖃᑎᒋᓗᒋᑦ ᐃᓚᑎᑦ ᑕᒪᒃᑯᓂᖓ ᖃᓄᐃᓘᕆᐊᖃᕋᔭᓐᓂᔅᓯᓐᓂᒃ ᐃᑭᓕᓂᑉᐸᑦ ᐃᒡᓗᓯ ᐅᕝᕙᓘᓐᓃᑦ ᐊᓯᖏᓐᓂᒃ ᑐᐊᕕᓐᓇᔅᓯᔪᖃᓂᑉᐸᑦ.
_____________________________________________________________________________________________________________________________________________________________________________________________________________________________________
ᐃᑲᔪᓪᓗᑎᑦ ᐃᖃᓗᐃᑦ ᑐᐊᕕᓇᑦᑐᓕᕆᓂᒻᒥᑦ ᐱᔨᔅᓯᕋᖅᑎᑦ ᐱᓕᕆᕕᖓᓂᑦ
ᓄᓇᓕᐸᐅᔭᒃᑯᑦ ᐃᖃᓗᓂ ᑐᐊᕕᓇᑦᑐᓕᕆᓂᒻᒥᑦ ᐱᔨᑦᓯᕋᖅᑎᑦ ᐱᓕᕆᕕᖓ ᕿᓂᒻᒪᑕ ᓄᑖᓂᒃ ᐃᑲᔪᕈᒪᔪᓂᒃ ᖃᑦᑎᕆᔨᐅᓂᒻᒥ ᐊᒻᒪᓗ ᐱᒋᐊᓕᕋᑖᑦᑐᓄᑦ ᐃᓚᒋᔭᐅᒐᔭᑦᑐᓂᒃ. ᑕᐃᒪᓕ ᐱᒍᒪᑐᐋᕈᕕᑦ ᐱᔨᔅᓯᕋᔭᓪᓗᑎᒃ ᐃᕝᕕᑦ ᓄᓇᓕᖓᓂᒃ ᐊᒻᒪᓗ ᐃᓕᒃᑲᓂᕋᔭᓪᓗᑎᒃ ᐃᖅᑲᓇᐃᔭᓕᑦᑎᑕᐅᓂᖏᒻᒧᑦ ᐱᓕᕆᓂᐅᔪᒥᒃ, ᐊᑏ ᐅᖃᕕᒋᓚᐅᕈᒃ ᐱᓕᕆᕕᒃ ᑐᓴᖁᓪᓗᑎᒃ ᐊᐃᑉᐹᓂ ᐱᓕᕆᔨᑖᕈᒪᒐᔭᓂᑦᑎᓂᒃ.
ᓱᒻᒫᑦ ᐃᑲᔪᕋᓱᐋᕈᒪᓗᓃ?
ᐃᑲᔪᓪᓗᑎᑦ ᓄᓇᓕᒻᒥ ᖃᑦᑎᕆᔨᔅᓯᓐᓄᑦ ᐃᑎᔪᐋᓗᒻᒥᒃ ᐊᑐᑦᑕᐅᑎᑦᑎᓲᖑᒻᒪᑦ ᐱᓕᕆᓚᐅᔅᓯᒪᓕᓐᓂᒻᒥᒃ. ᑮᓇᐅᔭᑎᒍ ᐊᑭᓕᔅᓱᐃᖏᒃᑲᓗᐋᑦᑎᓪᓗᒍ, ᐱᕚᓪᓕᕈᑎᖏᑦ ᑐᑭᖃᑦᑎᐊᑦᑐᐋᓗᒻᒥᒃ – ᐱᔭᐅᑎᑦᑎᒍᓐᓇᒪᑕ ᐃᓕᓐᓄᑦ, ᐃᕝᕕᑦ ᐃᓚᖏᓄᑦ, ᐊᒻᒪᓗ ᐃᕝᕕᑦ ᓄᓇᓕᖓᓄᑦ ᓴᐃᓕᑦᑎᐊᓂᒻᒥᒃ ᐊᔪᕈᓐᓃᔅᓴᒍᑎᒋᓗᒍ ᐃᖅᑲᓇᐃᔭᕕᒻᒥ ᐊᑐᐃᓐᓇᐅᖏᓐᓇᒪᑕ ᐱᓕᕆᐊᕈᓐᓇᑦᑐᑎᒃ ᑭᙴᒪᔭᐅᓕᑐᐊᐸᑕ.
ᓄᓇᓕᒻᒧᑦ ᐃᑲᔫᓯᐊᑦ:
- ᐃᑲᔪᑦᑐᓂ ᒥᑭᓂᔅᓴᐅᓕᑦᑎᑦᑎᓂᒻᒥᒃ ᖁᒃᓴᓇᑦᑐᒥᒃ ᐋᓂᑐᐃᓐᓇᕆᐊᖃᓂᒻᒥ, ᐃᓅᒍᓃᑦᑐᖃᕋᔭᓂᖓᓂᒃ, ᐊᒻᒪᓗ ᐱᖁᑎᒥᒃ ᓱᕋᑕᐅᔪᖃᓂᖓᓂᒃ
- ᓴᙱᔫᓂᔅᓴᐅᓕᑦᑎᓪᓗᒍ ᓄᓇᓕᒻᒥᒃ ᐃᓚᒌᓐᓃᑦ ᐱᓕᕆᓚᕆᓪᓗᑎᑦ ᐱᓕᕆᖃᑕᐅᓂᕆᔭᓐᓄᑦ
- ᐋᖅᑭᔅᓱᐃᓗᑎᑦ ᐃᓚᒌᓐᓂᒻᒥᒃ ᐊᒻᒪᓗ ᐱᓕᕆᖃᑎᖃᓂᐅᔪᓂᒃ ᓄᓇᓕᒻᒥ ᐃᖅᑲᓇᐃᔭᕕᓐᓂ ᐊᒻᒪᓗ ᓇᒻᒥᓂᕆᔭᐅᔪᓂ
ᑐᐊᕕᕐᓇᖅᑐᓕᕆᓂᒻᒥ ᐱᔨᑦᓯᕋᖅᑎᑦ ᐱᕚᓪᓕᖅᑎᑦᑎᒍᑎᖏᑦ:
- ᐃᓚᒋᔭᐅᓕᓚᐅᕆᑦ ᐱᓕᕆᑦᑎᐊᕈᓐᓇᑦᑐᓄᑦ ᐊᒻᒪᓗ ᐊᔾᔨᐅᖏᑦᑐᓄᑦ ᐱᓕᕆᖃᑎᒋᑦᑐᓄᑦ ᐊᔪᕈᓐᓃᔅᓴᑎᑕᐅᓯᒪᔪᓄᑦ ᐱᓕᕆᒋᐊᕈᓐᓇᓗᑎᒃ ᐊᔾᔨᒌᖏᑦᑐᑎᓄᑦ ᑎᑭᐅᒪᔪᓄᑦ ᑐᐊᕕᓐᓇᑐᓕᕆᓂᐅᔪᓅᑦ
- ᐱᖁᓪᓗᑎᑦ ᓇᓗᓇᐃᑯᑕᒻᒥᒃ ᐊᔪᕈᓐᓃᔅᓴᑎᑕᐅᓯᒪᓂᒻᒧᑦ ᐊᒻᒪᓗ ᐱᓕᕆᓪᓚᕆᓪᓗᑎᑦ ᐱᓕᕆᓚᐅᓯᒪᓕᓂᒻᒧᑦ
- ᐃᑲᔪᓪᓗᑎᑦ ᐃᓄᓕᒫᓄᑦ ᐃᓕᓐᓂᐊᓐᓂᒻᒥᒃ ᐊᒻᒪᓗ ᐃᑭᑦᑐᖃᑦᑕᐃᓕᒪᑎᑦᑎᓂᒻᒥᒃ ᐱᒋᐊᑦᑎᑦᑎᒍᑎᓂᒃ
- ᐱᒍᓐᓇᔅᓯᓗᑎᑦ ᐊᔪᖏᒍᑎᒥᒃ ᐃᖃᐃᓕᓴᕕᒻᒧᑦ ᐃᓚᐱᔭᐅᔪᑎᒥᒃ ᐃᑲᔪᑦᑕᐅᖁᓪᓗᑎᒃ ᑎᒥᑦ ᖃᓄᐃᖏᑦᑎᐊᖁᓪᓗᒍ ᐊᒻᒪᓗ ᐱᓕᕆᒋᐊᕈᓐᓇᓂᒻᒧᑦ ᐊᑐᐃᓐᓇᐅᖏᓐᓇᖁᓪᓗᑎᑦ
ᐊᔪᕈᓐᓃᓴᑎᑕᐅᕙᒃᑐᑦ ᐊᐃᑉᐱᑕᒫᑦ ᐅᓐᓄᒃᑯᑦ ᐱᒋᐊᓪᓗᑎᒃ 6:30 ᐅᓐᓄᒃᑯᑦ ᑎᑭᓪᓗᒍ 9:30 ᐅᓐᓄᒧᑦ, ᐃᓚᖃᒃᑲᓂᓪᓗᑎᒃ ᐱᒋᐊᕕᒋᔭᐅᒍᓐᓇᑦᑐᓂᒃ ᐃᓕᓴᓂᐅᔪᓂᒃ ᐊᑐᓂᓕᒫᖓᓂ ᐊᕐᕌᒍ. ᐊᑐᕋᔪᓂᑉᐹᖅ, ᐃᑲᔪᕈᒪᓯᒪᔪᑦ ᐃᑲᔪᕈᑎᖃᓲᖑᒻᒪᑕ ᐅᖓᑖᓂᑦᑐᓂᒃ 300 ᐃᑲᕐᕋᓂᒃ ᐊᕐᕌᒍᑕᒪᑦ, ᐊᑐᓕᑦᑎᑦᑎᓗᑎᒃ ᐊᑯᓂᐅᔪᒥᒃ ᐊᑦᑐᐃᓂᖃᓪᓗᑎᒃ ᐃᓄᓕᒫᑦ ᐊᑦᑕᓇᖏᑦᑐᒦᓐᓂᖏᓐᓂᒃ ᐃᖃᓗᓂ.
ᐊᑐᐃᓐᓇᐅᓕᑉᐲᑦ ᐱᒋᐊᑐᐃᓐᓇᕆᐊᖃᓕᓪᓗᑏᑦ?
ᖃᐅᔨᒋᐊᓚᐅᕆᑦ ᐃᖃᓗᐃᑦ ᑐᐊᕕᕐᓇᖅᑐᓕᕆᓂᒻᒥᑦ ᐱᔨᑦᓯᕋᖅᑎᑦ ᐱᓕᕆᕕᖓᓄᑦ ᖃᐅᔨᒃᑲᓂᖁᓪᓗᑎᑦ. ᓂᕆᐅᑦᑎᐊᑉᐳᒍᑦ ᑐᙵᓱᑦᑎᑦᑎᒍᒪᓪᓗᑕ ᓄᑖᓂᑦ ᐃᓚᒋᔭᐅᓕᕋᑖᑦᑐᓂᒃ ᑲᑎᒪᔨᕋᓛᖁᑎᑦᑎᓐᓄᑦ ᐊᒻᒪᓗ ᓄᓇᓕᒻᒥᒃ−ᐱᓕᕆᐊᖃᑎᐅᔪᓂᒃ ᐱᓕᕆᖃᑎᒌᑦᑐᓂᒃ.
ᐱᔨᔅᓯᕈᑏᑦ ᐱᔭᒃᓴᐅᑎᑕᐅᔪᑦ ᐃᖃᓗᐃᑦ ᑐᐊᕕᕐᓇᖅᑐᓕᕆᓂᒻᒥᑦ ᐱᔨᑦᓯᕋᖅᑎᑦ ᐱᓕᕆᕕᖓ
ᖃᑦᑎᕆᒍᑎᓂᒃ ᐊᒻᒪ ᐋᓂᐊᔪᑕᐅᑎ ᐱᔨᔅᓯᕈᑎᖏᓐᓂᒃ
ᐱᔭᒃᓴᐅᑎᑦᑎᔪᒍᑦ ᖃᑦᑎᕈᑎᓂᒃ, ᑐᐊᕕᓐᓇᔅᓯᔪᖃᑦᑎᓪᓗᒍ ᐋᓐᓂᐊᔪᑦᑕᐅᑎᒥᒃ, ᐊᒻᒪᓗ ᐋᓐᓂᐊᔪᒥᒃ ᐅᓯᔾᔪᑎᒥᒃ ᐃᓗᐊᓂ ᓄᓇᓕᐅᑉ. ᐊᐅᓚᑦᑎᒋᓪᓗᑕᓗ ᐊᐅᓚᑦᑎᑦᑎᒍᑎ ᐱᔨᔅᓯᕈᑎᖏᓐᓂᒃ ᐱᓕᕆᖃᑎᒋᓪᓗᒍ ᐋᓐᓂᐊᕕᒃ ᐊᒻᒪᓗ ᐊᓯᖏᑦ ᑭᒡᒐᑦᑐᐃᔩᑦ.
ᖁᖁᐋᕈᑎᒥᒃ ᖃᐅᔨᒪᒋᐋᔅᓯᓂᖅ
ᑐᓴᐅᒪᖃᑎᒌᒍᑎᓕᕆᕕᑉᐳᑦ ᐱᒐᔅᓴᐅᑎᑦᑎᒻᒪᑦ ᖁᖁᐋᕈᑎᒥᒃ ᖃᐅᔨᒪᒋᐋᔅᓯᒍᑎᓂᒃ ᑕᒪᒃᑭᖏᓐᓄᑦ ᐃᑭᑦᑐᖃᓕᓂᑉᐸᓪᓘᓐᓂᑦ ᐊᒻᒪᓗ ᐃᓵᑦᑐᖃᓕᓂᑉᐸᑦ ᖁᖁᐋᕈᑎᒥᒃ ᓄᓇᓕᒻᒥ ᓇᒻᒥᓂᖁᑎᒋᔭᐅᔪᓕᒫᓄᑦ ᐊᒻᒪᓗ ᐃᒡᓗᖁᑎᒋᔭᐅᔪᓄᑦ. ᐊᑏ ᐅᕙᑦᑎᓐᓄᑦ ᐅᖃᓚᐅᕆᑦ ᖃᐅᔨᒃᑲᓂᖁᓪᓗᒋᑦ ᑕᒪᒃᑯᓂᖓ ᐱᔨᑦᓯᕈᑎᑦ ᐊᑭᖏᓐᓂᑦ ᐊᒻᒪᓗ ᐋᖅᑭᔅᓱᑦᑕᐅᒍᑎᖏᓐᓂᒃ ᐱᔭᕆᐊᕆᔭᐅᒋᐋᖃᓂᖏᓐᓂᑦ.
ᐃᑭᑎᑦᑎᓂᕐᒧᑦ ᐱᔪᓐᓇᐅᑎᑦ
ᓯᓚᒥ ᐃᑯᐊᓚᑎᑦᑎᑎᓪᓗᑎᑦ ᓄᓇᓕᐸᐅᔭᒃᑯᑦ ᑭᓪᓕᒋᑎᑕᖕᒐᓂ (ᐋᒃᑲᑐᐊᖅ ᓂᕿᓕᐅᕐᓗᓂ ᐅᕝᕙᓘᓐᓃᑦ ᐊᐅᓪᓚᓯᒪᓗᓂ ᐃᑯᐊᓚᑎᑦᑎᓗᓂᓘᓐᓃᑦ ᑲᔾᔭᐅᓴᒡᕕᖕᓂ) ᐱᔪᓐᓇᐅᑎᖃᕆᐊᓕᒃ ᐃᑯᐊᓚᑎᑦᑎᓂᓕᐊᕐᓗᓂ. ᖃᐅᔨᒋᐊᖕᒋᓐᓇᖅᐸᓪᓗᑎᑦ ᖃᑦᑎᕆᔨᒃᑯᓐᓄᑦ ᐃᑯᐊᓚᑎᑦᑎᓚᐅᖖᒋᓐᓂᕐᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᑦᑎᐊᕐᓂᕐᒧᓪᓗ ᐊᐅᕆᐊᓕᖕᓂᑦ. ᐃᓱᒪᒋᕙᓪᓗᒋᑦ ᓯᓚᐅᑉ ᖃᓄᐃᓐᓂᖕᒐ ᐊᒻᒪᓗ ᐃᑭᑦᑐᖅ ᐊᐅᓚᑦᑐᓐᓇᕐᒪᖕᒑᖅᐱᐅᒃ ᐊᑦᑕᕐᓇᖖᒋᑦᑐᒃᑯ.
ᖁᒻᒧᐊᔫᕈᑎᓄᒃ ᐱᓕᕆᒍᓐᓇᐅᑏᑦ
ᐱᓕᕆᒍᓐᓇᐅᑎᖃᕆᐊᖃᓐᓇᒻᒪᑦ ᐊᑐᓐᓂᐋᓪᓗᓂ ᖁᒻᒧᐊᔫᕈᑎᓂᒃ. ᒪᕐᕉᓂᒃ ᐱᓕᕆᒍᓐᓇᐅᑎᓐᓂᒃ ᐱᕕᔅᓴᐅᒻᒪᑦ, ᑕᒪᒻᒥᓪᓗ ᐊᐅᓚᑕᐅᓪᓗᑎᒃ ᓈᓚᑦᑕᐅᖁᔭᐅᔪᓐᓂᒃ ᒪᓕᑦᑕᐅᒋᐋᓕᓐᓂᒃ ᓄᓇᓕᐸᐅᔭᒃᑯᑦ ᖁᒻᒧᐊᔫᕈᑎᓄᑦ ᒪᓕᒐᕋᓛᒧᑦ. ᐊᑏ ᕿᒥᕐᕈᓚᐅᕈᒃ ᒪᓕᒐᕋᓛᖅ ᑐᔅᓯᕋᕆᐋᓚᐅᖏᓐᓂᓐᓂ: ᖁᒻᒧᐊᔪᕈᑎᓄᑦ ᒪᓕᒐᕋᓛᖅ ᓈᓴᐅᑎ 795 (PDF)
ᐅᖃᓚᐅᕆᑦ ᐅᕙᑦᑎᓐᓄᑦ
ᑐᓴᕆᐊᒃᑲᓂᕈᒪᒍᕕᑦ ᓇᓪᓕᐋᓂᑐᐃᓐᓇᖅ ᑕᑉᐸᒃᑯᓇᓃᑦᑐᓂᒃ ᐱᔨᔅᓯᕈᓂᒃ:
ᐅᖄᓚᐅᑎ: (867) 979-5650
ᐃᕐᖐᓐᓈᖅᑕᐅᑎ: dispatch@iqaluit.ca
______________________________________________________________________________________________________________________________________________________________________________________________________________________________________
ᖃᐅᔨᒋᐊᕐᕕᑦᓴᑦ
ᔨᐊᕝ ᓱᕕᒡᔅ - ᐊᖏᔪᖅᑳᖓᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪᓗ ᓴᐳᓐᓂᐊᓂᕐᒥᑦ ᐱᔨᑦᓯᕋᖅᑎᑦ
ᖃᕋᑕᐅᔭᒃᑯᑦ: firechief@iqaluit.ca
ᐅᖄᓚᐅᑎᖓ: (867)979-5653
ᓚᓐᑎᔅ ᑲᒻᒪᐃᑯ - ᑐᓪᓕᐊ ᐊᖏᔪᖅᑳᕆᔭᐅᑉ
ᖃᕋᑕᐅᔭᒃᑯᑦ: firechief@iqaluit.ca
ᐅᖄᓚᐅᑎᖓ: (867)979-5657
ᐅᖄᓚᐅᑎᖓ: (867) 979-5662
ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᑦ ᑭᐅᔨᑦ
ᖃᕋᑕᐅᔭᒃᑯᑦ: dispatch@iqaluit.ca
ᐅᖄᓚᐅᑎᖓ: ᐱᔭᑦᓴᓄᑦ (867) 979-5650
ᑐᐊᕕᕐᓇᖅᑐᓄᑦ: (867) 979-4422
