ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᓐᓂ ᒪᓕᒐᕋᓛᓂᒃ ᐊᑐᓕᖅᑎᑦᓯᓇᓱᐊᖅᑎᒃᑯᑦ ᐱᓕᕆᔨᐅᔪᑦ ᐊᑐᓕᖅᑎᑦᓯᓇᓱᐊᕐᓂᕐᒥᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑕ ᒪᓕᒐᕋᓛᖁᑎᖏᓐᓂᒃ ᐊᒻᒪᑦᑕᐅᖅ ᐃᓚᖏᓐᓂᒃ ᓄᓇᕘᒥ ᒪᓕᒐᕐᓂᒃ ᐊᒻᒪ ᐱᖁᔭᕐᓂᒃ ᐃᓗᐊᓃᑦᑐᓂᒃ ᐱᔪᓐᓇᐅᑎᖃᐅᑎᖏᑕ ᓄᓇᕘᒧᑦ ᒐᕙᒪᒃᑯᓐᓂᒃ ᐱᓯᒪᔪᓂᒃ. ᒪᓕᒐᕋᓛᓕᕆᔨᐅᔪᑦ ᑕᒪᑦᓱᒥᖓ ᐱᓕᕆᐊᖃᖅᐸᑦᑐᑦ ᐊᑕᐅᑦᓯᒃᑯᑦ ᒪᑭᒪᑎᑦᓯᓇᓱᐊᖅᐸᑦᑐᑎᒃ ᑕᑎᒋᔭᐅᔾᔪᑎᒋᕙᑦᑕᖏᓐᓂᒃ ᐊᒻᒪ ᐅᑉᐱᕆᔭᐅᔾᔪᑎᒋᕙᑦᑕᖏᓐᓂᒃ ᐃᖃᓗᒻᒥᐅᑕᓄᑦ ᐃᖕᒥᓃᖔᖅᑐᓂᒃ ᐊᑐᓕᖅᑎᑦᓯᓇᓱᐊᕐᓂᒃᑯᑦ ᐊᒻᒪ ᑕᑯᑦᓴᐅᑎᑦᓯᕙᓐᓂᒃᑯᑦ ᐱᓕᕆᔾᔪᑎᐅᕙᑦᑐᓂᒃ ᐱᖃᓯᐅᔾᔨᕙᑦᑐᓂᒃ ᐱᓕᕆᑦᑎᐊᐸᓐᓂᕐᒥᒃ, ᐱᓕᕆᔨᐅᒻᒪᕆᓐᓂᒃᑯᑦ, ᐱᓕᕆᑦᑎᐊᐸᓐᓂᒃᑯᑦ ᐊᒻᒪ ᐱᓕᕆᖃᑎᒌᑉᐸᓂᒃᑯᑦ.
ᐊᑐᕆᐊᒃᑯᑦ ᐃᖏᕐᕋᕙᑦᑐᓂᑦ ᒪᓕᒐᓕᕆᓂᖅ
ᓄᓇᓕᓐᓂ ᒪᓕᒐᕋᓛᓂᒃ ᐊᑐᓕᖅᑎᑦᓯᓇᓱᐊᖅᑎᒃᑯᑦ ᖃᐅᑕᒫᑦ ᐊᑐᕆᐊᓂ ᐃᖏᕐᕋᔪᓕᕆᔾᔪᑎᒍᑦ ᐊᐅᓚᑦᓯᔾᔪᑎᓂᒃ ᐱᓕᕆᐊᖃᖅᐸᑦᑐᑦ ᐃᓗᐊᓂ ᐃᖃᓗᐃᑦ. ᐱᓕᕆᔨᐅᔪᒍᑦ ᐊᑐᓕᖅᑎᑦᓯᓂᒃᑯᑦ ᒪᓕᒐᕐᓂᒃ ᓱᕋᐃᕙᑦᑐᓂᒃ ᒪᓕᑦᑐᒍ ᐊᑐᕆᐊᓂ ᐃᖏᕐᕋᕙᑦᑐᓄᑦ ᐊᑦᑕᓇᑦᑕᐃᓕᒪᔾᔪᑎᓂᒃ ᒪᓕᒐᕐᓂᒃ, ᓇᒥᑐᐃᓐᓇᖅ ᓄᓇᒥ ᐃᖏᕐᕋᔾᔪᑎᐅᔪᓐᓇᖅᑐᓄᑦ ᓄᓇᒃᑰᔫᓄᑦ ᒪᓕᒐᕐᓂᒃ ᐊᒻᒪ ᓄᓇᓕᐅᑉ ᐃᓗᐊᓂ ᐊᑐᕆᐊᓂ ᐃᖏᕐᕋᕙᑦᑐᓄᑦ ᒪᓕᒐᕋᓛᕐᓂᒃ. ᒪᓕᒐᐃᑦ ᓱᕋᑦᑕᐅᕙᑦᑐᑦ ᒪᓕᑦᑐᒋᑦ ᑕᒪᒃᑯᐊ ᒪᓕᒐᕋᓛᑦ ᐱᖃᓯᐅᔾᔭᐅᕙᑦᑐᑦ ᓱᒃᑲᓕᓗᐊᖅᑐᓂ ᐃᖏᕐᕋᓂᖅ, ᓱᕐᕋᓇᖅᑐᓄᑦ ᓱᕐᕋᓯᒪᓪᓗᑎᒃ ᓄᓇᒃᑰᔫᕐᓂᖅ, ᓄᓇᒃᑰᔫᕐᓂᖅ ᓇᓗᓇᐃᖅᑕᐅᓯᒪᖏᑦᑐᓄᑦ ᓄᓇᒃᑰᔫᓄᑦ, ᐊᖏᔫᑎᓄᑦ ᓄᓇᒃᑰᔫᓄᑦ ᒪᓕᒐᕐᓂᒃ, ᐊᐅᓚᑦᓯᓂᖅ ᖃᒧᑕᐅᔭᓂᒃ ᐊᒻᒪ ᐱᓲᑎᑲᓪᓚᓐᓂᒃ ᐋᓐᓂᔭᐃᒃᑯᑎᓂᒃ ᓇᓴᕐᓯᒪᒐᑎᒃ ᐊᒻᒪ ᐊᓯᕈᓘᔭᖏᓐᓂᒃ. ᐃᖃᓗᒻᒥᐅᑕᓂᒃ ᐱᓕᕆᖃᑎᖃᖅᐸᑦᑐᒍᑦ ᐃᓕᓐᓂᐊᖅᑎᐸᑦᑐᒋᑦ ᐊᒻᒪ ᐅᔾᔨᕈᓲᑎᑦᓴᓂᒃ ᐅᖃᐅᓯᖃᖅᐸᑦᑐᑕ ᖃᓄᖅ ᐊᑦᑕᓇᔾᔭᐃᕐᓯᒪᓗᑎᒃ ᓄᓇᒃᑰᔫᕈᓐᓇᕐᒪᖔᑕ ᐊᒻᒪ ᐋᓐᓂᑦᑕᐃᓕᒪᐅᑎᕈᓘᔭᕐᓂᒃ. ᑭᒃᑯᑐᐃᓐᓇᑦᓯᐊᓂᒃ ᐊᔭᐅᖅᑐᐃᕙᑦᑐᒍᑦ ᐃᓱᒫᓘᑎᖃᖅᑐᓂᒃ ᐅᕝᕙᓘᓐᓃᑦ ᐅᖃᐅᓯᖃᕈᒪᔪᓂᒃ ᒪᓕᒐᕐᓂᒃ ᓱᕋᐃᔪᓂᒃ ᖃᐅᔨᒋᐊᖅᐸᓪᓗᑎᒃ ᑭᐅᔨᓄᑦ ᐅᕗᖓ ᐅᖄᓚᕕᒋᓗᒋᑦ 979.5650.
ᑕᒫᓂᖅᑭᕙᑦᑐᑦ ᕿᒻᒥᑦ
ᖃᐅᔨᒪᒋᐊᓕᒃ: ᐊᐅᓚᑦᓯᕕᐅᕙᑦᑐᑦ ᐃᑲᕐᕋᑎᒍᑦ ᒫᓐᓇᒃᑯᑦ ᐃᒪᐃᑉᐸᑦᑐᑦ 9-ᒥᓂᒃ ᐅᓪᓛᒃᑯᑦ 5-ᒧᓄᑦ ᐅᓐᓄᓴᒧᑦ ᓇᒡᒋᔾᔭᐅᒥᒃ ᑕᓪᓕᒥᕐᒧᑦ, ᓯᓚᑎᖏᓐᓂ ᐃᑲᕐᕋᐃᑦ ᑖᒃᑯᐊ ᐅᖄᓚᐅᑎᐅᔪᓐᓇᐸᑦᑐᑦ ᐊᑲᐅᖏᓕᐅᕈᑎᐅᔪᑦ ᐊᒻᒪ ᐊᐱᖅᑯᑎᐅᔪᑦ ᖃᐅᔨᒋᐊᖅᑕᐅᓗᑎᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑭᐅᔨᖏᑦ ᐅᕗᖓ ᐅᖄᓚᕕᒋᓗᒋᑦ 979-5650 .
ᐃᓚᒋᔭᐅᓪᓗᑎᒃ ᐱᓕᕆᔨᓄᑦ ᐊᑐᓕᖅᑎᑦᓯᓇᓱᐊᕈᑎᖏᓐᓄᑦ ᓄᓇᓕᐸᐅᔭᐃᑦ ᐊᒻᒪ ᓄᓇᕘᑉ ᐆᒪᔪᓂᒃ ᐊᐅᓚᑦᓯᔾᔪᑎᖏᓐᓂᒃ ᒪᓕᒐᕐᓂᒃ, ᑕᒫᓂᖅᑭᔪᑦ ᕿᒻᒦᑦ ᑎᒍᔭᐅᕙᑦᑐᑦ ᐊᒻᒪ ᓄᓇᓕᐸᐅᔭᒃᑯᑦ ᕿᒻᒥᒃᑯᕕᖓᓅᖅᑕᐅᓗᑎᒃ. ᖃᓄᖅᑑᐸᑦᑐᑦ ᖃᐅᔨᒐᓱᐊᖅᑐᑎᒃ ᕿᒻᒥᐅᑉ ᐃᓄᖏᓐᓂᒃ ᐃᓗᖏᓐᓂ 72 ᐃᑲᕐᕋᐃᑦ ᑎᒍᔭᐅᓚᐅᖅᑎᓪᓗᒍ ᕿᒻᒥᖅ. ᐊᓯᐅᔨᓐᓂᕈᕕᐅᒃ ᕿᒻᒥᕆᔭᐃᑦ, ᐅᖄᓚᖁᔭᐅᕙᒃᑲᓗᐊᖅᑐᓯ ᑭᐅᔨᓄᑦ ᐅᕗᖓ ᐅᖄᓚᕕᒋᓗᒋᑦ 979 5650.
ᑕᒫᓂᖅᑭᔪᑦ ᕿᒻᒦᑦ ᓴᖅᑭᖅᑕᐅᕙᓐᓂᐊᕐᒥᔪᑦ ᓄᓇᓕᐸᐅᔭᒃᑯᑦ ᖃᕋᑕᐅᔭᒃᑯᑦ ᓇᓗᓇᐃᕐᓯᕕᖓᓐᓄᑦ ᐊᒻᒪᑦᑕᐅᖅ ᐊᓯᖏᓐᓄᑦ ᐃᓅᖃᑎᒌᓐᓂᒃ ᑐᓴᐅᒪᑎᑦᓯᕕᒃᑯᑦ (ᕙᐃᔅᐳᒃ (Facebook)) ᑎᒍᓯᔪᖃᕐᓂᕋᐃᑉᐸᑦ ᕿᒻᒥᒥᒃ. ᐆᒪᔪᓄᑦ ᓚᐃᓴᐃᑦ ᐱᔭᐅᔪᓐᓇᐸᒻᒥᔪᑦ ᐃᓪᓗᒥᒃ 901 ᓇᒡᒋᔾᔭᐅᒥᓂᒃ ᑕᓪᓕᒥᕐᒧᑦ 9-ᒥᓂᒃ ᐅᓪᓛᒃᑯᑦ 5-ᒧᓄᑦ ᐅᓐᓄᓴᒧᑦ ᐊᒻᒪ ᐊᑭᖃᕋᑎᒃ. ᐆᒪᔪᖁᑎᒋᔭᐃᑦ ᓚᐃᓴᖃᕆᐊᖃᖅᐸᒻᒪᑕ ᒪᓕᒐᕋᓛᑎᒍᑦ ᐱᖁᑎᒋᔭᒦᑉᐸᓪᓗᓂ ᓯᓚᑖᓃᓐᓂᐊᑎᓪᓗᒋᑦ ᓇᔪᒐᕆᔭᕕᑦ ᐊᒻᒪ ᑎᒍᔭᐅᓐᓂᖅᐸᑦ ᐆᒪᔪᖁᑏᑦ ᐃᓕᓐᓄᑦ ᐅᑎᖅᑎᑕᐅᒐᔭᕐᒪᑦ ᕿᓚᒥᐅᔪᒃᑯᑦ ᑕᒫᓂᖅᑭᑎᓪᓗᒍ.
ᓂᐲᑦ ᐊᒻᒪ ᐸᕝᕕᓇᖅᑐᑦ
ᓂᐱᖃᓗᐊᖅᑐᓂᒃ ᐊᑲᐅᖏᓕᐅᕈᑎᖃᖅᐸᑦᑐᑦ ᓯᓚᑎᖏᓐᓂ ᐃᑲᕐᕋᐃᑦ ᓇᓗᓇᐃᖅᑕᐅᓯᒪᔪᑦ ᓂᐱᖃᕆᐊᖃᖏᓐᓂᕐᒧᑦ ᐱᒋᐊᖅᐸᑦᑐᑎᒃ 10-ᒥᓂᒃ ᐅᓐᓄᒃᑯᑦ 7-ᒧᓄᑦ ᐅᓪᓛᒃᑯᑦ ᐅᖃᐅᓯᐅᓯᒪᑐᐃᓐᓇᕆᐊᓖᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᓐᓄᑦ.
ᓂᐱᖃᓗᐊᖅᑐᑦ ᐸᕝᕕᓇᑐᐃᓐᓇᕆᐊᖃᖅᐸᒻᒪᑕ ᖃᓄᒋᔭᑦᓯᓐᓄᑦ. ᓂᐱᖃᓗᐊᕐᓂᕋᖅᑕᐅᔪᑦ ᐱᖃᓯᐅᔾᔭᐅᔪᑦ ᐅᑯᐊ ᕿᓗᓗᐊᖅᐸᑦᑐᑦ ᕿᒻᒦᑦ, ᓄᓇᒃᑰᔫᖅᕙᓗᒃ, ᐹᑎᖅᑐᑦ ᐊᒻᒪ ᓴᓇᔪᑦ. ᖃᓂᒋᔭᐅᓗᓂ ᓇᔪᒐᖃᖅᑐᓂ ᐃᓄᑦᑎᐊᕙᐅᓂᐊᕐᓗᓂ ᑐᑭᖃᖅᑐᖅ ᐃᑉᐱᒍᓲᑎᖃᖅᐸᓐᓂᐅᔪᖅ ᓂᐱᓄᑦ ᒪᓕᒐᕋᓛᕐᒥᒃ ᑎᑎᕋᕐᓯᒪᔪᓂᒃ ᓂᐱᖃᓗᐊᕆᐊᖃᖏᒻᒪᑕ ᐃᑲᕐᕋᓂ ᐱᒋᐊᖅᐸᑦᑐᓂᒃ 10-ᒥᓂᒃ ᐅᓐᓄᒃᑯᑦ 7-ᒧᓄᑦ ᐅᓪᓛᒃᑯᑦ. ᓂᐱᒃᑯᑦ ᐸᕝᕕᓴᐃᔪᖃᖅᑎᓪᓗᒍ ᐊᑭᓖᑎᑕᐅᔪᓐᓇᖅᑐᑦ ᒪᓕᑦᑕᐅᓗᓂ ᐅᓇ ᓂᐱᓄᑦ ᒪᓕᒐᕋᓛᖅ.
ᖃᐅᔨᒋᐊᕐᕕᑦᓴᑦ
ᑐᐊᕕᕐᓇᖅᑐᓂᑦ ᐱᔨᑦᓯᕋᖅᑏᑦ ᑭᐅᔨᖓᑦ (24 ᐃᑲᕐᕋᖏᑦ ᒪᑐᐃᖓᐃᓐᓇᖅᑐᑦ)
ᐅᖄᓚᐅᑎᖓ: (867) 979-5650
municipalenforcement@iqaluit.ca
ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ
ᐅᖄᓚᐅᑎᖓ: (867) 979-5674
ᐃᖅᑲᓇᐃᔭᖅᑎᖃᖕᖏᑦᑐᖅ - ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5671
ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5670
ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5672
ᓄᓇᓕᓐᓂ ᒪᓕᒐᕋᓛᓕᕆᓂᕐᒥᑦ ᑲᒪᔨ
ᐅᖄᓚᐅᑎᖓ: (867) 979-5613
:
