ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓱᒪᖃᑦᑕᖅᐲᑦ ᒪᓕᒐᕋᓛᓂᑦ ᑲᒪᔨᕈᕆᐊᑦᓴᖅ?
ᕿᓃᓐᓇᐅᔭᖅᑐᒍᑦ ᐃᖅᑲᓇᐃᔮᖃᕈᓐᓇᓯᐊᖅᑐᓂᑦ ᐃᓚᒋᔭᐅᒍᒪᒐᔭᖕᖑᐊᖅᑐᓂᒃ ᓄᓇᓕᓐᓂ ᒪᓕᒐᕋᓛᓂᑦ ᐊᑐᓕᖅᑎᑦᓯᔨᓄᑦ. ᐱᐅᔪᐊᓗᒃ ᐃᖅᑲᓇᐃᔮᑦᓴᑦᓯᐊᕙᐅᓗᓂ ᐃᖅᑲᓇᐃᔮᖃᖅᐸᑦᑐᑎᒃ ᓱᓇᑐᐃᓐᓇᕐᓂᒃ ᓲᕐᓗ ᐊᑐᕆᐊᓂ ᐃᖏᕐᕋᕙᑦᑐᓂᑦ ᖃᐅᔨᓴᕐᓂᖅ ᐊᒻᒪᓗ ᖃᐅᔨᓴᖅᐸᑦᑐᑦ ᓱᓇᑐᐃᓐᓇᕐᓂᒃ ᐱᔾᔪᑎᖃᖅᐸᑦᑐᓂᑦ ᐊᑐᓕᖅᑎᑦᓯᓂᕐᒥᑦ ᓄᓇᓕᐸᐅᔭᐃᑦ ᒪᓕᒐᕋᓛᖏᓐᓂᑦ ᐊᒻᒪᓗ ᐊᓯᖏᓐᓂᑦ ᓄᓇᕘᒥ ᒪᓕᒐᕐᓂᑦ ᐊᒻᒪᓗ ᐃᑲᔪᖅᐸᑦᑐᑎᒃ ᐊᖏᕐᕋᓂ ᐆᒪᔪᖁᑎᒋᔭᐅᕙᑦᑐᓕᕆᓂᕐᒥᑦ. ᑲᒪᔨᐅᓂᒃᑯᑦ, ᐃᖅᑲᖅᑐᐃᕕᒻᒨᕈᑎᑦᓴᓂᑦ ᑐᓂᓯᔨᐅᒐᔭᖅᑐᑎᑦ, ᑎᑎᖅᑲᑎᒍᑦ ᓇᓗᓇᐃᔭᐃᑎᓕᐅᖅᐸᓪᓗᑎᑦ, ᑎᑎᕋᖅᐸᓪᓗᑎᑦ ᐃᖅᑲᓇᐃᔮᓐᓂᒃ, ᒪᓕᑉᐸᓪᓗᑎᑦ ᐃᖅᑲᖅᑐᐃᕕᓕᕆᔾᔪᑎᓂᑦ, ᐅᓂᒃᑲᓕᐅᖅᐸᓪᓗᑎᑦ ᑐᖅᑯᐸᓪᓗᒋᑦ ᐊᒻᒪᓗ ᐃᖅᑲᖅᑐᐃᕕᒃᑰᓚᐅᖅᐸᓪᓗᑎᑦ ᐱᔾᔪᑎᒋᓗᒍ ᐃᖅᑲᖅᑐᐃᕕᒃᑰᖅᑎᓚᐅᖅᑕᐃᑦ. ᐊᔾᔨᒌᓐᖏᑦᑐᓂᑦ ᐊᐅᓚᑦᓯᔨᐅᒐᔭᖅᑐᑎᑦ ᒪᓕᒐᕋᓛᓕᕆᔨᓄᑦ ᓱᓇᒃᑯᑖᓂᑦ ᐊᒻᒪᓗ ᖁᑭᐅᑎᓕᕆᕙᓪᓗᑎᑦ ᐊᒻᒪᓗ ᐆᒪᔪᓂᑦ ᐊᐅᓚᑦᓯᔾᔪᑎᓂᑦ ᓱᓇᒃᑯᑖᓂᑦ. ᐱᓗᐊᖅᑐᒥ, ᒪᓕᒐᕋᓛᓂᑦ ᐊᑐᓕᖅᑎᑦᓯᔨᑦ ᑕᐃᒪᖕᖓᓕᒫᖅ ᐱᓕᕆᑦᓯᐊᖏᓐᓇᕆᐊᓖᑦ ᐱᑦᓯᐊᓂᒃᑯᑦ ᐊᒻᒪᓗ ᑐᖕᖓᓇᕐᓂᒃᑯᑦ ᐃᖅᑲᓇᐃᔭᕐᓂᕐᒥᓂ ᐊᒻᒪᓗ ᐅᑉᐱᕐᓂᖃᑦᓯᐊᕐᓗᓂ ᐱᔪᓐᓇᓂᕐᒥᓂᒃ ᐊᒻᒪᓗ ᑐᑭᓯᐊᔪᓐᓇᕐᓂᕐᒥᓂᒃ ᐊᓯᒥᓂᒃ. ᐃᖅᑲᓇᐃᔮᖃᕐᓗᑎᒃ ᐊᖏᕐᕋᓂ ᐆᒪᔪᖁᑎᓂᑦ ᐊᒻᒪᓗ ᐃᕐᓯᓇᖅᑐᓂᑦ, ᐃᖅᑲᓇᐃᔮᕆᔭᕆᐊᓕᒻᒥᓂᒃ ᐃᖅᑲᓇᐃᔮᖃᖅᖅᐸᓪᓗᓂ. ᐃᓅᓯᕐᒥ ᐃᖅᑲᓇᐃᔮᖃᕐᓂᖅ ᓄᓇᓕᓐᓂ ᒪᓕᒐᕋᓛᓂᑦ ᐊᑐᓕᖅᑎᑦᓯᔨᐅᓂᒃᑯᑦ ᖁᕕᐊᓇᖅᑐᒻᒪᕆᒃ ᐊᒻᒪᓗ ᐃᖃᓗᒻᒥᐅᖃᑎᓐᓂᑦ ᖃᐅᑕᒫᑦ ᖃᓄᐃᓕᐅᖃᑎᖃᕈᓐᓇᑎᑦᓯᕙᑦᑐᓂ. ᐃᖅᑲᓇᐃᔭᖃᑎᖃᖅᐸᑦᑐᒍᑦ ᐊᓯᑦᑎᓐᓂᑦ ᒪᓕᒐᕐᓂᑦ ᐊᑐᓕᖅᑎᑦᓯᔨᓂᑦ ᓲᕐᓗ ᑲᓇᑕᐅᑉ ᐸᓖᓯᒃᑯᖏᓐᓂᑦ ᐃᓕᓐᓂᐊᑎᑦᓯᓂᒃᑯᑦ ᐱᒻᒪᕆᐅᔪᓂᑦ ᐱᔾᔪᑎᐅᕙᑦᑐᓂᑦ ᓲᕐᓗ ᐋᖓᔮᖅᑐᑎᒃ ᓄᓇᒃᑰᔫᖅᑐᓂᑦ ᐊᒻᒪᓗ ᐊᓯᒥᓄᑦ ᐱᐅᖏᓴᖅᑐᓂᑦ.
ᐃᓕᓐᓂᐊᕐᓂᑦ, ᐱᓕᒻᒪᑦᓴᐅᑎᑦ ᖃᐅᔨᒪᔭᑦ ᐊᒻᒪᓗ ᖃᐅᔨᒪᓂᖅ
- ᒍᓚᐃ 12 ᐊᔾᔨᖓᓂᓪᓘᓐᓃᑦ ᐃᓕᓐᓂᐊᕈᑎᒃᑯᑦ
- ᖃᕋᑕᐅᔭᓕᕆᔪᓐᓇᕐᓂᖅ ᐃᖅᑲᓇᐃᔭᐅᑎᓂᑦ ᐊᒻᒪᓗ ᐊᓪᓚᕕᓪᓕᕆᔾᔪᑎᓂᑦ
- ᐱᔪᓐᓇᕐᓂᖅ ᐊᒻᒪᓗ ᐃᒻᒥᓂᒃ ᓱᓕᔪᕆᓂᖅ ᖃᐅᔨᓴᕈᓐᓇᓂᕐᒥᑦ ᓱᓇᑐᐃᓐᓇᕐᓂᒃ ᑭᓱᑐᐃᓐᓇᕐᓂᒃ ᐊᒻᒪᓗ ᐊᐱᕐᓱᕈᓐᓇᓂᕐᒥᑦ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᖅᑲᓇᐃᔭᖃᑎᖃᕈᓐᓇᕐᓂᖅ
- ᐃᖅᑲᓇᐃᔮᖃᓚᐅᕐᓯᒪᓗᓂ ᓄᓇᓕᓐᓂ ᐅᕝᕙᓘᓐᓃᑦ ᒪᓕᒐᕐᓂᑦ ᐊᑐᓕᖅᑎᑦᓯᓇᓱᐊᕐᓂᕐᒥ / ᖃᐅᔨᓴᖅᑎᐅᓂᕐᒥᑦ / ᐸᓖᓯᐅᓂᕐᒥᑦ ᐊᔾᔨᐸᓗᖏᓐᓂᓘᓐᓃᑦ
- ᖃᐅᔨᒪᑦᓯᐊᕆᐊᓕᒃ ᐊᒻᒪᓗ ᐱᓕᕆᔾᔪᑎᖃᓚᐅᕐᓯᒪᓗᓂ ᒪᓕᒐᕋᓛᓂᑦ, ᑲᓇᑕᐅᑉ ᒐᕙᒪᒃᑯᖏᑕ ᒪᓕᒐᖏᓐᓂᑦ ᐊᒻᒪᓗ ᐱᖁᔭᕐᔪᐊᖏᓐᓂᑦ
- ᓄᓇᕘᒥ ᐊᑐᕈᓐᓇᖅᑐᒥᑦ ᓇᓗᓇᐃᒃᑯᑎᓕᒻᒥᑦ 5 ᐊᖅᑯᑦᑐᖅᓯᐅᑎᖃᕆᐊᓕᒃ
- ᐆᒪᔪᓂᑦ ᐃᖅᑲᓇᐃᔮᖃᕈᓐᓇᕆᐊᓕᒃ
- ᐅᖃᐅᓯᒃᑯᑦ ᐊᒻᒪᓗ ᑎᑎᖅᑲᒃᑯᑦ ᑐᓴᐅᒪᖃᑎᖃᕈᓐᓇᓂᕐᒥᑦ ᐱᓕᒻᒪᓴᕐᓯᒪᑦᓯᐊᕆᐊᓕᒃ ᐊᒻᒪᓗ ᑎᑎᕋᑦᓯᐊᕈᓐᓇᕐᓗᓂ ᐅᓂᒃᑳᓂᑦ ᓇᓗᓇᐃᕐᓯᒪᑦᓯᐊᖅᑐᓂᑦ
- ᐃᖅᑲᖅᑐᐃᕕᒃᑯᑦ ᖃᓄᐃᓕᔭᐅᓯᒪᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓕᒃ (ᐃᖅᑲᓇᐃᔭᕆᐊᖓᑎᓪᓗᒍ)
- ᐳᕙᓪᓗᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᒋᐊᓕᒃ (ᐃᖅᑲᓇᐃᔭᕆᐊᖓᑎᓪᓗᒍ)
ᐃᓕᓐᓂᐊᕐᓯᒪᖁᒥᓇᖅᑐᑦ, ᐱᓕᒻᒪᑦᓴᐅᑎᑦ ᖃᐅᔨᒪᖁᒥᓇᖅᑐᑦ ᐊᒻᒪᓗ ᖃᐅᔨᒪᖁᒥᓇᖅᑐᑦ
- ᐃᖅᑲᓇᐃᔮᖃᓚᐅᕐᓯᒪᓂᖅ ᓄᓇᓕᓐᓂ ᒪᓕᒐᕋᓛᓂᑦ ᐊᑐᓕᖅᑎᑦᓯᓂᕐᒥᑦ, ᐸᓖᓯᐅᓂᕐᒥᑦ ᐅᕝᕙᓘᓐᓃᑦ ᐸᓖᓯᖕᖑᐊᖑᓂᕐᒥᑦ ᐱᐅᔪᐊᓗᒃ
- ᐃᖕᒥᓂᒃ ᓴᐳᒻᒥᑦᓯᔾᔪᑎᓂᑦ, ᓄᓇᒃᑰᔫᓂᑦ ᖃᐅᔨᓴᑎᒥᑦ, ᐊᒻᒪᓗ ᐊᑲᐅᓐᖏᓕᐅᕈᑎᓕᓐᓂᑦ ᐋᖅᑭᑦᓱᐃᓇᓱᐊᕐᓂᕐᒥᑦ ᐃᓕᓐᓂᐊᓚᐅᕐᓯᒪᓂᖅ ᐱᐅᔪᐊᓗᒃ
- ᑎᒻᒥᑳᔫᓂᑦ ᐱᓕᒻᒪᑦᓴᐅᑎᓂᒃ ᐃᓕᓐᓂᐊᕐᓯᒪᓂᖅ ᐊᒻᒪᓗ ᐊᓇᐅᑎᒥᑦ ᖃᓄᖅ ᐊᑐᕆᐊᖃᕐᓂᕐᒥᑦ ᐱᓕᒻᒪᑦᓴᐅᑎᓂᑦ ᐃᓕᓐᓂᐊᕐᓯᒪᓂᖅ ᐱᐅᔪᐊᓗᒃ
- ᐅᖃᓕᒫᕈᓐᓇᕐᓂᖅ ᐊᒻᒪᓗ ᑎᑎᕋᕈᓐᓇᕐᓂᖅ ᐃᓄᑦᑎᑐᑦ ᐱᐅᒋᔭᐅᓂᕐᓴᖅ
- ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓯᒪᒋᐊᓕᒃ ᐱᔭᕇᕐᓯᒪᓗᓂ ᐊᒻᒪᓗ ᐱᔭᕇᕐᓯᒪᓂᖅ ᐱᔭᕇᕈᑎᖃᕐᓗᓂ ᒪᓕᒐᓕᕆᓂᕐᒥᑦ ᐱᐅᔪᐊᓗᐃᑦ ᐃᖅᑲᓇᐃᔮᑦᓴᒧᑦ
- ᐱᓯᒪᑦᓯᔪᓐᓇᓂᕐᒥᑦ ᐊᒻᒪᓗ ᓂᐅᕕᕈᓐᓇᓂᕐᒥᑦ ᓚᐃᓴᖃᕆᐊᓕᒃ. ᐱᓇᓱᐊᖅᑐᑦ ᓚᐃᓴᖃᖕᖏᑦᑐᑦ ᐃᓱᒪᕐᓴᕐᓯᐅᕈᑕᐅᒍᓐᓇᖅᑐᑦ ᑭᓯᐊᓂ ᓚᐃᓴᑖᕆᐊᖃᕋᔭᖅᑐᑦ ᐃᖅᑲᓇᐃᔭᕐᓯᒪᓕᕈᑎᒃ ᑕᖅᑭᓂᑦ ᐱᖓᓱᓂᑦ.