ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑎᑎᕋᒃᓯᒪᔪᓅᖅᓯᓂᖅ ᐊᑭᓕᑦᑕᐅᒍᒪᒍᑎᓂᒃ ᐅᑯᓄᖓᓪᓗᒋᑦ ᓄᓇᓕᐸᐅᔭᒃᑯᓐᓄᑦ
ᑕᐃᒪᓕ ᐅᑉᐱᕈᓱᒃᑯᕕᑦ ᑖᒃᑯᐊ ᓄᓇᓕᐸᐅᔭᒃᑯᑦ ᑲᒪᑦᑎᐋᖏᑦᑐᒥᓂᐅᓂᖏᓐᓂᒃ ᐋᖅᑭᐅᒪᑎᑦᑎᒋᐋᖃᕋᓗᐋᓪᓗᑎᒃ ᓄᓇᓕᐅᔾᔪᑎᖏᓐᓂᒃ ᑕᒪᑐᒧᖓᓗ ᐃᒥᒃᑯᑦ ᐋᓐᓂᑦᑎᑦᑎᔪᒥᓂᐅᓗᑎᒃ ᐅᕝᕙᓘᓐᓃᑦ ᐱᖁᑎᒥᒃ ᓱᕋᑦᑎᑦᑎᔪᒥᓂᐅᑉᐸᑕ, ᐊᓱᐃᓪᓛᒃ ᑎᑎᕋᒃᓯᒪᔪᓅᔅᓯᒍᓐᓇᔅᓯᔪᑎᑦ ᐊᑭᓕᑦᑕᐅᒍᒪᒍᑎᓂᒃ ᓄᓇᓕᐸᐅᔭᒃᑯᓐᓄᑦ. ᐃᓘᓐᓇᑎᒃ ᐊᑭᓕᑦᑕᐅᒍᒪᒍᑎᓕᒫᑦ ᑐᓂᔭᐅᔪᑦ ᓄᓇᓕᐸᐅᔭᒃᑯᓐᓄᑦ ᐱᓕᕆᐋᖑᓱᖑᒪᑕ ᑕᒪᐃᑎᒍᑦ ᐊᑭᓪᓗᐋᔅᓯᐅᑦᑕᐅᓪᓗᑎᒃ ᐊᒻᒪᓗ ᐃᓱᒪᔅᓴᔅᓯᐅᕈᑎᒋᔭᐅᓲᖑᓪᓗᑎᒃ ᒪᓕᑦᑕᐅᓪᓗᑎᒃ ᒫᓐᓇᐅᔪᖅ ᒪᓕᒐᑦᑎᒍ ᐊᑭᓕᖅᓱᑦᑕᐅᒋᐋᖃᓐᓂᖏᑦ ᐅᕝᕙᓘᓐᓃᑦ ᒪᓕᒐᑦᑎᒎᖓᔪᑦ ᐅᕝᕙᓘᓐᓃᑦ ᐊᐅᓚᑦᑎᒍᑎᒋᔭᐅᔪᑎᒍ ᐱᓕᕆᐋᖑᒋᐋᖃᑦᑎᑕᐅᓂᖏᑎᒍ. ᐊᑏ ᖃᐅᔨᒪᒋᔅᓯ ᑖᒃᑯᐊ ᓄᓇᓕᐸᐅᔭᒃᑯᑦ ᒪᑯᑎᒎᓇᑐᐋᖅ ᐊᑭᓖᓱᖑᒻᒪᑕ ᓱᕋᑦᑕᐅᔪᓂ ᐅᕝᕙᓗᓂ ᐋᓐᓂᔅᓯᑎᓪᓗᒋᑦ ᑕᐃᒪᓕᑎᑕᖏᓐᓂᒃ ᑕᐃᔅᓱᒪᓂ ᓄᓇᓕᐸᐅᔭᒃᑯᑦ ᐃᓱᒪᓕᐅᕈᑎᖃᑉᐸᑕ ᒪᓕᒐᑦᑎᒍ ᑲᒪᒋᔭᖃᓐᓂᒻᒥᓂᒃ ᑕᒪᑯᓂᖓ ᑕᐃᒪᐃᓕᑎᑕᖏᓐᓂᒃ ᓱᕋᓪᓗᒋᑦ ᐅᕝᕙᓘᓐᓃᑦ ᐋᓐᓂᓪᓗᓂᒋᑦ. ᓄᓇᓕᓕᕆᔨᒃᑯᑦ ᒪᓕᑦᑕᐅᑎᑦᑎᔨᖓᑕ ᐱᓕᕆᕕᖓ ᐱᓕᕆᐋᖃᓱᖑᒻᒪᑦ ᐃᓘᓐᓇᓕᒫᖏᓐᓂᒃ ᐊᑭᓕᑦᑕᐅᒍᒪᒍᑎᓕᒫᓂᒃ ᑐᕌᑦᑎᑕᐅᔪᓂᒃ ᓄᓇᓕᐸᐅᔭᒃᑯᓐᓄᑦ. ᓯᕗᓂᖓᒍᑦ ᑐᓂᓯᓚᐅᖏᓐᓂᕆᔭᓐᓂᒃ ᒪᓕᒐᑦᑎᒍ ᐊᑭᓕᑦᑕᐅᒍᒪᒍᑎᒥᒃ, ᐱᒻᒪᕈᐋᓗᒻᒪᑦ ᐃᖃᐅᒪᖁᓪᓗᑎᑦ ᒪᑯᓂᖓ:
- ᐊᑭᓖᑎᑦᑎᒐᓱᐋᓐᓂᖅ ᓄᓇᓕᐸᐅᔭᒃᑯᓐᓂᒃ ᐊᔾᔨᒋᖏᒻᒪᒍ ᐊᑭᓖᑎᑦᑎᒐᓱᐋᓐᓂᐅᑉ ᐃᕝᕕᑦ ᓇᓪᓕᐅᑯᒫᕈᑎᓕᕆᔨᖏᓐᓂᒃ. ᐊᑭᓕᑦᑕᐅᒍᑎᖃᕋᓱᐋᓐᓂᕆᔭᐃᑦ ᑖᒃᑯᑎᒎᓇ ᐃᕝᕕᒃ ᓇᓪᓕᐅᑯᒫᕈᑎᓕᕆᔨᕕᑦ ᓴᓇᕕᖁᑎᖓᒍᑦ ᑐᑭᖃᒻᒪᑦ ᐊᑲᐅᓈᓐᓂᖓᓂ ᐊᑐᕋᓱᐋᓕᕋᔭᕋᕕᒋᑦ ᐃᕝᕕᑦ ᐱᓯᒪᔭᖏᑎᒍ ᓇᓪᓕᐅᑯᒫᕈᑎᒃᑯᑦ ᐊᑭᓕᖅᑕᐅᒍᓐᓇᓪᓗᑎᑦ ᐃᕝᕕᒃ ᓇᒻᒥᓂᓐᓄᑦ ᐱᖁᑎᒋᔭᖏᓐᓄᑦ, ᐃᕝᕕᑦ ᓇᓪᓕᐅᑯᒫᕈᑎᒋᔭᖓᕕᑦ ᐊᑐᐊᒐᖓᒍᑦ, ᐃᒪᓐᓇᐅᓂᕋᓗᐋᕈᕕᑦ ᐊᑭᓕᑦᑕᐅᒍᒪᓗᑎᑦ ᓄᓇᓕᐸᐅᔭᒃᑯᓐᓄᑦ ᐱᓕᕆᒋᐋᖃᕋᔭᒻᒪᑕ ᖃᐅᔨᓇᓱᐋᕆᐋᖃᓪᓗᑎᒃ ᐃᓱᒪᓕᐅᕈᑎᖃᕈᓐᓇᔅᓯᖁᓪᓗᒋ ᑕᐃᒪᓐᓇᐅᒐᓗᐋᒻᒪᖔᑕ ᐅᕝᕙᓘᓐᓃᑦ ᓄᓇᓕᐸᐅᔭᒃᑯᑦ ᒪᓕᒐᑦᑎᒍ ᐊᑭᓖᒋᐋᑐᖏᒻᒪᑕ.
- ᑕᐃᒪᓕ ᓇᓪᓕᐅᑯᒫᕈᑎᖃᕈᕕᑦ ᐊᑐᕈᓐᓇᑐᐃᓐᓇᕆᐋᓕᓐᓂᒃ, ᓯᕗᓪᓕᐅᑎᓗᒋᑦ ᐅᖃᕕᒋᒋᐋᓕᑦᑎᑦ ᓇᓪᓕᐅᑯᒫᖃᕝᕕᒋᔭᐃᑦ ᓴᓇᕕᖓ ᐊᑐᓕᓐᓂᕈᕕᑦ ᑮᓇᐅᔭᐃᕈᑎᖃᕆᐋᖃᑐᒥᓂᐅᓕᓪᓗᑎᑦ. ᐃᕝᕕᒃ ᐱᓯᒪᔭᐃᑦ ᓇᓪᓕᐅᑯᒫᕈᑎ ᐊᑭᓕᑦᑕᐅᒍᓐᓇᕈᑎ ᐃᒪᓐᓇᐅᑐᐃᓐᓇᕆᐋᖃᒻᒪᑦ ᐊᖏᓂᔅᓴᐅᒐᔭᓪᓗᓂ ᖃᓄᐃᑦᑐᑐᐃᓐᓇᓐᓂᒃ ᐊᑭᓕᑦᑕᐅᒍᑎᓂᒃ ᐊᑭᓕᑦᑕᐅᖔᕋᔭᓐᓂᕋᓗᐋᖅᑲᑦ ᓄᓇᓕᐸᐅᔭᒃᑯᓐᓂᒃ. ᑕᐃᒪᓕ ᐃᕝᕕᑦ ᓇᓪᓕᐅᑯᒫᖃᑦᑎᑦᑎᔨᒋᔭᐃᑦ ᐅᑉᐱᕈᓱᑉᐸᑦ ᑖᒃᑯᐊ ᓄᓇᓕᐸᐅᔭᒃᑯᑦ ᑲᒪᒋᔭᖃᓐᓂᕋᑉᐸᒋᑦ, ᐊᑭᓖᑎᑦᑎᒐᓱᐋᕈᓐᓇᑦᑐᑦ ᓱᕋᑕᐅᔪᒥᒃ ᐊᑭᓖᑎᒐᓱᐋᓪᓗᓂᒋᑦ ᓄᓇᓕᐸᐅᔭᒃᑯᑦ ᐃᓕᓐᓂᒃ ᑭᒡᒐᑦᑐᐃᓗᓂ.
- ᐃᓘᓐᓇᑎᒃ ᐊᑭᓕᑦᑕᐅᒍᒪᒍᑎᓕᒫᑦ ᑐᓂᔭᐅᒋᐋᖃᒻᒪᑕ ᓄᓇᓕᐸᐅᔭᖓᓄᑦ ᐃᖃᓗᐃᑦ ᓱᕋᑦᑕᐅᔪᑦ ᖃᐅᔨᔭᐅᑐᐋᑦᑎᓪᓗᒋᑦ. ᑕᐃᒪᓕ ᑐᓂᔭᐅᓐᓂᖏᑉᐸᑕ ᑕᕝᕙᑦᑕᐅᑎᒋ, ᑕᒪᓐᓇ ᐱᐅᓈᖏᑦᑐᒥᒃ ᐊᑦᑐᐃᓂᖃᑐᐃᓐᓇᕆᐋᖃᒻᒪᑦ ᓄᓇᓕᐸᐅᔭᐅᑉ ᖃᐅᔨᒐᓱᐋᔅᓯᒍᓐᓇᓐᓂᕆᔭᖓᓂᒃ ᐊᑭᓕᑦᑕᐅᒍᒪᒍᑎᒥᒃ ᐊᒻᒪᓗ ᐋᖅᑭᒍᑎᒐᔭᒻᒪᑦ ᐊᖏᑦᑕᐅᒍᓐᓃᓐᓂᖓᓄᑦ. ᐃᓚᒋᔭᐅᒃᑲᓐᓂᓪᓗᓂ, ᓄᓇᓕᐸᐅᔭᒃᑯᑦ ᑐᓴᑦᑎᑕᐅᓐᓂᖏᑉᐸᑕ ᐃᓗᐋᓂ 30 ᐅᓪᓗᓂ, ᐊᑐᕈᓐᓇᐃᓕᑎᑕᐅᑐᐃᓐᓇᕆᐋᖃᒻᒪᑕ ᑲᔪᓯᑦᑎᐋᕈᓐᓇᓐᓂᕆᔭᖏᑦ ᐱᕙᓪᓕᐋᑦᑎᐋᕋᔭᓐᓂᖏᑦ ᐊᑭᓕᑦᑕᐅᒍᒪᒍᑎᑎᑦ ᑕᐃᒪᐃᓕᑎᑕᐅᓗᓂ ᒪᓕᒐᓕᐊᖑᓯᒪᓂᖓᓄᑦ ᑐᓴᑦᑎᑕᐅᒋᐊᖃᒻᒪᑕ ᓄᓇᓕᐸᐅᔭᒃᑯᑦ ᐃᓗᐋᓂ 30 ᐅᓪᓗᓂ ᑕᐃᒃᑯᓂᖓᓪᓗᐋᖅ ᖃᓄᐃᑦᑐᓂᓕᓐᓂᒃ ᐊᑭᓕᑦᑕᐅᒍᒪᒍᑎᓂᒃ. ᐊᓯᖏᑎᒍ ᐅᖃᐅᓯᑦᑎᒍ, ᓄᓇᓕᐸᐅᔭᒃᑯᑦ ᒪᓕᒐᑦᑎᒍ ᑲᒪᒋᔭᖃᕈᓐᓃᕋᔭᑦᑐᑦ ᐊᑐᐋᔅᓯᑦᑎᐋᓪᓗᑎᒃ ᑐᓴᑦᑎᑕᐅᓐᓂᖏᑉᐸᑕ.
- ᓄᓇᓕᐸᐅᔭᒃᑯᑦ ᐱᔪᒥᓂᐅᑐᐋᖅᑲᑕ ᐊᑭᓕᑦᑕᐅᒍᒪᒍᑎᓂᒃ, ᐱᕕᖃᓕᕋᔭᑦᑐᑦ ᖃᐅᔨᒐᓱᐋᕆᐋᖃᓕᓪᓗᑎᒃ ᐃᓱᒪᓕᐅᕈᓐᓇᔅᓯᖁᓪᓗᒋᑦ ᑖᒃᑯᐊ ᓄᓇᓕᐸᐅᔭᒃᑯᑦ ᒪᓕᒐᑦᑎᒍ ᑲᒪᒋᔭᖃᒻᒪᖔᑕ ᓱᕋᑦᑐᓂᒃ ᐅᕝᕙᓘᓐᓃᑦ ᐋᓐᓂᕈᑎᒋᔭᐅᔪᓂᒃ.
- ᐊᑏ ᖃᐅᔨᒪᒋᑦ ᑖᒃᑯᐊ ᓄᓇᓕᐸᐅᔭᒃᑯᑦ ᐃᖃᓗᐃᑦ ᓴᐳᒻᒥᔭᐅᒻᒪᑕ ᐅᑯᑎᒎᓇ ᓄᓇᕗᑦ ᒐᕙᒪᒃᑯᑦ ᒪᓕᒐᓕᐅᔅᓯᒪᓂᖏᓐᓄᑦ ᐃᓚᖏᓐᓄᑦ ᖃᓄᐃᑦᑑᓂᓕᓐᓄᑦ ᐊᑭᓕᑦᑕᐅᒍᒪᒍᑎᓄᑦ ᑐᕌᖓᔪᓂᒃ ᓄᓇᓕᐅᔾᔪᑎᓕᕆᓂᒻᒨᖓᔪᓄᑦ. ᑕᐃᒪᐃᒻᒪᑦ ᓄᓇᓕᐸᐅᔭᖓ ᐃᖃᓗᐃᑦ ᒪᓕᒐᑦᑎᒍ ᑲᒪᒋᔭᖃᙱᑐᐃᓐᓇᕆᐋᖃᒻᒪᑕ ᓱᕋᑦᑐᓂᒃ ᐅᕝᕙᓘᓐᓃᑦ ᐋᓐᓂᑦᑐᓂᒃ ᐱᔾᔪᑎᒋᓪᓗᒍ ᑕᒪᓐᓇ ᒪᓕᒐᓕᐋᖑᓯᒪᓂᖓᓄᑦ ᓴᐳᒻᒥᔭᐅᒍᑎᖓ ᐊᒻᒪᓗ, ᑕᐃᒫᒃ ᐋᖅᑭᑦᑕᐅᓯᒪᓂᖓᓄᑦ, ᐊᑭᓖᒋᐊᖃᖏᑦᑐᑦ ᓱᕋᑦᑐᓂᒃ ᐅᕝᕙᓘᓐᓃᑦ ᐋᓐᓂᕈᑎᓂᒃ. ᑕᐃᒃᑯᐋᑐᐋᖅ ᐱᓕᕆᑎᑕᐅᔪᑦ ᓄᓇᓕᐸᐅᔭᒃᑯᓂᒃ ᐱᒍᓐᓇᓐᓂᖃᑉᐳᑦ ᐃᓱᒪᓕᐅᕈᑎᖃᕈᓐᓇᓪᓗᑎᒃ ᐃᒪᓐᓇᐅᒪᖔᑕ ᓄᓇᓕᐸᐅᔭᖓ ᐃᖃᓗᐃᑦ ᐊᑭᓖᒋᐊᖃᓪᓗᓂ ᐊᑭᓕᖅᑕᐅᒍᒪᔪᒥᒃ. ᖃᓄᐄᓕᒋᐋᓐᓂᖏᑦ ᐃᓱᒪᓕᐅᕈᑎᒋᔭᐅᓂᐋᒻᒪᑕ ᑕᐃᒪᐃᓕᒍᑎᒋᔭᐅᓗᓂ ᖃᐅᔨᒐᓱᐋᔅᓯᓂᐅᔪᒧᑦ ᐊᒻᒪᓗ ᐃᓱᒪᓕᐅᕈᑎᒋᔭᐅᓂᖏᓐᓄᑦ ᐱᓕᕆᑎᑕᐅᔪᓄᑦ ᓄᓇᓕᐸᐅᔭᒻᒥ ᐱᒍᓐᓇᓐᓂᓕᓐᓄᑦ. ᐃᓘᓐᓇᑎᒃ ᐊᓯᖏᑦ ᓄᓇᓕᐸᐅᔭᒃᑯᑦ ᐃᖃᓇᐃᔭᖅᑎᓕᒫᖏᑦ ᐱᔪᓐᓇᓐᓂᖃᖏᑦᑐᐃᓐᓇᐅᒻᒪᑕ ᐃᓱᒪᓕᐅᕈᑎᖃᕈᓐᓇᖏᓪᓗᑎᒃ ᖃᓄᐃᓕᓂᐋᓐᓂᕆᔭᖓᓂᒃ.
- ᖃᐅᔨᓇᓱᐋᓐᓂᕆᔭᐅᔪᖅ ᐃᕝᕕᑦ ᐊᑭᓕᑦᑕᐅᒍᒪᒍᑎᒋᔭᖓᓂᒃ ᐱᔭᕇᑦᑕᐅᓯᒪᒋᐋᓕᑦ ᓯᕗᓂᖓᒍᑦ ᓄᓇᓕᐸᐅᔭᒃᑯᑦ ᐃᓱᒪᓕᐅᕈᑎᖃᕈᓐᓇᔅᓯᒐᔭᓐᓂᖏᓐᓂᒃ ᐃᒪᓐᓇᐅᒻᒪᖔᑕᓗᓂᑦ ᐊᑭᓕᑦᑕᐅᓂᖏᓐᓄᑦ ᓱᕋᑦᑕᐅᔪᑦ ᐅᕝᕙᓘᓐᓃᑦ ᐋᓐᓂᓐᓂᕆᔭᐅᔪᑦ ᑕᐃᒫᑦᑎᐋᖑᒐᓗᐋᒻᒪᖔᑕ. ᐃᕝᕕᑦ ᐃᓱᒪᓕᐅᕈᑎᒋᒋᐋᖃᕋᕕᐅᒃ ᑲᔪᓯᒍᒪᒍᕕᑦ ᓴᓇᒋᐋᕋᔭᓪᓗᒋᑦ ᓱᕋᔅᓯᒪᔪᑦ ᐱᖁᑎᑦ ᓯᕗᓂᖓᒍᑦ ᖃᓄᐄᓕᓂᐋᓂᖓᓂᒃ ᐃᕝᕕᒃ ᐊᑭᓕᑦᑕᐅᒍᒪᒍᑎᒋᔭᖓᓂᒃ ᓄᓇᓕᐸᐅᔭᒃᑯᓐᓄᑦ. ᐃᖃᓇᐃᔭᓕᑦᑎᑦᑎᓗᑎᑦ ᑳᓐᑐᕌᑦᑎᒥᒃ ᓴᓇᒋᐋᑦᑕᐅᑎᒃᑲᒐᔭᓪᓗᒍ ᓱᕋᔅᓯᒪᔪᖅ ᐱᖁᑎ ᑖᒪᓐᓇᓗ ᓯᓚᑐᔫᓗᓂ ᐃᓱᒪᓕᐅᕈᑎᖃᓐᓂᐅᒐᔭᒻᒪᑦ ᑭᓯᐊᓂ ᑕᒪᑐᒥᖓ ᐋᖅᑭᔅᓯᓂᐋᕈᔅᓯ ᐃᓕᔅᓯᓐᓂᐅᒋᐊᖃᒻᒪᑦ ᐃᕝᕕᓪᓗ ᐊᒻᒪᓗ ᑳᓐᑐᕌᑦᑎᒋᔭᐃᑦ. ᑕᐃᒪᓕ ᓄᓇᓕᐸᐅᔭᒃᑯᑦ ᐱᔭᕇᔅᓯᔪᒥᓂᐅᑉᐸᑕ ᒪᓕᒐᑎᒎᖓᓂᕋᐃᓗᑎᒃ ᑲᒪᒋᒋᐋᖃᓕᓪᓗᓂᒋᓪᓗᑦ ᓱᕋᑕᐅᔪᒥᓂᑦ ᑭᖑᓂᖓᒍᑦ ᖃᐅᔨᒐᓱᐋᓚᐅᑦᑎᓪᓗᒋᑦ, ᐊᑭᓪᓗᐋᔅᓯᐅᕆᓕᕋᔭᑦᑐᑦ ᐃᒪᓐᓇᐅᒐᓗᐋᒻᒪᖔᑕ ᐊᑭᖏᑦ ᓴᓇᒋᐋᑦᑕᐅᔪᑉ ᐊᑭᓕᑦᑕᐅᓂᖏᑦ ᐊᑑᑎᖃᑦᑎᐋᕋᓗᐋᒻᒪᖔᑕ.
- ᓄᓇᓕᐸᐅᔭᒃᑯᑦ ᑲᒪᒋᔭᖃᖏᒻᒪᑕ ᓱᕋᑦᑐᓂᒃ ᑕᐃᒃᑯᓂᖓ ᑕᐃᒪᐃᖏᑎᑕᐅᒍᓐᓇᑦᑐᒥᓂᐅᔪᓂᒃ ᓇᒻᒥᓂᓕᒻᒧᑦ ᐱᖁᑎᒥᒃ ᐱᓕᕆᑦᑎᐋᕋᓱᐋᑦᑐᒥᓂᐅᑉᐸᑕ ᓱᕋᑦᑎᑦᑎᑕᐃᓕᒪᓗᑎᒃ ᐱᖁᑎᒥᓐᓂᒃ ᓱᕋᑦᑎᑦᑕᐃᓕᒪᒐᓱᐋᓪᓗᓂᒋᑦ ᐊᒻᒪᓗ/ᐅᕝᕙᓘᓐᓃᑦ ᑕᐅᕗᖓᒃᑲᓐᓂᖅ ᓱᕋᑦᑕᐃᓕᒪᑎᒐᓱᐋᓪᓗᓂᒋᑦ.
- ᓄᓇᓕᐸᐅᔭᒃᑯᑦ ᐱᓕᕆᒍᒪᑦᑎᐋᒻᒪᑕ ᐋᖅᑭᓯᒍᑎᒋᔭᐅᒍᒪᔪᓂᒃ ᑕᐃᒃᑯᓂᖓ ᐋᔾᔨᒌᑦᑎᑦᑎᔪᓂᒃ, ᐱᔾᔪᑎᔅᓴᖃᑦᑎᐋᑦᑐᓂᒃ, ᐊᒻᒪᓗ ᐊᑐᐋᔅᓯᑦᑎᐋᑦᑐᓂᒃ ᓄᓇᓕᐸᔭᐅᑉ ᒪᓕᒐᑦᑎᒍ ᐱᓕᕆᒋᐋᕆᐋᖃᓐᓂᖏᓂᒃ.
ᖃᓄᖅ ᐱᒐᓱᐋᕕᓴᐅᒪᖔᑦ ᐊᑭᓕᑦᑕᐅᒍᒪᓗᓂ
ᑎᑎᕋᑦᑕᐃᓐᓇᕆᓗᒋᑦ ᓄᓇᓕᐸᐅᔭᖓᑕ ᐃᖃᓗᐃᑦ ᑕᒪᐃᑎᒍᑦ ᐊᑭᓕᑦᑕᐅᒍᒪᒍᑎ ᑕᑕᑎᕆᐋᓕᒃ ᐊᒻᒪᓗ ᑐᓂᓗᒍ ᓄᓇᓕᓕᕆᔨᒃᑯᑦ ᒪᓕᑦᑕᐅᑎᑦᑎᔨᖓᑕ ᐱᓕᕆᕕᖓᓄᑦ, ᐊᕐᓇᐃᑦᑐᒃ ᑲᑎᒻᒪᔪ ᐃᒡᓗᒧᑦ, ᐃᒡᓘᑉ ᓈᓴᐅᑖ 901 ᐅᕝᕙᓘᓐᓃᑦ ᐃᕐᖐᓈᑕᕈᑎᒃᑰᑦᑎᓪᓗᒍ ᐅᕗᖓ: municipalenforcement@iqaluit.ca. ᐊᑏ ᐊᑐᕋᓱᐋᓪᓚᕆᒋᑦ ᑖᓐᓇ ᑐᔅᓯᕋᐅᑎ ᑕᑕᑎᕆᐋᓕᒃ ᑎᑎᕋᒃᑕᐃᓐᓇᕆᓗᒍ ᑐᓂᒪᐅᖏᓐᓂᓐᓂᒃ ᐊᑭᓕᑦᑕᐅᒍᒪᒍᑎᑦ. ᐱᔭᕇᑦᑕᐅᓯᒪᖏᑉᐸᑕ ᑐᓂᔭᐅᔪᒥᓃᑦ ᑭᖑᕙᓯᓕᑦᑎᑦᑎᓂᐅᓴᒻᒪᑕ. ᑕᐃᒪᓕ ᑎᑎᕋᒃᓯᒪᔪᒃᑯᕕᒻᒨᑦᑕᐅᒋᐊᓕᒃ ᑐᓂᔭᐅᓯᒪᓕᑐᐋᖃᑦ ᑐᕌᖓᓕᑦᑎᑕᐅᓱᖑᒪᑦ ᑎᑎᕋᒃᓯᒪᔪᖅ ᓈᓴᐅᑎᓕᑦᑕᐅᓗᓂ ᐊᒻᒪᓗ ᓄᓇᓕᐸᐅᔭᒃᑯᑦ ᖃᐅᔨᒐᓱᐋᔅᓯᒍᓐᓇᔅᓯᒐᔭᒻᒪᑕ ᐊᑭᓕᑦᑕᐅᒍᒪᒍᑎᒥᒃ. ᐋᖅᑭᒍᑎᒋᔭᐅᔪᖅ ᖃᐅᔨᒐᓱᐋᔅᓯᓂᒻᒧᑦ ᐃᓕᓴᕆᔭᐅᓯᒪᔪᒃᑯᑦ ᐅᓂᒃᑳᓕᐋᖑᓯᒪᓕᓪᓗᓂ ᐅᑎᑦᑎᑕᐅᒐᔭᑦᑐᖅ ᐊᑭᓕᑦᑕᐅᒍᒪᔪᒧᑦ ᑎᑎᕋᒃᓯᒪᓗᓂ. ᐃᒪᓐᓇᐃᓕᑐᐃᓐᓇᕆᐊᓕᒃ ᐱᔭᕇᑦᑕᐅᑎᓪᓗᒍ ᐃᓚᖃᖅᑯᑦ:
- ᐊᖏᑦᑕᐅᖏᓪᓗᓂ ᐊᑭᓕᑦᑕᐅᒍᒪᒍᑎ ᓄᓇᓕᐸᐅᔭᒃᑯᑦ ᒪᓕᒐᑦᑎᒍ ᐊᑭᓖᒋᐊᖃᑦᑎᑕᐅᖏᑉᐸᑐ; ᐅᕝᕙᓘᓐᓃᑦ,
- ᐊᑭᓕᑦᑕᐅᓗᓂ ᐊᑭᓕᑦᑕᐅᒍᒪᒍᑎ ᐃᓘᓐᓇᓕᒫᖓ ᐅᕝᕙᓘᓐᓃᑦ ᐃᓚᐃᓐᓇᖓ;
- ᑕᐃᒪᓕ ᐱᖓᔪᒋᔭᐅᔪᖅ ᐊᑭᓖᒋᐋᖃᖅᑲᑦ (ᑐᑭᓕᐅᑎᓗᒍ ᐃᒻᒥᓂᔅᓱᑦᑐᑦ ᑳᓐᑐᕌᒃᑎᐅᔪᑦ), ᐱᔭᐅᑎᑕᐅᖔᓪᓗᓂ ᐊᑭᓕᑦᑕᐅᒍᒪᒍᑎ ᑕᐃᔅᓱᒧᖓ ᐱᓕᕆᖃᑎᒋᔭᐅᔪᒧᑦ. ᐃᒫᖑᑎᓪᓗᒋᑦ ᐃᓚᖏᑦ ᐊᑭᓕᑦᑕᐅᒍᒪᔪᑦ ᐃᑉᐱᒍᓱᓪᓗᑎᒃ ᑖᒃᑯᐊ ᓄᓇᓕᐸᐅᔭᒃᑯᑦ ᐱᓕᕆᒋᐋᖃᓐᓂᕋᓪᓗᒋᑦ ᐊᑭᓖᒋᐊᖃᓪᓗᑎᒃ ᓱᕋᑦᑐᓂᒃ, ᓄᓇᓕᐸᐅᔭᒃᑯᑦ ᑎᑭᐅᑎᑐᐃᓐᓇᕆᐋᓕᑦ ᐊᔾᔨᒋᖏᑕᖏᓐᓄᑦ ᐋᖅᑭᔅᓯᒍᑎᓄᑦ ᑭᖑᓂᖓᒍᑦ ᐱᔭᕇᔅᓯᓚᐅᑦᑎᓪᓗᒋᑦ ᖃᐅᔨᒐᓱᐋᔅᓯᓂᕆᔭᖏᑦ. ᓄᓇᓕᐸᐅᔭᒃᑯᑦ ᐱᓕᕆᒋᐋᖃᑦᑎᓪᓗᒋᑦ ᐊᐅᓚᑦᑎᓗᑎᒃ ᐃᓄᓕᒫᑦ ᑮᓇᐅᔭᖃᒃᑎᑕᐅᒍᑎᖏᓐᓂᒃ, ᒪᑯᓂᖓᑐᐋᖅ ᐊᑭᓖᒍᓐᓇᒻᒪᑕ ᓱᕋᒃᑕᐅᔪᓂᒃ ᒪᓕᒐᑦᑎᒍ ᐊᑭᓖᒋᐋᖃᑦᑎᑕᐅᑎᓪᓗᒋᑦ. ᑕᐃᒃᑯᓇᓂ ᐱᓕᕆᒍᑎᒋᔭᐅᔪᓂ ᐊᑭᓕᑦᑕᐅᒍᒪᔪᓄᑦ ᐊᖏᖃᑎᖃᙱᑎᓪᓗᒋᑦ ᐊᑭᓪᓗᐋᔅᓯᐅᑕᐅᓂᖏᓐᓂᒃ ᐱᓕᕆᓂᕆᔭᖏᓂᒃ ᓄᓇᓕᐸᐅᔭᐅᑉ ᒪᓕᒐᑦᑎᒍ ᑲᒪᒋᔭᖃᓂᖏᓐᓂᒃ ᑖᒃᑯᓂᖓ ᐊᓯᐅᔨᒍᑎᒋᔭᖏᓐᓂᒃ, ᐃᓱᒪᔅᓱᑦᑐᑦ ᐱᓕᕆᒋᐋᒃᑲᓂᕈᒪᑉᐸᑕ ᒪᓕᒐᑦᑎᒍ ᐃᖃᑦᑐᐃᕕᒃᑰᑦᑎᑦᑎᒍᒪᓗᑎᒃ ᐱᓕᕆᐋᕆᔭᐅᑎᑕᐅᓗᓂ ᐃᖃᒃᑐᐃᕕᒃᑯᑦ ᐱᒐᓱᐋᓪᓗᑎᒃ ᐊᑭᓕᖅᑕᐅᒍᑎᒋᒍᒪᔭᖏᓐᓂᒃ.
