ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᐳᐃᔾᔪᕋᕆᐅᖅᓴᓂᖅ ᐅᑎᖅᐳᖅ!
ᐱᖃᑕᐅᓂᐊᖅᐳᓯ ᐅᑭᐊᒃᓵᒃᑯᑦ ᐳᐃᔾᔪᕋᕆᐅᖅᓴᑎᑦᑎᓕᕈᑦᑕ ᐊᒃᑑᕙ 18-ᒥᑦ ᑏᓯᐱᕆ 6-ᒧᑦ.
ᑲᔪᓯᑎᑦᑎᔪᒪᓂᕐᒧᑦ ᐊᑕᐅᓰᓐᓇᒃᑰᓕᖕᒐᔪᓂᒃ ᐱᓕᕆᐊᒃᓴᓕᒫᓂᒃ, ᐳᐃᔾᔪᕋᕆᐅᖅᓴᓂᕐᒧᑦ ᐊᑎᓕᐅᕐᓂᖅ ᒪᓕᖕᓂᐊᖅᑐᖅ ᐊᔾᔨᖕᒐᓂᒃ ᐊᑐᖅᑕᐅᕙᒃᑐᒥᒃ ᐊᐅᔭᒃᑯᑦ ᐅᓪᓗᒃᑯᑦ ᐱᓕᕆᐊᖕᒍᕙᒃᑐᓂᑦ.
ᐊᑎᓕᐅᕐᕕᒃᓴᖅ ᒪᑐᐃᕐᓗᓂ:
ᓰᑎᐱᕆ 18, 1:00 ᐅᓐᓄᓴᒃᑯᑦ
ᐊᑎᓕᐅᕐᕕᒃᓴᖅ ᒪᑐᓗᓂ:
ᐊᒃᑑᕙ 2, 4:00 ᐅᓐᓄᓴᒃᑯᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᒻᒪᓗ ᑐᒃᑐ ᑖᒃᓯᓕᕆᔨᒃᑯᑦ ᑐᑭᓯᓇᖅᓯᑎᑦᑎᔪᒪᕗᑦ ᓄᓇᖅᑲᑎᒌᓂᑦ ᐊᑐᖅᑕᐅᕙᒃᑐᓂᒃ ᐊᐅᐸᔮᖕᒐᔪᑦ ᑖᒃᓯᕈᓐᓇᐅᑎᑦ ᓂᐅᕕᖅᑕᐅᓂᑯᑦ ᒪᐃ 2025-ᒥ ᐋᖅᑭᒋᐊᖅᑕᐅᓚᐅᕐᓂᖕᒋᓐᓂ. ᑖᒃᑯᐊ ᓇᓕᖅᑲᐃ ᐱᔭᐅᓚᐅᖅᑐᑦ ᑕᖅᑭᓄᑦ ᑎᓴᒪᓄᑦ ᐊᑭᑦᑐᕆᐊᖅᑕᐅᓚᐅᖅᑎᓪᓗᒍ ᐊᒻᒪᓗ ᐊᖕᒋᖅᑕᐅᓯᒪᔭᕆᐊᖃᖅᑐᑎᑦ.
ᓄᓇᓕᐸᐅᔭᒃᑯᑦ ᑐᓴᖅᑎᑦᓯᒍᒪᕗᑦ ᑕᒫᓂᒥᐅᓂᒃ ᓄᓇ ᖃᐅᔨᓴᖅᑕᐅᓂᐊᕐᓂᖓᓂᒃ ᓴᓂᕌ ᓂᒋᐊᑕ ᓂᐊᖁᙴᓯᐊᕆᐊᖅ ᐊᑯᓐᓂᖓᓂ ᓯᑉᑎᒻᐱᕆ 18 ᐊᒻᒪᓗ ᓯᑉᑎᒻᐱᕆ 28, 2025 ᐃᑲᔫᑎᒧᑦ ᐊᑯᓂᐅᔪᒧᑦ−ᐃᓕᖓᔪᒧᑦ ᐸᕐᓇᑕᐅᕙᓪᓕᐊᔪᒧᑦ.
ᖃᐅᔨᓴᖅᑕᐅᓂᖓ ᑲᔪᓯᑎᑕᐅᔪᖅ ᑐᑭᓯᔭᐅᒃᑲᓐᓂᕈᒪᓪᓗᓂ ᓄᓇ ᖃᓄᐃᑦᑑᓂᖓᓗ−ᐊᒻᒪᓗ ᒫᓐᓇᐅᓂᖓᓂ, ᓴᓇᔭᐅᓂᐊᕐᓂᖓ ᐸᕐᓇᑕᐅᓯᒪᙱᑦᑐᖅ ᐅᕝᕙᓘᓐᓃᑦ ᐊᖏᖅᑕᐅᓯᒪᙱᑦᑐᖅ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:
ᐸᕐᓇᓐᓂᖅ ᓴᓇᔭᐅᕙᓪᓕᐊᔪᓪᓗ
ᐃᖃᓗᐃᑦ ᓄᓇᓕᐸᐅᔭᖓ
867-979-5661 | planning@iqaluit.ca
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᐱᖓᑦᓯᖅ, ᓰᑏᐱᕆ 17, ᐱᒋᐊᕐᓗᑎᒃ ᐅᓪᓗᒃᑯᑦ 9-ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 103, 104, 105 A-D, 106, 107 A-F, 109 A-F ᐊᒻᒪ 273.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᖃᐅᓯᖃᕈᒪᓕᕆᕗᑦ ᐱᒻᒪᕆᐅᔪᒥᒃ ᑐᑭᓯᒋᐊᕈᑎᑦᓴᓂᒃ ᐱᓯᒪᔪᓂᒃ ᓈᓴᐅᑎᒃᑯᑦ ᖃᐅᔨᓴᖅᑎᓂᒃ ᑲᓇᑕᒥ (Statistics Canada) ᐱᔾᔪᑎᖃᖅᑐᑎᒃ ᐃᖅᑲᓇᐃᔭᖅᑎᑦᓴᕐᓯᐅᓛᕐᓂᖏᓐᓄᑦ ᐊᕐᕌᒍᒥ 2026 ᓈᓴᐅᑎᒍᑦ ᖃᐅᔨᓴᓕᕐᒥᑉᐸᑕ ᖃᓄᑎᒋ ᐃᓄᒋᐊᓕᕐᓂᖓᓄᑦ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᓱᓐᓂᖃᓛᕐᓂᖏᓐᓄᑦ ᐅᐸᓗᖓᐃᖅᑕᐅᔪᒥᒃ ᐅᑯᓄᖓ ᐃᓵᑦᓯᒪᒋᑦ ᐃᓅᓯᕐᒥᒃ ᑲᑎᒪᔨᓄᑦ ᐃᓕᑕᕆᔭᐅᖁᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ.
ᐱᓱᓛᕈᒪᔪᑦ ᐱᖓᑦᓯᖅ, ᓰᑏᐱᕆ 10, 2025, ᐅᓐᓄᓴᒃᑯᑦ 4-ᒨᖅᐸᑦ, ᐱᓱᒋᐊᓯᓗᑎᒃ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒻᒥ ᐊᒻᒪ ᐃᓱᓕᓪᓗᑎᒃ ᐃᓐᓇᑐᖃᐃᑦ ᖃᒻᒪᖓᓂ. ᐅᓇ ᐊᕐᕌᒍᑕᒫᕐᓯᐅᑎᐅᔪᖅ ᐊᑐᖅᑎᑦᓯᔾᔪᑎᐅᓇᓱᐊᖅᐸᑦᑐᖅ ᐃᓱᒪᓕᕆᕙᓐᓂᕐᒥᒃ ᐅᔾᔨᕈᓱᒋᐊᕈᑎᓂᒃ, ᐃᓅᓯᕐᓂᒃ ᑭᐱᓯᑦᑕᐃᓕᒪᑎᑦᓯᓂᕐᒥᒃ, ᐊᒻᒪ ᓄᓇᓕᕐᒥᐅᖃᑎᒌᓐᓂᒃ ᑲᑎᑎᑦᓯᔾᔪᑎᐅᕙᑦᑐᓂ ᐊᑦᑐᐊᖃᑎᒌᒍᑎᖃᕐᓂᒃᑯᑦ ᐃᓅᓯᒃᑯᑦ.
ᑕᒫᓂ ᐊᐅᔭᕐᒥ, ᐃᖃᓗᐃᑦ ᓄᓇᓕᐸᐅᔭᖓ ᓴᖅᑮᓚᐅᖅᑐᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕈᑎᓂᒃ ᑐᑭᓯᐅᒪᑎᑕᐅᑦᓯᐊᖁᓪᓗᒋᑦ ᐃᖃᓗᒻᒥᐅᑦ ᖃᓄᖅ ᓄᓇᓕᓐᓂ ᒐᕙᒪᖏᑦ ᐊᐅᓚᓂᖃᓲᖑᒻᒪᖔᑕ ᐊᒻᒪᓗ ᖃᓄᖅ ᐃᓚᐅᖃᑕᐅᔪᓐᓇᕐᒪᖔᑦ ᐋᖅᑮᓗᑎᑦ ᓄᓇᓕᑦᑎᓐᓂ.
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᖅ, ᓰᑏᐱᕆ 7, ᐱᒋᐊᕐᓗᑎᒃ ᐅᓪᓗᒃᑯᑦ 9- ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230 A-B, 2231 A-B, 2232 A-B, 2233 A-D, 2711, 2713, 2715, 2717, 2719, 2721, 2726, 2728, 2730, 2732, 2734 ᐊᒻᒪ 2736 A-F.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᑦᑎᐊᖅᑐᑦ ᐃᖅᑲᓇᐃᔭᕈᒪᓪᓚᕆᓚᐅᖅᑐᓄᑦ ᐊᐅᔭᖅ ᓴᓂᖅᑎᓄᑦ. ᐊᒃᓱᕈᕐᓂᕆᔭᐃᑦ ᐊᖕᒋᖅᓯᒪᓂᓯᓗ ᐊᐅᔭᐅᑎᓪᓗᒍ ᐅᔾᔨᕐᓇᖅᑐᒥᑦ ᐊᓯᔾᔩᓯᒪᒪᕆᒃᐳᑦ ᓄᓇᓕᐸᐅᔭᑦᑎᓐᓂᑦ. ᒥᕐᖕᒍᐃᖅᓯᕐᕕᖕᓂ ᐊᖅᑯᑎᓄᑦ, ᐱᓇᓱᒍᑎᒋᔭᓯ ᐃᑲᔪᑦᑎᐊᖅᑐᑦ ᐃᖃᓗᐃᑦ ᓴᓗᒻᒪᕐᔫᒥᓂᖕᒐᓄᑦ ᑐᖖᒐᓇᕐᓂᖅᓴᐅᓕᖅᑐᓂᓗ ᓄᓇᖅᑲᑎᒌᓄᑦ ᐊᒻᒪᓗ ᓂᐅᕐᕈᔪᓄᑦ.
ᓯᓚ ᐊᓯᔾᔨᖅᐸᓪᓕᐊᑎᓪᓗᒍ, ᑭᒃᑯᑐᐃᓐᓇᑦᑎᐊᓂᒃ ᑐᖖᒐᓱᒃᑎᑦᑎᕗᒍᑦ ᓄᓇᓕᑦᑎᓐᓂ ᐃᑲᔪᖁᔨᓪᓗᑕ ᑕᒪᓐᓇ ᑲᔪᓰᓐᓇᖁᓪᓗᒍ:
ᓴᓃᑦ ᐃᒋᑦᑎᐊᖅᐸᓪᓗᒋᑦ,
ᓴᓂᕕᒡᔪᐊᖅᑐᖃᓕᕌᖕᒐ ᓴᓂᖃᑕᐅᕙᓪᓗᑎᑦ,
ᐊᒻᒪᓗ ᐅᐱᒍᓱᐃᓐᓇᕐᓗᑕ ᑲᑐᔾᔨᔪᓂᑦ ᐃᓂᐅᔪᓂᑦ.
ᐱᓕᕆᖃᑎᒌᓪᓗᑕ, ᐃᖃᓗᐃᑦ ᑕᑯᒥᓇᖅᑎᒍᓐᓇᖅᑕᕗᑦ ᐊᕐᕌᒍᓕᒫᖅ.
ᖁᔭᓐᓇᒦᒃ!
##