ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
2025 ᐊᒥᓱᓄᑦ ᐊᑎᓕᐅᕐᕕᑦᓴᖅ ᑭᐱᖕᖑᐃᔭᐅᑎᓄᑦ
ᐋᒐᓯ 5, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᖏᑦ ᑐᖕᖓᓱᑦᑎᑦᓯᓕᕆᕗᑦ ᓄᓇᓕᓐᓂ ᐱᖕᖑᐊᑎᑦᓯᔨᓂᒃ ᑲᑐᔾᔨᖃᑎᒌᓂᒃ, ᑮᓇᐅᔭᓕᐅᖅᑎᐅᖏᑦᑐᓂᒃ, ᐊᒻᒪ ᓄᓇᓕᓐᓂ ᑲᑎᖕᖓᕙᑦᑐᓂᒃ ᐱᖃᑕᐅᖁᓪᓗᒋᑦ ᐊᕐᕌᒍᑦᑎᓐᓂ ᐊᒥᓱᓄᑦ ᐊᑎᓕᐅᕐᓇᐅᓂᐊᓕᕐᒥᑎᓪᓗᒍ ᑭᐱᖕᖑᐃᔭᐅᑎᓄᑦ ᐊᔾᔨᒌᖏᑦᑐᓄᑦ, ᐊᑐᖅᑕᐅᓛᖅᑐᖅ ᓈᑦᓯᐅᖑᔭᓛᕐᓂᐊᕐᒥ, ᓰᑏᐱᕆ 6, 2025, ᐱᒋᐊᕐᓗᑎᒃ ᐅᓪᓗᒃᑯᑦ 12-ᒥ 3-ᒧᓄᑦ ᐅᓐᓄᓴᒃᑯᑦ ᐃᖃᓗᐃᑦ ᑰᓕᕐᕕᖓᓂ.
ᐅᓇ ᐊᕐᕌᒍᑕᒫᕐᓯᐅᑎᐅᔪᖅ ᐱᕕᖃᐅᑎᐅᕙᑦᑐᖅ ᑲᑐᔾᔨᖃᑎᒌᓄᑦ ᐊᑐᖅᑕᐅᑎᑦᓯᒍᒪᔪᓄᑦ ᐱᓕᕆᐊᑦᓴᖏᓐᓂᒃ, ᐱᓕᕆᖃᑎᖃᕈᒪᔪᓂᒃ ᓄᓇᓕᕐᒥᐅᑕᓂᒃ, ᐊᒻᒪ ᐊᑎᓕᐅᖅᑎᑦᓯᒍᒪᔪᓄᑦ ᐊᕐᕌᒎᓂᐊᖅᑐᒧᑦ ᖃᓄᐃᓕᐅᕈᑎᓄᑦ. ᓄᓇᓕᕐᒥᐅᑕᐃᑦ ᖃᓄᑐᐃᓐᓇᑦᓯᐊᖅ ᐊᕐᕌᒍᖃᖅᑐᑦ ᑐᖕᖓᓱᑦᑎᑕᐅᑦᓯᐊᖅᑐᑦ ᖃᐃᓛᕈᒪᒍᑎᒃ.
ᐊᒥᓱᓄᑦ ᐊᑎᓕᐅᕐᕕᐅᔪᖅ ᐱᐅᔪᐊᓘᒻᒥᔪᖅ ᑕᑯᓂᐊᕈᒪᓂᐊᕐᓗᓂ ᐊᔾᔨᒌᖏᑦᑐᓂᒃ ᐊᑐᖅᑕᐅᕙᑦᑐᓂᒃ ᑮᓇᐅᔭᓕᐅᖅᑎᐅᖏᑦᑐᓄᑦ ᑲᑐᔾᔨᖃᑎᒌᓄᑦ, ᑭᐱᖕᖑᐃᔭᐃᓂᒃᑯᑦ ᐱᓕᕆᐊᑦᓴᓄᑦ, ᐊᒻᒪ ᐃᓅᖃᑎᒌᓄᑦ ᑲᑎᒻᒪᒍᒪᕙᑦᑐᓄᑦ ᐊᒻᒪ ᑎᒥᒃᑯᑦ ᕿᑲᑐᐃᓐᓇᓇᖏᑦᑐᓂᒃ ᖃᓄᐃᓕᐅᕈᑎᓄᑦ ᐊᑐᐃᓐᓇᐅᑎᑕᐅᕙᑦᑐᓄᑦ ᐃᖃᓗᓐᓂ. ᖃᓄᐃᓕᐅᕈᑎᐅᖃᑦᑕᕐᓯᒪᔪᑦ ᑕᑯᑦᓴᐅᑎᑦᓯᕙᓚᐅᖅᑐᑦ ᓱᓇᑐᐃᓐᓇᑦᓯᐊᓂᒃ ᒪᒃᑯᑦᑐᐃᑦ ᐱᖕᖑᐊᕈᑎᖏᓐᓂᒃ ᐊᒻᒪ ᐃᓕᖅᑯᓯᕐᓄᑦ ᐊᑦᑐᐊᔪᓂᒃ ᐱᓕᕆᐊᑦᓴᓂᒃ ᐃᖃᐃᓕᓴᐅᑎᓄᑦ ᐃᓕᓐᓂᐊᕈᑎᓄᑦ ᐊᒻᒪ ᓄᓇᓕᓐᓂ ᐱᔨᑦᓯᕋᖅᑎᓄᑦ ᑲᑎᖕᖓᕙᑦᑐᓄᑦ.
ᑲᑎᖕᖓᕙᑦᑐᑦ ᓵᖃᕈᒪᓛᖅᑐᑦ ᐊᑎᓕᐅᖁᔭᐅᔫᒐᓗᐊᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ m.pinksen@iqaluit.ca. ᐊᑏ ᑎᑎᖃᓯᐅᑎᒐᔭᖅᐸᑎᑦ ᑲᑐᔾᔨᖃᑎᒌᕕᑦ ᐊᑎᖓ ᐊᒻᒪ ᖃᐅᔨᒋᐊᕐᕕᐅᒍᓐᓇᖅᑐᑦ ᑐᑭᓯᒋᐊᕈᑎᖏᑦ ᐃᕐᖐᓇᖅᑕᐅᑎᒧᑦ.
ᐊᔭᐅᖅᑐᖅᑕᕗᑦ ᐃᓘᓐᓇᑎᒃ ᑲᑐᔾᔨᖃᑎᒌᖑᔪᑦ ᐱᖃᑕᐅᖁᓪᓗᒋᑦ ᐊᒻᒪ ᐃᑲᔪᖁᓪᓗᒋᑦ ᐊᕐᕌᒍᑦᑎᓐᓂ ᐊᒥᓱᓄᑦ ᐊᑎᓕᐅᕐᓂᐅᔪᖅ ᑲᔪᓯᑦᓯᐊᖁᓪᓗᒍ.
###
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᒪᑎᐅᓪᑕ ᐱᓐᒃᓴᓐ
ᐊᔾᔨᐅᖏᑦᑐᓂᒃ ᖃᓄᐃᓕᐅᕈᑎᓂᒃ ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
m.pinksen@iqaluit.ca
