ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐊᖏᕐᕋᕆᔭᖅ ᖃᑭᕙᓪᓕᐊᑦᓯᐊᖅᑐᓄᑦ ᓇᖕᒥᓂᖃᖅᑎᓄᑦ. ᐊᑐᐃᓐᓇᐅᑎᑦᓯᕙᑦᑐᒍᑦ ᐱᔨᑦᓯᕋᕈᑎᓂᑦ ᐊᒻᒪᓗ ᓱᓇᑐᐃᓐᓇᕐᓂᑦ ᐃᓅᓯᒃᑯᑦ ᑭᖕᖒᒪᔭᐅᓲᓂᑦ ᐊᖏᔪᖅᑳᖃᕐᕕᓐᓂ ᓄᓇᓕᐸᐅᔭᓂ.  ᓂᐅᕐᕈᓯᒪᑐᐃᓐᓇᕈᕕᑦ ᐅᕝᕙᓘᓐᓃᑦ ᑕᒫᓂᒥᐅᑕᑐᖃᐅᒍᕕᑦ, ᐃᑲᔪᕐᓱᖃᑦᑕᒃᑭᑦ ᓇᖕᒥᓂᖃᖅᑎᐅᔪᑦ ᐃᑲᔪᕈᓐᓇᕋᐃᒍᕕᑦ.  ᐊᕐᕌᒍᑕᒫᑦ, ᓇᖕᒥᓂᖃᖅᑎᕗᑦ ᐱᔨᑦᓯᕋᕈᑎᖃᖅᐸᑦᑐᑦ ᐃᖃᓗᒻᒥᐅᑕᓄᑦ, ᐅᔭᕋᕐᓂᐊᑎᒻᒪᕆᓐᓂᑦ ᐊᐅᓚᑦᓯᔨᖃᖅᑐᖅ, ᓄᓇᕐᔪᐊᕐᒥ ᓇᒥᓕᒫᖅ ᑲᒻᐸᓂᖁᑎᓖᑦ ᑕᒫᓃᑦᑐᑦ ᐊᒻᒪᓗ ᐊᓯᖏᑦ.  ᐃᖅᑲᓇᐃᔭᖅᑎᖃᐅᖅᑐᒍᑦ ᐃᓐᓇᐅᓗᐊᖏᑦᑐᓂᑦ ᐱᓕᒻᒪᓴᕐᓯᒪᑦᓯᐊᖅᑐᓂᑦ ᐊᒻᒪᓗ ᓇᖕᒥᓂᖅ ᑮᓇᐅᔭᓕᐅᕋᓱᐊᕐᕕᖃᑦᓯᐊᖅᑐᓂ.

ᐱᔨᑦᓯᕋᖅᑎᑦ ᓇᖕᒥᓂᖃᖅᑎᓄᑦ ᓄᓇᓕᐸᐅᔭᐃᑦ ᐃᖃᓗᓐᓂ ᐊᐅᓚᑕᐅᕙᑦᑐᑦ ᐱᕙᓪᓕᐊᑎᑦᓯᔨᓄᑦ ᓴᓇᓂᒃᑯᑦ.  ᖃᐅᔨᒋᐊᕐᕕᑦᓴᐅᔪᑦ ᐊᐱᕆᔪᒪᔪᓂᑦ ᓇᖕᒥᓂᖃᕐᓂᒃᑯᑦ ᓚᐃᓴᓕᕆᓂᕐᒥᑦ, (ᐅᓇ ᓇᕿᓪᓗᒍ business licences) ᐊᕐᕌᒍᒥ ᓄᑖᒥ ᓚᐃᓴᑖᕆᐊᖃᖅᐸᑦᑐᑦ, ᐊᒻᒪᓗ ᐊᓯᖏᓐᓂᑦ ᑐᑭᓯᒋᐊᕈᒪᔪᑦ ᐱᔾᔪᑎᓕᓐᓂᑦ ᓇᖕᒥᓂᓕᕆᓂᕐᒨᖓᔪᓂᑦ ᐃᖃᓗᓐᓂ.  ᓄᓇᓕᐸᐅᔭᒃᑯᑦ ᓄᓇᓕᓐᓄᑦ ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐅᑎᓕᐅᓚᐅᖅᑐᑦ ᒪᓕᒐᐅᓂᐊᖅᑐᒥᑦ ᓇᖕᒥᓂᓕᕆᓂᒃᑯᑦ ᐱᕙᓪᓕᐊᔪᓕᕆᓂᕐᒥᑦ ᐊᕐᕌᒍᒐᓴᓄᑦ ᓯᕗᓂᑦᑎᓐᓂ.