ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᕼᐋᐱ ᕚᓕ – ᓯᕙᑖᕐᕕᒃ
ᐋᒐᓯ 31, 2024
ᐋᒐᓯ 28, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᐋᒐᓯ 31, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᕼᐋᐱ ᕚᓕᒥ, ᐊᑯᓐᓂᖏᓐᓂ ᐃᓪᓘᒃ 411 ᐊᒻᒪ 413. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ
ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᑎᓕᐅᕐᕕᒃᓴᐅᓛᓕᕐᒥᔪᖅ
ᐋᒡᒌᓯ 28, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᖕᓂ ᖁᕕᐊᓱᑉᐳᑦ ᑐᓴᖅᑎᑦᑎᔪᓐᓇᕐᒪᑕ ᐅᑎᕐᓂᐊᓕᕐᒥᒻᒪᑦ ᓂᕆᐅᒋᔭᐅᓛᖕᒍᓲᖅ ᐊᕐᕌᒍᑕᒫᑦ ᐱᓕᕆᐊᖕᒍᖃᑦᑕᖅᑐᒧᑦ, ᐊᑎᓕᐅᕐᓂᖅ. ᑕᕝᕙᓂ ᐊᕐᕌᒍᒥ ᐊᑎᓕᐅᕐᕕᒃᓴᐅᓛᖅᑐᖅ ᓯᕙᑖᕐᕕᒃ ᓰᑎᐱᕆ 7-ᖕᒍᓕᖅᐸᑦ 11-ᒥ 3:30-ᒧᑦ ᐅᓐᓄᒃᓴᒃᑯᑦ ᐅᑭᐅᖅᑕᖅᑐᒥ ᐱᖖᒍᐊᕕᒡᔪᐊᕐᕕᐅᑉ ᓯᐊᕐᕆᔮᕐᕕᖕᒐᓂ (AWG). ᐱᓕᕆᓂᐊᖅᑐᑦ ᐊᑐᐃᓐᓇᕈᐃᔪᓐᓇᖅᑐᑦ ᓵᒋᓂᐊᖅᑕᖕᒋᓐᓂᒃ 10:00-ᒨᖅᐸᑦ ᐅᓪᓛᒃᑯᑦ.

ᐊᑎᓕᐅᕐᓂᖅ ᐊᕐᕌᒍᑕᒫᑦ ᐊᑐᖅᑕᐅᕙᒃᑐᖅ ᓄᓇᓕᐸᐅᔭᒃᑯᑦ ᑲᑐᔾᔨᖃᑎᒌᖕᒋᑦ ᑐᖖᒐᓱᒃᑎᑦᑎᕙᒃᑐᑦ ᑭᒃᑯᑐᐃᓐᓇᕐᓂᒃ ᐱᖃᑕᐅᖁᔨᓪᓗᑎᒃ. ᒪᒃᑯᒃᑐᑦ ᐱᖖᒍᐊᕈᓯᖕᒋᓐᓂᒃ ᓄᓇᓕᖕᓂ ᐱᖖᒍᐊᖃᑎᒌᓄᑦ ᐊᑐᐃᓐᓇᐅᓂᐊᖅᑐᑦ. ᖃᐅᓛᖅᐳᓯ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕕᒡᔪᐊᕐᕕᖕᒧ (AWG) ᖃᐅᔨᒋᐊᕆᐊᖅᑐᕐᓗᓯ ᖁᕕᐊᓇᖅᑐᒥᒃ ᖃᓄᐃᓕᐅᕈᓐᓇᕐᒪᖕᒑᖅᐱᑦ ᐅᑭᐅᖕᒍᓂᐊᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᔪᖅ ᓴᓇᔭᐅᓂᖏᓐᓂ ᓴᓇᒋᐊᕆᐊᓖᑦ
ᐋᒐᓯ 28, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᓂᐊᕐᓂᖓᓄᑦ ᓴᓇᔭᐅᒋᐊᕆᐊᓖᑦ ᓴᓇᔭᐅᑲᐃᓐᓇᕐᓂᖏᓐᓂ ᓰᑏᐱᕆ 1-ᒥᒃ ᐋᒃᑑᐸ 19-ᒧᑦ, 2024. ᒫᓐᓇᐅᓂᖓᓂ, ᐃᓘᓐᓇᑎᒃ ᖃᓄᐃᓕᐅᕈᑎᐅᓂᐊᖅᑐᒥᓃᑦ ᓄᖅᑲᖓᑎᑕᐅᓂᐊᖅᑐᑦ.

ᓯᑯᒥ ᖃᓄᐃᓕᐅᖅᑕᐅᕙᑦᑐᑦ ᐅᑎᓛᕐᒥᔪᑦ ᐊᓐᓂᑭᑦᑐᕐᕕᒃ ᒪᑐᐃᒃᑲᓂᖅᐸᑦ ᐋᒃᑑᐸ 19, 2024.

ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᑕᒪᓐᓇ ᐱᓪᓗᒍ ᐊᒻᒪ ᖁᔭᓕᕗᒍᑦ ᑐᑭᓯᐊᑦᓯᐊᕋᑦᓯ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 172, 174, 175, 176, 178, ᐊᒻᒪᓗ 185-ᒥᑦ 189-ᒧᑦ

ᐋᒍᓯ 23, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: 172, 174, 175, 176, 178, ᐊᒻᒪᓗ 185-ᒥᑦ 189-ᒧᑦ

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ – 172, 174, 175, 176, 178, ᐊᒻᒪᓗ 185-ᒥᑦ 189-ᒧᑦ
ᐋᒍᓯ 19, 2024 – ᐃᖃᓗᐃᑦ, ᓄᓇᕗᑦ

ᖃᐅᔨᒪᓂᐊᖅᐳᓯ ᐃᒪᖃᔾᔮᙱᑦᑐᓯ ᓇᒡᒐᔾᔭᐅᓕᖅᑭ, ᐋᒍᓯ 20, ᐱᒋᐊᕐᓗᓂ ᖃᓂᒋᔮᓂ 12:00 ᐅᓐᓄᓴᒃᑯᑦ ᑎᑭᓪᓗᒍ 5:00 ᐅᓐᓄᓴᒃᑯᑦ ᐃᒪᖃᐅᑎᖃᕐᕕᒃ ᓴᓇᔭᐅᓂᐊᖅᑐᖅ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 172, 174, 175, 176, 178, ᐊᒻᒪᓗ 185-ᒥᑦ 189-ᒧᑦ

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᒃᓴᖅ
ᐊᑐᕆᐊᖅ ᒪᑐᓯᒪᓪᓚᕆᓛᖅᑐᖅ − ᓯᕗᒧᒋᐊᖅ ᐊᖅᑯᑎᐅᑉ ᐃᓚᖓ (ᐊᓇᐅᕕᐅᑉ ᓴᓂᐊᓂ)
ᐋᒡᒌᓯ 16, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᐃᖃᓗᒻᒥᐅᑕᕐᓂᑦ ᖃᐅᔨᒃᑲᖅᓯᔪᒪᒻᔪᑦ ᐊᑐᕆᐊᒥᑦ ᒪᑐᔭᐅᓯᒪᔪᖃᓪᓚᕆᓛᕐᒪᑦ ᓯᕗᒧᒋᐊᖅ ᐊᑐᕆᐊᑉ ᐃᓚᖓᓂ ᐊᓇᐅᕕᐅᑉ ᓴᓂᐊᒎᖓᔪᒥᑦ ᐊᖅᑯᑎᐅᑉ ᓄᓇᖓ ᐋᖅᑭᒋᐊᖅᑕᐅᓛᕐᒪᑦ. ᑕᒪᓐᓇ ᒪᑐᓯᒪᑎᑦᑎᓂᖅ ᐊᑕᓂᐊᖅᑐᖅ ᐋᒡᒌᓯ 19−ᒥ ᑕᐃᑯᖓ ᐋᒡᒌᓯ 30, 2024-ᒧᑦ.

ᐊᓯᐊᒍᑦ ᐊᖅᑯᑎᖃᑲᐃᓐᓇᖅᑎᑕᐅᓂᐊᖅᑐᑦ ᓴᓇᔪᖃᕐᓂᖓᓂ, ᐊᒻᒪᓗ ᐆᒪ ᐊᑖᓃᑦᑐᖅ ᓄᓇᓐᖑᐊᖅ ᑕᑯᒃᓴᐅᑎᑦᑎᕗᖅ ᒪᑐᓯᒪᓂᐊᖅᑐᒥᑦ. ᐃᖃᓗᒻᒥᐅᓕᒫᑦ ᒪᓕᑦᑎᐊᖁᔭᐅᒐᓗᐊᑦ ᐊᓯᐊᒎᖔᖃᑦᑕᑲᐃᓐᓇᕐᓗᑎᒃ ᐊᒻᒪᓗ ᐸᕐᓇᓯᒪᖃᑦᑕᖁᔭᐅᓪᓗᑎᒃ ᐊᑯᓂᐅᓂᖅᓴᒐᓛᒃ ᑎᑭᐅᑎᒐᓱᖃᑦᑕᓂᐊᕐᒪᑕ ᐅᐸᑦᑕᖏᓐᓄᑦ.