
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓄᐅᑉ ᓱᕈᓯᐅᑉ ᓯᕗᓪᓕᑉᐹᒥ ᐱᒋᐊᑦᑎᑕᐅᒍᑎᖓ ᐊᑎᓕᐅᑦᑕᐅᓂᖓᑕ ᐊᒻᒪᓗ ᐱᒋᐊᑦᑎᑕᐅᓂᖓᑕ
ᐅᑦᑑᐱᕆ 30, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖓ ᐃᖃᓗᐃᑦ ᐊᓕᐋᓇᐃᒍᓱᒻᒪᑦ ᑐᓴᑦᑕᐅᑎᑦᑎᒋᐊᔅᓴᖅ ᐱᒋᐊᑦᑎᑕᐅᓂᖓᓂᒃ ᐃᓄᐅᑉ ᓱᕈᓯᐅᑉ ᓯᕗᓪᓕᑉᐹᒥ ᐱᒋᐊᑦᑎᑕᐅᒍᑎᖓᓂᒃ ᐱᒋᐊᓐᓂᐊᓪᓗᓂ ᓄᕕᐱᕆ 1, 2024−ᒥ. ᑖᓐᓇ ᐱᓕᕆᔾᔪᑎ ᐱᔭᐅᑎᑦᑎᒻᒪᑦ ᐱᑕᖃᕆᐊᖃᓪᓚᕆᑦᑐᒥᒃ ᑮᓇᐅᔭᑎᒍ ᐃᑲᔪᑦᑕᐅᒍᑎᒥᒃ ᐃᓄᓐᓂ ᐃᓚᒌᑐᓂ ᕿᑐᙵᓕᓐᓄᑦ ᑐᖔᓂᑦᑐᓂᒃ 18 ᐊᕐᕌᒍᓕᓐᓂᒃ ᐅᑭᐅᖃᓪᓗᑎᒃ.
ᐱᒍᓐᓇᑦᑎᑕᐅᔪᑦ ᐃᓚᒌᑦᑐᑦ ᐱᓂᐋᒻᒪᑕ ᑮᓇᐅᔭᖅ $500−ᓂᒃ ᐊᑐᓂ ᑕᖀᓐᓂ ᐱᒍᓐᓇᑦᑎᑕᐅᑉᐸᑦ ᓱᕈᓯᖅ ᐃᑲᔪᑦᑕᐅᒍᑎᒥᒃ ᓂᐅᕕᕈᓐᓇᕈᑎᒋᓂᐊᑦᑕᖓᓂᒃ ᓂᕿᓂᒃ. ᐃᓚᒋᔭᐅᒃᑲᓐᓂᓪᓗᓂ, ᐃᓚᒌᑦ ᕿᑐᙵᓖᑦ ᑐᖔᓂᑦᑐᓂᒃ ᐅᑭᐅᓕᓐᓂᒃ 4−ᓂᒃ ᐱᓂᐋᒻᒪᑕ ᐃᓚᒃᑲᓐᓂᖏᓐᓂᒃ ᑮᓇᐅᔭᖅ $250−ᓂᒃ ᑕᖅᑭᑕᒪᑦ ᐃᑲᔪᑦᑕᐅᖁᓪᓗᒋᑦ ᐊᑭᓖᖁᓪᓗᒋᑦ ᐊᑭᖏᓐᓂᒃ ᖁᑦᑕᕖᑦ, ᐊᒫᒪᐅᑎᒧᑦ ᐃᒻᒧᓐᓂᒃ, ᐊᒻᒪᓗ ᓄᑕᕋᓛᓄᑦ ᐊᓪᓚᑦᑎᕆᒍᑎᓂᒃ.
ᑭᒃᑯᓪᓕ ᑕᐃᒪ ᑐᔅᓯᕋᐅᑎᓕᐅᕈᓐᓇᖅᑳᑦ?
ᑭᓇᑐᐃᓐᓇᖅ ᕿᑐᙵᖃᑦᑎᐅᔪᖅ, ᐱᓯᒪᔅᓯᔨᐅᔪᖅ, ᐅᕝᕙᓘᓐᓃᑦ ᑕᐃᒃᑯᓇᙵᑦ ᐱᒐᓱᖁᔭᐅᓗᑎᒃ ᑭᒡᒐᑦᑐᐃᑎᑕᐅᔪᑦ ᑐᓂᓯᒍᓐᓇᑦᑐᑦ ᑐᔅᓯᕋᐅᑎᒥᒃ ᑮᓇᐅᔭᖃᑦᑎᑕᐅᒍᒪᓗᑎᒃ.
ᖃᓄᖅ ᐱᓇᓱᐊᖅᕕᔅᓴᐅᕙ:
- ᐊᑎᓕᐅᓚᐅᕆᑦ ᒫᓐᓇ ᐃᑭᐊᕿᕕᒻᒨᓪᓗᑎᒃ ᐅᕗᖓ www.cfi-iqaluit.ca/ ᐊᑎᓕᐅᓪᓗᑎᓪᓗ ᖃᕋᑕᐅᔭᒃᑰᓪᓗᑎᒃ, ᐅᕝᕙᓘᓐᓃᑦ
- ᐅᐸᒍᑎᓗᑎᑦ ᓄᓇᓕᐸᔭᐅᒃᑯᑦ ᐊᒡᓚᒡᕕᖓᓄᑦ ᖃᑎᖃᑎᖃᕆᐊᑦᑐᓪᓗᑎᑦ ᖃᓄᐃᖏᑦᑎᐊᓂᓕᕆᓂᒻᒥ ᐊᐅᓚᑦᑎᔨᓂᒃ, ᑕᐃᒃᑯᓇᙵᓪᓗ ᐃᑲᔪᑦᑕᐅᒍᓐᓇᕋᕕᑦ ᐃᕝᕕᒃ ᑐᔅᓯᕋᐅᑎᒋᔭᖓᓂᒃ.
ᑐᔅᓯᕋᐅᑎᓕᐅᑦᑎᓪᓗᑎᑦ, ᐊᑏ ᐱᔭᐅᑎᓪᓚᕆᓐᓂᐋᖁᑎᑦ ᓱᕈᓯᐅᑉ ᐅᕝᕙᓘᓐᓃᑦ ᐊᖓᔪᖄᖏᑕ ᓄᓇᕗᑦ ᑐᙵᕕᒃᑯᑦ ᓈᓴᐅᑎᖓᓂᒃ ᐱᖃᓯᐅᑎᓗᒍ ᓱᕈᓯᐅᑉ ᐋᓐᓂᐊᕕᓕᐊᑦᑐᔅᓯᐅᑎᖓ ᐱᓯᒪᔭᒐᖅ ᐅᕝᕙᓘᓐᓃᑦ ᐃᓅᕕᔅᓯᐅᑎᖓᑕ ᓇᓗᓇᐃᑯᑕᐊᖓ.
ᓄᓇᓕᐸᐅᔭᒃᑯᑦ ᑐᑭᓯᐊᔪᑦ ᖁᕕᐋᒋᔭᐅᓂᖓᓂᒃ ᑖᔅᓱᒪ ᐱᓕᕆᔾᔪᑎᐅᑉ ᐊᒻᒪᓗ ᓄᓇᓕᒥᐅᑕᐅᔪᑦ ᕿᓄᐃᓵᖁᔭᐅᕗᑦ ᓇᐅᒃᑰᕕᔅᓴᔅᓯᐅᑦᑎᓪᓗᑕ ᐱᒋᐊᑦᑎᑕᐅᒍᑎᖓ ᐱᒋᐊᑎᑕᐅᓕᑦᑎᓪᓗᒍ, ᐱᒋᐊᕕᔅᓴᖃᓪᓗᓂ ᓄᕕᐱᕆ 1, 2024−ᒥ. ᐃᓱᒪᒋᒐᑦᑎᒍ ᑭᖑᕙᓯᒑᓛᓐᓂᐊᑦᑐᕆᓪᓗᑎᒍ ᐊᑐᑦᑎᓪᓗᒋᑦ ᖃᔅᓰᓐᓇᐅᒐᓗᐊᑦ ᐱᓇᓱᐋᕈᓯᑦ ᐃᖅᑲᓇᐃᔭᓪᓗᑕ ᐱᓕᕆᐋᖃᑦᑎᓪᓗᑕ ᐃᓘᓐᓇᖏᓐᓂᒃ ᑐᔅᓯᕋᐅᑎᒋᔭᐅᔪᓕᒫᓂᒃ.
ᑕᐅᕗᖓᒃᑲᓐᓂᖅ ᐱᓕᕆᔾᔪᑎᒥᒃ ᑐᓴᐅᕆᐊᖃᒃᓂᕈᒪᒍᔅᓯ, ᐊᑏ ᐃᕐᖐᓐᓇᑦᑕᕈᑎᑰᕝᕕᖃᓚᐅᕆᔅᓯ ᐅᕘᓇ: icfi@iqaluit.ca
ᓇᑯᒻᒦᖑᔪᓯ ᑐᑭᓯᐋᒐᔅᓯ ᐊᒻᒪᓗ ᐃᑲᔪᕋᓱᑦᑎᐋᕋᔅᓯ ᐱᒋᐊᑦᑎᑦᑎᒐᓱᐋᓕᑦᑎᓪᓗᑕ ᑖᔅᓱᒥᖓ ᐱᒻᒪᕆᐊᓗᒻᒥᒃ ᐱᒋᐊᑦᑎᑦᑎᓂᒻᒥᒃ!
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
(867) 979-5619 | G.Byrne@iqaluit.ca