ᓄᓇᓕᓐᓂᒥᐅᑕᐃᑦ

ᐃᓄᖕᓄᑦ ᑐᓴᕋᑦᓴᖅ

ᐳᐃᔾᔪᕋᕐᕕᒃ ᐊᒻᒪ ᐃᓪᓗᕈᓯᖅ ᐊᐅᒃᑲᓐᓂᖓᓇᖅᑐᖅ ᒪᑐᓯᒪᑲᐃᓐᓇᓂᐊᖅᑑᒃ

ᐋᒃᑑᐸ 7, 2024 – ᐃᖃᓗᐃᑦ, ᓄᓇᕗᑦ

ᐊᑐᐃᓐᓇᖃᖏᓗᐊᕐᓂᑎᓐᓄᑦ ᐳᐃᔾᔪᕋᖅᑐᓂᒃ ᖃᐅᔨᓴᖅᑎᑦᓴᓂᒃ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᒡᒍᐊᖅᑐᑦ ᑐᓴᖅᑎᑦᓯᓂᕐᒥᒃ ᓄᓇᓕᕐᒥᐅᑕᓂᒃ ᐳᐃᔾᔪᕋᕐᕕᒃ ᐊᒻᒪ ᐃᓪᓗᕈᓯᖅ ᐊᐅᒃᑲᓐᓂᖓᓇᖅᑐᖅ ᐳᐃᔾᔪᕋᕐᕕᖃᕐᕕᒻᒥ ᒪᑐᔭᐅᓂᐊᕐᒪᑎᒃ ᐅᓪᓗᕈᒻᒥᑕᕐᓇᐅᑎᓪᓗᒍ ᐳᐃᔾᔪᕋᕇᖅᐸᑕ ᐅᓪᓗᒥ.

ᒪᒥᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᐊᒻᒪ ᖁᔭᓕᕙᑉᐳᒍᑦ ᑐᑭᓯᑦᓯᐊᐸᓐᓂᓯᓐᓂᒃ.

ᐃᑲᕐᕋᖏᓐᓄᑦ ᐱᐅᓯᖏᓐᓄᑦ ᐅᑎᓛᕐᒥᔪᑦ ᖃᐅᑉᐸᑦ, ᐋᒃᑑᐸ 8, 2024.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑯᐊᓪᓚᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕈᓯᖅ 2024
ᐋᒃᑑᐸ 4, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᒃ ᐃᑯᐊᓪᓚᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕈᓯᖅ ᐊᑐᖅᑕᐅᓛᕐᓂᖓᓄᑦ ᐋᒃᑑᐸ 6-ᒥᒃ 12-ᒧᑦ, 2024. ᐊᕐᕌᒍᑦᑎᓐᓂ ᐃᓱᒪᒋᔭᐅᔪᖅ ᐅᓇ "ᐳᔪᕐᒥᒃ ᖃᐅᔨᓴᐅᑏᑦ: ᐱᓪᓗᑎᑦ ᐱᓕᕆᑎᑕᐅᒃᑭᑦ!" ᓇᓗᓇᐃᔭᐃᔾᔪᑎᐅᔪᖅ ᐊᑑᑎᖃᖅᑐᒻᒪᕆᐅᓂᖏᓐᓄᑦ ᐱᓕᕆᔾᔪᑎᐅᔪᓐᓇᓯᐊᖅᑎᓪᓗᒋᑦ ᐳᔪᕐᒥᒃ ᖃᐅᔨᓴᐅᑎᐅᔪᑦ ᐊᖏᕐᕋᓯ ᐊᒻᒪ ᐃᓚᒋᔭᓯ ᐊᑦᑕᓇᖅᑐᒦᖁᓇᒋᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᑲᐃᓐᓇᕐᓛᖅᑐᖅ ᓂᐊᖁᖕᖒᓯᐊᕆᐊᖅ ᖃᓂᒋᔮᓃᑦᑐᖅ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG)
ᐋᒃᑑᐸ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᒪᑐᔭᐅᓯᒪᑲᐃᓐᓇᓛᕐᓂᖓᓄᑦ ᐃᓚᖓ ᓂᐊᖁᖕᖒᓯᐊᕆᐊᖅ ᐊᑐᕆᐊᖅ ᐋᒃᑑᐸ 5-ᒥᒃ ᐋᒃᑑᐸ 8-ᒧᑦ, 2024, ᐱᔾᔪᑎᖃᕐᓗᑎᒃ ᓴᓇᔭᐅᓛᕐᓂᖏᓐᓄᑦ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᐅᔪᑦ ᓄᑖᒨᖓᓛᖅᑐᑦ ᒪᒥᓴᕐᕕᒃ ᑐᖕᖓᕕᒻᒧᑦ ᓴᓇᔭᐅᔪᒧᑦ ᐊᑭᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG) ᐊᓐᓂᑭᑦᑐᕐᕕᐅᑉ.

ᓴᖑᒋᐊᕐᕕᓕᐅᕐᓯᒪᓛᖅᑐᑦ, ᐊᒻᒪ ᐊᑐᕆᐊᖅ ᒪᑐᐃᖓᐃᓐᓇᓂᐊᖅᑐᖅ ᓄᓇᒃᑰᔫᖅᑐᓄᑦ ᓇᓪᓕᐊᓐᓄᑐᐃᓐᓇᖅ. ᑭᓯᐊᓂ, ᓄᓇᓕᕐᒥᐅᑕᐃᑦ ᐊᒻᒪ ᓄᓇᒃᑰᔫᖅᐸᑦᑐᑦ ᐅᔾᔨᕈᓱᑦᓯᐊᕐᓗᑎᒃ ᐃᖏᕐᕋᖃᑦᑕᖁᔭᐅᓂᐊᖅᑐᑦ ᐊᕙᑎᐊᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓃᑦᑐᑦ ᓱᒃᑲᐃᓪᓕᒋᐊᕈᑏᑦ ᐲᔭᖅᑕᐅᑲᐃᓐᓇᓂᐊᖅᑐᑦ
ᐋᒃᑑᐸ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐲᔭᐃᑲᐃᓐᓇᖑᓱᒻᒪᑕ ᐊᑐᕆᐊᓃᑦᑐᓂᒃ ᓱᒃᑲᐃᓪᓕᒋᐊᕈᑎᓂᒃ ᓇᑭᑐᐃᓐᓇᖅ ᐱᓇᓱᐊᕈᓯᕐᓂ ᐊᒡᒋᖅᑐᓂ ᐅᐸᓗᖓᐃᔭᐃᕙᓪᓕᐊᓕᖅᑎᓪᓗᒋᑦ ᐅᑭᐅᖑᓂᐊᖅᑐᒧᑦ.

ᓱᒃᑲᐃᓪᓕᒋᐊᕈᑎᐅᔪᑦ ᐲᔭᖅᑕᐅᒍᑎᒃ, ᓄᓇᒃᑰᔫᖅᐸᑦᑐᑦ ᓱᓕ ᓱᒃᑲᐃᓪᓕᒋᐊᖃᑦᑕᖁᔭᐅᓂᐊᖅᑐᑦ ᐊᒻᒪ ᐅᔾᔨᕈᓱᐃᓐᓇᕐᓗᑎᒃ, ᐱᓗᐊᖅᑐᒥ ᓇᔪᒐᖃᕐᕕᒃᑰᓕᕋᐃᒍᑎᒃ ᓱᕈᓯᖃᓗᐊᖅᑐᒃᑯᑦ. ᐊᑦᑕᓇᔾᔭᐃᕐᓯᒪᓂᐅᔪᖅ ᓱᓕ ᓯᕗᓪᓕᐅᔾᔭᐅᖏᓐᓇᓂᐊᕐᒪᑦ ᓄᓇᑦᑎᓐᓂ, ᐊᒻᒪ ᖁᔭᓐᓇᒦᖅᑐᒍᑦ ᐃᓕᑦᓯᓐᓂᓕᒫᑦᓯᐊᖅ ᑲᔪᓯᑎᑦᓰᓐᓇᐸᒃᑲᑦᓯ ᐃᑲᔪᖅᑕᐅᒍᒪᓕᕋᐃᒐᑦᑕ ᖃᓄᑐᐃᓐᓇᖅ ᑲᑐᔾᔨᖃᑕᐅᓗᓯ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑐᖅ - ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (AWG) ᐊᒻᒪ ᐅᐃᕖᓄᑦ ᐃᓕᓐᓂᐊᕐᕕᒃ (Ecole des Trois- Soleils).
ᐋᒃᑑᐸ 02, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (AWG) ᐊᒻᒪ ᐅᐃᕖᓄᑦ ᐃᓕᓐᓂᐊᕐᕕᒃ (Ecole des Trois-Soleils).

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᐃᓄᖕᓄᑦ ᑐᓴᕋᑦᓴᖅ

ᐊᑐᕆᐊᖅ ᒪᑐᔭᐅᑲᐃᓐᓇᕐᓯᒪᓛᖅᑐᖅ - ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒃ ᐊᒻᒪ ᑯᐃᓐ ᐃᓕᓴᐸᖦ ᐊᑐᕆᐊᖅ ᐃᓐᓇᑐᖃᐃᑦ ᖃᒻᒪᖓᓅᕆᐊᖅ

ᓰᑏᐱᕆ 27, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᕐᒥᒃ ᒪᑐᔭᐅᑲᐃᓐᓇᓛᖅᑐᒥᒃ ᓇᒡᒐᔾᔭᐅᒥ, ᓰᑏᐱᕆ 30, 2024, ᐱᒋᐊᕐᓗᓂ ᖁᓛᓂ ᐅᓪᓗᒃᑯᑦ 4-ᒧᓄᑦ ᐅᓐᓄᓴᒃᑯᑦ. ᒪᑐᔭᐅᑲᐃᓐᓇᓛᖅᑐᖅ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒻᒥᒃ ᑕᐅᓄᖓ ᑯᐃᓐ ᐃᓕᓴᐸᖦ ᐊᑐᕆᐊᕐᒧᑦ ᑎᑭᓪᓗᒍ ᐃᓐᓇᑐᖃᐃᑦ ᖃᒻᒪᖓᑦ. ᑕᐅᓇᓂ ᓄᐊᓯᒪᓛᕐᒪᑕ ᑭᒃᑯᑐᐃᓐᓇᐃᑦ ᐱᔾᔪᑎᐅᓗᓂ ᑲᓇᑕᒥ ᐅᓪᓗᖅ ᓱᓕᔪᕐᓂᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᕐᒧᑦ ᐊᒻᒪ ᐃᓅᖃᑎᒌᑦᓯᐊᓂᒃᑯᑦ ᐱᓱᕐᕕᐅᓛᕐᓂᖓᓄᑦ.

ᓄᓇᖕᖑᐊᖅᑕᓕᒃ ᓇᓗᓇᐃᔭᐃᔪᒥᒃ ᓄᓇᒃᑰᔫᓄᑦ ᐊᑐᖅᑕᐅᓛᖅᑐᓄᑦ ᐱᖃᓯᐅᔾᔭᐅᓯᒪᔪᖅ.

ᐃᓄᖕᓄᑦ ᑐᓴᕋᑦᓴᖅ

ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ - ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (AWG) ᐊᒻᒪ ᐅᐃᕖᓄᑦ ᐃᓕᓐᓂᐊᕐᕕᒃ (Ecole des Trois-Soleils)

ᓰᑏᐱᕆ 27, 2024 – ᐃᖃᓗᐃᑦ, ᓄᓇᕗᑦ

ᖃᐅᔨᒪᓂᐊᖅᐳᓯ ᐃᒪᖃᔾᔮᙱᑦᑐᓯ ᓴᓇᑦᑕᐃᓕᒥ, ᓰᑏᐱᕆ 29, ᐱᒋᐊᕐᓗᓂ ᖃᓂᒋᔮᓂ ᐅᓪᓛᒃᑯᑦ 9:00  5:00 ᐅᓐᓄᓴᒃᑯᑦ ᐃᒪᖃᐅᑎᖃᕐᕕᒃ ᓴᓇᔭᐅᓂᐊᖅᑐᖅ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: ᐅᑭᐅᒃᑯᑦ ᐱᖕᖑᐊᕐᕕᐊᓗᒃ (AWG) ᐊᒻᒪ ᐅᐃᕖᓄᑦ ᐃᓕᓐᓂᐊᕐᕕᒃ (Ecole des Trois-Soleils).