ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑎᑦᑎᒍᒪᒻᒪᑕ ᓄᓇᓕᒥᐅᑕᐅᔪᓂᒃ ᓴᓇᒋᐊᑦᑕᐅᕕᔅᓴᖓᓂᒃ ᖁᕕᖃᕕᖓᑕ ᐅᑕᖅᑭᕕᖓᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᖓᑕ.
ᑕᒪᓐᓇ ᐱᕕᖃᒃᑎᑕᐅᖁᓪᓗᒍ ᐃᖅᑲᓇᐃᔮᕆᔭᐅᓂᖓ, ᐅᑕᖅᑭᕕᖓ ᒪᑐᓯᒪᓂᐊᒻᒪᑦ ᐃᓄᓕᒫᓄᑦ ᐋᒐᓯ 19−ᒧᓄᑦ, 2024, ᓱᓇᒃᑯᑖᑦᓴᖏᑦ ᓴᓇᔭᐅᒋᐊᓕᐅᔪᑦ ᑭᖑᕙᕐᒪᑕ ᑎᑭᑕᐅᒐᓱᑦᑐᑎᒃ. ᐊᑐᕐᓂᖓᓂ ᑖᓐᓇ ᓴᓇᔭᐅᓂᖓ, ᐊᑐᑦᑕᐅᖔᕈᓐᓇᑦᑐᒻᒥᒃ ᐃᓯᖅᑕᕐᕕᒻᒥᒃ ᐃᓯᕝᕕᐅᖃᑦᑕᕈᓐᓇᑦᑎᑦᑎᔪᖃᓐᓂᐊᑦᑐᖅ ᐊᑐᑦᑕᐅᓂᐊᑦᑐᒥᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐸᕐᓇᐅᑎᐅᔪᒥᒃ ᐊᑐᕆᐊᕐᒥᒃ ᒪᑐᔭᐅᓯᒪᓛᖅᑐᒥᒃ ᓴᓂᐊᓃᑦᑐᒥᒃ ᓇᑲᓱᒃ ᐃᓕᓐᓂᐊᕐᕕᐅᑉ ᐊᕐᕌᒍᑕᒫᕐᓯᐅᑎᖃᓕᖅᐸᑕ ᓄᓇᕗᑦ ᐅᓪᓗᖓᓂᒃ ᓇᓪᓕᐅᓂᕐᓯᐅᕈᑎᖓᓐᓄᑦ ᖃᓄᐃᓕᐅᕈᑎᖃᓕᖅᐸᑕ ᓇᒡᒋᔾᔭᐅᓕᖅᑭᕐᒥ, ᔪᓚᐃ 9, 2024. ᒪᑐᔭᐅᓯᒪᒋᐊᖃᓛᕐᒪᑦ ᐊᑲᕐᕆᔮᖁᔭᐅᓗᑎᒃ ᐱᓱᕋᔭᓛᖅᑐᑦ ᐊᒻᒪ ᓇᓗᓇᐃᕐᓯᒪᒍᒪᓪᓗᑎᒃ ᐊᑦᑕᓇᔾᔭᐃᕐᓯᒪᒐᔭᕐᓂᖏᓐᓄᑦ ᑕᐃᑲᓂ ᓱᑎᒋᔪᖃᓕᖅᑎᓪᓗᒍ.
ᓄᓇᓕᐸᐅᔭᒃᑯᑦ ᐃᖃᓗᖕᒥᐅᓂᑦ ᑐᓴᐅᒪᖁᔨᔪᑦ ᐊᖅᑯᑎ ᒪᑐᓯᒪᔭᐅᓛᕐᓂᖕᒐᓂᒃ ᐊᓇᐅᖖᒍᐊᕐᕕᐅᑉ ᐊᖅᑯᑎᖕᒐᑦ ᓄᓇᕗᑦ ᐅᓪᓗᖕᒐᓂ ᐊᓇᐅᖖᒍᐊᕐᓇᐅᓕᖅᐸᑦ, ᐊᐃᑉᐱᖅ ᔪᓚᐃ 9, 2024-ᖕᒍᓕᖅᐸᑦ. ᒪᑐᓯᒪᔭᕆᐊᓕᒃ ᑕᑯᕋᕐᓈᕆᐊᖅᑐᓄᑦ ᐊᒻᒪᓗ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒧᑦ.
ᓇᓗᓇᐃᔭᖅᓯᒪᔪᖅ ᐊᖅᑯᑎᓄᑦ ᐊᐅᓚᓂᐅᓛᖅᑐᖅ.
ᐃᖃᓗᐃᑦ ᓄᓇᓕᐸᐅᔭᒃᑯᖕᒋᑦ ᖁᔭᓕᔪᑦ ᑐᑭᓯᐅᒪᒐᔅᓯ ᐱᓕᕆᖃᑕᐅᔪᓐᓇᖃᔅᓯᓗ. ᑲᔪᖕᒋᖅᓴᐃᕗᒍᑦ ᑭᒃᑯᑐᐃᓐᓇᕐᓂᒃ ᑕᑯᕋᓐᓈᕆᐊᖁᔨᓪᓗᑕ ᖁᕕᐊᓱᖃᑕᐅᑦᑎᐊᕐᓗᓯᓗ ᓵᓚᒃᓴᕋᓱᐊᕐᓂᐅᔪᒧᑦ ᐊᑦᑕᕐᓇᖅᑐᒦᖖᒋᓪᓗᓯᓗ.
##
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᖃᐅᔨᒪᔭᐅᑐᐃᓐᓇᔾᔮᖏᒻᒪᑕ ᑭᒃᑯᑐᐃᓐᓇᐃᑦ ᐊᑯᓐᓂᖏᓐᓂ ᐃᒥᕋᓚᑉᐸᑦᑐᓂᒃ ᐃᖃᓗᓐᓂ, ᐱᓗᐊᖅᑐᒥ ᓄᓇᓕᐸᐅᔭᒃᑯᑦ ᐱᖁᑎᖃᕐᕕᖏᓐᓂ ᓲᕐᓗ ᐱᖕᖑᐊᕐᕕᓐᓂ. ᑭᒃᑯᑐᐃᓐᓇᐃᑦ ᐊᑯᓐᓂᖏᓐᓂ ᐋᖓᔮᖅᑐᑦ ᐊᒻᒪ ᐸᕝᕕᓴᐃᔪᑦ ᖃᐅᔨᒪᔭᐅᑐᐃᓐᓇᔾᔮᖏᒻᒪᑕ. ᑕᒪᒃᑯᐊ ᐱᓕᕆᔾᔪᑎᐅᔪᑦ ᐱᑕᖃᖅᑎᑕᐅᕙᒻᒪᑕ ᓇᓗᓇᐃᕐᓯᒪᖁᓪᓗᒋᑦ ᐊᑦᑕᓇᖅᑐᒦᓕᖏᒃᑲᓗᐊᕐᒪᖔᑕ, ᐃᓗᓯᖏᒍᑦ ᐊᑦᑕᓇᔾᔭᐃᕐᓯᒪᓗᑎᒃ ᐊᒻᒪ ᖃᓄᐃᖁᓇᒋᑦ ᐃᓘᓐᓇᑎᒃ ᓄᓇᓕᕐᒥᐅᑕᐃᑦ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᑯᓂᖓ, ᐱᒋᐊᕐᓯᒪᓪᓗᑎᒃ ᒪᐃ 1, 2024, ᑖᑦᓯᓄᑦ ᐃᑭᒪᔪᓐᓇᐅᑎᐅᔪᑦ ᖁᕝᕙᒋᐊᕐᓯᒪᓕᕐᒪᑕ $9-ᓂᒃ $9.25-ᓄᑦ. ᐊᒻᒪᑦᑕᐅᖅ, ᐃᑭᒪᔪᓐᓇᐅᑎᐅᔪᑦ ᐊᑭᓕᖅᑕᐅᕙᑦᑐᑦ ᐃᓐᓇᑐᖃᕐᓄᑦ ᖁᕝᕙᒋᐊᕐᓯᒪᒋᓪᓗᑎᒃ $7.50-ᓄᑦ ᐃᑭᒪᑎᑕᐅᓂᖅᑕᒫᑦ, ᐊᒻᒪ ᐃᓐᓇᑐᖃᕐᓄᑦ ᐊᑭᓕᐅᑎᐅᕙᑦᑐᑦ ᐊᑐᖅᑕᐅᔪᓐᓇᓕᖅᑐᑦ ᑭᓯᐊᓂ ᐊᕐᕌᒍᓕᓐᓄᑦ 65-ᓂᒃ ᐊᖏᔪᑦᑎᓄᑦ. ᓱᕈᓰᑦ ᐊᕐᕌᒍᓖᑦ 10 ᑐᖔᓂ, ᐃᓐᓇᕐᒥᒃ ᐊᐃᑉᐸᖃᓚᐅᑐᐊᕈᑎᒃ ᓱᓕ ᐊᑭᓖᑎᑕᐅᔾᔮᖏᑦᑐᑦ. ᑕᒪᒃᑯᐊ ᐊᓯᔾᔨᐅᑎᐅᔪᑦ ᐊᑐᖅᑕᐅᓂᐊᖅᑐᑦ ᐃᓘᓐᓇᖏᓐᓄᑦ ᐊᕙᑎᖏᓐᓅᖅᑕᐅᓄᑦ ᐃᓗᐊᓂ ᐃᖃᓗᐃᑦ ᐊᑭᓖᕕᐅᒋᐊᖃᕐᓂᖏᓐᓄᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᐃᖃᓗᖕᒥᐅᑕᓂᒃ ᐊᖅᑯᑎ ᒪᑐᓯᒪᓛᕐᓂᖕᒐᓂᒃ ᔪᓚᐃ 8-ᒥ ᐋᒡᒌᓯ 5-ᒧᑦ, ᓯᓈ ᐊᖅᑯᑎᖕᒐ ᐊᑯᓐᓂᖕᒐᓃᑦᑐᖅ ᐅᒥᐊᖅ ᐊᖅᑯᑎ ᐊᒻᒪᓗ ᖃᔭᖅ ᐊᖅᑯᑎᖕᒐᓂ. ᑖᓐᓇ ᒪᑐᓯᒪᔭᕆᐊᓕᒃ ᐊᖅᑯᑎᓕᐅᖅᑕᐅᒃᑲᓐᓂᕐᓂᐊᕐᒪᑦ ᐊᒻᒪᓗ ᐅᔭᕋᐅᔭᓕᖅᓱᖅᑕᐅᑦᑎᐊᕐᓗᓂ.
ᐃᖃᓗᐃᑦ ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖖᒋᓕᐅᕈᑎᓕᒃᑕᖃᖅᐸᑦ ᖁᔭᓕᓪᓗᑎᓪᓗ ᑐᑭᓯᐅᒪᑦᑎᐊᕐᓂᔅᓯᓐᓂᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕐᕕᒋᔪᓐᓇᖅᑕᐃᑦ: