ᐃᖅᑲᓇᐃᔮᔅᓴᖅ – ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔮᔅᓴᖅ – ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ
ᐅᑦᑑᐱᕆ 24, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑕᐅᑎᑦᑎᒍᒪᒻᒪᑕ ᐃᓕᔅᓯᓄᑦ ᖁᕕᐊᓇᑦᑐᖃᓂᖓᓂᒃ ᐱᒋᐊᕕᔅᓴᐅᑎᑕᐅᔪᖃᓂᖓᓂᒃ ᐱᓕᕆᒍᓇᐅᑎᓕᒻᒧᑦ ᐃᖅᑲᓇᐃᔭᑦᑕᕋᓱᐊᑐᒧᑦ. ᒫᓐᓇᐅᔪᒥᑦ ᕿᓂᖅᑐᒍᑦ ᐃᖅᑲᓇᐃᔭᖅᑎᑦᑎᓂᕐᒥᑦ ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨᒥᑦ!

ᑖᓐᓇ ᐱᑕᖃᕆᐊᖃᖅᑐᖅ ᐱᓕᕆᒋᐊᓕᖏᑦ ᑲᑎᑦᑎᓂᖃᖅᑐᓂ ᓄᓇᓕᒻᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᑎᖅᑕᖏᓐᓄᑦ, ᐃᑲᔪᕐᓂᖅ ᐊᒻᒪ ᐊᐅᓚᑦᑎᓂᕐᒧᑦ ᓄᓇᓕᐸᐅᔭᒃᑯᑦ ᑐᓴᒪᔾᔪᑎᓕᕆᔾᔪᑎᖏᑦ, ᐊᒻᒪ ᓇᓗᓇᐃᕐᓗᒍ ᐊᐅᓚᓂᖃᑦᑎᐊᖅᑐᒥᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᐅᔪᑦᑭ ᑐᓂᔭᐅᓂᖏᑦ. ᐃᑲᔪᖅᑐᐃᔨ ᓄᓇᕗᒻᒥ ᐃᓄᓐᓂᑦ ᐊᒻᒪ ᓄᓇᓕᒻᒥᐅᑕᓂᑦ, ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ ᐃᖅᑲᓇᐃᔭᖃᑎᖃᓂᐊᖅᑐᑦ ᓄᓇᓕᐸᐅᔭᒃᑯᑦ ᐱᓕᕆᕕᖏᓐᓂ ᑖᒃᑯᐊ ᓄᓇᓕᒻᒥᐅᑕᐃᑦ ᐱᐅᔪᒥᑦ ᐊᑐᕐᓂᖃᕐᓗᑎ ᓄᓇᓕᐸᐅᔭᒃᑯᓐᓄᑦᕝ.

ᐃᖅᑲᓇᐃᔮᑖᖅᑐᖅ ᓯᓚᑦᑐᓴᕐᕕᒃᒥᑦ ᓇᓗᓇᐃᒃᑯᑕᖃᓂᐊᖅᑐᖅ ᐅᕝᕙᓘᓐᓃᑦ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᑐᓴᐅᒪᔾᔪᑎᓕᕆᓂᕐᒧᑦ, ᐱᖅᑯᓯᓂᑦ ᖃᐅᔨᓴᕐᓂᐅᔪᑦ, ᓇᒻᒥᓂᐅᔪᒥᑦ ᐊᐅᓚᑦᑎᓂᕐᒥᑦ, ᐅᕝᕙᓘᓐᓃᑦ ᐊᑦᑐᐊᓂᓖᑦ ᐃᖅᑲᓇᐃᔮᒧᑦ, ᐊᑦᑏᓐᓇᐅᓛᕆᓗᒋᑦ ᒪᕐᕉ ᐊᕐᕌᒎᓐᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᓄᓇᓕᒻᒥᑦ, ᓄᓇᕗᒻᒥ, ᒐᕙᒪᒃᑯᑦ ᐊᒻᒪ ᒐᕙᒪᑐᖃᒃᑯᑦ, ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᖏᑦᑐᓂᑦ. ᐅᖃᕈᓐᓇᑎᐊᕐᓗᓂ ᑕᒪᒃᑭᓐᓂ ᐃᓄᒃᑎᑐᑦ ᐊᒻᒪ ᖃᓪᓗᓈᑎᑐᑦ, ᐃᓄᓐᓄᑦ ᐅᖃᓪᓚᖃᖅᑦᑕᖅᓯᒪᓗᓂ, ᑎᑎᕋᓂᕐᒥᑦ, ᐊᒻᒪ ᐊᑲᐅᖏᓕᐅᕈᑎᓂᑦ ᐋᖅᑭᔅᓯᓂᕐᒧᑦ ᖃᐅᔨᒪᓂᐅᔪᑦ, ᐱᑕᖃᕆᐊᖃᖅᑎᑕᐅᔪᑦᕝ. ᐃᖅᑲᓇᐃᔮᖅᑖᖁᒥᓇᖅᑐᖅ ᖃᐅᔨᒪᓂᖃᓂᐊᖅᑐᖅ ᐃᖃᓗᐃᑦ ᐱᖅᑯᓯᑐᖃᖓᓂ ᐊᒻᒪ ᐃᓄᐃᑦ ᐱᖅᑯᓯᖏᓐᓂ, ᐃᖅᑲᓇᐃᔭᖃᑦᑕᖅᓯᒪᓗᓂ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᑲᐅᖏᓕᐅᕈᑎᓂᑦ ᐋᖅᑭᔅᓯᓂᕐᒧᑦ, ᐊᒻᒪ ᖃᐅᔨᒪᓂᖃᕐᓗᓂ MS Office Suite ᐊᒻᒪ ᑎᑎᕋᖅᓯᒪᔪᓂᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᑦ.

ᑕᕝᕙᓂ ᐃᖅᑲᓇᐃᔮᒥᑦ, ᑐᓴᐅᒪᑎᑦᑎᓕᕆᔨ ᐃᖅᑲᓇᐃᔭᓂᐊᖅᑐᖅ ᐋᖅᑭᔅᓯᓗᓂ ᓂᐅᕕᖃᑦᑕᖅᑐᓄᑦ ᐱᔨᑦᑎᖅᑕᓄᑦ ᐃᓱᒫᓘᑕᐅᔪᓂᑦ, ᐃᓚᒋᔭᐅᖃᑕᐅᓗᓂ ᐃᓚᒋᒋᔭᐅᓪᓗᓂ ᐃᖅᑲᓇᐃᔭᖅᑎᓄᑦ ᖃᐅᔨᓴᕐᓗᓂ ᐊᒻᒪ ᐊᑐᓕᖅᑎᑦᑎᓗᓂ ᑐᓴᐅᒪᔾᔪᑎᓕᕆᓂᕐᒧᑦ ᐱᕙᓪᓕᐊᓂᖏᑦ, ᐊᒻᒪ ᓴᖅᑭᑎᑦᑎᓗᓂ ᑎᑎᕋᖅᓯᒪᔪᓂᑦ ᑎᒥᐅᑉ ᐃᓗᐊᓄᑦ ᐊᒻᒪ ᓯᓚᑖᓄᑦ ᑐᕌᖅᑕᐅᔪᓄᑦ, ᐱᖃᓯᐅᑎᓪᓗᑎ ᐃᓗᓕᖏᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ ᐊᒻᒪ ᖃᕋᓴᐅᔭᒃᑯᑦ ᐅᖃᖃᑎᒌᓐᓂᐅᔪᓄᑦ.

ᐃᓚᒋᓪᓗᓂᐅᒃ ᓄᓇᓕᐸᐅᔭᒃᑯᑦ ᑲᔪᖏᖅᓯᒪᔭᖏᑦ ᓴᖅᑭᔮᖅᑎᑦᑎᓗᑎ ᐃᓄᐃᑦ ᐱᖅᑯᓯᖏᓐᓂ ᐊᒻᒪ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐸᕐᓇᐅᑎ (IEP), ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᓄᓇᕗᒻᒥ ᐃᓄᐃᑦ ᐊᑎᓕᐅᖅᓯᒪᔪᑦ ᓄᓇᕗᒻᒧᑦ ᐊᖏᕈᒻᒥᑦ.
ᕿᒥᕐᕈᔪᓐᓇᖅᑕᑎᑦ ᐊᑕᖏᓕᒫᖅᑐᒋᑦ ᐃᖅᑲᓇᐃᔮᔅᓴᖅ ᑕᑯᔅᓴᐅᑎᑕᐅᓂᖓ ᐅᕙᓂ: ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ ᐃᖅᑲᓇᐃᔮᖅ ᓴᖅᑭᔮᖅᑎᑕᐅᓂᖓ

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᐃᓴᐃᔭ ᐸᒥᒡᐹᑦ
ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᖃᐅᔨᒪᔨᑕᖅ
867-975-8517 |o.bamigbade@iqaluit.ca