ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᓯᒪᓂᐊᖅᑐᖅ - ᓯᓈ ᐊᑐᕆᐊᖅ ᐊᑯᓐᓂᖓᓃᑦᑐᖅ ᐅᑯᐊ ᐊᑐᕆᐊᑦ ᐅᒥᐊᖅ ᐊᑐᕆᐊᒃ ᑕᒪᒃᑮᒃ
ᒪᐃ 9, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᒥᓱᓂᒃ ᐊᑐᕆᐊᓂᒃ (ᓄᓇᖕᖑᐊᖅ ᑕᑯᒋᐊᖁᔪᖅ) ᒪᑐᔭᐅᓯᒪᓂᐊᖅᑐᓂᒃ ᐊᑦᑐᐃᔪᓂᒃ ᓯᓈ ᐊᑐᕆᐊᕐᒥᒃ ᐊᑯᓐᓂᖏᓐᓃᑦᑐᒥᒃ ᐅᒥᐊᑦ ᐊᑐᕆᐊᒃ. ᒪᑐᔭᐅᓯᒪᓂᐊᖅᑐᑦ ᐱᔾᔪᑎᐅᓗᑎᒃ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᔭᐅᒐᑎᒃ ᐊᔾᔨᓕᐅᕆᓂᖏᓐᓂ ᑕᑯᑦᓴᐅᔪᑦᓴᓂᒃ ᑕᕐᕆᔭᓕᐊᒥ “ᐱᖓᓐᓇ ᐱᖓᓐᓇᒥ”.

ᒪᑐᔭᐅᓚᐅᖅᐸᓂᐊᖅᑐᑦ ᐱᒋᐊᕐᓗᑎᒃ ᑎᓴᒻᒥᕐᒥ, ᒪᐃ 9, 2024 7-ᒥ ᐅᓐᓄᒃᑯᑦ ᑎᓴᒻᒥᕐᒧᑦ, ᒪᐃ 15 ᐅᓐᓄᒃᑯᑦ 10-ᒧᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᓯᒪᓂᐊᖅᑐᖅ - ᓄᓇᕗᑦ ᐊᑐᕆᐊᖅ
ᒪᐃ 9, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᒥᓱᓂᒃ ᐊᑐᕆᐊᓂᒃ (ᓄᓇᖕᖑᐊᖅ ᑕᑯᒋᐊᖁᔪᖅ) ᒪᑐᔭᐅᓯᒪᓂᐊᖅᑐᓂᒃ ᐊᑦᑐᐃᔪᒥᒃ ᓄᓇᕗᑦ ᐊᑐᕆᐊᕐᒥᒃ. ᒪᑐᔭᐅᓯᒪᓂᐊᖅᑐᑦ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᓇᒋᑦ ᐊᔾᔨᓕᐅᕆᓂᖏᓐᓂ ᑕᑯᑦᓴᐅᔪᑦᓴᓂᒃ ᐅᕙᓂ “ᐱᖓᓐᓇ ᐱᖓᓐᓇᒥ”.

ᐊᑐᕆᐊᖅ ᒪᑐᔭᐅᓯᒪᓛᖅᑐᖅ ᓈᑦᓯᐅᖑᔭᓛᕐᓂᐊᒥ, ᒪᐃ 11 ᐅᓪᓛᓂᒃ 8-ᒥᓂᒃ ᐅᓐᓄᓴᒧᑦ 2-ᒧᓄᑦ.

ᓯᓚᕈᔫᓕᕐᓂᕈᓂ, ᒪᑐᔭᐅᓯᒪᖔᕋᔭᖅᑐᖅ ᐊᓯᐊᓂ ᐅᓪᓗᕐᓂ ᐊᑯᓐᓂᖏᓐᓂ ᓈᑦᓯᐅᖑᔭᓛᕐᓂᐊᒥ, ᒪᐃ 11, 2024 ᐊᒻᒪ ᐱᖓᑦᓯᖅ, ᒪᐃ 15 ᐅᓐᓄᒃᑯᑦ 10-ᒥ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐅᔭᒃᑯᑦ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᓂᖏᑦ
ᒫᑦᓯ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᔅᓴᖃᖅᑐᑦ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ. ᓄᓇᓕᐸᐅᔭᖅ ᒪᓂᒪᑎᑦᑎᔪᑦ ᑐᑭᖃᑦᑎᐊᖅᑐᒥᑦ ᐃᖅᑲᓇᐃᔭᕐᓂᕐᒧᑦ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐱᕕᒃᓴᖃᖅᑎᑦᑎᔪᒥᒃ ᐃᓕᓐᓂᐊᖅᑎᓂᒃ ᐱᔪᓐᓇᕐᓂᖃᖅᑎᑦᑎᓂᖅ ᐱᒻᒪᕆᐅᔪᒥᒃ ᐃᖅᑲᓇᐃᔮᒥ−ᐱᓕᒻᒪᒃᓴᖅᑎᑕᐅᓂᕐᒧᑦ ᕼᐋᒻᓚᒃᑯᑦ ᒐᕙᒪᖏᑕ
ᐊᕙᑎᖏᓐᓂ. ᖃᔅᓯᑲᓪᓚᑦ ᐃᖅᑲᓇᐃᔮᒃᓴᑦ ᐊᑐᐃᓐᓇᐅᔪᑦ ᐊᔾᔨᒌᙱᑦᑐᓂᒃ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑎᑭᓐᓂᖅ ᐊᖏᕐᕋᒧᑦ ᐱᓕᕆᐊᑦᓴᖅ - ᑐᑦᓯᕋᐅᑎᓕᐅᖁᔨᓂᖅ
ᒪᐃ 8, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᑎᑭᓐᓂᖅ ᐊᖏᕐᕋᒧᑦ ᐱᓕᕆᐊᑦᓴᓕᕆᔨᐅᔪᑦ ᕿᒥᕐᕈᓇᓕᕐᒥᒻᒪᑕ ᑐᑦᓯᕋᐅᑎᓂᒃ ᐱᓕᕆᐊᑦᓴᖃᕈᒪᔪᓂᒃ, ᐊᕐᕌᒍᒧᑦ ᑮᓇᐅᔭᓕᕆᕝᕕᒻᒥ (2024-2025), ᑐᕌᒐᐅᔪᓄᑦ ᐊᑐᖅᑕᐃᓕᒪᑎᑦᓯᔾᔪᑎᑦᓴᓂᒃ ᐅᕝᕙᓘᓐᓃᑦ ᖃᑦᓰᓐᓇᕈᖅᐹᓕᕈᑎᑦᓴᓂᒃ ᐊᖏᕐᕋᖃᖏᓐᓂᐅᓴᔪᓂᒃ ᐃᖃᓗᓐᓂ. ᑮᓇᐅᔭᖃᖅᑎᑦᓯᔨᐅᓗᑎᒃ ᒐᕙᒪᒃᑯᑦ ᑲᓇᑕᒥ ᑎᑭᓐᓂᖅ ᐊᖏᕐᕋᒧᑦ ᐱᓕᕆᐊᑦᓴᖅ, ᑮᓇᐅᔭᖃᖅᑎᑦᓯᒍᓐᓇᖅᑐᑎᒃ ᑐᕌᒐᖃᖅᑐᓄᑦ ᐊᑐᖅᑕᐃᓕᒪᑎᑦᓯᔾᔪᑎᑦᓴᓂᒃ ᐅᕝᕙᓘᓐᓃᑦ ᖃᑦᓰᓐᓇᕈᖅᐹᓕᕈᑎᑦᓴᓂᒃ ᐊᖏᕐᕋᖃᖏᓐᓂᐅᓴᔪᓂᒃ ᑲᓇᑕᒥ. ᐃᖃᓗᓐᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᓕᕆᐊᖃᖅᐸᑦᑐᑦ ᑕᒪᒃᑯᓂᖓ ᑮᓇᐅᔭᓂᒃ.

ᑮᓇᐅᔭᐃᑦ ᑲᑎᑦᑐᒋᑦ $600,000 ᐊᑐᐃᓐᓇᐅᑎᑕᐅᔪᑦ ᖃᓄᐃᓕᐅᕈᑎᑦᓴᒫᖑᓪᓗᑎᒃ ᐅᑯᓂᖓ ᐱᔾᔪᑎᓕᓐᓂᒃ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᑎᒪᔨᒃᓴᓂᒃ ᑐᒃᓯᕋᖅᑐᑦ – ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᒪᐃ 06, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᖁᔨᕗᑦ ᐃᖃᓗᒻᒥᐅᓂᒃ ᑎᓴᒪᓂᒃ ᐃᖅᑲᓇᐃᔮᒃᓴᓂᒃ ᐅᒃᑯᐃᖅᓯᔪᖃᕐᓂᐊᕐᓂᖓᓂᒃ ᐃᓚᒋᔭᐅᓕᕐᓂᐊᕐᓗᓂ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᓄᑦ.

ᑕᒪᕐᒥᑦ ᐱᔪᒪᓂᖃᕋᔭᖅᑐᑦ ᐃᓄᐃᑦ ᑮᓇᐅᔭᓕᕆᓂᕐᒧᑦ ᐊᑲᐅᓈᖅᓯᒪᔭᕆᐊᖃᖅᑐᑦ ᓄᓇᓕᐸᐅᔭᒃᑯᓐᓄᑦ ($500.00 ᐊᑮᑦᑐᑦ ᐅᖓᑖᓂᐅᙱᑦᑐᖅ).

$250.00−ᓂᒃ ᐊᑭᓖᔪᖃᖅᐳᖅ ᑮᓇᐅᔭᒃᑯᕕᖕᒧᐊᖅᑕᐅᑲᐅᑎᒋᔪᓂᒃ ᑕᒪᐃᓐᓄᑦ ᐊᑐᓂᑦ ᑲᑎᒪᓂᕐᓄᑦ ᐃᓚᐅᓂᕐᓄᑦ.

ᑲᑎᒪᔩᑦ ᑎᒃᑯᐊᖅᓯᖃᑦᑕᕐᓂᐊᖅᐳᑦ ᑲᑎᒪᔨᒃᓴᓂᒃ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᓂᐊᖅᑐᒥᒃ.

2024−ᒥ ᑲᑎᒪᓛᖅᑐᑦ, ᓄᓇᓕᐸᐅᔭᐅᑉ ᑲᑎᒪᕕᖓᓂ, ᐅᕙᓂ:

  • ᐋᒡᒌᓯ 8, 2024 6:00 ᐅᓐᓄᒃᑯᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᕐᖓᓵᒃᑯᑦ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕐᓂᖅ ᑰᕝᕕᑦᓴᓂᑦ ᐊᒻᒪ ᑰᕝᕕᓐᓂᑦ ᓱᓪᓗᓕᓐᓂᑦ ᓂᓚᐃᔭᐃᓂᖅ ᐱᒋᐊᖅᑐᑦ

ᐄᐳᓗ 29, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐱᒋᐊᕐᓯᒪᓕᕐᒥᒻᒪᑕ ᐅᐱᕐᖓᓵᒃᑯᑦ ᐊᑐᕆᐊᑦ ᑭᓪᓕᖏᓐᓂᑦ ᐃᓯᕐᓴᓕᐅᕆᓂᕐᒥᑦ ᐊᒻᒪ ᑰᕝᕕᓐᓂᑦ ᓱᓪᓗᓕᓐᓂᑦ ᓂᓚᐃᔭᐃᕙᓪᓕᐊᓪᓗᑎᒃ.

ᖃᐅᔨᒪᖁᔭᐅᕗᓯ ᖃᒧᑕᐅᔭᓄᑦ ᐊᖅᑯᑏᑦ ᐱᐅᓗᐊᕈᓐᓃᕐᒪᑕ ᒫᓐᓇᐅᔪᖅ, ᑕᐃᒪᐃᓐᓂᖏᓐᓄᑦ ᖃᐅᔨᓴᑦᑎᐊᕐᔫᒥᖃᑦᑕᖁᔭᐅᕗᓯ.

ᐊᒻᒪᑦᑕᐅᖅ, ᐃᖅᑲᐃᑎᒋᐊᖃᑦᑕᕐᓯᐅᒃ ᕿᑐᕐᖓᓯ ᓱᑐᐃᓐᓇᕐᒥᑦ ᓄᓇᑦᑎᓐᓂ ᐃᒪᖃᕐᓂᖏᑦ ᐃᑎᔪᑲᓪᓚᕈᓘᑲᐃᓐᓇᖑᓱᒻᒥᒻᒪᑕ.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᐅᔪᒥᑦ ᓇᓗᓇᐃᖅᓯᓂᕐᒥᑦ ᐊᒻᒪ ᓈᒻᒪᓴᖏᓂᕐᒧᑦ ᑐᓴᖅᑎᑦᑎᓂᕐᒧᑦ ᐱᕙᓪᓕᐊᓂᖓ
ᐄᐳᓗ 29, 2024 – ᐃᖃᓗᐃᑦ, ᓄᓇᕗᑦ

ᐊᑐᕐᓂᖃᕋᑖᖅᓯᒪᕕᑦ ᐃᓱᒫᓘᑎᒥᑦ ᐊᑐᕆᐊᓄᑦ, ᐊᑐᕆᐊᑦ ᑎᑎᖅᑲᖏᓐᓄ, ᕿᒻᒥᓄᑦ, ᑖᒃᓯᓄᑦ, ᐅᕝᕙᓘᓐᓃᑦᐊᓯᖏᓐᓂ ᐱᔨᑦᑎᖅᑕᓂᑦ ᐱᑕᖃᖅᑎᑕᐅᔪᓂᑦ ᐅᕝᕙᓘᓐᓃᑦ ᒪᓕᒋᐊᖃᖅᑎᑕᐅᔪᓂᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᐃᑦ? ᐊᓯᐊᒎᕈᑎᔅᓴᕐᓕ, ᐃᒻᒪᖃ ᐱᐅᔪᒥᑦ ᐊᑐᖅᓯᒪᓂᖃᕈᓐᓇᖅᑐᑎᑦ ᐃᕝᕕᑦ ᑐᓂᔪᒪᔭᖓᓂ. ᓄᓇᓕᐸᐅᔭᖓ ᐃᖃᓗᐃᑦ ᑐᓴᕈᒪᔪᑦ ᐃᓕᓐᓂᑦ.