ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴ
ᐃᓄᐃᑦ ᓱᕈᓰᑦ ᓯᕗᓪᓕᖅᐹᒥ ᐱᒋᐊᖅᑎᑦᓯᔾᔪᑎᒧᑦ ᐅᐸᓗᖓᐃᔭᐃᕕᑦᓴᑦ ᐅᓪᓗᕐᓯᐅᑎᒍᑦ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᒃ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᒃ ᐊᑎᓕᐅᕐᓯᒪᔪᓂᒃ ᐊᑐᕐᓂᐊᖅᑐᓂᒃ ᐃᓄᓐᓄᒃ ᓱᕈᓯᕐᓄᑦ ᓯᕗᓪᓕᖅᐹᒥ ᐱᒋᐊᖅᑎᑕᐅᓯᒪᔪᒥᒃ ᐅᑕᖅᑭᖃᑦᑕᕆᐊᖃᕐᓂᐊᕐᒪᑕ ᐃᒻᒪᖄ ᑕᓪᓕᒪᓂᒃ (5) ᐅᓪᓗᕐᓂᒃ ᐃᖅᑲᓇᐃᔭᕐᓇᐅᔪᓂᒃ ᓂᐅᕕᕐᕕᓕᐊᓚᐅᖏᓂᕐᒥᓂ ᓂᕈᐊᒐᕆᓯᒪᔭᕐᒥᓄᑦ. ᐊᑐᓂ ᓂᐅᕕᕐᕕᐅᔪᑦ ᐋᖅᑭᑦᓱᐃᕙᓐᓂᐊᖅᑐᑦ ᐊᑎᖃᕐᕕᑦᓴᖏᓐᓂᒃ ᐊᑎᓕᐅᕐᓯᒪᔪᑦ ᐊᑐᕐᓂᐊᖅᑐᑦ ᐊᒻᒪ ᐊᑐᓂ ᓱᕈᓯᕐᓄᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᒃᑯᑦ, ᓇᓗᓇᐃᕐᓯᒪᒍᒪᓪᓗᑎᒃ ᐊᑎᖃᕐᕕᐅᔪᑦ ᐊᑐᓂ ᑐᕌᖓᒐᓗᐊᕐᒪᖔᑕ ᐃᓘᓐᓇᖏᓐᓄᑦ ᐊᑎᖃᖃᑕᐅᔪᓄᑦ ᐱᔪᓐᓇᖅᑎᑕᐅᔪᓄᑦ.
ᐱᓕᕆᐊᑦᓴᖅ ᐊᑐᐃᓐᓇᐅᑎᑕᐅᔪᖅ ᐃᓄᓐᓄᑦ ᒪᒃᑯᑦᑐᓄᑦ ᐊᕐᕌᒍᓕᓐᓂᒃ 18-ᓂᒃ ᓄᑲᖅᑎᓄᑦ. ᒪᒃᑯᑦᑐᐃᑦ ᐊᕐᕌᒍᓖᑦ 18-ᓂᒃ ᑐᑦᓯᕋᕈᓐᓇᖅᑐᑦ, ᑭᓯᐊᓂ ᐱᖃᑕᐅᔪᖅ ᐊᕐᕌᒍᖅᑖᕈᓂ 19-ᓂᒃ ᐱᓕᕆᐊᑦᓴᖅ ᐃᓱᓕᓚᐅᖏᓐᓂᖓᓂ, ᐲᖅᑕᐅᑦᓴᐅᑎᒋᖃᑦᑕᓂᐊᖅᑐᑦ ᐊᕐᕌᒍᖅᑖᕐᕕᖏᓐᓂ 19-ᓂᒃ ᐅᓪᓗᕐᓯᐅᑎᒍᑦ.
ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᐅᒍᕕᑦ ᐊᑎᓕᐅᕐᓯᒪᒌᕐᓗᑎᑦ ᐅᕗᖓ ᐱᓕᕆᐊᑦᓴᒧᑦ, ᑐᑦᓯᕋᐅᑎᓕᐅᒃᑲᓐᓂᕈᓐᓇᖏᑦᑐᑎᑦ.
ᐱᓕᕆᐊᑦᓴᖅ ᐱᓪᓗᒍ ᑐᑭᓯᒋᐊᒃᑲᓐᓂᕐᕕᑦᓴᖅ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᓗᓂ ᐅᕗᖓ: icfi@iqaluit.ca
ᖁᔭᓕᕗᒍᑦ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᖏᓐᓄᑦ ᐃᓘᓐᓇᑎᒃ ᐊᑐᕐᓂᐊᖅᑐᑦ ᐱᐅᓯᑎᑦᓯᕙᓪᓕᐊᖏᓐᓇᑎᓪᓗᑕ ᐱᓕᕆᔾᔪᑎᐅᔪᒥᒃ ᐊᑐᐃᓐᓇᐅᑦᓯᐊᖁᓪᓗᒍ ᐊᒻᒪ ᑲᔪᓯᑦᓯᐊᖁᓪᓗᒍ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
