ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᓪᓕᐅᓂᕐᓯᐅᕈᑎᖃᕐᓂᖅ ᐃᖅᑲᐅᒪᔭᐅᖁᓪᓗᒋᑦ ᐊᕐᕌᒍᓄᑦ 80-ᓄᑦ ᐊᓂᒍᕐᓯᒪᓕᕐᓂᖓᓄᑦ ᐅᓇᑕᖅᑎᓪᓗᒋᑦ ᐊᑐᖅᑕᐅᓚᐅᕐᓯᒪᔪᒥᒃ ᐅᓪᓗᕐᒥᒃ D-Day
ᔪᓂ 5, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ, ᑲᑐᔾᔨᖃᑎᖃᕐᓗᑎᒃ ᕈᐊᐃᐅᓪ ᑲᓇᐃᑎᐊᓐ ᓖᔭᓐ (Royal Canadian Legion), ᓖᔾᔭᓕᕆᔨᓂᒃ, ᐅᐱᒍᓱᑦᓯᐊᖅᑐᑎᒃ ᐃᖅᑲᐅᒪᒋᔭᖃᕈᒪᓕᕆᕗᑦ ᐊᕐᕌᒍᓄᑦ 80-ᓄᑦ ᐊᓂᒍᕐᓯᒪᓕᕐᓂᖓᓄᑦ ᐊᑐᖅᑕᐅᓚᐅᕐᓯᒪᔪᒥᒃ ᐅᓪᓗᕐᒥᒃ ᐅᓇᑕᖅᑎᓪᓗᒋᑦ ᑕᐃᒪᐃᔪᒥᒃ D-Day ᔪᓂ 6, 2024.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᓄᓇᖃᖅᑳᕐᓯᒪᔪᑦ ᑭᒃᑯᑐᐃᓐᓇᐃᑦ ᐅᓪᓗᖓᓂ ᖃᓄᐃᓕᐅᖅᑕᐅᓛᖅᑐᑦ
ᔪᓂ 5, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑕ ᑭᐱᖕᖑᐃᔭᐃᔨᖏᑦ ᐱᖕᖑᐊᖅᑐᓕᕆᔨᒃᑯᑦ ᑐᖕᖓᓱᑦᑎᑦᓯᓕᕐᒥᔪᑦ ᓄᓇᓕᕐᒥᐅᑕᓂᒃ ᓇᓪᓕᐅᓂᕐᓯᐅᖃᑕᐅᖁᓪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᑦ ᑭᒃᑯᑐᐃᓐᓇᐃᑦ ᐅᓪᓗᕆᓛᖅᑕᖓᓂ ᐸᕐᓇᐅᑎᐅᓯᒪᔪᓂᒃ ᐊᑐᖅᑕᐅᓛᖅᑐᓄᑦ ᑕᓪᓕᒥᕐᒥ, ᔪᓂ 21, 2024.

ᐅᑯᐊ ᐊᑐᖅᑕᐅᓛᖅᑐᓄᑦ ᓯᕿᖕᖑᔭᑎᒍᑦ ᐋᖅᑭᓱᖅᑕᐅᓯᒪᔪᑦ, ᑐᖕᖓᓱᑦᑎᑦᓯᔨᐅᓗᑎᒃ ᓄᓇᓕᐸᐅᔭᒃᑯᑦ ᐃᖃᓗᓐᓂ, ᑕᓪᓕᒥᕐᒥ, ᔪᓂ 21, 2024:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᒃᓯᕋᕐᓂᖅ ᑲᑐᔾᔨᖃᑎᒌᓂᒃ ᐃᓚᐅᖃᑕᐅᓂᐊᕐᓗᑎᒃ ᑲᓇᑕᐅᑉ ᐅᓪᓗᖓᓂ ᐊᖅᑯᖅᑐᑯᑦ ᖁᕕᐊᓱᖃᑎᒌᓐᓂᕐᒥᑦ
ᔫᓂ 5, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᕗᑦ ᓄᓇᓕᒻᒥᐅᓂᒃ 2024−ᒥ ᑲᓇᑕᐅᑉ ᐅᓪᓗᐊᓂ ᐊᖅᑯᖅᑐᑯᑦ ᖁᕕᐊᓱᖃᑎᒌᓐᓂᖅ ᑐᕌᖓᓂᐊᖅᑐᖅ ᓇᓗᓇᐃᖅᓯᓂᕐᒥᒃ ᑭᓱᓂᒃ ᐊᑐᖅᑕᐅᔪᓐᓇᖅᑐᓂᒃ ᐊᒻᒪ ᐱᔨᑦᑎᕋᐅᑎᓂᒃ ᐊᑐᐃᓐᓇᐅᔪᓂᑦ ᓄᓇᓕᒥ.

ᑕᐃᒪᐃᓐᓂᖓᓄᑦ, ᓄᓇᓕᐸᐅᔭᒃᑯᑦ ᐃᖃᓗᐃᑦ ᑐᙵᓱᒃᑎᑦᑎᔪᒪᕗᑦ ᓄᓇᓕᒻᒥᐅᓂᒃ, ᐃᓄᓐᓂᒃ, ᐊᒻᒪ ᑮᓇᐅᔭᓕᐅᕋᓱᒃᑎᐅᙱᑦᑐᓂᒃ ᑲᑐᔾᔨᖃᑎᒌᓂᒃ, ᐊᑐᐃᓐᓇᐅᔪᒃᓴᓂᑦ ᐊᒻᒪ/ᐅᕝᕙᓘᓐᓃᑦ ᐱᔨᑦᑎᕋᐅᑎᕗᑦ ᓄᓇᓕᓐᓄᑦ, ᐃᓚᐅᖁᓪᓗᒋᑦ ᑲᓇᑕᐅᑉ ᐅᓪᓗᖓᓂ ᐊᖅᑯᖅᑐᑯᑦ ᖁᕕᐊᓱᖃᑎᒌᓐᓂᖅ.

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᐃᓄᖕᓂᒃ ᐃᓚᐅᑎᑦᑎᓂᕐᒧᑦ ᑲᑎᒪᓂᖅ
ᒪᐃ 28, 2024 – ᐃᖃᓗᐃᑦ , ᓄᓇᕗᑦ

ᐸᕐᓇᐃᔨᑦ ᐊᓪᓚᕕᖓᑦ ᐃᓄᓕᒪᖅᑎᑦᓯᓚᕐᒪᑕ ᐱᒋᐊᕐᓗᑎᒃ 4:30–ᒥᒃ ᒪᑐᐃᕐᓗᑎᒃ ᐊᒻᒪ 6:30 ᒥ ᒪᑐᓗᑎᒃ ᔪᓂ 5–ᒥ, 2024, ᑕᐃᑲᓂ ᐅᐃᕕᑦ ᐃᓪᓗᖁᑕᓂ ᐃᒡᓗᑉ ᓇᓴᐅᑕ 981 ᓄᓇᕗᑦ ᐊᑐᕆᐊᖓᓂ.

ᓄᓇᓕᐸᐅᔭᒃᑯᑦ ᐃᓱᒪᓯᒪᒻᒪᑕ ᐊᕿᐅᒪᓂᖓᓂᒃ ᐊᒻᒪ ᑭᓪᓕᖓᓂᒃ ᓄᓇᐅᑉ ᐊᑐᖅᑕᐅᔪᑉ ᑕᓐᓇ ᐊᖏᓂᓕᒃ 13 ᕼᐊᒃᑐᔅᓂᒃ ᓄᓇᓕᐸᐅᔭᑯᑦ ᓄᓇᖁᑕᓂᒃ ᓇᓗᓇᐃᖅᑕᐅᔪᖅ ᒪᑐᐃᖓᒋᐊᖓᓂ ᐃᒪᖓᖅ ᑐᕋᒐᖓᖃᖅᑎᓪᓗᒍ ᐊᒻᒪ ᓄᓇᓕᐸᐅᔭᒃᑯᑦ ᑭᓪᓕᖃᖅᑎᑕᖓ ᐊᓯᔾᔨᕐᓗᓂ ᓯᕗᓂᑦᓴᑦᑎᓐᓂᒃ ᐊᑐᖅᑕᐅᒍᓐᓇᖁᓗᒍ.

ᖃᐃᖁᔨᕗᒍᑦ ᐃᓚᓕᐅᓚᖅᐸᑦᑎᒍᑦ ᔪᓂ 5–ᒥ, ᐃᒡᕕᑦ ᐃᓱᒪᒋᔭᕐᓂ ᑐᓴᕈᒪᒐᑦᑕ ᖃᓄᐃᖁᔨᒻᒪᖓᖅᐱᓪᓕ ᑕᒪᑦᓱᒥᖓ ᓄᓇᒥᒃ. ᐱᓗᐊᖅᑐᒥᒃ, ᑐᓴᕈᒪᕗᒍᑦ ᐅᑯᓂᖓ:

ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᐸᓖᓯᒃᑯᑦ ᐅᖃᐅᓯᐅᖁᔨᕗᑦ ᐃᓄᓐᓂ ᐋᖓᔮᖅᑐᓂᒃ ᐃᖃᓗᓐᓂ
ᒫᑦᓯ 30, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᑦ ᑲᑎᒪᔨᖏᑦ ᐅᖃᐅᓯᖃᖅᑎᑦᑎᕗᑦ ᓄᓇᕗᑦ ᒪᓕᒐᓕᕆᔨᒃᑯᓐᓄᑦ ᐸᓖᓯᒃᑯᓐᓄᑦ ᖃᓄᐃᓕᐅᖁᔨᓗᑎᒃ ᐃᓱᒫᓘᑕᐅᕙᓪᓕᐊᑐᐃᓐᓇᖅᑐᒥᒃ ᐃᓄᓐᓄᑦ ᐋᖓᔮᖅᑐᓂᒃ ᓄᓇᓕᐸᐅᔭᑦᑎᓐᓂ. ᑭᒃᑯᑐᐃᓐᓇᕐᓄᑦ ᐋᖓᔮᕐᓂᕐᒧᑦ ᐃᓱᒫᓘᑕᐅᕙᓪᓕᐊᑐᐃᓐᓇᖅᑐᖅ ᐊᑦᑕᕐᓇᖅᑕᐃᓕᒪᓂᕐᒥᑦ ᐊᒻᒪ ᖃᓄᐃᖏᑦᑎᐊᕐᓂᕐᒥᒃ ᐃᓘᓐᓇᖏᓐᓂᑦ ᓄᓇᖃᖅᑐᓂᑦ, ᐊᒻᒪ ᒫᓐᓇᐅᔪᒃᑯᑦ ᖃᓄᐃᓕᐅᕆᐊᖃᕐᓂᖅ ᐊᑐᐃᓐᓇᐅᔭᕆᐊᖃᖅᑐᒃᑯᑦ ᐊᑐᓗᐊᕈᓐᓃᖅᑎᑦᑎᓂᕐᒥᑦ ᐊᑲᐅᙱᓕᐅᕈᑕᐅᔪᒥᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᔪᖅ – ᐅᐃᓪᓕᐊᒻ ᒪᑲᓐᔨ ᐊᑐᕆᐊᖓ (ᓂᐊᖁᙳᑦ)
ᒫᑦᓯ 27, 2024 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖅ ᐃᖃᓗᐃᑦ ᓇᓗᓇᐃᔭᐃᔪᒪᔪᑦ ᓄᓇᓕᒥᐅᑕᓄᑦ ᐊᑕᖏᖅᓯᒪᔪᒃᑯᑦ ᐊᖅᑯᑎᑦ ᒪᑐᓯᒪᓂᐊᕐᓂᖏᓐᓄᑦ (ᓄᓇᙳᐊᖅ ᐊᑖᓂ) ᐊᒃᑐᐊᓂᖃᖅᑐᑦ ᐅᐃᓪᓕᐊᒻ ᒪᑲᓐᔨ ᐊᑐᕆᐊᖓ (ᓂᐊᖁᙳᑦ). ᒪᑐᔭᐅᓂᖓ ᐊᑐᐃᓐᓇᐅᔪᖅ ᓇᓗᓇᐃᔭᐃᓗᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᓄᓇᓕᒥᐅᑕᓄᑦ ᑕᕐᕆᔭᒐᒃᓴᓕᐅᖅᑎᓪᓗᒋᑦ “ᐅᑭᐅᖅᑕᖅᑐᖅ ᐅᑭᐅᖅᑕᖅᑐᒥ”.

ᐊᑐᓚᐅᑲᓐᓂᐊᖅᑐᖅ ᒪᑐᓯᒪᓂᖅ ᐱᒋᐊᓗᓂ ᓈᑦᓰᖑᔭᓕᐊᕐᓂᐊᖅ, ᔫᓂ 1, 7:00 ᐅᓪᓛᒃᑯᑦ ᑎᑭᓪᓗᒍ ᐱᖓᑦᓯᖅ, ᔫᓂ 5, 10:00-ᒧᑦ ᐅᓐᓄᐊᒃᑯᑦ

ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐱᔨᑦᑎᕋᐃᓐᓇᓂᐊᖅᑐᑦ ᑖᒃᑯᓂᖓ ᐊᑦᑐᖅᑕᐅᔪᓂᑦ ᓇᒦᓐᓂᖏᓐᓄᑦ. ᓄᓇᓕᐸᖑᔭᖓ ᐃᖃᓗᐃᑦ ᒪᒥᐊᑉᐳᖅ ᐊᑲᐅᓈᖏᑦᑐᖃᖅᑲᑦ ᐊᒻᒪᓗ ᓇᑯᒥᒃ ᓄᓇᓕᒥᐅᑕᐃᑦ ᑐᑭᓯᐊᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ ᐃᒋᐅᖅᑲᐃᓂᖅ - ᐹᑕᓖᓂᒃ ᓴᖕᖏᑎᒃᑲᓐᓂᕈᓐᓇᖅᑕᓂᑦ
ᒪᐃ 27, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐱᒻᒪᕆᐅᓂᖓᓂᒃ ᐃᒋᑦᓯᑦᓯᐊᖃᑦᑕᕐᓂᖅ ᐹᑕᓖᓂᒃ ᓴᖕᖏᑎᒃᑲᓐᓂᕈᓐᓇᖅᑐᓂᒃ ᐊᒻᒪ ᐅᐊᔭᒨᖅᑐᓂᒃ ᐹᑕᓖᖃᖅᐸᑦᑐᓂᒃ ᓴᖕᖏᑎᒃᑲᓐᓂᕈᓐᓇᖅᑐᓂᒃ ᐃᓚᒋᔭᐅᓗᑎᒃ ᓴᓂᑐᐃᓐᓇᕐᓄᑦ ᐃᒋᑕᐅᖃᑦᑕᕆᐊᖃᖏᒻᒪᑕ. ᐃᓪᓗᒥᒃ ᓴᓂᕐᓄᑦ ᐃᓚᒋᔭᐅᓗᑎᒃ ᐃᒋᖃᓯᐅᔾᔭᐅᕙᒃᑯᑎᒃ, ᑕᒪᒃᑯᐊ ᐹᑕᓖᑦ ᐅᓗᕆᐊᓇᖅᑐᒻᒪᕆᓐᓂᒃ ᓴᖅᑮᔪᓐᓇᕐᒪᑕ, ᓲᕐᓗ:
  • ᐃᑯᐊᓪᓚᐃᑐᐃᓐᓇᕆᐊᓖᑦ: ᓱᕋᑦᓯᒪᒍᑎᒃ ᐅᕝᕙᓘᓐᓃᑦ ᐱᐅᖏᒃᑯᑎᒃ, ᑕᒪᒃᑯᐊ ᐹᑕᓖᑦ ᐃᑭᓴᕋᐃᑦᑐᒻᒪᕆᐅᒻᒪᑕ. ᐃᒋᑕᐅᖃᓯᐅᑎᓯᒪᑎᓪᓗᒋᑦ ᐃᑯᐊᓪᓚᐃᔪᓐᓇᓂᕐᓴᐅᒻᒪᑕ ᓴᓂᕐᓂᒃ ᓄᐊᑦᑎᔨᓄᑦ ᓄᓇᒃᑰᔫᖏᓐᓂᒃ, ᐊᑦᓯᕕᓐᓂᒃ, ᐊᒻᒪ ᐊᑐᒃᑲᓐᓂᕈᓐᓇᖅᑐᓂᒃ ᐱᓕᕆᕝᕕᓐᓂᒃ.