ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐸᕐᓇᐅᑎᐅᔪᒥᒃ ᐊᑐᕆᐊᕐᒥᒃ ᒪᑐᓯᒪᓛᖅᑐᒥᒃ ᓴᓂᐊᓃᑦᑐᒥᒃ ᐊᓇᐅᕕᐅᑉ ᐊᑐᖅᑕᐅᓛᓕᕐᓂᖓᓄᑦ ᐊᕐᕌᒍᑕᒫᕐᓯᐅᑎᐅᑉ ᕕᓕ ᕗᐊᕐᑦ ᐃᖅᑲᐅᒪᓪᓗᒍ / ᑲᓇᑕᐅᑉ ᐅᓪᓗᖓᓂ ᐊᓇᐅᓕᐅᑎᓕᖅᐸᑕ. ᒪᑐᓯᒪᓛᖅᑐᖅ ᐅᑯᓇᓂ ᐅᓪᓗᕐᓂ:
ᑕᓪᓕᕐᒥᖅ, ᔪᓂ 28, ᓇᒡᒋᔾᔭᐅᓕᖅᑭᕐᒧᑦ, ᔪᓚᐃ 2, 2024
ᐃᓂᖓᑕ ᖃᓄᐃᓕᖓᓂᖓ ᐊᒻᒪ ᐊᑐᕆᐊᒃᑰᑉᐸᓛᖅᑐᑦ ᖃᓄᐃᓕᖓᓛᕐᓂᖏᓐᓄᑦ ᐸᕐᓇᐅᑎᓕᐊᖑᓯᒪᔪᑦ ᑕᑯᑦᓴᐅᑎᑕᐅᔪᑦ ᐅᑯᐊ.
##
ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑎᑦᑎᒍᒪᒻᒪᑦ ᓄᓇᓕᒥᐅᑕᐅᔪᓂᒃ ᓄᓇᓕᐸᐅᔭᐅᑉ ᐊᒡᓚᒡᕕᖏᑕ ᒪᑐᓯᒪᓛᓐᓂᖏᓐᓂᒃ ᐅᑯᓇᓂ ᐅᓪᓗᖏᓐᓂ ᖁᕕᐊᓱᒍᑎᒋᔭᐅᑎᓪᓗᒍ ᑲᓇᑕᒥ ᕿᑲᓐᓇᐅᔪᓂᖓ:
• ᑲᓇᑕᐅᑉ ᐅᓪᓗᖓ: ᓇᒡᒐᔾᔭᐅ, ᔪᓚᐃ 1, 2024
• ᓄᓇᕗᑉ ᐅᓪᓗᖓ: ᐊᐃᑉᐱᖅ, ᔪᓚᐃ 9, 2024
ᐳᐃᔾᔪᕋᕐᕕᒃ ᐃᑲᕋᖏᑦ:
ᐳᐃᔾᔪᕋᕐᕕᒃ ᒪᑐᐃᖓᓛᑦᑐᖅ ᕿᑲᓐᓇᐅᑎᓪᓗᒍ ᐃᑲᕐᕋᖏᓐᓂ ᑕᒪᒃᑮᓐᓂ ᓇᒡᒐᔾᔭᐅᒥ, ᔪᓚᐃ 1 (ᑲᓇᑕᐅᑉ ᐅᓪᓗᖓᓂ) ᐊᒻᒪᓗ ᐊᐃᑉᐱᒻᒥ, ᔪᓚᐃ 9 (ᓄᓇᕗᑉ ᐅᓪᓗᖓᓂ) ᐱᒋᐊᓪᓗᓂ 12:00 ᐅᓐᓄᓴᒃᑯᑦ ᑎᑭᓪᓗᒍ 4:00 ᐅᓐᓄᓴᒧᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᖃᕐᕕᐅᔪᓂᒃ ᐱᒻᒪᕆᐅᓂᖕᒐᓂᒃ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᐊᒃᑕᕐᕕᖕᒨᓯᓕᕌᖕᒐᕕᑦ ᓴᓂᕐᓂᑦ. ᑎᑎᕋᖅᓯᒪᔪᖅ ᓄᓇᓕᐸᐅᔭᕐᒥ ᐃᖃᓗᖕᓂ ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕋᓛᖅ #943, ᐊᑐᖅᑕᐅᔭᕆᐊᖃᓪᓚᕆᒃᑐᖅ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᑕᒪᐅᖕᒐᑐᐃᓐᓇ ᐃᒋᐅᖅᑲᐃᖁᔨᓇᑕ ᐊᑦᑕᕐᓇᖅᑕᐃᓕᒪᓂᕐᒧᓪᓗ.
ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑕᐅᑎᑦᑎᒍᒪᒻᒪᑕ ᐃᓕᔅᓯᓄᑦ ᖁᕕᐊᓇᑦᑐᖃᓂᖓᓂᒃ ᐱᒋᐊᕕᔅᓴᐅᑎᑕᐅᔪᖃᓂᖓᓂᒃ ᐱᓕᕆᒍᓇᐅᑎᓕᒻᒧᑦ ᐃᖅᑲᓇᐃᔭᑦᑕᕋᓱᐊᑐᒧᑦ. ᒫᓐᓇ ᕿᓂᕋᑦᑕ ᑐᔅᓯᕋᐅᑎᒋᔭᐅᔪᓂᒃ ᐃᖅᑲᓇᐃᔭᒥᒃ ᐱᒋᐊᓕᕋᑖᑦᑐᖅ GIS ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨᒥᒃ.
ᓄᓇᓕᐸᐅᔭᖓ ᐃᖃᓗᐃᑦ ᐋᖅᑭᐅᒪᑎᑦᑎᒐᓱᐊᒻᒪᑦ ᒪᓕᑦᑕᐅᔭᕆᐊᓕᓐᓂᒃ ᐊᒻᒪᓗ ᐱᓕᕆᒍᑎᒋᔭᐅᒐᓱᐊᑦᑐᓂᒃ ᓄᓇᕗᑦᑖᕈᑎᑦ ᐊᖏᖃᑎᒌᒍᑎᖓᓄᑦ. ᓯᕗᓪᓕᐅᑎᖁᔭᐅᔪᑦ ᐃᓱᒪᓴᔅᓯᐅᕈᑎᒋᔭᐅᓂᐊᒻᒪᑕ ᓄᓇᕗᒻᒥᐅᑕᐃᑦ ᐃᓄᐃᑦ ᐃᖅᑲᓇᐃᔭᑦᑖᕋᓱᐊᑐᑦ; ᐃᖅᑲᓇᐃᔭᑦᑖᕋᓱᐊᑦᑐᑦ ᓇᓗᓇᐃᔅᓯᑦᑎᐊᕆᐋᓕᑦ ᓇᓗᓇᐃᔅᓯᓗᑎᒃ ᐱᒍᓐᓇᑦᑎᑕᐅᓂᒻᒥᓂᒃ ᑖᔅᓱᒧᖓ ᐊᖏᖃᑎᒌᒍᑎᒧᑦ.
ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᔫᓂ 29, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐃᓐᓇᐃᑦ ᖃᒻᒪᒃᑯᓐᓂ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᑲᓇᑕᒥ ᓯᑯᓯᐅᑎ ᐅᒥᐊᕐᔪᐊᖕᒐ (CCGS) ᐊᒪᓐᓴᓐ ᐃᖕᒋᕐᕋᓛᖅᑐᖅ ᐃᖃᓗᖕᓂ ᖃᓂᒋᔮᓂᓪᓘᓐᓃᑦ ᔫᓂ 28, 2024-ᒥᑦ. ᑖᓐᓇ ᐊᐅᓚᓂᖕᒐ ᐃᑲᔪᖅᑐᐃᒐᔭᖅᑐᖅ ᕗᑦᕗᑦ ᐊᕐᕌᒍᑕᒫᖅᓯᐅᑎᓄᑦ. ᑖᒃᑯᐊ ᒪᓕᒡᓗᒋᑦ, CCGS ᐊᒪᓐᓴᓐᑯᑦ ᒪᓕᓛᑐᑦ M/V ᕿᑎᕐᒥᐅᓂᑦ ᐃᖃᓗᖕᓄᑦ ᔪᓚᐃ 2, 2024-ᒥᑦ, ᓯᑯ ᐃᖕᒋᕐᕋᔪᓐᓇᖅᑎᑦᑎᔪᓐᓇᖅᓯᓇᓱᓐᓂᖕᒐᓂᑦ.
ᑕᒪᓐᓇ ᐊᑐᖅᑎᓪᓗᒍ, ᓯᑯᓯᐅᑎ ᓯᑯᐃᖅᓯᕙᓪᓕᐊᓂᐊᖅᑐᖅ. ᑲᓇᑕᒥ ᓯᑯᓯᐅᖅᑎᒃᑯᑦ ᐅᖃᐅᔾᔨᔪᑦ ᓄᓇᓕᖕᒥᐅᓂᒃ ᐅᔾᔨᖅᓱᑦᑎᐊᖁᔨᓪᓗᑎᒃ ᐃᖕᒋᕐᕋᓂᐊᖅᐸᑕ ᐊᒻᒪᓗ ᐲᔭᐃᖁᔨᓪᓗᑎᑦ ᓯᕗᕐᖕᒐᓂᑦ ᑖᒃᑯᐊ ᐊᐅᓚᓐᓂᐅᔪᑦ. ᐊᒻᒪᓗ ᓱᓕ, ᓄᓇᓕᖕᒥᐅᑦ ᓯᑯᒃᑰᑲᑕᖁᔭᐅᓇᑎᑦ ᒫᓐᓇᐅᔪᖅ.
ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑎᑦᑎᒍᒪᒻᒪᑕ ᓄᓇᓕᒥᐅᑕᐅᔪᓂᒃ ᓴᓇᒋᐊᑦᑕᐅᕕᔅᓴᖓᓂᒃ ᖁᕕᖃᕕᖓᑕ ᐅᑕᖅᑭᕕᖓᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᖓᑕ.
ᑕᒪᓐᓇ ᐱᕕᖃᒃᑎᑕᐅᖁᓪᓗᒍ ᐃᖅᑲᓇᐃᔮᕆᔭᐅᓂᖓ, ᐅᑕᖅᑭᕕᖓ ᒪᑐᓯᒪᓂᐊᒻᒪᑦ ᐃᓄᓕᒫᓄᑦ ᐱᒋᐊᓪᓗᓂ ᔫᓂ 26−ᒥᒃ, 2024, ᑎᑭᓪᓗᒍ ᔪᓚᐃ 24, 2024. ᐊᑐᕐᓂᖓᓂ ᑖᓐᓇ ᓴᓇᔭᐅᓂᖓ, ᐊᑐᑦᑕᐅᖔᕈᓐᓇᑦᑐᒻᒥᒃ ᐃᓯᖅᑕᕐᕕᒻᒥᒃ ᐃᓯᕝᕕᐅᖃᑦᑕᕈᓐᓇᑦᑎᑦᑎᔪᖃᓐᓂᐊᑦᑐᖅ ᐊᑐᑦᑕᐅᓂᐊᑦᑐᒥᒃ.
ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᕐᕌᒍᑕᒫᑦ ᐊᖏᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ ᐃᖏᕋᓂᖃᓂᐊᖅᑐᖅ ᐱᒋᐊᕐᓗᓂ ᔫᓂ 24 ᑎᑭᓪᓗᒍ ᔫᓂ 29, 2024. ᑕᒪᓐᓇ ᓄᓇᓕᒻᒥᐅᑕᓂᑦ ᐱᕕᔅᓴᖃᖅᑎᑦᑎᔪᖅ ᐃᒋᑦᑎᓗᑎ ᐲᒡᒐᓇᖅᑐᓂᑦ ᐊᑭᖃᖏᓪᓗᒍ ᐃᑲᔪᖅᑕᐅᓗᑎ ᓴᓇᔪᓕᕆᔨᒃᑯᓐᓂᑦ.
ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᓄᓇᖅᑲᑎᒌᓂᒃ ᓄᓇᓕᐸᐅᔭᒃᑯᑦ ᐃᒡᓗᕐᔪᐊᖁᑎᖕᒐ ᒪᑐᓯᒪᓛᕐᒪᑦ ᑭᒃᑯᑐᐃᓐᓇᕐᓄᑦ ᐊᐃᑉᐱᖅ, ᔫᓂ 18, 2024 3:00-ᒥᑦ 5:00-ᒧᑦ ᐅᓐᓄᓴᒃᑯᑦ. ᓄᓇᓕᐸᐅᔭᒃᑯᑦ ᐃᒡᓗᕐᔪᐊᖁᑎᖕᒐ ᒪᑐᐃᒃᑲᓐᓂᓛᖅᑐᖅ 9:00-ᒥᑦ ᐅᓪᓛᒃᑯᑦ ᐱᖕᒐᑦᓯᖅ, ᔫᓂ 19, 2024-ᖕᒍᓕᖅᐸᑦ.
ᐊᓯᓕᒫᖕᒋᑦ ᓄᓇᓕᐸᐅᔭᒃᑯᑦ ᐃᒡᓗᖁᑎᖕᒋᑦ ᒪᑐᐃᖕᒐᓛᖅᑐᑦ ᒪᑐᐃᖕᒐᓂᕆᓲᖕᒋᓐᓂᒃ ᐃᑲᕐᕋᖕᒋᑎᒍᑦ.