ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᒧᑕᐅᔭᕋᓛᑦ ᐊᒻᒪ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᓯᓚᑦᓯᐊᕙᕈᖅᐸᓪᓕᐊᓕᕐᒥᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᐊᑐᖅᑕᐅᕙᓐᓂᖏᓐᓂᑦ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᐱᓪᓗᒍ ᓄᓇᑦᑎᓐᓂ.

ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᑐᑭᖃᕈᓐᓇᖅᑐᑦ ᐱᓲᑎᑲᓪᓚᐃᑦ, ᒪᕐᕉᐃᓈᓐᓂᒃ ᐅᓯᓲᑦ ᐅᕝᕙᓘᓐᓃᑦ ᖃᒧᑕᐅᔭᐃᑦ. ᐱᖃᓯᐅᔾᔭᐅᔪᑦ “ᖃᒧᑕᐅᔭᕋᓛᑦ” ᓴᖕᖏᓂᓖᑦ 120cc ᐅᕝᕙᓘᓐᓃᑦ 200cc ᓱᕈᓯᕐᓄᑦ ᐊᑐᖅᑕᐅᕙᑦᑐᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓕᕆᔨᖏᑦ ᖃᐅᔨᒪᔪᑦ ᑕᒪᒃᑯᐊ ᓄᓇᒃᑰᔫᑦ ᖁᕕᐊᓇᕐᒪᑕ ᐊᑐᖅᑐᒋᑦ ᓄᓇᒥ, ᐊᒻᒪ ᐱᒻᒪᕆᐅᖃᑕᐅᒋᓪᓗᑎᒃ ᐃᓄᐃᑦ ᐃᓕᖅᑯᓯᖏᓐᓄᑦ. ᑭᓯᐊᓂᓕ ᑕᒪᒃᑯᐊ ᓄᓇᒃᑰᔫᑦ ᐊᑐᖅᑕᐅᑦᑎᐊᐸᖏᒃᑯᑎᒃ, ᐅᓗᕆᐊᓇᕈᓐᓇᓯᐊᖅᑐᑦ ᐊᑦᑕᓇᕐᓗᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᓚᖓ ᐊᑐᕆᐊᑉ ᒪᑐᔭᐅᓯᒪᓂᐊᖅᑐᖅ - 136 ᓂᐱᓴ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᓚᖓᓂᑦ ᐊᑐᕆᐊᑉ ᒪᑐᓯᓯᒪᑲᐃᓐᓇᓂᐊᕐᒪᑕ ᓯᕗᕌᓂ ᐃᓪᓘᑉ 136 ᓂᐱᓴ ᐊᑐᕆᐊᕐᒥ (ᓄᓇᖑᐊᒥ ᑕᑯᑦᓴᖅ).

ᒪᑐᔭᐅᑲᐃᓇᓂᐊᖅᑐᖅ ᐅᓐᓄᓴᖓᓂ ᓇᒡᒋᔾᔭᐅᒥ, ᐃᐳᕈ 22, 2024 ᐊᒻᒪ ᒪᑐᓯᒪᓂᐊᖅᑐᖅ ᐅᓪᓗᓕᒫᖅ ᓇᒡᒋᔾᔭᐅᒥ, ᐃᐳᕈ 22, 2024.

ᓄᓇᓕᕐᒥᐅᑕᐃᑦ ᐊᑐᕆᐊᒦᑦᑐᑦ ᓱᓕ ᐊᖏᕐᕋᒥᓄᑦ ᐅᐸᒍᓐᓇᓂᐊᖅᑐᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᑦᑐᑎᒃ ᑐᑭᓯᐊᑦᓯᐊᓂᕐᓯᓐᓂᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᐅᓪᓗᖓ ᕿᑦᓵᓐᓂᐅᑉ
ᐃᐳᕈ 19, 2024 - ᐃᖃᓗᐃᑦ, ᓄᓇᕗᑦ

ᐃᐳᕈ 28-ᒥ, ᓄᓇᓕᐸᐅᔭᐃᑦ ᐃᖃᓗᐃᑦ ᓴᐃᒻᒪᑎᖏᓐᓂᒃ ᓇᐸᕈᑎᐅᑉ ᕿᑎᖓᓃᑎᑦᓯᓛᕐᒪᑕ, ᐃᓱᒪᒋᔭᐅᓗᓂ ᑲᓇᑕᒥ ᐅᓪᓗᖓ ᕿᑦᓵᓂᕐᒧᑦ.

ᑲᓇᑕᒥ ᐅᓪᓗᖓ ᕿᑦᓵᓂᕐᒧᑦ ᐊᕐᕌᒍᑕᒫᖅ ᓇᓗᓇᐃᖅᑕᐅᓯᒪᕙᑦᑐᖅ 1991-ᒥᓂᒃ. ᑕᕝᕙᓂ ᐅᓪᓗᕐᒥ ᐃᓱᒪᒋᔭᐅᕙᑦᑐᑦ ᑕᐃᒃᑯᐊ ᐃᓅᔪᓐᓃᕐᓯᒪᔪᑦ, ᐋᓐᓂᕐᓯᒪᔪᑦ ᐅᕝᕙᓘᓐᓃᑦ ᐋᓐᓂᐊᓕᕐᓯᒪᔪᑦ ᐱᔾᔪᑎᒋᓪᓗᒋᑦ ᐃᖅᑲᓇᐃᔮᓂ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖏᑎᒍᑦ ᖁᕕᐊᓇᖏᑦᑐᓕᕆᓯᒪᔪᑦ.

ᓄᓇᓕᐸᐅᔭᒃᑯᑦ ᐃᑉᐱᒍᓲᑎᖃᑦᓯᐊᐸᒻᒪᑕ ᐊᒻᒪ ᐊᓐᓂᕈᓱᑉᐸᑦᑐᑎᒃ ᐃᖅᑲᓇᐃᔭᖅᑎᓂᒃ ᐊᑦᓱᕉᓴᖃᑕᐅᕙᑦᑐᓂᒃ ᐃᖃᓗᐃᑦ ᐃᓅᕕᒋᔭᕐᓂᑦᑎᒐᓱᑉᐸᑦᑐᒍ ᐃᓘᓐᓇᑎᓐᓄᑦ, ᐊᒻᒪ ᐃᓕᑦᓯᓐᓂᒃ ᐊᔭᐅᕆᓪᓗᑎᒃ ᐃᐳᕈ 28-ᒥ ᐃᑉᐱᒋᔭᐅᖁᓪᓗᒋᑦ ᐱᓕᕆᔪᒻᒪᕆᐅᕙᓐᓂᖏᓐᓂᒃ ᐊᑦᓱᕉᓴᑦᑐᑎᒃ ᐱᔾᔪᑎᒋᓪᓗᑕ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 159, 161, 163, 165, 166 and 168
ᐃᐳᕈ 19, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᓛᕐᓂᐊᖅ, ᐃᐳᕈ 20, ᐱᒋᐊᕐᓗᑎᒃ ᐅᓪᓛᒃᑯᑦ 1-ᒧᑦ ᖁᓛᓄᓄᑦ 5-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 159, 161, 163, 165, 166 and 168

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓂᖅ ᐅᓪᓗᖅ ᐊᒻᒪ ᐊᒥᐊᕈᑎᒥᓂᕐᓂᒃ ᑕᐅᕐᓰᓂᖅ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᖕᖓᓱᑦᑎᑦᓯᓛᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᓄᑦ ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓂᕐᒧᑦ ᐅᓪᓗᕐᒥᒃ ᐊᒻᒪ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑦᑕᓂᕐᒥᒃ ᓈᑦᓯᐅᖑᔭᓛᕐᓂᐊᕐᒥ, ᐃᐳᕈ 27, 2024, ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 3-ᒧᓄᑦ ᐅᓐᓄᓴᒃᑯᑦ ᓄᓇᓯᐅᑎᒃᑯᕕᒻᒥ (ᐃᓪᓗᒃ 621). ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᑎᒪᔨᒃᓴᓂᒃ ᑐᒃᓯᕋᖅᑐᑦ – ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᖁᔨᕗᑦ ᐃᖃᓗᒻᒥᐅᓂᒃ ᑎᓴᒪᓂᒃ ᐃᖅᑲᓇᐃᔮᒃᓴᓂᒃ ᐅᒃᑯᐃᖅᓯᔪᖃᕐᓂᐊᕐᓂᖓᓂᒃ ᐃᓚᒋᔭᐅᓕᕐᓂᐊᕐᓗᓂ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᓄᑦ.

ᑕᒪᕐᒥᑦ ᐱᔪᒪᓂᖃᕋᔭᖅᑐᑦ ᐃᓄᐃᑦ ᑮᓇᐅᔭᓕᕆᓂᕐᒧᑦ ᐊᑲᐅᓈᖅᓯᒪᔭᕆᐊᖃᖅᑐᑦ ᓄᓇᓕᐸᐅᔭᒃᑯᓐᓄᑦ ($500.00 ᐊᑮᑦᑐᑦ ᐅᖓᑖᓂᐅᙱᑦᑐᖅ).

$250.00−ᓂᒃ ᐊᑭᓖᔪᖃᖅᐳᖅ ᑮᓇᐅᔭᒃᑯᕕᖕᒧᐊᖅᑕᐅᑲᐅᑎᒋᔪᓂᒃ ᑕᒪᐃᓐᓄᑦ ᐊᑐᓂᑦ ᑲᑎᒪᓂᕐᓄᑦ ᐃᓚᐅᓂᕐᓄᑦ.

ᑲᑎᒪᔩᑦ ᑎᒃᑯᐊᖅᓯᖃᑦᑕᕐᓂᐊᖅᐳᑦ ᑲᑎᒪᔨᒃᓴᓂᒃ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᓂᐊᖅᑐᒥᒃ.

2024−ᒥ ᑲᑎᒪᓛᖅᑐᑦ, ᓄᓇᓕᐸᐅᔭᐅᑉ ᑲᑎᒪᕕᖓᓂ, ᐅᕙᓂ:

• ᒪᐃ 7, 2024 6:00 ᐅᓐᓄᒃᑯᑦ
• ᐋᒡᒌᓯ 8, 2024 6:00 ᐅᓐᓄᒃᑯᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᓂᖅ ᑕᐃᖑᑎᓪᓗᒍ ᓄᓇᓕᓐᓂ ᕿᑲᕐᓇᐅᑎᓪᓗᒍ ᐊᑐᕆᐊᓂ ᐊᑦᑕᓇᔾᔭᐃᕐᓯᒪᓂᕐᒥᑦ ᐱᓕᕆᐊᑦᓴᖅ
ᐃᐳᕈ 16, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑕ ᓄᓇᓕᓐᓂ ᒪᓕᒐᕋᓛᓂᒃ ᐊᑐᓕᖅᑎᑦᓯᓇᓱᐊᖅᑎᖏᑕ ᐃᖅᑲᓇᐃᔭᖅᑎᖏᑦ, ᑲᑐᔾᔨᖃᑎᖃᖅᑐᑎᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᒃ, ᐊᐅᓚᑦᓯᓚᐅᖅᑐᑦ ᑭᒃᑯᑐᐃᓐᓇᕐᓂᒃ ᖃᐅᔨᓴᖅᐸᑦᑐᑎᒃ ᓱᕐᕋᓯᒪᔪᖃᖏᒃᑲᓗᐊᕐᒪᖔᑕ ᐊᒻᒪ ᐊᑐᕆᐊᓂ ᐊᑦᑕᓇᔾᔭᐃᕐᓯᒪᒐᓗᐊᕐᒪᖔᑕ ᖃᐅᔨᓴᖅᐸᑦᑐᑎᒃ ᐊᒻᒪ ᓄᓇᒃᑰᔫᓂᒃ ᓄᖅᑲᑎᑦᓯᕙᑦᑐᑎᒃ ᓄᓇᓕᐸᐅᔭᐃᑦ ᐃᖃᓗᐃᑦ ᐃᓗᐊᓂ ᓱᑐᐃᓐᓇᕐᒥ ᐃᐳᕈ 5 ᐊᒻᒪ 6-ᖑᑎᓪᓗᒍ, ᑐᓂᖅ ᑕᐃ ᓇᓪᓕᐅᓂᕐᓯᐅᕈᑎᐅᑉ ᐱᓇᓱᐊᕈᓯᖓᑕ ᓄᖕᖑᑯᑖᖓᓂ.

200-ᓗᐊᓂᒃ ᓄᓇᒃᑰᔫᓂᒃ ᖃᐅᔨᓴᓚᐅᖅᑐᑦ ᐊᐅᓚᑦᓯᑎᓪᓗᒋᑦ ᐅᑯᐊ ᐱᓕᕆᐊᖑᓪᓗᑎᒃ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓛᖅᑐᖅ - ᐃᒡᓗᓕᒃ ᐊᑐᕆᐊᖅ (ᓄᓇᖁᑏᑦ 394-ᒥᑦ 399-ᒧᑦ) - ᐃᐳᕈ 20, 2024 - ᒪᐃ 6, 2024
ᐄᐳᓗ 16, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᓂᒃ ᒪᑐᔭᐅᓯᒪᖃᑦᑕᓂᐊᖅᑐᓂᒃ (ᓄᓇᖕᖑᐊᕐᒥ ᓇᓗᓇᐃᕐᓯᒪᔪᑦ) ᐊᑦᑐᐃᔪᒥᒃ ᐃᒡᓗᓕᒃ ᐊᑐᕆᐊᖅ ᐊᐅᓐᓂᖏᒍᑦ ᓄᓇᖁᑏᑦ 394 ᐊᒻᒪ 399, ᓴᓇᔭᐅᔪᓐᓇᖁᓪᓗᒍ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᔨᑦᓯᕋᐅᑎᑦᓴᑦ ᓯᕗᓂᑦᑎᓐᓂ ᐃᓪᓗᖃᕐᕕᑦᓴᒧᑦ ᐃᓂᑦᓴᖅ.

ᒪᑐᔭᐅᓯᒪᓛᖅᑐᖅ ᓈᑦᓯᐅᖑᔭᓛᕐᓂᐊᒥᒃ, ᐄᐳᓗ 20, 2024 ᓇᒡᒋᔾᔭᐅᒧᑦ, ᒪᐃ 6, 2024.

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᕐᓂᖏᓐᓂᑦ ᐱᓕᕆᐊᖑᒋᐊᓕᓐᓂᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖅᑯᑎᑦ ᒪᑐᔭᐅᓂᖓ − ᑰᒐᓛᖅ ᐊᖅᑯᑎ (ᓂᐱᓴ ᐊᖅᑯᑎ ᐊᒻᒪ ᑯᐃᓐ ᐃᓕᓴᐱ ᐊᖅᑯᑎ ᐊᑯᓐᓂᐊᓂ)
ᐄᐳᓗ 16, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓇᓗᓇᐃᔭᐃᔪᒪᔪᑦ ᓄᓇᓕᒻᒥᐅᓂᒃ ᖃᑦᑎᑲᓪᓚᓐᓂᒃ ᐊᑕᖐᔪᓂᒃ ᐊᖅᑯᑎᓂᑦ ᒪᑐᔭᐅᓂᐊᖅᑐᓂᒃ (ᐊᑖᓂ ᓄᓇᙳᐊᖅ (ᓂᐱᓴ ᐊᖅᑯᑎ ᐊᒻᒪ ᑯᐃᓐ ᐃᓕᓴᐱ ᐊᖅᑯᑎ ᐊᑯᓐᓂᐊᓂ). ᑖᒃᑯᐊ ᒪᑐᔭᐅᓂᖏᑦ ᐊᑐᐃᓐᓇᐅᔪᑦ ᓇᓗᓇᐃᔭᐃᓗᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᓄᓇᓕᒥᐅᑕᓂᑦ ᑕᕐᕆᔭᐅᓯᐅᖅᑎᓪᓗᒋᑦ “ᐅᐊᖕᓇᖓᓂᑦ”.

ᒪᑐᔭᐅᕙᓪᓕᐊᓂᐊᖅᑐᑦ ᑎᓴᒻᒥᖅ, ᐄᐳᓗ 18, 7:00 ᐅᓪᓛᒃᑯᑦ 10:00 ᐅᓐᓄᒃᑯᑦ.

ᓄᓇᓕᒻᒥᐅᑕᐃᑦ, ᓇᒻᒥᓂᕆᔭᐅᔪᑦ ᐊᒻᒪ ᐳᓛᖅᑎᖏᑦ ᐅᐸᔅᓯᒍᓐᓇᓂᐊᖅᑐᑦ ᐱᖁᑎᖏᓐᓄᑦ; ᑭᐊᓯᓂᓕ, ᓂᕆᐅᓐᓂᖃᕈᓐᓇᖅᑐᑦ ᓄᖅᑲᖓᑎᑕᐅᑲᐃᓐᓇᕐᓗᑎ, ᐱᔭᕇᖅᐅᓗᑎ ᓄᖅᑲᐅᓯᕐᓂᖓ ᑕᕐᕆᔭᓕᐅᓂᕐᒧᑦ ᐱᓕᕆᔭᐅᔪᓂᑦ.