ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖅ ᐱᓪᓗᒍ ᑐᓴᕋᑦᓴᖅ

09/10/2024

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖅ ᐱᓪᓗᒍ ᑐᓴᕋᑦᓴᖅ
ᐋᒃᑑᐸ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒋᑦ ᑐᓴᖅᑎᑦᓯᒍᒪᓕᕆᕗᑦ ᑲᔪᓯᔭᐅᔪᒥᒃ ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖁᑎᖓᑕ. ᐅᓪᓗᒥᒧᑦ, ᑲᑎᑦᑐᒋᑦ 50-ᓂᒃ ᓄᓇᒃᑰᔫᒥᓂᕐᓂᒃ ᓄᐊᑦᓯᓯᒪᓕᖅᑐᑦ, ᐊᑦᓱᑲᓪᓚᐅᔪᖅ ᑮᓇᐅᔭᓂᒃ ᐊᑐᖕᖏᔾᔪᑎᐅᓕᖅᑐᓂᒃ $37,000-ᒪᕆᓐᓂᒃ ᓄᓇᓕᒻᒧᑦ ᐊᑐᖅᑕᐅᔪᓐᓇᖅᑐᓂᒃ ᖃᖓᑐᐃᓐᓇᒃᑯᑦ. ᐊᒻᒪᑦᑕᐅᖅ, 7 ᖃᒧᑕᐅᔭᒥᓃᑦ ᐊᒻᒪ ᑎᓴᒪᓕᑲᓪᓚᒥᓃᑦ ᐱᓲᑎᑲᓪᓚᐃᑦ ᓄᐊᑕᐅᓚᐅᕆᓪᓗᑎᒃ, ᓄᓇᓕᕐᒥᐅᑕᐃᑦ ᑮᓇᐅᔭᓂᒃ ᐊᑐᖕᖏᑎᑕᐅᓗᑎᒃ ᐊᑭᓕᐅᑎᐅᒐᔭᖅᑐᓂᒃ ᐃᒪᓐᓇᓂᒃ $1,500.

ᐃᓚᒋᔭᐅᓗᑎᒃ ᑖᒃᑯᓄᖓ, ᓄᓇᓕᐸᐅᔭᒃᑯᑦ ᓱᓕ ᑐᑭᒧᐊᑦᓯᐊᐸᓪᓕᐊᔪᑦ ᐃᒋᐅᖅᑲᐃᓗᑎᒃ ᓴᕕᕋᔭᓂᒃ ᓴᓂᕐᓂᒃ ᓄᓇᓕᐅᑉ ᐃᓗᐊᓂᒃ. ᓰᑏᐱᕆ 4-ᒥᒃ 9-ᒧᑦ ᐅᒥᐊᕐᔪᐊᖃᕐᓂᖓᓂ, 12,901.986 ᑭᑉᐹᕆᑦᑐᑦ ᒦᑕᐃᑦ ᐅᓯᓕᐅᔾᔭᐅᓚᐅᖅᑐᑦ ᐊᐅᓪᓚᖅᑎᑕᐅᓗᑎᒃ, ᑭᒡᒐᖅᑐᐃᔾᔪᑎᐅᔪᓂᒃ ᐃᒪᓐᓇᓪᓗᐊᓂᒃ 1,688 ᓄᓇᒃᑰᔫᐸᐅᔭᓄᑦ ᐅᓯᔭᐅᔪᓐᓇᖅᑐᓂᒃ ᐅᓯᓚᐅᖅᑐᑦ ᑲᑎᑦᑐᒋᑦ. ᑕᒪᓐᓇ ᐱᓕᕆᐊᖑᔪᖅ ᐊᑦᓱᑲᓪᓚᒃ ᐃᑲᔫᑎᖃᕐᓯᒪᓕᖅᑐᑦ ᐃᓚᖕᖔᑎᕆᓂᒃᑯᑦ ᐳᖅᑐᓕᕐᓯᒪᔪᒻᒪᕆᓐᓂᒃ ᓴᕕᕋᔭᓂᒃ ᓴᓂᕐᓂᒃ ᐃᖃᓗᓐᓂ. ᐊᔾᔨᓕᐅᖅᑕᐅᓯᒪᔪᓂᒃ ᐱᖃᓯᐅᔾᔨᓯᒪᔪᑦ ᐆᕗᖓ ᑐᓴᕋᑦᓴᒧᑦ ᓇᓗᓇᐃᖅᑕᐅᒍᒪᓪᓗᑎᒃ ᖃᓄᐃᓪᓗᐊᖅᑐᑦ ᓴᕕᕋᔭᐃᑦ ᓴᓃᑦ ᓄᐊᑕᐅᓚᐅᕐᒪᖔᑕ ᓄᓇᓕᐅᑉ ᐃᓗᐊᓂᒃ.

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᒻᒥᔪᑦ ᓄᓇᓕᕐᒥᐅᑕᓂᒃ ᓴᓂᓕᕆᓂᖅ ᓴᕕᕋᔭᓂᒃ ᐃᒋᐅᖅᑲᐃᓂᖅ ᐱᓕᕆᐊᑦᓴᖅ ᓇᔪᒐᖃᖅᑏᑦ ᐱᖁᑎᖃᕐᕕᖏᓐᓂᒃ ᓱᓕ ᑲᔪᓯᔭᐅᒻᒪᑦ ᐊᒻᒪ ᑲᔪᓯᔭᐅᓂᐊᖅᑐᓂ ᓅᕖᐱᕆ 7-ᒧᓄᑦ, 2024. ᐱᓕᕆᐊᑦᓴᖅ ᐱᐅᔪᐊᓗᒻᒥᒃ ᐱᕕᖃᖅᑎᑦᓯᔾᔪᑎᐅᔪᖅ ᓄᓇᓕᕐᒥᐅᑕᐃᑦ ᐃᒋᐅᖅᑲᐃᒍᓐᓇᖅᑎᑕᐅᓗᑎᒃ ᐊᖏᔫᑎᓂᒃ ᓴᕕᕋᔭᓂᒃ ᓴᓂᕐᓂᒃ ᓲᕐᓗ ᓄᓇᒃᑰᔫᒥᓂᕐᓂᒃ, ᖃᒧᑕᐅᔭᒥᓂᕐᓂᒃ, ᐊᒻᒪ ᐃᓪᓗᓄᑦ ᓱᓇᒃᑯᑖᒥᓂᕐᓂᒃ, ᐃᓚᒋᔭᐅᓗᑎᒃ ᖁᔭᓈᖅᑕᐅᔾᔪᑎᖏᓐᓄᑦ ᐊᑭᓕᕆᐊᓕᐅᔪᑦ ᐃᒋᑦᓯᔾᔪᑎᓂᒃ ᐊᒻᒪ ᐃᖏᕐᕋᔾᔪᑎᒍᑦ ᐃᑲᔪᖅᑕᐅᓗᑎᒃ ᐃᒋᑕᐅᔪᓂᒃ ᓄᐊᑕᐅᔪᓐᓇᖅᑐᓂᒃ.

ᐊᑕᐅᑦᓯᒃᑯᑦ, ᑐᑭᒧᐊᑦᑎᑕᐅᔪᒥᒃ ᓇᓗᓇᐃᔭᐃᔾᔪᑎᓕᕆᔪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᓕᕆᔨᖏᑦ ᐃᓚᒋᔭᐅᓗᑎᒃ ᓇᓗᓇᐃᕐᓯᒪᒍᒪᓪᓗᑎᒃ ᐊᒥᓲᔫᒥᔪᓂᒃ ᓄᓇᒃᑰᔫᒥᓂᕐᓂᒃ ᓄᐊᑦᓯᒍᒪᓪᓗᑎᒃ ᐊᔪᕐᓇᖏᓐᓂᖓᒍᑦ ᐱᓕᕆᐊᑦᓴᖅ ᐃᓱᓕᓚᐅᖏᓐᓂᖓᓂ. ᓄᓇᓕᓐᓄᑦ ᒪᓕᒐᕋᓛᓕᕆᔨᐅᔪᑦ ᖃᐅᔨᒋᐊᖅᐸᓂᐊᖅᑐᑦ ᓄᓇᓕᕐᒥᐅᑕᓂᒃ ᓱᕋᐃᓯᒪᑐᐃᓐᓇᕆᐊᓕᓐᓂᒃ ᓄᓇᓕᓐᓄᑦ ᒪᓕᒐᕋᓛᖑᔪᓂᒃ ᐊᑦᑐᐊᔪᓂᒃ ᐃᑉᐱᒋᔭᐅᔪᓐᓃᑦᑐᓄᑦ ᐅᕝᕙᓘᓐᓃᑦ ᓱᕋᑦᓯᒪᔪᓄᑦ ᓄᓇᒃᑰᔫᒥᓂᕐᓂᒃ ᐱᔾᔪᑎᖃᕐᓗᑎᒃ. ᑕᒪᓐᓇ ᐱᕕᖃᐅᑎᑦᓯᐊᕙᐅᓕᖅᑐᖅ ᑕᐃᒃᑯᓄᖓ ᐊᑲᕐᕆᔮᕈᑎᖃᕈᒪᒍᑎᒃ ᐱᓕᕆᐊᑦᓴᒥᒃ ᐊᒻᒪ ᐊᑭᓖᒋᐊᑐᓐᓂᐊᖏᒻᒪᑕ ᐃᒋᑦᓯᔾᔪᑎᓂᒃ ᐊᑭᓕᕆᐊᖃᓛᕐᒥᔪᓂᒃ ᐅᓪᓗᕐᓯᐅᑎᖓ ᐃᓱᓕᕝᕕᖓ ᖄᖏᕐᓯᒪᓕᖅᐸᑦ
ᓄᓇᓕᕐᒥᐅᑕᐃᑦ ᖃᐅᔨᒃᑲᓐᓂᕈᒪᔪᑦ ᐱᓕᕆᐊᑦᓴᒥᒃ ᖃᐅᔨᒋᐊᖁᔭᐅᑦᓯᐊᖅᑐᑦ ᓴᓇᔪᓕᕆᔨᒃᑯᓐᓄᑦ ᐅᖄᓚᐅᑎᒃᑯᑦ ᐅᕗᖓ 867-979-5630 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ b.shaimaiyuk-baines@iqaluit.ca ᐅᐸᓗᖓᐃᔭᐃᖃᑎᒋᓂᐊᕋᕕᐅᒃ ᐃᒋᑦᓯᔪᖃᕆᐊᖃᖅᐸᑦ.

ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᓄᓇᓕᕐᒥᐅᑕᓂᒃ ᐱᖃᑕᐅᖏᓐᓇᕐᓂᖏᓐᓄᑦ ᐱᓕᕆᐊᑦᓴᒧᑦ, ᐱᒻᒪᕆᐅᔪᒃᑯᑦ ᐊᑑᑎᖃᖅᐸᒻᒪᑕ ᐃᖃᓗᐃᑦ ᐃᓗᐊᓂᒃ ᓴᓗᒪᑎᑦᓯᕙᓐᓂᒃᑯᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᒃᑯᑦ ᑭᒃᑯᑐᐃᓐᓇᑦᓯᐊᓄᑦ. ᖃᓄᖅᑑᕈᑎᒋᕙᑦᑕᓯ ᐊᑦᓱᑲᓪᓚᒃ ᐱᕙᓪᓕᐅᑎᕙᑦᑐᑦ, ᐊᒻᒪ ᑕᑯᒃᑲᓐᓂᕈᒪᑐᐃᓐᓇᓂᐊᖅᑐᒍᑦ ᓄᓇᓕᕐᒥᐅᑕᓂᒃ ᐊᑲᐅᓈᕈᑎᖃᖅᑎᓪᓗᒋᑦ ᐆᕕᖓ ᐱᒋᐊᖅᑎᑕᐅᓯᒪᔪᒥᒃ. ᑲᑐᔾᔨᓗᑕ, ᐃᑲᔪᖃᑎᒌᑉᐳᒍᑦ ᐱᕈᐃᕙᓪᓕᐊᓂᒃᑯᑦ ᐃᓗᓯᕐᒧᑦ ᐊᑲᐅᔪᒥᒃ ᐊᒻᒪ ᒪᑭᒪᔾᔪᑎᖃᕈᓐᓇᑦᓯᐊᕐᓂᐊᖁᓪᓗᒋᑦ ᓯᕗᓂᖓᓂ ᓄᓇᓕᐸᐅᔭᒃᑯᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ ᓄᓇᓕᐸᐅᔭᐃᑦ

ᐃᖃᓗᐃᑦ ᐅᖄᓚᐅᑎᖓ: 867-979-5630

ᐃᕐᖐᓇᖅᑕᐅᑎᖓᑕ ᑐᕌᕈᑎᖓ: b.shaimaiyuk-baines@iqaluit.ca

Notice: