ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐅᑎᒥᓃᑦ

ᓄᓇᓕᐸᐅᔭᒃᑯᑦ ᐱᑎᑕᐅᓯᒪᓕᕐᒪᑕ ᐅᖃᐅᓯᖃᖅᑐᑦ ᖃᓄᐃᒍᑎᐅᔪᓂᑦ ᐃᒥᖅ ᖃᐅᔨᓴᖅᑕᐅᒐᒥ. ᖃᐅᔨᓴᐅᑎᐅᔪᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᖃᐅᔨᓴᕐᓂᒃᑯᑦ ᐱᓕᕆᐊᑦᓴᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᑯᓐᓂᖏᓐᓂ ᓅᕖᐱᕆ 16, 2021 ᐊᒻᒪ ᓅᕖᐱᕆ 23, 2021.

ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐅᑯᓂᖓ BTEX/PHC[F1-F4], ᖃᐅᔨᓴᐅᑎᐅᔪᑦ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᒫᓃᑐᐃᓐᓇᕆᐊᓕᓐᓂᑦ ᐊᑐᖅᑐᑎᒃ 11-ᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᖅᑕᐅᒋᐊᓕᓐᓂᑦ.

ᖃᐅᔨᓴᖅᑕᐅᔪᑦᓴᑦ ᐱᔭᐅᕙᑦᑐᑦ ᐱᖓᓲᔪᖅᑐᓂᑦ ᐊᔾᔨᒌᖏᑦᑐᓂᑦ ᐃᓂᒋᔭᐅᔪᓂᑦ ᐃᓗᐊᓂ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐊᒻᒪ 7-ᓂᑦ ᐃᓂᒋᔭᐅᔪᓂᑦ ᐃᒥᖃᐅᑎᐅᕙᑦᑐᓂᑦ. ᖃᐅᔨᓴᕐᕕᐅᕙᑦᑐᑦ ᐃᒥᓕᕆᔾᔪᑎᓂᑦ ᐱᔭᐅᕙᑦᑐᑦ ᓇᑭᑐᐃᓐᓇᖅ ᐃᖃᓗᐃᑦ ᐃᓗᐊᓃᑦᑐᓂᑦ, ᐃᓘᓐᓇᑦᑎᐊᖏᓐᓂᑦ ᖃᐅᔨᓴᕈᒪᓪᓗᑎᒃ ᐃᒥᐅᑉ ᖃᓄᐃᓐᓂᖓᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᖏᑕ ᖃᓄᐃᓕᐅᕈᑎᑦᓴᖏᑦ 2021 ᕿᑲᕐᓇᐃᑦ ᐅᓪᓗᖏᓐᓂ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐅᑯᓂᖓ ᕿᑲᕐᓇᐅᓕᖅᐸᑦ ᐅᓪᓗᖏᓐᓂ ᖃᓄᐃᓕᐅᕈᑎᐅᓛᖅᑐᓂᑦ.

ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᒪᓕᑦᑎᒌᓪᓗᑎᒃ ᐃᖏᕐᕋᔭᖃᑕᐅᓂᖓ

ᐱᓕᕆᐊᖑᓂᐊᓚᐅᖅᑐᖅ ᖁᔭᓈᖅᑕᐅᑲᐃᓐᓇᖅᑐᖅ - ᑭᓈᓗᓕᕆᔾᔪᑎᓄᑦ ᐊᖅᑯᑎᓕᐊᖑᓂᐊᓚᐅᖅᑐᖅ - ᑭᓈᓗᓐᓂᑦ ᓄᐊᑦᑎᔨᓄᑦ ᑯᕝᕕᕕᒃ 1

ᓄᓇᓕᐸᐅᔭᒃᑯᑦ ᖁᔭᓈᕐᓯᑲᐃᓐᓇᖅᑐᑦ ᐋᖅᑭᑦᓱᐃᓂᕐᒥᑦ ᐊᖅᑯᑎᓕᐊᖑᑲᐃᓐᓇᓂᐊᖅᑐᒥᑦ ᑭᓈᓗᓕᕆᔾᔪᑎᓄᑦ ᐊᕙᑎᐊᓂ ᑭᓈᓗᓐᓂᑦ ᓄᐊᑦᑎᔨᓄᑦ ᑯᕝᕕᕕᒃ 1 (ᓯᔾᔭᒥ) ᐱᓕᕆᐊᖑᓂᐊᓚᐅᖅᑐᖅ ᐃᓗᐊᓂ ᑯᕝᕕᕕᐅᑉ.

ᓄᓇᓕᐸᐅᔭᐃᑦ ᐃᓱᒪᒋᔭᖃᖅᑐᑦ ᐱᓕᕆᐊᖃᕆᐊᓛᕐᓂᕐᒥᓂᒃ ᔮᓐᓄᐊᕆ 2022.

ᑐᑭᓯᒋᐊᕈᑎᑦᓴᑲᓐᓂᕐᓂᒃ ᐊᑐᐃᓐᓇᕈᐃᓛᕐᒥᔪᑦ ᓇᓗᓇᐃᕐᓯᔪᖃᕐᓂᖅᐸᑦ ᐅᓪᓗᕐᓯᐅᑎᒍᑦ ᐱᓕᕆᐊᑦᓴᒧᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᒃᑯᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ: 

ᐊᓕᒃᓯ ᑳᒧᕋᓐ

ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ

867-979-5607 | a.cameron@iqaluit.ca

ᐃᒥᕐᓂᒃ ᐃᒥᖅᑕᐅᔪᓐᓇᖅᑐᓂᒃ ᐊᑐᐃᓐᓇᖅᑕᓕᒃ

ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.

ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ:

• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ

ᐃᒥᖅᑕᕕᑦᓴᐃᑦ ᒪᑐᐃᖓᕙᑦᑐᑦ ᐱᓇᓱᐊᕈᓯᓕᒫᖅ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.

ᐃᒥᐅᑉ ᐃᖏᕐᕋᓂᖓ ᓄᖅᑲᖅᑐᖅ – Hᐊᐱ ᕚᓕᒥ

ᖃᐅᔨᒪᖁᔭᐅᕗᓯ ᐱᔾᔪᑎᒋᓪᓗᒋᑦ ᓴᓇᔭᐅᔭᕆᐊᓖᑦ ᐃᒥᓕᕆᔾᔪᑎᐅᔪᑦ, ᐃᒥᓕᕆᔾᔪᑏᑦ ᓄᖅᑲᖓᑎᑕᐅᖃᑦᑕᓛᕐᒪᑕ ᑎᓴᒻᒥᕐᒥ, ᑏᓰᐱᕆ 2, 2021 ᐅᓐᓄᓴᒃᑯᑦ 1 ᐊᒻᒪ 5 ᐊᑯᓐᓂᖏᓐᓂ ᓴᓇᔭᐅᓇᓱᓐᓂᖏᓐᓂ.

ᐅᑯᐊ ᐃᒥᓕᕆᔾᔪᑎᖏᑦ ᓄᖅᑲᖓᑎᑕᐅᖃᑦᑕᓛᖅᑐᑦ:

400–ᒥᑦ 416-ᒧᑦ
523-ᒥᑦ 582-ᒧᑦ

ᓴᓇᔭᐅᓂᖏᓐᓂ ᐊᑦᑐᐃᓂᖃᔾᔮᖏᑦᑐᖅ ᖃᐅᔨᒪᒋᐊᕈᑕᐅᒋᐊᓕᓪᓂᒃ ᓄᓇᕗᑦ ᒐᕙᒪᒃᑯᖏᓐᓃᓐᖔᖅᓯᒪᔪᓂᒃ ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᓐᓂ ᐊᑦᑑᑉᐱᕆᓕᓴᒥᑦ 12, 2021. ᓱᓕᒃᑲᓐᓂᖅ, ᐃᒥᖃᑦᑕᖁᔨᓐᖏᒻᒪᑕ ᐃᖃᓗᓐᓂ ᓯᑎᒃᑯᑦ ᓱᓕ ᐃᒥᖅᑕᐅᒋᐊᖃᓐᖏᑦᑐᖅ.

ᑐᑭᓯᒋᐊᒃᑲᓐᓂᕈᒪᓐᓂᕈᔅᓯ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5607| a.cameron@iqaluit.ca

ᑐᐊᕕᕐᓇᖅᑐᒦᓕᕐᓂᖅ ᓄᓇᓕᓐᓂ − ᐅᐃᒍᔭᐅᔪᖅ ᑏᓰᐱᕆ 7-ᒧᓄᑦ, 2021

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᐃᒍᐃᕗᑦ ᐅᓪᓗᖏᓐᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐱᔾᔪᑎᒋᓪᓗᒍ ᐃᒥᒃᑯᑦ ᐊᑲᐅᖏᓕᐅᕈᑎᐅᔪᑦ ᐱᒋᐊᕐᓗᒍ ᐅᓐᓄᐊᒃᑯᑦ 12-ᒨᖅᐸᑦ ᐱᖓᑦᓯᕐᒥ, ᐋᑦᑑᐸ 20, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᐃᒍᔭᐅᓂᖓᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.

ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐊᑐᖅᑎᓪᓗᒋᑦ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᑦᓴᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᐅᑯᓂᖓ ᐊᑐᕈᓐᓇᑎᑦᓯᔾᔪᑎᐅᔪᓐᓇᕐᒪᑦ “ᖃᓄᐃᑐᐃᓐᓇᖅ ᐱᓕᕆᖁᔭᐅᓗᑎᒃ ᐊᒻᒪ ᐊᑐᖅᐸᓪᓗᑎᒃ ᐱᓕᕆᔾᔪᑎᑦᓴᓂᑦ ᓄᓇᓕᓐᓂ ᑯᐊᐳᕇᓴᐅᔪᓄᑦ ᐱᓕᕆᐊᖑᒋᐊᖃᖅᑐᕆᔭᖏᓐᓂᑦ”.

ᐃᓚᐅᕈᑎᒃᓴᒥᒃ ᑯᕕᔪᖃᖅᑐᖅ ᕿᑭᖅᑕᓂ ᐋᓐᓂᐊᕕᖕᒥ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒃᑲᖅᑕᐅᖅᑲᐅᔪᑦ ᐃᓚᐅᕈᑎᒃᓴᒥᒃ ᐊᒻᒪᓗ ᐃᒥᖅᑐᓂ ᑯᕕᔪᖃᖅᑐᕕᓂᐅᓂᖕᒐᓂᒃ ᐋᓐᓂᐊᕕᖕᒥ ᐸᕐᓇᐅᑎᐅᓯᒪᖖᒋᑦᑐᒥᒃ, ᑭᓈᓗᖃᕐᕕᖕᒐᓂᑦ ᓄᑖᖖᒍᕆᐊᖅᑎᑦᑎᓇᓱᒃᑎᓪᓗᒋᑦ, ᐱᓕᕆᐊᖕᒍᑎᓪᓗᒍ ᓄᓇᓕᐸᐅᔭᒃᑯᑦ ᑳᓐᑐᕌᒃᑕᐅᓯᒪᔪᓄᑦ. ᖁᓪᓕᒃᑯᑦ ᑲᑐᔾᔨᖃᑎᒌᑦ ᐅᐸᒍᑎᑲᐅᖅᑐᕈᓐᓇᖅᑲᐅᔪᑦ ᓄᖅᑲᖅᑎᑕᐅᓪᓗᓂ ᑯᕕᓕᒃᑲᓐᓂᕐᓂᐊᖖᒋᒻᒪᑦ.

ᐊᔾᔨᒌᖖᒋᑦᑐᑦ ᑳᓐᑐᕌᒃᓕᕆᔩᑦ ᐊᒻᒪᓗ ᑐᑦᑕᕐᕖᑦ ᖃᐅᔨᓴᕐᓂᐊᖅᑐᑦ. ᐅᖃᐅᓯᐅᓯᒪᓕᕆᓪᓗᓂ ᓄᓇᕗᑦ ᒐᕙᒪᒃᑯᑦ ᐊᕙᑎᓕᕆᔨᒃᑯᖕᒋᓐᓄᑦ ᐃᑲᔪᖅᓱᕆᐊᖃᕐᒪᖕᒑᑕ ᑯᕕᓯᒪᔪᖅ ᖃᓄᖅ ᐱᓕᕆᐊᖕᒍᔭᕆᐊᖃᕐᒪᖕᒑᖅ.

ᐃᓚᐅᕈᑎᒃᓴᖅ ᑕᑯᔅᓴᐅᖖᒋᑦᑐᖅ, ᑎᐱᖃᖖᒋᑦᑐ, ᓇᐃᔭᔅᓴᐅᖖᒋᑦᑐᖅ ᓂᕿᓃᓲᖅ, ᐱᐅᓴᐅᑎ ᐊᒻᒪᓗ ᐄᔭᒐᖅᑖᕈᑕᐅᓲᖅ, ᐊᒻᒪᓗ ᓱᕈᕐᓇᖖᒋᑦᑐᖅ ᐃᓄᖕᓄᑦ ᓂᕐᔪᑎᓄᓪᓗ.

ᖃᐅᔨᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒃᓴᖅ. 

ᖃᕋᓴᐅᔭᒃᑯᑦ:

ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖅᐳᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐊᖕᒋᖃᑎᒌᒍᑎᒥᒃ ᑮᓇᐅᔭᖃᖅᑎᑦᑎᔪᒪᓪᓗᑎᒃ ᓄᓇᓕᖕᓂ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᔪᒧᑦ

ᓅᕕᐱᕆ 30, 2021 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᑦᑐᑎᒃ ᑐᓴᖅᑎᑦᑎᔪᒪᔪᑦ ᐃᖃᓗᖕᓂ ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖃᑎᖃᕐᒪᑕ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᓕᕆᔨᒃᑯᓪᓗ (CMHC) ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᕙᓪᓕᐊᔪᒪᔪᑦ ᐊᒻᒪᓗ ᑲᓇᑕᒥ ᓇᖕᒥᓂᖅᑖᖅᐸᓪᓕᐊᓂᖅ ᐃᒡᓗᓕᕆᔨᕐᔪᐊᒃᑯᓪᓗ ᑮᓇᐅᔭᓕᐅᕈᑕᐅᓇᓱᒃᑐᑦ, ᓄᓇᓕᐸᐅᔭᒃᑯᑦ $10,734,852,65-ᓂᒃ ᑮᓇᐅᔭᖃᖅᑎᑦᑎᓂᐊᕐᓗᑎᒃ ᐱᕙᓪᓕᐊᑎᑦᑎᔾᔪᑎᒃᓴᓂᒃ ᐊᑭᑐᓗᐊᖖᒋᑦᑐᓂᒃ ᐃᒡᓗᓂᒃ, ᑐᕌᒐᖃᕐᓗᑎᒃ ᐊᒃᑐᖅᑕᐅᓴᕋᐃᑦᑐᓂᒃ ᐱᓕᕆᔨᓂᒃ, ᐃᖃᓗᓂ.