ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓱᓪᓗᓕᒻᒥᑦ ᐋᖅᑭᑦᓱᖅᑕᐅᔪᓂᑦ ᐊᑐᓕᖅᑐᑦ
ᔮᓐᓄᐊᕆ 19, 2022 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑲᑐᔾᔨᖃᑎᖃᖅᑐᑎᒃ ᐋᓐᓂᐊᓇᖕᖏᑦᑐᓕᕆᔨᒃᑯᓐᓂᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐅᓪᓗᒥ ᐅᓐᓄᓴ 4-ᒨᖅᑎᓪᓗᒍ ᔮᓐᓄᐊᕆ 19-ᒥ, 2022 ᓄᓇᓕᐸᐅᔭᒃᑯᑦ ᓱᓪᓗᓕᒻᒥᑦ ᐊᑐᕆᐊᖑᓱᒻᒪᑕ. ᑕᒪᓐᓇ ᐱᓪᓗᒍ, ᓄᓇᓕᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ ᐃᒥᕐᒥᒃ ᐃᒥᖅᑕᐅᓚᐅᖏᓐᓂᖓᓂ, ᓂᖅᑎᐅᕈᑎᐅᓚᐅᖏᓐᓂᖓᓂ ᐊᒻᒪ ᑭᒍᑎᓯᐅᕐᓗᑎᑦ ᐃᕐᕈᖅᑑᑎᒋᓚᐅᖏᓂᕐᓂ.
- ᐃᒥᖅ ᓱᓕ ᓴᓗᒻᒪᓴᖅᑕᐅᕙᓐᓂᐊᖅᑐᖅ ᐊᑐᕐᓗᑎᒃ ᔫᕖᒥᑦ ᖃᐅᒪᒥᑦ ᐊᒻᒪ ᐱᕐᓴᐅᒻᒧᑦ ᖁᐱᕐᕈᐊᕐᔪᕋᓛᓂᑦ ᑐᖁᓴᐃᔾᔪᑎᖃᕐᓗᑎᒃ ᑭᓯᐊᓂ ᓱᓕ ᑎᐱᖃᑐᐃᓐᓇᕆᐊᓕᒃ ᐊᔾᔨᒋᑦᑎᐊᖏᑕᖓᓂᑦ ᐃᒥᕆᔭᐅᕙᑦᑐᑦ ᓴᓗᒻᒪᓴᕐᓯᒪᔪᑦ, ᐊᒻᒪ ᐃᓱᖅᑐᒐᓚᐅᓗᓂ ᐃᒪᖓ.
- ᐊᖏᕐᕋᓂ ᖃᑦᑕᐃᑦ ᓴᓐᓂᒐᓚᑐᐃᓐᓇᕆᐊᓖᑦ.
- ᐊᓯᖏᓐᓂᑦ ᖃᑦᑕᖃᕈᒪᓕᓚᐅᖅᑐᑦ ᖃᐅᔨᔪᖃᓚᐅᖅᑎᓪᓗᒍ ᐃᒥᐅᑉ ᖃᓄᐃᓂᖓᓂᑦ ᖃᐅᔨᓴᕐᕕᒻᒥ ᐅᕐᓱᐊᓗᕈᔪᒻᒥᑦ ᓴᓗᒻᒪᓴᖅᑕᐅᓯᒪᔪᒧᑦ ᐃᒥᕐᒥᒃ ᖃᑦᑕᒨᑦᑐᖃᖅᑐᒥᓂᐅᓂᖓᓂᑦ.
- ᓴᓗᒻᒪᓴᖅᑕᐅᖏᓐᓇᓂᐊᖅᑐᖅ ᐃᒥᕐᒥᒃ ᓴᓗᒻᒪᕐᓴᐃᕕᒃ.
- ᑰᒻᒥᔭᒥᑦ ᐃᒥᕐᒥᒃ ᐃᒥᖅᑕᕕᑦᓴᐅᓂᐊᖅᑐᖅ ᐃᓐᓇᑐᖃᕐᓄᑦ ᖃᒻᒪᒥ ᑕᓪᓕᒥᕐᒧᑦ, ᔮᓐᓄᐊᕆ 21. ᓄᓇᓕᕐᒥᐅᑕᐃᑦ ᐃᒥᖅᑕᕈᓐᓇᓂᐊᖅᑐᑦ ᖃᐅᑕᒫᑦ 3-ᒥᓂᒃ ᐅᓐᓄᓴᒃᑯᑦ 8-ᒧᓄᑦ ᐅᓄᒧᑦ. ᐃᒥᖅ ᑰᒻᒥᔭ ᐊᑐᖅᑕᐅᖏᓐᓂᖓᓂ ᓯᕗᓂᐊᒍᑦ ᑎᖅᑎᑎᖃᑦᑕᕆᐊᓕᒃ. ᑲᖕᖔᑎᑦᓯᔾᔪᑎᓂ ᐊᑐᐃᓐᓇᖃᕐᓂᐊᕐᒥᔪᑦ ᑎᒍᔭᑦᓴᓂᑦ ᓄᖑᑕᐅᓇᓱᓐᓂᖏᓐᓂ.
ᓄᓇᓕᐸᐅᔭᒃᑯᑦ ᐃᒥᖓᑦ ᓅᑕᐅᔪᒪᓕᓚᐅᖅᑐᖅ ᖃᑦᑕᓄᑦ ᐱᓕᕆᔾᔪᑎᐅᓗᓂ ᐅᕐᓱᐊᓗᑦᓱᓐᓂᓕᓚᐅᖅᑎᓪᓗᒍ (ᐊᑦᑐᐊᔪᒥᑦ ᒫᓐᓇ ᐱᔾᔪᑎᐅᔪᒧᑦ) ᐱᖓᑦᓯᕐᒥ, ᔮᓐᓄᐊᕆ 19.
ᐊᓯᔾᔨᕐᓂᐅᔪᖅ ᐊᓯᖏᓐᓄᑦ ᖃᑦᑕᓄᑦ ᐃᓚᒋᔭᐅᔪᖅ ᓯᕗᓂᐊᒍᑦ ᐋᖅᑭᑦᑕᐅᓚᐅᖅᑐᓄᑦ ᐅᐸᓗᖓᐃᔭᐅᑎᑦᓴᐅᖁᓪᓗᒋᑦ ᐱᓕᕆᔾᔪᑎᒍᑦ ᓱᕈᐃᔪᖃᒃᑲᓂᕐᓂᖅᐸᑦ ᖃᖓᑐᐃᓐᓇᒃᑯᑦ. ᐊᑐᖅᑕᐅᔪᖅ ᓱᓪᓗᓕᒃ ᐃᒥᕐᒥᒃ ᓴᓗᒻᒪᓴᕐᓯᒪᖕᖏᑦᑐᒥᑦ ᐃᒥᖅᑕᕕᒻᒥᑦ ᐱᓯᒪᔪᒥᑦ ᐊᑦᑐᐃᖁᓇᒍ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᑦᑐᓂᑦ.
ᐃᒥᖅ ᓴᓗᒻᒪᓴᕐᓯᒪᖕᖏᑦᑐᖅ ᐱᓯᒪᔪᖅ ᐃᒥᖅᑕᕕᒻᒥᑦ ᑲᖕᖔᑎᑦᓯᔾᔪᑎᒎᖅᑕᐅᕙᑦᑐᖅ ᐊᒻᒪ ᔫᕖᒧᑦ ᖃᐅᒪᒧᑦ ᐊᒻᒪ ᐲᕐᓴᐅᑎᓄᑦ ᓴᓗᒻᒪᓴᖅᑕᐅᕙᑦᑐᖅ, ᑭᓯᐊᓂ ᐃᒥᖅ ᑲᖕᖔᑎᑦᓯᔾᔪᑎᓂᑦ ᐊᑐᖅᐸᖏᑦᑐᑦ ᐃᒥᕐᒥᒃ ᓴᓗᒻᒪᕐᓴᐃᑎᐅᒐᔪᑦᑐᓄᑦ ᐅᐸᓗᖓᐃᔭᐅᑎᓄᑦ. ᓄᓇᓕᕐᒥᐅᑕᐃᑦ ᓇᐃᑐᐃᓐᓇᕆᐊᓖᑦ ᐃᒥᖏᓐᓂ ᓇᐃᕙᖕᖏᑕᒥᓂᒃ, ᐅᕝᕙᓘᓐᓃᑦ ᑕᑯᓗᑎᒃ ᐃᓱᐸᓗᑦᑐᒥᑦ ᓴᓂᕐᓂᓘᓐᓃᑦ ᐃᒥᕐᒥ, ᐊᔾᔨᐸᓗᐊᓂᒃ ᐃᒥᖅᑐᓂ ᑕᓯᕐᒥᑦ ᐅᕝᕙᓘᓐᓃᑦ ᐊᔾᔨᐸᓗᖏᓐᓂᑦ ᐃᒥᒃᑯᕕᓐᓂᑦ. ᐲᕐᓴᐅᑎᒥᑦ ᐊᑐᐃᓐᓇᕐᓂᐊᕋᓗᐊᖅᑎᓪᓗᒋᑦ, ᓯᕗᓂᐊᒍᑦ ᐃᒥᖅ ᑎᖅᑎᑎᑕᐅᖁᔭᐅᔪᖅ.
ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᓱᓪᓗᓕᓐᓂᒃ ᐃᒥᕐᒧᑦ ᑯᕕᑎᑦᑎᖏᓐᓇᓂᐊᖅᑐᑦ ᐅᕐᓱᐊᓗᑦᓱᓂᕐᒥᑦ ᓄᖑᓴᐃᓇᓱᐊᕐᓗᑎᒃ. ᓱᓪᓗᓕᒃ ᐊᑐᖅᑕᐅᓕᖅᐸᑦ, ᓴᓗᒻᒪᓴᖅᑕᐅᖏᓐᓇᕈᓐᓇᓂᐊᖅᑐᑦ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐃᓗᐊᓂ ᖃᑦᑕᐃᑦ ᐅᐸᑦᑕᐅᔪᓐᓇᖅᑐᑦ ᑭᓯᐊᓂ ᐊᑐᖅᑕᐅᑎᓐᓇᒋᑦ ᐃᒥᕐᒥᒃ ᓴᓗᒻᒪᕐᓴᐃᑎᐅᑎᓪᓗᒋᑦ.
ᑕᒪᒃᑯᓂᖓ ᐱᔾᔪᑎᖃᐅᖅᑐᑦ ᐊᒻᒪ ᐊᓯᖏᓐᓂᑦ ᐱᔾᔪᑎᐅᕙᑦᑐᓂᑦ ᐊᑐᐃᓐᓇᐅᔪᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᓕᕆᔪᓂᑦ ᑐᓴᕋᑦᓴᖃᕐᕕᖓᓂ ᐅᕙᓂ: Iqaluit.ca/water
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
