ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᓈᑦᓯᐅᖑᔭᐅᑎᓪᓗᒍ, ᔮᓐᓄᐊᕆ 16, 2022 ᐅᓐᓄᓴᒃᑯᑦ 4:30-ᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐅᖄᓚᕕᐅᒐᒥᒃ ᐱᔾᔪᑎᖃᖅᑐᒧᑦ ᓂᖅᑎᐅᕐᕕᖓᓂᑦ ᐃᑭᓐᓂᕋᐃᔪᒧᑦ ᓇᔪᒐᖃᕐᕕᒻᒥ 900-ᓂᑦ ᓈᓴᐅᑎᓕᒻᒥᑦ.

ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᕿᓚᒥᕈᓗᒃ ᖃᐅᔨᓚᐅᖅᑐᑦ ᓇᒦᒻᒪᖔᖅ ᐃᑭᑦᑐᖅ ᖃᒥᑕᐅᓵᖅᑐᓂ ᖃᓂᒋᔭᖏᓐᓄᑦ ᓇᔪᒐᕐᓄᑦ ᓯᐊᒻᒪᓚᐅᖏᓐᓂᖓᓂ. ᐱᔪᓐᓇᑦᑎᐊᓚᐅᕐᓂᖏᒃ ᐃᑭᑦᑐᖃᓕᖅᐸᑦ ᖁᖁᐊᕈᑎᖓᑦ ᐊᒻᒪ ᐃᒥᕐᒥᒃ ᑎᒻᒥᑳᓲᑦ ᐃᓪᓗᒥ ᐃᓪᓗᒦᑦᑐᓄᑦ ᐊᓯᖏᓐᓄᑦ ᓇᔪᒐᕐᓅᕈᓐᓇᕐᓯᓚᐅᖏᑦᑐᖅ ᐃᓄᖏᓐᓂᑦ, ᐊᒻᒪ ᓴᓂᓕᑦᑎᐊᖏᓐᓂᑦ ᓇᔪᒐᓕᓐᓂᑦ, ᐊᓂᓵᕈᓐᓇᖅᑎᑕᐅᓚᐅᖅᑐᑦ ᐃᓪᓗᒥᑦ.

ᐃᑭᐊᓚᔪᒧᑦ ᐊᒻᒪ ᐳᔪᕐᒧᑦ ᓱᕋᓚᐅᖅᑐᖅ ᑕᐃᓐᓇᑐᐊᖅ ᓇᔪᒐᖅ ᒪᕐᕉᓐᓂᒃ ᐃᓄᖃᓚᐅᖅᑐᖅ ᐊᒻᒪ ᐃᓄᖏᑦ ᐊᓯᐊᓅᕈᓐᓇᕐᓯᑎᑕᐅᓯᒪᓕᖅᑑᒃ.

ᒪᕐᕉᒃ ᖃᑦᑎᕆᔨᓄᑦ ᓄᓇᒃᑰᔫᒃ, ᐊᑕᐅᓯᖅ ᓄᓇᒃᑰᔫᖅ ᐋᓐᓂᖅᑐᓄᑦ, ᐊᒻᒪ 13 ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᐋᓐᓂᖅᑐᖃᓚᐅᖕᖏᑦᑐᖅ ᑭᒃᑯᑐᐃᓐᓇᕐᓂᑦ ᐃᖅᑲᓇᐃᔭᖅᑎᓂᓪᓘᓐᓃᑦ ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᓐᓂᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᖁᔭᓐᓇᒦᕈᒪᒻᒥᔪᑦ ᐃᖃᓗᓐᓂ ᐸᓖᓯᒃᑯᓐᓂᑦ ᐃᑲᔪᓚᐅᕐᓂᖏᓐᓂᑦ ᑕᐃᑦᓱᒪᓂ.

ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐃᖅᑲᐃᑎᑦᓯᒍᒪᕗᑦ ᓄᓇᓕᕐᒥᐅᑕᓂᑦ ᖁᖁᐊᕈᑎᒥᑦ ᐃᑭᐊᓚᔪᒧᑦ ᑐᓴᕈᑎᒃ ᐃᓪᓗᖏᓐᓂ ᐊᑦᑕᓇᔾᔭᐃᕐᓯᒪᓗᑎᒃ ᐊᒻᒪ ᐱᑦᑎᐊᕐᓗᑎᒃ ᐊᓂᒋᐊᖃᖅᐸᑦᑐᑦ ᐃᓪᓗᒥᑦ. ᐊᓃᓕᕈᑎᒃ, ᓄᓇᓕᕐᒥᐅᑕᐃᑦ ᐅᖄᓚᒋᐊᓖᑦ 979-4422 ᐅᖃᐅᓯᕆᓂᐊᕋᒥᐅᒃ ᖃᓄᐃᒍᑎᐅᔪᖅ.

ᐳᐃᒍᖅᑕᐃᓕᒋᑦᓯ, ᐃᓪᓗᕈᓯᕐᒥᑦ ᐃᓪᓗᒥᓪᓘᓐᓃᑦ ᐊᓂᔪᖃᖅᑎᓪᓗᒍ, ᒪᑐᔭᐅᒍᑎᒃ ᒪᑐᖏᑦ ᐊᒻᒪ ᓴᓐᓂᕈᐊᕐᓯᒪᖕᖏᓪᓗᒍ ᐃᑯᐊᓚᔪᖅ ᓯᐊᒻᒪᒍᓐᓇᖏᓂᕐᓴᐅᒐᔭᖅᑐᖅ ᐊᒻᒪ ᐳᔪᖓ, ᐊᓂᓵᕈᓐᓇᕐᓯᓕᕐᓗᑎᑦ ᐊᑦᑕᓇᔾᔭᐃᕐᓯᒪᓗᑎᑦ. ᖃᑦᑎᕆᔩᑦ ᕿᓚᒥᐅᓂᕐᓴᖅ ᑐᐊᕕᕐᓇᖅᑐᓕᕆᔪᓐᓇᕐᓯᒐᔭᕐᒥᔪᑦ ᐊᒻᒪ ᐃᑲᔪᕐᓗᑎᒃ ᐃᓪᓘᑉ ᐃᓄᖏᓐᓂᑦ ᐊᓂᓵᕈᓐᓇᕐᓯᓂᖕᖏᑦᑐᓂᑦ ᐃᖕᒥᓂᒃ.

##

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᑦᓴᖅ:
ᔭᕗᕆ ᐴᕐᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
g.byrne@iqaluit.ca