ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᓴᕋᑦᓴᖅ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕆᕗᑦ ᓱᓪᓗᓕᒃ ᐃᒥᕐᒧᑦ ᐊᑐᖅᑕᐅᓕᕐᒪᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ. ᓱᓪᓗᓕᒃ ᐊᑐᖅᑕᐅᒋᐊᓕᓚᐅᖅᑐᖅ ᐅᓐᓄᒃᑯᑦ ᔮᓐᓄᐊᕆ 19. ᓱᓪᓗᓕᒃ ᐃᒻᒪᐸᑦᑐᖅ ᐃᒥᖅᑕᕕᒻᒥᑦ ᑲᖕᖔᑎᑕᐅᕙᑦᑐᒥᑦ, ᖁᐱᕐᕈᐊᕐᔪᕋᓛᓂᑦ ᑐᖁᓴᐃᑎᓂᑦ ᐃᓚᐅᖅᑕᐅᓕᖅᑐᓂ ᐊᒻᒪ ᓱᓪᓗᓕᒃᑰᖅᑎᑕᐅᓕᖅᑐᓂ ᐃᒥᖃᖅᑎᑦᓯᔾᔪᑎᒧᑦ ᐊᖏᕐᕋᓄᑦ ᓄᓇᓯᐅᑎᒃᑯᑦ ᐊᒻᒪ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᓐᓇ ᐃᒥᖅ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᑦᑐᓂᑦ, ᐊᒻᒪ ᖃᐅᔨᓴᖅᑕᐅᖏᓐᓇᖅᑐᓂ ᓱᕈᓐᓇᖅᑐᖃᓕᖕᖏᒃᑲᓗᐊᕐᒪᖔᖅ ᐃᒥᖅ.

• ᐃᒥᖅ ᑎᖅᑎᑎᑕᐅᖁᔭᐅᔪᖅ ᐊᑐᖅᑕᐅᓚᐅᖏᓐᓂᖓᓂ ᒫᓐᓇᐅᓂᖓᓂ ᓄᓇᓕᕐᒥᐅᑕᓄᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᓂᑦ.
• ᐃᓘᓐᓇᑎᒃ ᐃᒥᓕᒫᑦᑎᐊᑦ ᑎᖅᑎᑎᑕᐅᖃᑦᑕᕆᐊᓖᑦ ᐅᑯᓄᖓ ᐊᑐᖅᑕᐅᓂᐊᕈᑎᒃ:

ᓄᑖᖅ ᓄᓇᓕᓐᓂ ᐆᒪᔪᓂᑦ ᐊᐅᓚᑦᑎᔾᔪᑎ ᒪᓕᒐᕋᓛᖅ #924

ᓄᓇᓕᐸᐅᔭᒃᑯᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᔮᓐᓄᐊᕆ 11, 2022 ᐃᑉᐱᒍᓱᑦᓯᐊᓂᒃᑯᑦ ᐆᒪᔪᖁᑎᖃᕐᓂᕐᒥᑦ ᒪᓕᒐᕋᓛᖅ No.796 ᑭᖑᕝᕕᖅᑕᐅᓚᐅᕐᒪᑦ ᓄᓇᓕᓐᓂ ᐆᒪᔪᓂᑦ ᐊᐅᓚᑦᑎᔾᔪᑎ ᒪᓕᒐᕋᓛᕐᒧᑦ No.924.

ᐊᓯᔾᔨᐅᑎᓪᓗᐊᑕᐅᔪᑦ ᐱᖃᓯᐅᔾᔭᐅᔪᑦ ᐆᒪᔪᓄᑦ ᓚᐃᓴᑖᕐᓂᖅ ᐊᑭᓖᒐᓂ, ᐱᖃᓯᐅᔾᔭᐅᒐᑎᒃ ᕿᒻᒦᑦ ᓇᓗᓇᐱᖅᑕᐅᓯᒪᔪᑦ ᐃᕐᓯᓇᕐᓂᖏᓐᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓱᓪᓗᓕᒻᒥᑦ ᐋᖅᑭᑦᓱᖅᑕᐅᔪᓂᑦ ᐊᑐᓕᖅᑐᑦ

ᔮᓐᓄᐊᕆ 19, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑲᑐᔾᔨᖃᑎᖃᖅᑐᑎᒃ ᐋᓐᓂᐊᓇᖕᖏᑦᑐᓕᕆᔨᒃᑯᓐᓂᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐅᓪᓗᒥ ᐅᓐᓄᓴ 4-ᒨᖅᑎᓪᓗᒍ ᔮᓐᓄᐊᕆ 19-ᒥ, 2022 ᓄᓇᓕᐸᐅᔭᒃᑯᑦ ᓱᓪᓗᓕᒻᒥᑦ ᐊᑐᕆᐊᖑᓱᒻᒪᑕ.  ᑕᒪᓐᓇ ᐱᓪᓗᒍ, ᓄᓇᓕᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᔪᑦ ᐃᒥᕐᒥᒃ ᐃᒥᖅᑕᐅᓚᐅᖏᓐᓂᖓᓂ, ᓂᖅᑎᐅᕈᑎᐅᓚᐅᖏᓐᓂᖓᓂ ᐊᒻᒪ ᑭᒍᑎᓯᐅᕐᓗᑎᑦ ᐃᕐᕈᖅᑑᑎᒋᓚᐅᖏᓂᕐᓂ.

ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᓈᑦᓯᐅᖑᔭᐅᑎᓪᓗᒍ, ᔮᓐᓄᐊᕆ 16, 2022 ᐅᓐᓄᓴᒃᑯᑦ 4:30-ᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐅᖄᓚᕕᐅᒐᒥᒃ ᐱᔾᔪᑎᖃᖅᑐᒧᑦ ᓂᖅᑎᐅᕐᕕᖓᓂᑦ ᐃᑭᓐᓂᕋᐃᔪᒧᑦ ᓇᔪᒐᖃᕐᕕᒻᒥ 900-ᓂᑦ ᓈᓴᐅᑎᓕᒻᒥᑦ.

ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᕿᓚᒥᕈᓗᒃ ᖃᐅᔨᓚᐅᖅᑐᑦ ᓇᒦᒻᒪᖔᖅ ᐃᑭᑦᑐᖅ ᖃᒥᑕᐅᓵᖅᑐᓂ ᖃᓂᒋᔭᖏᓐᓄᑦ ᓇᔪᒐᕐᓄᑦ ᓯᐊᒻᒪᓚᐅᖏᓐᓂᖓᓂ. ᐱᔪᓐᓇᑦᑎᐊᓚᐅᕐᓂᖏᒃ ᐃᑭᑦᑐᖃᓕᖅᐸᑦ ᖁᖁᐊᕈᑎᖓᑦ ᐊᒻᒪ ᐃᒥᕐᒥᒃ ᑎᒻᒥᑳᓲᑦ ᐃᓪᓗᒥ ᐃᓪᓗᒦᑦᑐᓄᑦ ᐊᓯᖏᓐᓄᑦ ᓇᔪᒐᕐᓅᕈᓐᓇᕐᓯᓚᐅᖏᑦᑐᖅ ᐃᓄᖏᓐᓂᑦ, ᐊᒻᒪ ᓴᓂᓕᑦᑎᐊᖏᓐᓂᑦ ᓇᔪᒐᓕᓐᓂᑦ, ᐊᓂᓵᕈᓐᓇᖅᑎᑕᐅᓚᐅᖅᑐᑦ ᐃᓪᓗᒥᑦ.

ᐃᑭᐊᓚᔪᒧᑦ ᐊᒻᒪ ᐳᔪᕐᒧᑦ ᓱᕋᓚᐅᖅᑐᖅ ᑕᐃᓐᓇᑐᐊᖅ ᓇᔪᒐᖅ ᒪᕐᕉᓐᓂᒃ ᐃᓄᖃᓚᐅᖅᑐᖅ ᐊᒻᒪ ᐃᓄᖏᑦ ᐊᓯᐊᓅᕈᓐᓇᕐᓯᑎᑕᐅᓯᒪᓕᖅᑑᒃ.

ᐃᒥᖃᖕᖏᑲᐃᓐᓇᓂᐊᖅᑐᑦ ᐃᓪᓗᓖᑦ ᒫᓂ ᐊᑦᓯᓂᕐᓴᖅ ᐃᖃᓗᐃᑦ

ᐃᒥᖃᖕᖏᑲᐃᓐᓇᖅᑎᑕᐅᓂᐊᖅᑐᑦ ᔮᓐᓄᐊᕆ 18 2022 ᐱᒋᐊᕐᓗᑎᒃ ᐅᕙᓂ 7:00 AM ᐅᕗᖓ 9:00AM ᓴᓇᔭᐅᒋᐊᖃᕐᓂᖓᓄᑦ.

ᓇᒥ ᐃᒥᖃᖕᖏᑲᐃᓐᓇᓂᐊᖅᑐᑦ: ᐊᑦᓯᓂᕐᓴᖅ ᐃᖃᓗᐃᑦ #’s 89-99, 102, 103, 104, 105, 106. 108, 109, 111, 113, 114. 116, 273.

ᓯᑎᒃᑯᑦ ᐊᑐᖁᔨᔪᑦ ᓄᓇᓕᕐᒥᐅᑕᐃᑦ ᑕᒪᑦᓱᒪ ᐊᕙᑎᐊᓂᕐᒥᐅᑕᐃᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᓖᑦ ᐅᐊ ᒪᓇᒥᒃ ᐃᒥᖅᑕᐅᓂᐊᖅᑐᒥᒃ. ᐃᒥᖅ ᑎᖅᑎᓚᐅᖅᑎᓪᓗᒍ ᓂᓪᓕᓇᓕᖅᐸᑦ ᒪᑐᓕᒻᒧᑦ ᓴᓂᕐᕙᑦᑕᐅᓯᒪᒍᓐᓇᖅᑐᑦ ᐊᑐᖅᑕᐅᓂᐊᑐᐃᓐᓇᕐᓗᓂ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
s.avery@iqaluit.ca
979-5630

ᐋᓐᓂᐊᓕᕇᒃᑯᑎᓕᖅᑕᐅᓂᖅ - ᓄᓇᓕᐸᐅᔭᒃᑯᑦ ᐱᓕᕆᕝᕕᖕᒋᓐᓂ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᑦᑕᕐᓇᖕᒋᑦᑐᖅᓯᐅᖅᑐᑦ, ᖃᓄᐃᖕᒋᑦᑎᐊᖅᑐᓂᒡᓗ ᐃᓂᖃᖅᑎᑦᑎᓂᕐᒥ ᓄᓇᓕᖕᒥᐅᓄᑦ ᐳᓛᕆᐊᖅᓯᒪᔪᓄᓪᓗ ᓄᓇᓕᑦᑎᓐᓄᑦ. ᐃᓚᒋᓪᓗᓂᐅᒃ ᐊᖕᒋᕈᑎᒋᓯᒪᔭᖕᒐᑕ, ᓄᓇᓕᐸᐅᔭᒃᑯᑦ ᐋᖅᑭᒃᓯᓪᓗᑎᒃ ᓄᕙᒡᔪᐊᕐᓇᖅ 19-ᒧᑦ ᑲᐱᔭᐅᓂᕐᒧᑦ ᐊᑐᐊᒐᕐᒥᒃ ᐃᓄᓕᒫᓄᑦ ᐅᐸᒍᑎᔪᒪᔪᓄᑦ ᓄᓇᓕᐸᐅᔭᕐᒥ, ᐃᓚᒋᓪᓗᒍ ᓄᓇᓕᐸᐅᔭᕐᒥ ᐱᖖᒍᐊᖅᑐᓕᕆᕝᕖᑦ.

ᐱᒋᐊᕐᓗᓂ ᕖᕝᕗᐊᓕ 7, 2022, ᑭᓇᒃᑯᑐᐃᓐᓇᐃᑦ ᐊᕐᕌᒍᓖᑦ 12 ᐊᒻᒪᓗ ᐅᖕᒐᑖᓄᑦ ᐃᓯᕈᒪᔪᑦ ᓄᓇᓕᐸᐅᔭᒃᑯᑦ ᐱᓕᕆᕝᕕᖕᒋᓐᓄᑦ ᖃᓄᑐᐃᓐᓇᖅ ᐱᔾᔪᑎᖃᕐᓗᑎᒃ ᑲᐱᔭᐅᓯᒪᔭᕆᐊᖃᖅᐳᑦ ᓄᕙᒡᔪᐊᕐᓇᖅ 19-ᒧᑦ. ᓄᓇᓕᐸᐅᔭᒃᑯᑦ ᒪᓕᒃᐳᑦ ᑲᓇᑕᒥ ᐋᓐᓂᐊᖃᕐᓇᖖᒋᑦᑐᓕᕆᔨᑦ ᖃᐅᔨᒪᔾᔪᑎᖕᒋᓐᓂᒃ ᐊᒻᒪᓕ ᐃᓱᒪᒋᔭᖃᖅᑐᑎᒃ ᐃᓄᖕᒥᒃ ᑲᐱᔭᐅᑦᑎᐊᕆᐊᖃᕐᓂᖕᒋᓐᓂᒃ ᑕᒪᕐᒥᒃ ᐊᑐᖁᔭᐅᔪᓂᒃ ᑲᓇᑕᒥ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᓐᓂ ᑲᐱᔭᐅᔾᔪᑎᒥᒃ.

ᖃᒧᑕᐅᔭᓂᒃ ᐊᒻᒪ ᐱᓲᑎᑲᓪᓚᓐᓂᒃ ᐱᖓᓱᓕᓐᓂᒃ ᑎᓴᒪᓕᓐᓂᓪᓗ ᐊᑐᖅᐸᓐᓂᖅ ᓄᓇᓕᐅᑉ ᐊᑐᕆᐊᖏᓐᓂ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐊᐅᓚᑦᑎᓂᐅᔪᖅ ᖃᒧᑕᐅᔭᓂᑦ ᐊᒻᒪ ᓄᓇᒃᑰᔫᓂᑦ ᓇᒧᑐᐃᓐᓇᖅ ᐊᑐᖅᑕᐅᔪᓐᓇᖅᑐᓂᑦ ᐱᓲᑎᑲᓪᓚᓐᓂᑦ ᐃᓗᐊᓂ ᓄᓇᓕᐅᑉ ᐊᒻᒪ ᐊᑐᕆᐊᓂ ᐱᓯᒪᑦᑎᒋᐊᖃᖅᐸᒻᒪᑕ ᒫᓐᓇᓂᓴᕐᓂᒃ ᓇᓗᓇᐃᒃᑯᑎᓂᑦ ᑎᑎᖅᑲᓂᑦ ᐊᒻᒪ ᓇᓪᓕᐅᒃᑯᒫᖃᕐᓗᑎᒃ.

ᐊᑎᓕᕈᑏᑦ ᓇᓗᓇᐃᔭᐃᑏᑦ ᖃᒧᑕᐅᔭᓄᑦ ᐊᑐᐃᓐᓇᐅᔪᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖏᓐᓂ ᐊᑭᖃᖅᑐᑎᒃ $25-ᓂᑦ ᐊᕐᕌᒍᑕᒫᖅ ᐊᑭᓕᕆᐊᖃᖅᐸᑦᑐᒥᑦ.

ᓇᓗᓇᐃᔭᐃᑏᑦ ᐱᓲᑎᑲᓪᓚᓐᓄᑦ ᐱᔭᐅᔪᓐᓇᖅᑐᑦ ᐊᐅᓚᐅᑎᓕᓐᓂᑦ ᓄᓇᒃᑰᔫᓂᑦ ᐊᑎᓕᐅᕐᕕᒻᒥᑦ ᐊᒻᒪ ᐊᑐᐃᓐᓇᐅᔪᑦ ᒐᕙᒪᒃᑯᑦ ᓄᓇᕗᒻᒥ ᐊᐅᓚᐅᑎᓕᓐᓂᑦ ᓄᓇᒃᑰᔫᓕᕆᔨᓂᑦ ᐃᖃᓗᓐᓂ.