ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᐅᖄᓚᕕᑦᓴᑦ - ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐃᓐᓇᓂᕐᒥᑦ ᐊᑦᑐᐊᔪᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐃᓚᒋᔭᐅᓗᓂ ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᖃᐅᔨᓴᕋᓱᐃᓐᓇᓂᕐᒥᑦ ᖃᓄᖅᑑᕈᑎᐅᖃᑕᐅᓗᑎᒃ, ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᐅᖄᓚᕕᑦᓴᑦ ᒪᑐᐃᖓᑎᑕᐅᖏᓐᓇᓂᐊᖅᑐᖅ ᐊᓯᐊᒍᑦ ᖃᓄᐃᓕᖓᓂᐊᕐᒪᖔᑕ ᓇᓗᓇᐃᖅᑕᐅᒐᓱᓐᓂᖏᓐᓂᑦ.

ᐃᓘᓐᓇᑎᒃ ᖃᐅᔨᓴᖅᑕᐅᕙᑦᑐᑦ ᐊᒻᒪ ᖃᐅᔨᓴᐅᑎᐅᓯᒪᔪᑦ ᓄᓇᓕᐸᐅᔭᒃᑯᓐᓂᑦ, ᐋᑦᑑᐸ 23-ᒥᓂᒃ, 2021 ᐅᕐᓱᐊᓗᒻᒧᑦ ᐸᐅᖅᑕᖃᕐᒪᖔᖅ ᓴᖅᑮᓯᒪᔪᑦ ᑐᖔᓃᑦᑐᓂᑦ ᖃᐅᔨᔭᐅᔾᔪᑎᐅᔪᑦ ᐱᑕᖃᕐᓂᖏᓐᓂᑦ. ᑕᒪᓐᓇ ᐱᓪᓗᒍ, ᐃᒥᕋᑦᓴᐅᔪᖅ ᐃᒥᖅ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᖔᐸᑦᑐᖅ ᓱᓕ ᒪᓕᑦᑎᐊᖅᑐᑦ ᐅᕝᕙᓘᓐᓃᑦ ᐅᖓᑖᓄᑦ ᒪᓕᑦᑎᐊᖅᑐᑦ ᑲᓇᑕᒥ ᒪᓕᒐᕐᓂᑦ ᐊᑐᖅᑕᐅᕙᑦᑐᓂᑦ ᐃᒥ ᐃᒥᖅᑕᐅᔪᓐᓇᖅᑑᑉ ᖃᓄᐃᓐᓂᖓᓄᑦ ᐊᒻᒪ ᓄᓇᕗᒻᒥ ᒪᓕᒐᕐᓂᑦ ᒪᓕᒋᐊᓕᓐᓂᑦ.

ᐃᒥᖅ ᐃᒥᖅᑕᐅᒋᐊᖃᖏᓐᓂᖓ ᐊᑐᕈᓐᓃᖅᑐᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᐅᕙᓂ 10 ᑏᓰᐱᕆ, 2021 ᒐᕙᒪᒃᑯᑦ ᓄᓇᕘᒧᑦ ᐋᓐᓂᐊᓇᖕᖏᑦᑐᓕᕆᔨᖏᑦ ᐊᑐᕈᓐᓃᑎᑦᑎᒻᒪᑕ ᐃᒥᕐᒥᒃ ᐃᒥᕆᐊᖃᖏᓂᕐᒥᑦ, ᐊᑐᖅᑕᐅᓕᓚᐅᖅᑐᒥᑦ ᐋᑦᑑᐸ 12, 2021. ᑕᒪᓐᓇ ᑐᑭᖃᖅᑐᖅ ᐃᓘᓐᓇᑎᒃ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᕆᔭᐅᕙᑦᑐᑦ ᐊᑐᖅᑕᐅᔪᓐᓇᕐᓯᔪᖅ ᐃᓘᓐᓇᑦᑎᐊᖏᓐᓄᑦ ᐃᒥᕐᒥᒃ ᐊᑐᕈᓐᓇᖅᑐᓄᑦ. ᐃᒥᓕᐊᖑᕙᑦᑐᖅ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ ᒪᓕᑦᑎᐊᓕᖅᑐᖅ ᐅᕝᕙᓘᓐᓃᑦ ᐃᒥᑦᑎᐊᕙᐅᓂᕐᓴᐅᓕᖅᑐᖅ ᒪᓕᑦᑐᒋᑦ ᑲᓇᑕᒥ ᐃᒥᖅᑕᐅᔪᓐᓇᖅᑐᒧᑦ ᐃᒥᕐᒧᑦ ᒪᓕᒐᐃᑦ.

ᐃᒥᖅ ᐃᒥᖅᑕᐅᒋᐊᖃᖏᓐᓂᖓ ᐊᑐᕈᓐᓃᖅᑎᑕᐅᓂᖓ ᐱᓪᓗᒍ ᑭᒃᑯᑐᐃᓐᓇᕐᓂᑦ ᐋᓐᓂᐊᔪᓕᕆᔨᒃᑯᓐᓂᑦ, ᓄᓇᓕᐸᐅᔭᒃᑯᑦ ᓄᖅᑲᑎᑦᓯᓯᒪᓕᖅᑐᑦ ᐃᓘᓐᓇᖏᓐᓂᑦ ᐴᕐᓯᒪᓯᓐᓇᖅᑐᓂᑦ ᐃᒥᖃᖅᑎᑦᑎᓂᕐᒥᑦ ᐊᒻᒪ ᐃᓘᓐᓇᑎᒃ ᐃᒥᖅᑕᕐᕕᐅᔪᓐᓇᖅᑐᑦ ᒪᑐᔭᐅᓚᐅᖅᑐᑎᒃ ᐅᕙᓂ ᐅᓪᓗᕐᓯᐅᑎᒍᑦ 10 ᑏᓰᐱᕆ, 2021.

ᕿᑲᕐᓇᐃᑦ ᐅᓪᓗᖏᓐᓂ ᐅᓪᓗᕐᓯᐅᑎ ᓄᓇᒃᑰᔫᓄᑦ ᐱᔨᑦᓯᕋᖅᑎᓄᑦ ᐊᒻᒪ ᓄᓇᓕᐸᐅᔭᐃᑦ ᐊᓪᓚᕝᕕᖏᑕ ᒪᑐᓯᒪᓂᕆᓛᖅᑕᖏᑦ ᐅᓪᓗᐃᑦ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᓄᑦ ᐱᔨᑦᓯᕋᖅᑎᐅᔪᑦ ᐊᐅᓚᓛᖏᒻᒪᑕ ᐅᑭᐅᒃᑯᑦ ᕿᑲᕐᓇᐅᓂᖏᓐᓂ ᐅᑯᓇᓂ:

• ᓈᑦᓯᐅᖑᔭᓛᕐᓂᐊᖅ, ᑏᓰᐱᕆ 25, 2021
• ᓈᑦᓯᐅᖑᔭᓛᕐᓂᐊᖅ, ᔮᓐᓄᐊᕆ 1, 2022

ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ ᐅᑯᓇᓂ ᐅᓪᓗᕐᓂ:

• ᑕᓪᓕᕐᒥᖅ, ᑏᓰᐱᕆ 24, 2021 ᒪᑐᓗᑎᒃ 12-ᒥ ᐅᓪᓗᒃᑯᑦ
• ᓇᒡᒋᔾᔭᐅ, ᑏᓰᐱᕆ 27, 2021
• ᓇᒡᒋᔾᔭᐅᓕᖅᑭ, ᑏᓰᐱᕆ 28, 2021
• ᑕᓪᓕᕐᒥᖅ, ᑏᓰᐱᕆ 31, 2021 ᒪᑐᓗᑎᒃ 12-ᒥ ᐅᓪᓗᒃᑯᑦ
• ᓇᒡᒋᔾᔭᐅ, ᔮᓐᓄᐊᕆ 3, 2022

ᖃᐅᔨᒪᖁᔭᐅᕗᓯ ᐅᑯᓂᖓ ᐅᓪᓗᕐᓯᐅᑎᐅᖓᓛᖅᑐᓂᑦ ᓄᓇᒃᑰᔫᓄᑦ ᐱᔨᑦᓯᕋᑦᑎᓄᑦ:

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᓐᓂᑦ ᖃᓄᐃᓕᐅᕈᑎᐅᓛᕐᒥᔪᑦ 2021-ᒥ ᕿᑲᕐᓇᐅᓕᖅᐸᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᖃᓄᐃᓕᐅᕈᑎᐅᒃᑲᓐᓂᓛᖅᑐᓂᑦ ᐊᒡᒋᖅᑐᒥ ᕿᑲᕐᓇᐅᓛᖅᑐᒥ.

ᖃᐅᒪᑯᓗᐃᑦ ᕿᑲᕐᓇᒥ ᓵᓚᑦᓴᕋᓱᓐᓂᖅ

ᐊᕐᕌᒍᑕᒫᕐᓯᐅᑎᒥ ᖃᐅᒪᑯᓗᐃᑦ ᕿᑲᕐᓇᒥ ᓵᓚᑦᓴᕋᓱᖃᑕᐅᒍᒪᒍᕕᑦ ᒪᑐᐃᖓᓕᕐᒥᔪᖅ ᐃᓘᓐᓇᑦᑎᐊᖏᓐᓄᑦ ᓇᖕᒥᓂᖃᕐᕕᓐᓄᑦ ᐊᒻᒪ ᓄᓇᓕᕐᒥᐅᑕᓄᑦ.

ᐊᑎᓕᐅᕆᐊᑐᖕᖏᑦᑐᖅ ᐱᖃᑕᐅᒍᒪᓂᐊᕐᓗᓂ. ᐱᖃᑕᐅᒍᒪᓐᓂᕈᕕᑦ, ᖃᐅᒪᑎᑦ ᐊᒻᒪ ᖁᕕᐊᓱᕝᕕᑦᓯᐅᑎᑎᑦ
ᐋᖅᑭᓱᕐᓯᒪᑐᐃᓐᓇᖁᔪᑦ ᐊᑐᐃᓐᓇᐅᓕᕐᓗᑎᒃ ᐱᖓᑦᓯᕐᒥ, ᑏᓰᐱᕆ 15, 2021 ᐅᓐᓄᓴᒃᑯᑦ 3-ᒥᓂᒃ 7-ᒧᓄᑦ ᐅᓐᓄᒧᑦ.
ᓵᓚᑦᓴᖅᑐᑦ ᐅᖃᐅᓯᐅᓛᖅᑐᑦ ᑎᓴᒻᒥᐅᓕᖅᐸᑦ, ᑏᓰᐱᕆ 16.

ᕿᑲᕐᓇᒧᑦ ᑐᖕᖓᔪᓂᑦ ᓯᕙᓛᓂᑦ ᑕᑯᒥᓇᓕᖅᑎᑦᑎᓂᕐᒥᑦ ᓵᓚᑦᓴᕋᓱᓐᓂᖅ

ᐆᒪᔪᓄᑦ ᐋᓐᓂᐊᖑᔪᖅ ᓯᓂᖅᓯᓇᖅᑐᖅ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐅᖃᐅᓯᕆᓚᐅᖅᑕᖓᓂᑦ ᓅᕖᐱᕆ 16, 2021 ᐱᔾᔪᑎᖃᖅᑐᑎᒃ ᑐᓪᓕᐊᓂᑦ ᑎᕆᒐᓐᓂᐊᖅᑐᖃᖅᑐᒥᓂᐅᓂᖓᓂᑦ ᓯᓂᖅᓯᓯᒪᔪᒥᑦ ᐊᒻᒪ ᑭᖑᓂᐊᒍᑦ ᐊᓂᑎᑕᐅᑦᑕᐃᓕᒪᓂᖏᓐᓂᑦ ᐅᐸᑦᑕᐅᑦᑕᐃᓕᒪᓂᖏᓐᓂᑦ ᕿᒧᑦᓯᐅᑎᐅᕙᑦᑐᑦ ᕿᒻᒦᑦ ᐃᓗᐊᓂ ᐃᖃᓗᐃᑦ.

ᓄᓇᓕᐸᐅᔭᒃᑯᑦ ᐊᔭᐅᖅᑐᐃᕗᑦ ᓄᓇᓕᕐᒥᐅᑕᓕᒫᑦᑎᐊᓂᑦ ᐅᑯᓂᖓ ᐊᑐᖅᑕᐅᖁᔨᓪᓗᑎᒃ:

ᐃᒥᖃᖅᑎᑦᑎᓂᒃᑯᑦ ᐱᑎᑦᑎᖃᑦᑕᓂᕐᒥᑦ ᑐᓴᕋᑦᓴᖅ: ᐊᐅᓚᑦᑎᓂᖅ ᓚᓐᑕᔅ (Operation LENTUS)- ᓴᓗᒻᒪᓴᕐᓯᒪᔪᖅ ᑰᒻᒥᒃ ᐃᒥᖅ

ᓄᓇᓕᐸᐅᔭᒃᑯᑦ ᑐᓴᖅᑎᑦᑐᒪᔭᖕᒋᑦ ᓄᓇᓕᖕᒥᐅᑦ ᐱᒋᐊᕐᓗᓂ ᑏᓯᐱᕆ 9, 2021-ᒥ, ᐊᓐᓂᑭᑦᑐᕐᕕᖕᒥ ᐃᒻᒪᒋᐊᖅᑐᕐᕕᒃ ᐃᒥᖃᕐᓂᐊᕐᒥᔪ ᑮᖕᒦᖕᒑᖅᑐᒥᑦ, ᐱᑎᑕᐅᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᐅᑯᑎᒎᓇᖅ, ᐊᐅᓚᑦᑎᓂᒃᑯᑦ LENTUS-ᑯᑎᒍᑦ. ᓄᓇᓕᖕᒥᐅᑦ ᐃᒦᓱᕈᓐᓇᖅᓯᔪᑦ:

• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ

ᐃᒥᖅᑕᕐᕖᑦ ᒪᑐᐃᖓᕙᑦᑐᑦ ᖃᐅᑕᒫᑦ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.

ᑕᒪᒃᑯᐊ ᐃᒥᖅᑕᕐᕖᑦ ᐴᕐᓯᒪᓯᓐᓇᖅᑐᓂᑦ ᐃᒥᖃᖃᑦᑕᔾᔮᔪᓐᓃᖅᑐᑦ, ᐊᑐᖅᑕᐅᑲᐃᓐᓇᑐᐃᓐᓇᓚᐅᕐᒪᑦ ᓄᖅᑲᖓᑲᐃᓐᓇᖅᑎᑕᐅᑎᓪᓗᒍ ᐊᐅᓚᑦᑎᓂᖅ ᓚᓐᑕᔅ (Operation LENTUS).

ᐃᒥᐅᑉ ᐃᖏᕐᕋᓂᖓ ᓄᖅᑲᖅᑐᖅ - ᐊᑦᓯᓂᕐᓴᖅ ᐃᖃᓗᐃᑦ

ᖃᐅᔨᒪᖁᔭᐅᕗᓯ ᐱᔾᔪᑎᒋᓪᓗᒋᑦ ᓴᓇᔭᐅᔭᕆᐊᓖᑦ ᐃᒥᓕᕆᔾᔪᑎᐅᔪᑦ, ᐃᒥᓕᕆᔾᔪᑏᑦ ᓄᖅᑲᖓᑎᑕᐅᖃᑦᑕᓛᕐᒪᑕ ᐱᖓᑦᓯᕐᒥ, ᑏᓰᐱᕆ 8, 2021 ᐅᓐᓄᓴᒃᑯᑦ 1 ᐊᒻᒪ 5 ᐊᑯᓐᓂᖏᓐᓂ ᓴᓇᔭᐅᓇᓱᓐᓂᖏᓐᓂ.

ᐅᑯᐊ ᐃᒥᓕᕆᔾᔪᑎᖏᑦ ᓄᖅᑲᖓᑎᑕᐅᖃᑦᑕᓛᖅᑐᑦ:

115, 117, 119, 132, 134, 136, 138, 140, 142, 144, 150, 156 ᐊᒻᒪ ᓯᑑᓐᕆᔾ (Stoneridge)

ᓴᓇᔭᐅᓂᖏᓐᓂ ᐊᑦᑐᐃᓂᖃᔾᔮᖏᑦᑐᖅ ᖃᐅᔨᒪᒋᐊᕈᑕᐅᒋᐊᓕᓪᓂᒃ ᓄᓇᕗᑦ ᒐᕙᒪᒃᑯᖏᓐᓃᓐᖔᖅᓯᒪᔪᓂᒃ ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᓐᓂ ᐊᑦᑑᑉᐱᕆᓕᓴᒥᑦ 12, 2021. ᓱᓕᒃᑲᓐᓂᖅ, ᐃᒥᖃᑦᑕᖁᔨᓐᖏᒻᒪᑕ ᐃᖃᓗᓐᓂ ᓯᑎᒃᑯᑦ ᓱᓕ ᐃᒥᖅᑕᐅᒋᐊᖃᓐᖏᑦᑐᖅ.