ᐳᓛᖅᑎᑦ

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-

1104ABC, 1107 and 1087

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ  ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 1104ABC, 1107 and 1087

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᓂᑦ ᐅᕝᕙᓘᓐᓃᑦ ᓂᕆᔭᐅᓂᐊᖅᑐᓄᑦ ᐃᓚᓕᐅᔾᔭᐅᕙᓐᓂᐊᖅᑐᓂᑦ ᐅᐊ ᒪᓇᐅᒐᓗᐊᒥᑦ ᑎᖅᑎᑎᑦᑎᖃᑦᑕᖁᔭᐅᔪᑦ ᐊᑯᓂᐅᓂᕐᓴᓘᓐᓃᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐳᐃᔾᔪᕋᕐᕕᒃ ᒪᑐᓯᒪᑲᐃᓐᓇᓛᖅᑐᖅ
ᒫᕐᓯ 21, 2023 - ᐃᖃᓗᐃᑦ, ᓄᓇᕗᑦ

ᐱᖕᖑᐊᖅᑐᓕᕆᔨᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐳᐃᔾᔪᕋᕐᕕᒃ ᒪᑐᓯᒪᓛᕐᓂᖓᓂᑦ ᒫᕐᓯ 25-ᒥᑦ ᐃᐳᕈ 2-ᒧᓄᑦ, ᐊᒻᒪ ᒪᑐᐃᒃᑲᓐᓂᓛᖅᑐᓂ ᐅᓪᓛᖓᓂ ᐃᐳᕈ 3. ᐊᐅᓚᑦᓯᔾᔪᑎᓂᑦ ᐱᔾᔪᑎᖃᖅᑐᑎᒃ ᑕᐃᒪᐃᑦᑐᑦ.
ᐳᐃᔾᔪᕋᕐᕕᐅᑉ ᒪᑐᔭᐅᓂᖓ ᐊᑦᑐᐃᖏᑦᑐᖅ ᐃᖅᑲᐃᓕᓴᕐᕕᒻᒥᑦ, ᒪᑐᐃᖓᐃᓐᓇᓂᐊᖅᑐᖅ ᐳᐃᔾᔪᕋᕐᕕᒃ ᒪᑐᓯᒪᓂᖓᓂ. ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᐊᒻᒪ ᖁᔭᓐᓇᒦᖅᑕᐅᓗᓯ ᑐᑭᓯᐊᓂᕐᓯᓐᓂᒃ ᑕᒪᑦᓱᒥᖓ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᐃᑎᑦᓯᔾᔪᑎ: ᐃᒥᕐᒥᒃ ᐊᑐᕐᓂᖅ & ᐱᐅᕐᓱᐊᕐᓂᖅ - ᐃᒥᕐᒥᒃ ᐊᑐᓗᐊᔾᔭᐃᒃᑯᑎᑦᓴᑦ
ᒫᕐᓯ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᐊᕐᕌᒍᕗᑦ ᐃᒪᐃᓕᕋᐃᒻᒪᑦ ᐃᒻᒪᕆᐅᕙᒻᒪᑦ ᐃᒥᖅᑕᕐᕕᑎᓐᓄᑦ. ᐊᐳᑦ ᐊᐅᒐᓱᐊᕐᓂᖓᓄᑦ ᐊᒻᒪ ᑕᑕᐃᓇᓱᐊᖅᑎᓪᓗᒍ ᐃᒥᖅᑕᕕᒻᒥᑦ, ᐃᒥᖅ ᐊᒥᒐᕐᓯᐸᓗᓕᖅᐸᒻᒪᑦ ᓄᓇᑦᑎᓐᓂ. ᐃᒥᕐᒥᒃ ᐊᑐᖏᓂᕐᓴᐅᒋᐊᖃᓕᖅᐸᑦᑐᒍᑦ ᐊᔪᕐᓇᖏᓐᓂᖏᒍᑦ. ᐅᑯᐊ ᐃᒥᕐᒥᒃ ᐱᐅᕐᓱᐊᕈᑎᑦᓴᐅᔪᓐᓇᖅᑐᑦ ᓄᓇᓕᕐᒥᐅᑕᓄᑦ ᐊᑐᖅᑕᐅᔪᓐᓇᖅᑐᑦ, ᐃᒥᕐᒥᒃ ᐊᑐᓗᐊᖁᓇᑕ:

ᐃᓄᖕᓄᑦ ᑐᓴᕋᑦᓴᖅ

ᖃᒧᑕᐅᔭᕋᓛᑦ ᐊᒻᒪ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ

ᓯᓚᑦᓯᐊᕙᕈᖅᐸᓪᓕᐊᓕᕐᒥᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᐊᑐᖅᑕᐅᕙᓐᓂᖏᓐᓂᑦ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᐱᓪᓗᒍ ᓄᓇᑦᑎᓐᓂ.

ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᑐᑭᖃᕈᓐᓇᖅᑐᑦ ᐱᓲᑎᑲᓪᓚᐃᑦ, ᒪᕐᕉᐃᓈᓐᓂᒃ ᐅᓯᓲᑦ ᐅᕝᕙᓘᓐᓃᑦ ᖃᒧᑕᐅᔭᐃᑦ. ᐱᖃᓯᐅᔾᔭᐅᔪᑦ “ᖃᒧᑕᐅᔭᕋᓛᑦ” ᓴᖕᖏᓂᓖᑦ 120cc ᐅᕝᕙᓘᓐᓃᑦ 200cc ᓱᕈᓯᕐᓄᑦ ᐊᑐᖅᑕᐅᕙᑦᑐᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓕᕆᔨᖏᑦ ᖃᐅᔨᒪᔪᑦ ᑕᒪᒃᑯᐊ ᓄᓇᒃᑰᔫᑦ ᖁᕕᐊᓇᕐᒪᑕ ᐊᑐᖅᑐᒋᑦ ᓄᓇᒥ, ᐊᒻᒪ ᐱᒻᒪᕆᐅᖃᑕᐅᒋᓪᓗᑎᒃ ᐃᓄᐃᑦ ᐃᓕᖅᑯᓯᖏᓐᓄᑦ. ᑭᓯᐊᓂᓕ ᑕᒪᒃᑯᐊ ᓄᓇᒃᑰᔫᑦ ᐊᑐᖅᑕᐅᑦᑎᐊᐸᖏᒃᑯᑎᒃ, ᐅᓗᕆᐊᓇᕈᓐᓇᓯᐊᖅᑐᑦ ᐊᑦᑕᓇᕐᓗᑎᒃ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐱᖁᑎᒋᔭᐅᔪᑦ ᕿᒻᒪᑯᑦ ᑐᓚᑦᑕᕐᕕᖕᒥ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᐃᒃᓯᖃᑦᑕᖁᔨᔪᑦ ᐱᖁᑎᔅᓯᓐᓂᑦ ᕿᒻᒪᑯᓂ ᐊᐅᐸᖅᑑᒥ ᐊᒻᒪᓗᑭᓵᓕᖅᓯᒪᔫᑉ ᐃᓗᐊᓃᑦᑐᓂ ᐊᔾᔨᖖᒍᐊᒦᑦᑐᒥ ᖃᐅᔨᒋᐊᕐᕕᐅᔪᓐᓇᖅᑐᑦ ᐅᖃᐅᔾᔭᐅᔪᓐᓇᖅᑐᑦ ᕼᐋᒻᒪᓚᒃᑯᓐᓄᑦ ᐃᕐᖕᒌᓐᓈᖅᑕᐅᒃᑯᑦ ᐅᕗᖕᒐ municipalenforcement@iqaluit.ca ᐅᕝᕙᓘᓐᓃᑦ ᐅᖄᓚᓗᑎᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᖕᓂ ᐅᕗᖕᒐ 979-5650.

ᐃᓂᐅᔪᖅ ᓄᓇᒃᑰᕈᑎᓄᑦ ᐅᒥᐊᓄᓪᓗ ᓄᖅᑲᖕᒑᕐᕕᐅᔪᖅ ᑐᓚᒃᑕᕐᕕᖕᒥ. ᐅᒥᐊᓕᒫᑦ, ᓯᑭᑑᓕᒫᑦ ᐊᒻᒪᓗ ᖃᒧᑏᑦ ᑕᐅᕙᓃᒍᓐᓇᖅᑐᑦ.

ᐃᓄᖕᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᕐᖐᓇᖅᑕᐅᑎᖏᑦ ᐱᐅᑦᑎᐊᖏᑦᑐᑦ

ᐱᔾᔪᑎᖃᖅᑐᑎᒃ ᐅᖃᐅᓯᐅᓯᒪᔪᒥᑦ ᐅᓗᕆᐊᓇᖅᑐᖃᕐᓂᖓᓂᑦ ᖃᕋᑕᐅᔭᓕᕆᔾᔪᑎᓂ ᑎᑎᖅᑲᓕᕆᔾᔪᑎ ᒪᐃᑯᕈᓵᕝ (Microsoft Outlook), ᓄᓇᓕᐸᐅᔭᐃᑦ ᐃᖃᓗᐃᑦ ᖃᕋᑕᐅᔭᒨᕈᓐᓇᖏᒻᒪᑦ ᐃᓚᖏᓐᓄᑦ ᐋᖅᑭᑦᑕᐅᓚᐅᖏᓐᓂᖓᓂ ᐊᕝᕕᐊᖅᑐᖅ. ᓄᓇᓕᐸᐅᔭᒃᑯᑦ ᐱᓕᕆᔾᔪᑎᖏᑦ ᐊᑦᑐᖅᑕᐅᓯᒪᖏᑦᑐᑦ, ᐱᓕᕆᐊᖑᔪᖅ ᐅᔾᔨᕈᓱᒋᐊᕈᑎᐅᑐᐃᓐᓇᖅᑐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᓕᕆᔪᓂᑦ ᑐᓴᕋᑦᓴᑦ - 496 498 500 1669 1670 1671 1673
ᒫᕐᓯ 14, 2023 – ᐃᖃᓗᐃᑦ, ᓄᓇᕗᑦ

ᐃᒥᖃᕈᓐᓃᖅᑎᑕᐅᖅᑲᐅᔪᑦ 496 498 500 1669 1670 1671 1673 ᐋᖅᑭᑦᑕᐅᓯᒪᓕᖅᑐᑦ.

ᐃᖃᓗᐃᑦ ᓱᓕ ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓯᒪᓂᐊᖅᑐᑦ ᐃᓘᓐᓇᑎᒃ, 496 498 500 1669 1670 1671 1673

ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓂᖏᓐᓂ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᒥᑦ ᑎᖅᑎᑎᑦᑎᖃᑦᑕᖁᔭᐅᓗᑎᒃ ᐅᐊ ᒪᓇᒥᑦ (1 min.) ᑐᖔᓂᐅᖏᑦᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ- 496 498 500 1669 1670 1671 1673
ᒫᕐᓯ 14, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᒫᕐᓯ 14, 2023 ᐱᒋᐊᕐᓗᑎᒃ ᐅᓐᓄᓴᒃᑯᑦ 1- ᒥᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 496 498 500 1669 1670 1671 1673.

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.