ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐅᔾᔨᕈᓲᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕐᓂᐅᔪᖅ ᐱᔭᕇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐅᔾᔨᕈᓲᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕐᓂᖅ ᐃᖃᓗᓐᓄᑦ ᓄᖅᑲᖅᑎᑕᐅᔪᖅ ᐊᖏᔪᖅᑳᖓᓐᓄᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ.
ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐱᑎᑕᐅᓚᐅᖅᑐᑦ ᖃᐅᔨᓴᐅᑎᐅᓚᐅᖅᑐᓂᑦ ᒫᓐᓇᕈᓘᓚᐅᖅᑐᖅ ᒪᐃ 12-ᒥ, ᐊᒻᒪ ᐊᖏᔪᖅᑳᖓᓐᓅᖅᑕᐅᓗᑎᒃ ᐋᓐᓂᐊᓇᖏᑦᑐᓕᕆᔨᒃᑯᓐᓄᑦ. ᐃᖃᓗᐃᑦ ᐃᒥᓕᕆᔾᔪᑎᖏ ᐊᓂᒍᐃᑦᑎᐊᖅᑐᑦ ᐃᓘᓐᓇᖏᓐᓂᑦ ᖃᐅᔨᓴᐅᑎᐅᓚᐅᖅᑐᓂᑦ, ᐊᒻᒪ ᐊᑐᖁᔭᐅᓯᒪᔪᖅ ᐊᑐᕈᓐᓃᖅᑎᑕᐅᓗᓂ.
ᒪᐃ 9-ᒥ, ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᓄᐊᑦᑎᓚᐅᖅᑐᑦ ᖃᐅᔨᓵᑦᓴᓂᑦ ᐊᔾᔨᒌᖏᑦᑐᓂᑦ ᓯᓚᑖᓃᑦᑐᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ, ᒪᓕᑦᑐᑎᒃ ᐊᑐᖁᔭᖏᓐᓂᑦ ᐊᖏᔪᖅᑳᖓᓐᓄᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᒪᑐᐃᖅᑕᐅᑲᓐᓂᖁᓪᓗᒍ. ᖃᐅᔨᓴᐅᑎᐅᓚᐅᖅᑐᑦ ᐱᖃᓯᐅᔾᔨᓚᐅᖅᑐᑦ ᖃᐅᔨᓴᖅᑕᐅᓗᑎᒃ ᑲᑎᑦᑐᒋᑦ ᑯᐱᕐᕈᐊᕐᔪᐃᑦ, ᐄ.ᑰᓚᐃ (ᖃᓂᒪᓇᖅᑐᖅ), ᐃᓱᕐᓂᖓ ᐃᒥᐅᑉ ᐊᒻᒪ ᐃᓚᐅᕈᑎᖏᑦ ᐃᓗᐊᓃᑦᑐᑦ ᐃᒥᐅᑉ.
ᓄᓇᓕᐸᐅᔭᒃᑯᑦ ᓇᑯᒃᒦᕈᒪᕗᑦ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᖃᓄᖅᑑᕈᑎᖃᐃᓐᓇᕐᓂᖏᑦ ᐅᑎᖅᑎᑦᓯᓇᓱᐊᖅᑎᓪᓗᒋᑦ ᐱᐅᓯᖏᓐᓄᑦ ᐱᔨᑦᓯᕋᐅᑎᐅᕙᑦᑐᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ, ᐊᒻᒪ ᓄᓇᓕᕐᒥᐅᑕᓂᑦ ᐅᑕᖅᑭᑦᓯᐊᖏᓐᓇᐸᓐᓂᖏᓐᓂᑦ ᓴᓇᔪᖃᕆᐊᖃᓕᕋᐃᒻᒪᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕇᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-222-8502 k.driscoll@iqaluit.ca
