ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᓇᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖃᓗᐃ ᐃᒥᖕᒐᑕ ᖃᐅᔨᓴᖅᑕᐅᔾᔪᑎᖕᒐᓄᑦ ᓇᓗᓇᐃᔭᖅᓯᒪᔪᖅ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᖃᓄᐃᓕᖕᒐᓂᖕᒋᓐᓂᒃ ᖃᐅᔨᓴᖅᑕᐅᔾᔪᑎᖕᒐᑕ ᐃᒥᕐᒧᑦ ᓴᓗᒻᒪᖅᓴᐃᕕᖕᒐᓂ ᐊᒻᒪᓗ ᐃᒻᒪᑉᐸᓪᓕᐊᔾᔪᑎᖕᒐᓂ.
ᒪᓕᒃᑕᐅᔭᕆᐊᓕᒃ ᖃᐅᔨᓴᖅᑕᐅᔪᑦ ᐃᒥᕐᒧᑦ ᓴᓗᒻᒪᖅᓴᐃᕕᐅᑉ ᓴᓗᒻᒪᖅᓴᐅᑎᕈᔪᖕᒐᓂ, ᖁᐱᕐᕈᐊᕐᔪᖕᓄᑦ ᐊᒻᒪᓗ ᐅᖅᓱᐊᓗᒃᓴᓄᑦ. ᐃᒥᕐᒧᑦ ᓴᓗᒻᒪᖅᓴᐃᕕᒃ ᒪᑐᐃᓚᐅᖅᑎᓪᓗᒍ ᐄᐳᓗ 27th-ᖕᒍᑎᓪᓗᒍ ᖁᐱᕐᕈᕋᓛᖕᒋᔭᐃᔾᔪᑎᓄᑦ ᒪᓕᒃᑕᐅᒋᐊᓖᒃ, ᐊᒻᒪᓗ ᖃᐅᔨᓴᖅᑕᐅᓂᐅᔪᑦ ᖁᕕᕐᕈᐃᔭᐃᔾᔪᑎ ᐊᒻᒪᓗ ᐅᖅᓱᐊᓗᕈᔪᖃᓚᐅᖖᒋᑦᑐᖅ.
ᐃᖃᓗᐃᑦ ᐱᔭᕆᑐᓛᒥᒃ ᖃᐅᔨᓴᕈᑎᓕᒃ ᐅᖅᓱᐊᓗᕈᔪᖃᖖᒋᒃᑲᓗᐊᕐᒪᖕᒑᑦ ᐅᐊᖕᓇᖕᒐᓂ ᐊᒥᐊᓕᒃᑲᒥ. SCAN-ᒃᑯᑦ ᖃᐅᔨᓴᕈᑎ ᐃᒥᕐᒧᑦ ᐅᖅᓱᐊᓗᒃᓴᓂᒃ ᐃᓯᖅᐸᓪᓕᐊᑎᓪᓗᒍ ᐊᒻᒪᓗ ᓴᓗᒻᒪᖅᓴᐃᕕᒻᒨᖅᐸᓪᓕᐊᑎᓪᓗᒍ. ᐃᖅᑲᓇᐃᔭᖅᑐᓕᕆᔨᒃᑯᑦ ᐱᔪᓐᓇᖅᐸᒻᒥᔪᑦ ᖃᐅᔨᓴᖅᑕᐅᔾᔪᑎᓂᑦ ᖃᓄᐃᓕᖕᒐᓕᕐᒪᖕᒑᑕ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᓄᐊᑦᑎᓚᐅᖅᑐᑦ ᐊᔾᔨᒌᖖᒋᑦᑐᓂᑦ ᖃᐅᔨᓴᒐᒃᓴᓂᑦ ᐃᒥᕐᒧᑦ ᓴᓗᒻᒪᖅᓴᐃᕕᒻᒧᑦ, ᐋᓐᓂᐊᖃᕐᓇᖕᒋᑦᑐᓕᕆᔨᒃᑯᓐᓄᑦ ᑕᐃᒪᐃᒋᐊᖃᖅᑎᑕᐅᓚᐅᖅᑐᑦ ᒪᑐᐃᖅᑕᐅᒃᑲᓐᓂᕐᓂᐊᖅᐸᑦ. ᑖᒃᑯᐊ ᖃᐅᔨᓴᕈᑎᑦ ᐃᓚᖃᖅᑐᑦ ᖃᐅᔨᓴᕐᓂᕐᒥᒃ ᖁᐱᕐᕆᓐᓇᖅᑐᓂᑦ ᐊᒻᒪᓗ ᓴᓗᒻᒪᖅᓴᐃᔾᔪᑎᓂᑦ.
ᐋᓐᓂᐊᖅᑕᐃᓕᒪᔪᓕᕆᔨᒃᑯᑦ ᐅᖃᕐᒪᑕ ᓄᓇᓕᐸᐅᔭᒃᑯᑦ 7-ᓂᑦ ᐊᐅᓪᓚᖅᑎᑦᑎᖃᑦᑕᕆᐊᓖᑦ ᑕᖅᑭᑕᒫᑦ ᖃᐅᔨᓴᖅᑐᓕᕆᔨᒃᑯᓐᓄᑦ. ᓄᓇᓕᐸᐅᔭᒃᑯᑦ ᖄᖕᒋᖅᓴᐅᑎᔪᓂᑦ ᖃᐅᔨᓴᖅᑕᐅᑎᑦᑎᓚᐅᖅᑐᑦ ᐃᒥᕐᒥᒃ ᖃᐅᔨᓴᖅᑐᑎᑦ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑎᒍᑦ. ᑕᒪᓐᓇ ᐃᓚᖃᓚᐅᖅᑐᖅ ᖃᐅᑕᒫᑦ ᖃᐅᔨᓴᒐᒃᓴᓂᑦ ᖁᐱᕐᕈᕋᓛᓂᑦ ᐊᒻᒪᓗ ᓴᓗᒻᒪᖅᑕᐅᓯᖕᒐ ᖃᐅᔨᓴᖅᑕᐅᓪᓗᓂ ᐱᖕᒐᓱᓂᑦ (3) ᐊᔾᔨᒌᖖᒋᑦᑐᓂᑦ ᐃᓂᐅᔪᓂᑦ ᐋᖅᑭᒋᐊᖅᑕᐅᓪᓗᓂᓗ ᓇᓗᓇᐃᒃᑯᑕᓕᖕᒧᑦ ᐃᒥᕐᒧᑦ ᓴᓗᒻᒪᖅᓴᐃᔨᒧᑦ.
ᖃᐅᔨᓴᒐᒃᓴᑦ ᐊᐅᓪᓚᖅᑎᑕᐅᓚᐅᖅᑐᑦ ᐋᓐᑎᐅᕆᐅᒧᑦ ᑐᖖᒐᕕᖃᖅᑐᑎᑦ Caduceon Environmental Labratories ᒪᐃ 3rd-ᖕᒍᑎᓪᓗᒍ. ᐃᒪᓕᕆᔾᔪᑎ ᖃᐅᔨᓴᖅᑕᐅᔪᓕᒫᓂᒃ ᐱᐅᔪᐃᓐᓇᐅᓚᐅᖅᑐᑦ.
ᒪᐃ 9th-ᖕᒍᑎᓪᓗᒍ, ᐋᓐᓂᐊᖃᕐᓇᖕᒋᑦᑐᓕᕆᔨᒻᒪᕆᒃ ᑐᓴᖅᑎᑦᑎᓚᐅᖅᑐᖅ ᓄᓇᓕᐸᐅᔭᒃᑯᑦ ᐃᖃᓗᖕᓂ ᖃᐅᔨᓴᖁᔨᓪᓗᑎᑦ 3rd -ᖕᒍᓕᖅᐸᑦ, ᖃᐅᔨᓴᖅᑕᐅᒃᑲᓐᓂᖁᓪᓗᒍ. ᐃᖅᑲᓇᐃᔭᖅᑐᓕᕆᔨᒃᑯᑦ ᒫᓐᓇ ᖃᐅᔨᓴᒃᑲᓐᓂᖅᑐᑦ.
ᖃᐅᔨᓴᖅᑕᐅᔾᔪᑎᕕᓃᑦ ᑭᖕᒍᓪᓕᕐᒥᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ – ᖃᐅᔨᓴᕈᑎᕕᓃᑦ ᑲᔪᓯᑦᑎᐊᑐᐊᖅᐸᑕ ᓯᕗᓪᓕᐅᓗᑎᒃ - ᓄᓇᓕᐸᐅᔭᒃᑯᑦ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᓐᓄᑦ ᐊᖕᒋᖅᑕᐅᖃᑦᑕᕆᐊᓖᑦ ᐃᒥᕐᒧᑦ ᓴᓗᒻᒪᖅᓴᐃᕕᒃ ᐅᑎᕈᓐᓇᖅᓯᒻᒪᖕᒑᑦ.
ᓄᓇᓕᐸᐅᔭᒃᑯᑦ ᖁᔭᓕᒃᑲᓐᓂᖅᑐᑦ ᕿᓄᐃᓵᒃᑳᓗᓐᓂᑦ ᐃᒥᕐᒧᑦ ᓴᓗᒻᒪᖅᓴᐃᕕᒃ ᐅᑎᖅᑎᑕᐅᑎᓪᓗᒍ ᐊᐅᓚᓂᕆᔭᖕᒐᓄᑦ, ᑐᓴᖅᑎᑦᑎᓛᕐᒥᔪᑦ ᐃᓕᔅᓯᓐᓂᓕᒫᖅ ᖃᐅᔨᓴᖅᑕᐅᔾᔪᑎᑦ ᐅᑎᕐᒥᑉᐸᑕ.
ᐆᒧᖕᒐ ᑐᓴᒐᒃᓴᒧᑦ, ᑕᑯᔪᓐᓇᖅᑐᑎᑦ ᐃᓚᓕᐅᑎᓯᒪᔪᒥᑦ ᐄᐳᓘᑎᓪᓗᒍ ᖃᐅᔨᓴᖅᑕᐅᔾᔪᑎᕕᓂᖕᒋᓐᓂᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᑭᐊᓐᑦ ᑐᕆᔅᑰ - ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ 867-979-5607 k.driscoll@iqaluit.ca
