ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᐅᐱᕐᖓᑦᓴᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᓚᖏᓐᓂᑦ ᐅᓗᕆᐊᓇᖅᐸᑦᑐᓂᑦ ᐊᐅᑉᐸᓪᓕᐊᓕᖅᑎᓪᓗᒍ ᓴᖅᑭᕈᓐᓇᖅᑐᓂᑦ, ᐱᓗᐊᖅᑐᒥ ᓄᖅᑲᖅᑎᑉᐹᖁᑎᑦᑎᓐᓄᑦ ᓄᓇᑦᑎᓐᓂ.
ᐃᓯᕐᑕᐃᑦ ᑰᕝᕕᐅᕙᑦᑐᑦ ᓴᐅᓯᒪᒻᒪᑕ ᐊᐳᒻᒧᑦ - ᐊᒻᒪ ᐅᓗᕆᐊᓇᓚᐅᕋᑎᒃ ᒫᓐᓇᑦᑎᐊᖑᓚᐅᖅᑐᖅ ᐅᓗᕆᐊᓇᑐᐃᓐᓇᕆᐊᖃᓕᕐᒪᑕ ᑕᑯᑦᓴᐅᖏᓐᓂᖓ ᐃᓯᕐᓴᐅᓕᕐᓂᕈᓂ ᑰᓐᓂᖓᓄᑦ. ᐃᓐᓇᒧᑦ, ᒪᐅᓗᓂ ᐃᓯᕐᓴᒧᑦ ᐃᑎᔪᒧᑦ ᐊᑲᐅᖏᑦᑐᐊᓗᒃ. ᓱᕈᓯᓛᓄᓪᓕ, ᐅᓗᕆᐊᓇᕈᓐᓇᑐᒻᒪᕆᐅᔪᑦ.
ᓴᓇᔪᓕᕆᔨᒃᑯᑦ ᐊᐳᑕᐃᔭᐃᕙᓪᓕᐊᓕᖅᑐᑦ ᑕᒪᒃᑯᓂᖓ ᑰᕝᕕᐅᕙᑦᑐᓂᑦ ᐊᐅᑉᐸᓪᓕᐊᓂᖓ ᐊᑲᐅᓂᕐᓴᐅᖁᓪᓗᒍ ᑰᓐᓂᖓ.
ᓄᓇᓕᐸᐅᔭᐃᑦ ᐃᖃᓗᐃᑦ ᓴᓇᔪᓕᕆᔨᒃᑯᖏᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᖃᒧᑕᐅᔭᓄᑦ ᐊᖅᑯᑎᓂᑦ ᐃᖃᓗᐃᑦ ᐃᓗᐊᓃᑦᑐᓂᑦ ᐊᑐᕋᑦᓴᐅᒍᓐᓃᓕᕐᒪᑕ ᐊᐅᑉᐸᓪᓕᐊᓕᕐᓂᖓᓄᑦ ᐊᐳᑎᐅᑉ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐃᓯᕐᓴᓕᐅᖅᐸᓪᓕᐊᓕᕐᒥᔪᑦ ᐊᑐᕆᐊᑦ ᑭᓪᓕᖏᓐᓂ ᑰᑉᐸᓪᓕᐊᓕᕐᒥᒻᒪᑕ. ᑕᒪᐅᓇ ᑐᑭᖃᖅᑐᖅ, ᐃᓚᖏᑦ ᖃᒧᑕᐅᔭᓄᑦ ᐊᖅᑯᑏᑦ ᐊᑐᕋᑦᓴᐅᓚᐅᖅᑑᒐᓗᐊᑦ ᐊᑐᕋᑦᓴᐅᔪᓐᓃᓕᕐᒪᑕ. ᐅᔾᔨᕈᓱᑦᓯᐊᖅᐸᒋᑦᓯ ᐃᖃᓗᐃᑦ ᐃᓗᐊᓂ ᓇᓪᓕᐊᓐᓄᕋᖅᑎᓪᓗᓯ.
ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓇᑯᕐᒦᕈᒪᔪᑦ ᖃᒧᑕᐅᔭᖅᐸᑦᑐᓂᑦ ᑐᑭᓯᐊᓂᖏᓐᓂᑦ ᑕᒪᓐᓇ ᐱᓪᓗᒍ.
##
ᐃᒥᖃᕈᓐᓃᖅᑎᑕᐅᖅᑲᐅᔪᑦ 100’s 200’s and 300’s ᐋᖅᑭᑦᑕᐅᓯᒪᓕᖅᑐᑦ.
ᐃᖃᓗᐃᑦ ᓱᓕ ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓯᒪᓂᐊᖅᑐᑦ ᐃᓘᓐᓇᑎᒃ, 100’s 200’s and 300’s
ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓂᖏᓐᓂ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᒥᑦ ᑎᖅᑎᑎᑦᑎᖃᑦᑕᖁᔭᐅᓗᑎᒃ ᐅᐊ ᒪᓇᒥᑦ (1 min.) ᑐᖔᓂᐅᖏᑦᑐᖅ.
ᐅᑯᐊ ᐃᒥᖅᑕᐅᓂᐊᖅᑐᖅ ᐃᒫᒃ ᑎᖅᑎᑎᑕᐅᖃᑦᑕᕆᐊᓖᑦ:
ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ, ᐃᐳᕈ 21, 2023 ᐱᒋᐊᕐᓗᑎᒃ 8 :30 pm ᐅᓪᓛᒃᑯᑦ
ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 100’s, 200’s and 300’s
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 619, 621, 624, 626, 730-738, 923, 924, 926, 927 ᐊᒻᒪᓗ 961.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630
ᓄᓇᓕᐸᐅᔭᒃᑯᑦ ᑐᓴᑦᑎᑦᑎᒍᒪᒻᒪᑕ ᓄᓇᓕᒻᒥᐅᑕᐅᔪᓂᒃ ᑕᐃᓐᓇ ᐃᖃᓇᐃᔮᕆᔭᐅᓚᐅᑦᑐᖅ ᐱᔭᕇᑦᑕᐅᓯᒪᓕᒻᒪᑦ ᐃᖃᓗᐃᑦ ᐃᒥᒻᒥᒃ ᓴᓗᒻᒪᓴᐃᕕᖓ, ᐊᒻᒪᓗ ᑖᒃᑯᐊ ᓄᓇᕗᑦ ᒐᕙᒪᒃᑯᑦ ᐊᖓᔪᖄᖓ ᐋᓐᓂᐋᖃᓇᖏᑦᑐᓕᕆᔨᒃᑯᓐᓂ ᐊᐅᓚᑦᑎᔨ ᐊᖏᖅᓯᒪᓕᒻᒪᑦ ᑲᔪᓯᑎᑕᐅᖁᓕᓪᓗᒋᑦ ᐊᐅᓚᓂᕆᔭᐅᔪᑦ.
ᓇᓗᓇᐃᓚᕆᔅᓯᒪᖏᑦᑐᖅ ᐅᓪᓗᖓ ᐊᑐᓕᑦᑎᑕᐅᒃᑲᓐᓂᓐᓂᐋᓐᓂᖓ ᐃᒥᒻᒥᒃ ᓴᓗᒻᒪᓴᐃᕕᐅᑉ ᐅᕙᓂᐅᒐᔭᙳᐋᓪᓗᓂ ᐊᐃᕆᓕ 25−ᖓᓂ. ᖃᓂᒋᔭᖓᓂ ᐊᐃᕆᓕ 25−ᖓᑕ, ᓄᓇᓕᐸᔭᒃᑯᑦ ᑐᓴᑦᑕᐅᑎᑦᑎᒐᔭᑦᑐᑦ ᓇᓗᓇᐃᔅᓯᒪᓂᔅᓴᐅᓕᓪᓗᓂ ᓇᓗᓇᐃᔭᔅᓯᒪᓂᖓ ᖃᖓᒃᑰᑎᑕᒐᓱᐋᒻᒪᖓᑦ ᐊᒻᒪᓗ ᐃᒪᖃᕈᓐᓂᑲᐃᓐᓇᖃᑦᑕᑐᐃᓐᓇᕆᐊᖃᓂᐅᔪᓂᒃ.
ᐊᑐᓕᕆᐊᑦᑕᐅᑎᒋᓗᓂ, ᐃᖃᓗᐃᑦ ᐊᑦᓯᕕᖓᓐᓄᑦ ᓴᕕᕋᔭᓂᑦ ᓴᓂᕐᓂᒃ ᐃᒋᑦᓯᒍᓐᓇᐃᓕᔪᓯ. ᓴᕕᕋᔭᐃᑦ ᓴᓃᑦ ᐊᑦᓯᕕᒻᒨᖅᑕᐅᕙᑦᑐᑦ ᐊᖏᓗᐊᓕᕐᓂᖏᓐᓄᑦ ᐊᐅᓚᑦᓯᔾᔪᑎᓂᑦ ᓱᒃᑲᐃᓕᑎᑦᓯᓯᒪᓕᕐᒪᑕ ᐊᒻᒪ ᐃᖅᑲᓇᐃᔭᖅᑎᓂᑦ ᐊᒻᒪ ᐱᔨᑦᓯᕋᖅᑕᐅᕙᑦᑐᓂᑦ ᐅᓗᕆᐊᓇᖅᑐᓂᑦ ᐊᑐᕐᕕᐅᑐᐃᓐᓇᕆᐊᖃᓕᖅᑐᓂ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐱᓕᕆᐊᖃᖅᐸᓪᓕᐊᔫᒐᓗᐊᑦ ᒥᑭᓪᓕᑎᕆᓇᓱᐊᖅᑐᑎᒃ ᐊᒻᒪ ᐋᖅᑭᑦᓱᐃᑦᓯᐊᕋᓱᑦᑐᑎᒃ ᓴᕕᕋᔭᓂᑦ ᓴᓂᕐᓂᒃ, ᕿᓚᒥᐅᔫᒥᔪᖅ ᒪᑐᐃᒃᑲᓐᓂᓛᖁᓪᓗᒍ ᐊᑦᓯᕕᒃ ᓴᕕᕋᔭᓂᑦ ᓴᓂᕐᓂᒃ ᐃᒋᑦᓯᕕᐅᔪᓐᓇᕐᓯᓗᓂ. ᓄᓇᓕᐸᐅᔭᒃᑯᑦ ᐃᓕᑦᓯᓐᓂᒃ ᖁᔭᓐᓇᒦᑦᑎᐊᖅᑐᑦ ᐅᑕᖅᑭᑦᓯᐊᕈᓐᓇᕋᑦᓯ ᐊᒻᒪ ᑲᑐᔾᔨᖃᑕᐅᓂᑦᓯᓐᓂᒃ ᐱᓕᕆᔾᔪᑎᒍᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
ᐃᒥᖃᕈᓐᓃᖅᑎᑕᐅᖅᑲᐅᔪᑦ 730 to 738 ᐋᖅᑭᑦᑕᐅᓯᒪᓕᖅᑐᑦ.
ᐃᖃᓗᐃᑦ ᓱᓕ ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓯᒪᓂᐊᖅᑐᑦ ᐃᓘᓐᓇᑎᒃ, 730 to 738.
ᐃᒥᕐᒥᒃ ᑎᖅᑎᑎᑦᑎᖃᑦᑐᖁᔭᐅᓂᖏᓐᓂ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᒥᑦ ᑎᖅᑎᑎᑦᑎᖃᑦᑕᖁᔭᐅᓗᑎᒃ ᐅᐊ ᒪᓇᒥᑦ (1 min.) ᑐᖔᓂᐅᖏᑦᑐᖅ.
ᐅᑯᐊ ᐃᒥᖅᑕᐅᓂᐊᖅᑐᖅ ᐃᒫᒃ ᑎᖅᑎᑎᑕᐅᖃᑦᑕᕆᐊᓖᑦ:
ᐃᒥᖅᑕᐅᓗᑎᒃ;
ᐱᐊᕋᕐᓄᑦ ᐊᒫᒪᓕᐅᖅᑐᑦ;
ᐃᒥᒐᑦᓴᓕᐅᖅᑐᑦ ᐊᒻᒪ ᓂᓚᕋᓛᓕᐅᖅᑐᑦ;
ᐃᕐᕈᖅᑐᐃᔪᑦ ᐱᕈᖅᑐᒥᓂᕐᓂᒃ ᓰᕐᓇᖅᑐᓂᑦ ᐊᒻᒪ ᒦᓰᕐᓇᖏᑦᑐᓂᑦ;
ᓂᖅᑎᐅᖅᑐᑦ; ᐅᕝᕙᓘᓐᓃᑦ
ᑭᒍᑎᓯᐅᖅᑐᑦ ᑭᒍᑎᒥᓂᒃ.
ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ, ᐃᐳᕈ 17, 2023 ᐱᒋᐊᕐᓗᑎᒃ 6 :30pm ᐅᓪᓛᒃᑯᑦ
ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 730 to 738
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.