ᓄᓇᓕᓐᓂ ᐱᓱᓛᖅᑐᑦ ᐱᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᓱᓛᖅᑐᑦ ᐱᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ
ᓰᑏᐱᕆ 9, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᓱᓐᓂᖃᓛᕐᓂᖏᓐᓄᑦ ᐅᐸᓗᖓᐃᖅᑕᐅᔪᒥᒃ ᐅᑯᓄᖓ ᐃᓵᑦᓯᒪᒋᑦ ᐃᓅᓯᕐᒥᒃ ᑲᑎᒪᔨᓄᑦ ᐃᓕᑕᕆᔭᐅᖁᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ.

ᐱᓱᓛᕈᒪᔪᑦ ᐱᖓᑦᓯᖅ, ᓰᑏᐱᕆ 10, 2025, ᐅᓐᓄᓴᒃᑯᑦ 4-ᒨᖅᐸᑦ, ᐱᓱᒋᐊᓯᓗᑎᒃ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒻᒥ ᐊᒻᒪ ᐃᓱᓕᓪᓗᑎᒃ ᐃᓐᓇᑐᖃᐃᑦ ᖃᒻᒪᖓᓂ. ᐅᓇ ᐊᕐᕌᒍᑕᒫᕐᓯᐅᑎᐅᔪᖅ ᐊᑐᖅᑎᑦᓯᔾᔪᑎᐅᓇᓱᐊᖅᐸᑦᑐᖅ ᐃᓱᒪᓕᕆᕙᓐᓂᕐᒥᒃ ᐅᔾᔨᕈᓱᒋᐊᕈᑎᓂᒃ, ᐃᓅᓯᕐᓂᒃ ᑭᐱᓯᑦᑕᐃᓕᒪᑎᑦᓯᓂᕐᒥᒃ, ᐊᒻᒪ ᓄᓇᓕᕐᒥᐅᖃᑎᒌᓐᓂᒃ ᑲᑎᑎᑦᓯᔾᔪᑎᐅᕙᑦᑐᓂ ᐊᑦᑐᐊᖃᑎᒌᒍᑎᖃᕐᓂᒃᑯᑦ ᐃᓅᓯᒃᑯᑦ.

ᓄᓇᓕᕐᒥᐅᑕᐃᑦ ᐃᑉᐱᒍᓱᑦᓯᐊᖁᔭᐅᓂᐊᖅᑐᑦ ᐱᓱᖃᑕᐅᓛᖅᑐᓂᒃ ᐊᖅᑯᑎᒃᑰᓕᖅᐸᑕ. ᓄᓇᒃᑰᔫᓛᖅᑐᑦ ᑕᐃᑦᓱᒪᓂᐅᓕᖅᐸᑦ ᓇᐅᒃᑰᓛᕐᓂᖏᓐᓄᑦ ᐸᕐᓇᓯᒪᖁᔭᐅᓛᖅᑐᑦ ᐃᑲᔪᕐᓱᐃᖁᔭᐅᓗᑎᒃ ᐊᑦᑕᓇᔾᔭᐃᕐᓯᒪᖁᓪᓗᒋᑦ ᐱᓱᖃᑎᒌᓛᖅᑐᑦ.

ᐱᖃᑕᐅᓛᖅᑐᑦ ᐃᖅᑲᐃᑎᑕᐅᒻᒥᔪᑦ ᐊᑐᕆᐊᑦ ᓴᓂᕌᒎᖁᔭᐅᓛᖁᔭᐅᓗᑎᒃ ᐊᔪᕐᓇᖏᓐᓂᖏᒍᑦ ᐊᒻᒪ ᐅᔾᔨᕈᓱᑦᓯᐊᖁᔭᐅᓛᖅᑐᑎᒃ ᐃᑳᕋᓱᓕᕈᑎᒃ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓄᑦ ᐊᖅᑯᑎᓐᓅᕐᓂᐊᕈᑎᒃ.

ᓄᓇᓕᕐᒥᐅᑕᐃᑦ ᐱᓱᖃᑕᐅᒍᒪᒐᔭᖅᑐᑦ ᑐᖕᖓᓱᑦᓯᐊᓛᖅᑐᑦ ᐅᕝᕙᓘᓐᓃᑦ ᓴᖅᑭᔮᖅᑎᑦᓯᖁᔭᐅᓗᑎᒃ ᐃᑲᔪᕐᓱᐃᔾᔪᑎᒥᓂᒃ ᑕᑯᓐᓇᕐᓂᐊᕈᑎᒃ ᐱᓱᑦᑐᓂᒃ ᑕᐃᑲᓂ ᐅᓪᓗᖓᓂ.

ᓄᓇᓕᐸᐅᔭᒃᑯᑦ ᖁᔭᓕᑦᓯᐊᖅᑐᐊᓯᑦ ᓄᓇᓕᕐᒥᐅᑕᓂᒃ ᐃᑲᔪᖅᐸᓐᓂᖏᓐᓄᑦ ᑲᑐᔾᔨᖃᑕᐅᓗᑎᒃ ᐊᒻᒪ ᐃᑲᔪᕐᓱᐃᕙᓐᓂᖏᓐᓄᑦ ᓄᓇᓕᓐᓂ ᖃᓄᐃᖏᑦᓯᐊᖅᑐᓕᕆᓂᒃᑯᑦ ᐱᒋᐊᖅᑎᑕᐅᕙᑦᑐᓂᒃ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 979-5619 | ᐃᕐᖐᓇᖅᑕᐅᑎᖓ: g.byrne@iqaluit.ca