ᐱᖕᖑᐊᖅᑐᓕᕆᓂᖅ

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᐋᑦᑑᐸ 10-ᒥᑦ ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓘᓂᐊᖁᓪᓗᒍ
ᐋᑦᑑᐸ 7, 2016 (ᐃᖃᓗᐃᑦ, ᓄᓇᕗᑦ) - ᑲᑎᒪᔩᑦ ᑲᑎᒪᑎᓪᓗᒋᑦ ᒫᓐᓇᕈᓘᓚᐅᖅᑐᖅ, ᓄᓇᓕᐸᐅᔭᐃᑦ ᐃᖃᓗᐃᑦ ᒪᐃᔭᖓᑦ, ᒫᑦᓕᓐ ᕆᐊᑦᕘᕐᓐ, ᐊᒻᒪ ᑲᑎᒪᔨᐅᔪᑦ ᓇᓗᓇᐃᕐᓯᕋᑖᓚᐅᖅᑐᑦ ᐋᑦᑑᐸ 10-ᒥᑦ, 2016 ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓘᓂᐊᖁᓪᓗᒍ. ᐊᕐᕌᒍᑦᑎᓐᓂ ᑐᕌᒐᕆᔭᐅᓂᐊᖅᑐᖅ ᖃᐅᒻᒪᐃᓂᖅ ᐊᒥᐊᓕᒻᒥᑦ ᐃᑦᑎᖕᖑᐊᒥᑦ, ᐱᓪᓗᒋᑦ ᓄᓇᕐᔪᐊᕐᒥ ᐃᓱᒪᓕᕆᕙᑦᑐᓄᑦ ᐅᓪᓗᖅ.

ᐱᕙᓪᓕᐊᔪᒥᑦ ᑐᓴᕋᑦᓴᖅ

ᓵᓐᑎᐅᓪ ᑳᔭ ᓂᕈᐊᖅᑕᐅᔪᖅ ᒥᔅ ᑏᓐ ᓄᓇᕗᑦ

ᓰᑏᐱᕆ 28, 2016 (ᐃᖃᓗᐃ, ᓄᓇᕗᑦ)  - ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᖓᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᐃᖃᓗᓐᓂᒥᐅᑕᐅᔪᖅ ᓵᓐᑎᐅᓪ ᑳᔭ ᓂᕈᐊᖅᑕᐅᓚᐅᕐᒪᑦ ᒥᔅ ᑏᓐ ᓄᓇᕗᑦ ᒥᔅ ᑏ ᑲᓇᑕ ᒍᓘᑉ ᐱᓂᑭᓴᐅᑎᔪᓂ, ᐊᑐᖅᑕᐅᕋᑖᓚᐅᖅᑐᖅ ᑐᕌᓐᑐᒥ, ᐋᓐᑎᐅᕆᐅ.

ᑕᑯᑦᓴᐅᔪᑦ ᐅᐸᓗᖓᐃᔭᐃᕙᓪᓕᐊᑎᓪᓗᒋᑦ ᓂᐊᖁᖕᖒᑎᓂ ᓄᓇᖁᑎᑖᕋᓱᑦᑐᓂᑦ ᐊᑎᕐᓂᑦ ᐊᒧᓯᖃᑦᑕᕐᓂᐅᓂᐊᖅᑐᒧᑦ ᓄᓇᓕᐸᐅᔭᐃᑦ ᑎᒥᖁᑎᖏᑕ ᐊᓪᓚᕝᕕᖏᓐᓂ ᓰᑏᐱᕆ 22, 2016, ᐅᑯᐊ (ᓴᐅᒥᒻᒥᑦ ᑕᓪᓕᖅᐱᒻᒧᑦ) ᓄᓇᓕᐸᐅᔭᒃᑯᑦ ᑎᒥᖁᑎᖏᑕ ᐊᐅᓚᑦᓯᔨᒻᒪᕆᖓᑦ ᒧᕼᐋᒧᑦ ᕼᐊᓵᓐ, ᐊᖏᔪᖅᑳᖓᑦ ᐸᕐᓇᐅᑎᓕᕆᔨᒃᑯᑦ ᐊᒻᒪ ᐱᕙᓪᓕᐊᑎᑦᓯᔨᒃᑯᑦ ᓴᓇᓂᒃᑯᑦ ᒥᓗᑎ ᓯᒫᕐ, ᓄᓇᓕᐸᐅᔭᒃᑯᑦ ᐸᕐᓇᐅᑎᓕᕆᔨᖓᑦ ᕉᑦ ᑐᕋᓱᕐ, ᓄᓇᓕᕆᔾᔪᑎᓕᕆᔨ ᐊᒫᓐᑕ ᐅᐃᐅᓪᔅ, ᐊᒻᒪ ᓄᓇᕘᑉ ᒐᕙᒪᒃᑯᖏᓐᓃᖔᕐᓯᒪᔪᖅ, ᓄᓇᓖᑦ ᐊᒻᒪ ᒐᕙᒪᐃᑦ ᐱᔨᑦᓯᕋᖅᑎᓕᕆᔨᖏᓐᓂᑦ, ᓄᓇᓕᕆᔨ ᐳᕋᐃᐊᓐ ᓚᓐᓇᓐ. ᐊᒧᓯᖃᑦᑕᕐᓂᐅᓚᐅᖅᑐᖅ ᑲᔪᓯᑦᓯᐊᓚᐅᖅᑐᖅ, ᖁᓖᑦ ᓄᓇᖁᑎᑖᖑᓪᓗᑎᒃ ᐱᓇᓱᐊᓚᐅᖅᑐᓄᑦ 28-ᓂᑦ ᐊᑎᓕᐅᕐᓯᒪᓚᐅᖅᑐᓂᑦ. ᓯᕗᓂᑦᓯᐊᑎᓐᓂ ᐊᑭᑦᓴᕐᓯᐅᖅᑎᑦᓯᓛᖅᑐᑦ ᓴᓇᒐᔭᖅᑐᓂᑦ, ᓄᑖᒥ ᐃᓪᓗᖃᕐᕕᑦᓴᒥ ᐊᕐᕌᒍ ᐊᐅᔭᐅᓕᖅᐸᑦ ᓴᓇᒋᐊᔾᔭᖕᖒᕆᔭᐅᓗᑎᒃ.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᓐᓂᒥᐅᑕᒥᑦ ᓂᕈᐊᖅᑕᐅᔪᖃᖅᑐᖅ ᑲᓇᑕᐅᑉ ᓯᕗᓕᖅᑎᒻᒪᕆᖓᑕ ᒪᒃᑯᑦᑐᓂᑦ ᑲᑎᒪᔨᖁᑎᖏᓐᓄᑦ
ᓰᑏᐱᕆ 28, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᔪᑦ ᐃᖃᓗᓐᓂᒥᐅᑕᐅᔪᖅ ᒪᔅᓲᒪ ᐅᒪᓐᐆᕗ ᓄᐊᔭ ᓂᕈᐊᖅᑕᐅᓚᐅᕐᒪᑦ ᐃᓚᒋᔭᐅᓂᐊᓕᖅᑐᓂ ᑲᓇᑕᐅᑉ ᒐᕙᒪᒃᑯᖏᑕ ᓯᕗᓕᖅᑎᒻᒪᕆᐊᑕ ᔭ1ᔅᑎᓐ ᑐᕉᑑᑉ ᒪᒃᑯᑦᑐᓂᑦ ᑲᑎᒪᔨᖁᑎᖏᓐᓄᑦ.
“ᑲᒪᒌᓐᓇᓲᕆᒐᒃᑯ ᒪᔅᓲᒪ, ᐱᓕᕆᔪᒻᒪᑦᓯᐊᐸᓐᓂᖓᓂᑦ ᐊᒻᒪ ᐃᓕᓐᓂᐊᕈᒪᓂᖓᓂᑦ ᐊᒻᒪ ᐃᑲᔪᖅᑐᒻᒪᕆᐅᕙᓐᓂᖓᓂᑦ ᐊᓯᒥᓂᒃ,” ᐅᖃᖅᑐᖅ ᐃᖃᓗᓐᓂ ᒪᐃᔭ ᒫᑦᓕ ᕆᑦᕘᕐᓐ. “ᐊᔪᕆᒍᒥᓇᖅᑐᒻᒪᕆᐅᔪᖅ ᐊᒻᒪ ᖁᓚᕆᖕᖏᓯᐊᖅᑐᒍ ᐱᒻᒪᕆᐅᔪᓂᑦ ᐊᑑᑎᓕᒻᒪᕆᐅᔪᓂᑦ ᐃᑲᔫᑎᖃᖃᑦᑕᓛᕐᓂᖓᓂᑦ ᑲᓇᑕᐅᑉ ᒐᕙᒪᒃᑯᖏᑕ ᓯᕗᓕᖅᑎᒻᒪᕆᐊᑕ ᒪᒃᑯᑦᑐᓂᑦ ᑲᑎᒪᔨᖁᑎᖏᓐᓄᑦ."

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒪᖃᕈᓐᓃᑲᐃᓐᓇᖃᑦᑕᓂᐊᖅᑐᑦ
ᓰᑏᐱᕆ 28, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑕ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓯᓚᑦᑐᓴᕐᕕᐅᑉ ᐅᖓᑖᓂ ᓇᔪᒐᓕᓐᓂᑦ ᐃᒪᖃᕈᓐᓃᑲᐃᓐᓇᖃᑦᑕᓂᐊᕐᒪᑕ ᑎᓴᒻᒥᕐᒥ ᐊᒻᒪ ᑕᓪᓕᒥᕐᒥ, ᐅᓪᓗᒃᑯᑦ ᐊᑯᓐᓂᖏᓐᓂ 9 ᐊᒻᒪ 4:30 ᐅᓐᓄᓴᒃᑯᑦ, ᐃᒪᓕᕆᔾᔪᑏᑦ ᓴᓇᔭᐅᑲᐃᓐᓇᑎᓪᓗᒋᑦ.
ᑕᓪᓕᒥᕐᒥ ᐅᓐᓄᓴᒃᑯᑦ 4:30-ᕈᔪᒻᒥ ᐃᒪᖃᐃᓐᓇᓕᓛᖅᑑᒐᓗᐊᑦ.
ᓄᓇᓕᐸᐅᔭᒃᑯᑦ ᓇᑯᕐᓴᒻᒪᕆᑦᑐᑦ ᐅᑕᖅᑭᑦᓯᐊᓛᕐᓂᓯᓐᓂᑦ ᓴᓇᑲᐃᓐᓇᕐᓂᖏᓐᓂ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒪᖃᓕᕐᒥᔪᑦ
ᓰᑏᐱᕆ 27, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᐃᓪᓗᖃᖅᑎᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ ᐃᒪᖃᓕᖅᑲᐅᒻᒪᑕ ᐅᓪᓗᒥ 11:30-ᑎᓪᓗᒍ.
ᓄᓇᓕᐸᐅᔭᒃᑯᑦ ᓇᑯᕐᒦᕈᒪᔪᑦ ᐃᓕᑦᓯᓐᓂᑦ ᐅᑕᖅᑭᑦᓯᐊᖅᑲᐅᓂᑦᓯᓐᓂᑦ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᑦᓯᐊᖅᑲᐅᓂᑦᓯᓐᓂᑦ ᓴᓇᓂᖏᓐᓂ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867.979.5607

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒋᐅᖅᑲᐃᖃᑦᑕᕐᓂᖅ ᓴᓂᕐᓂᒃ ᕿᔪᑦᑕᓂᑦ
ᓰᑏᐱᕆ 20, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᓴᓂᕐᓂᒃ ᕿᔪᑦᑕᓂᑦ ᐃᖃᓗᐃᑦ ᐊᑦᓯᕕᖓᓄᑦ ᐃᒋᑦᓯᒋᐊᖃᖅᐸᒻᒪᑕ. ᐊᓯᐊᓄᑦ ᐃᒋᑦᓯᔪᑦ ᐊᑭᓖᑎᑕᐅᔪᓐᓇᖅᑐᑦ, ᐊᖏᓂᖅᐹᖏᒍᑦ ᑎᑭᒍᓐᓇᖅᑐᓂᑦ $2,000-ᓄᑦ ᓄᓇᓕᕐᓂᒥᐅᑕᓄᑦ ᐊᒻᒪ $10,000-ᓄᑦ ᑎᒥᖁᑎᐅᔪᓄᑦ ᓇᒻᒥᓂᕆᔭᐅᔪᓄᑦ, ᒪᓕᓪᓗᒋᑦ ᑎᑎᕋᕐᓯᒪᔪᑦ ᒪᓕᒐᕋᓛᕐᒥ 341.
ᐊᑦᓯᕕᒃ ᒪᑐᐃᖓᕙᑦᑐᖅ ᓇᒡᒋᔾᔭᐅᓕᖅᑭᕐᒥᑦ ᑕᓪᓕᒥᕐᒧᑦ, ᒪᑐᐃᖅᑐᓂ ᐅᓪᓛᒃᑯᑦ 8-ᒥ 2-ᒨᕋᓱᓐᓂᖓᓂ ᐅᓐᓄᓴᒃᑯᑦ (ᖁᓛᓂ ᓂᕆᓐᓇᒥ ᒪᑐᐃᖓᕙᒻᒥᔪᖅ), ᐊᒻᒪ ᓈᑦᓯᐅᖑᔭᓛᕐᓂᐊᒥ, ᒪᑐᐃᖅᑐᓂ ᐅᓪᓛᒃᑯᑦ 8-ᒥ 5-ᒧᓄᑦ ᐅᓐᓄᓴᒃᑯᑦ (ᒪᑐᑲᐃᓐᓇᐸᑦᑐᖅ ᖁᓛᓂ 12-ᒥ ᓂᕆᓐᓇᐅᑎᓪᓗᒍ 1-ᒧᓄᑦ ᐅᓐᓄᓴᒃᑯᑦ).
ᓄᓇᓕᐸᐅᔭᒃᑯᑦ ᖁᔭᓕᑦᓯᐊᖅᑐᑦ ᐃᑲᔪᕋᑦᓯ ᑲᑐᔾᔨᖃᑎᒌᓐᓂᒃᑯᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐅᓪᓗᕐᓯᐅᑏᑦ ᓴᓂᐸᐅᔭᐅᑎᓂᑦ ᓄᐊᑦᓯᕕᐅᓛᖅᑐᑦ

ᑕᓪᓕᕐᒥᖅ ᓰᑏᐱᕆ 16 - ᐃᖃᓗᐃᑦ ᓄᓇᑐᖃᖓ (ᐃᓪᓗᓖᑦ 100-ᓂᑦ, 200-ᓂᑦ, 300-ᓂᑦ ᓈᓴᐅᑎᖏᒍᑦ)

ᑕᓪᓕᕐᒥᖅ ᓰᑏᐱᕆ 23 - ᐊᓪᓕᐹᕐᒥᐅᑕᐃᑦ ᐊᒻᒪ ᐃᓄᒋᐊᕝᕕᖓᓂ (600, 700, 800, 1000, ᐊᒻᒪ 1400)

ᑕᓪᓕᕐᒥᖅ ᓰᑏᐱᕆ 30 - ᕼᐋᐱ ᕚᓕ (400, 500, 1600)

ᑕᓪᓕᕐᒥᖅ ᐋᑦᑑᐸ 7 - ᑕᓐᑐᕋ ᕚᓕ (2400, 2500)

ᑕᓪᓕᕐᒥᖅ ᐋᑦᑑᐸ 14 - ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᒦᑦᑐᑦ (2200, 2600, 2700)

ᑕᓪᓕᕐᒥᖅ ᐋᑦᑑᐸ 2 - ᑕᓯᓗᓕᐊᕆᐊᒦᑦᑐᑦ ᐊᒻᒪ ᐃᒥᖅᑕᕐᕕᒥᓂᐅᑉ ᐊᕙᓗᐊᓂ (4000)

ᑕᓪᓕᕐᒥᖅ ᐋᑦᑑᐸ 28 - ᓂᐊᖁᖕᖒᑏᑦ (3000)

ᑕᓪᓕᕐᒥᖅ ᓅᕖᐱᕆ 4 - ᓯᓚᑦᑐᓴᕐᕕᐅᑉ ᐅᖓᑖᓃᑦᑐᑦ (5000)

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᖅᑐᑦ ᑕᓪᓕᕐᒥᐅᑉ ᐅᓐᓄᓴᖓᓂ

ᓰᑏᐱᕆ 8, 2016 (ᐃᖃᓗᐃᑦ, ᓄᓇᕗᑦ)  ᖃᐅᔨᒪᖁᔭᐅᕗᓯ ᐊᓪᓚᕝᕕᖏᑦ ᓄᓇᓕᐸᐅᔭᒃᑯᑦ ᒪᑐᓯᒪᓛᕐᒪᑕ ᑕᓪᓕᕐᒥᐅᑉ ᐅᓐᓄᓴᖓᓂ, ᐃᖅᑲᓇᐃᔭᖅᑎᖏᑦ ᑲᑎᒪᑎᑕᐅᓛᕐᓂᖏᓐᓄᑦ.

ᐱᔨᑦᓯᕋᕈᑎᐅᕙᑦᑐᑦ ᖃᐅᑕᒫᑦ, ᓲᕐᓗ ᐃᒥᕐᒧᑦ ᐊᒻᒪ ᓴᓂᑦᑕᖅᑏᑦ, ᐊᑦᑐᖅᑕᐅᓛᖏᑦᑐᑦ.

-30-

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᖅᑐᑦ

ᓰᑏᐱᕆ 9, 2016 (ᐃᖃᓗᐃᑦ, ᓄᓇᕗᑦ) − ᓄᓇᓕᐸᐅᔭᒃᑯᑦ ᐃᖃᓗᓐᓂ ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᓕᕐᒥᔪᑦ, ᐅᖁᒪᐃᓐᓂᓕᓐᓂᑦ ᐅᖓᑖᓂ 50 ᐸᐅᓐᔅ, ᐅᕝᕙᓘᓐᓃᑦ ᕿᓂᖅᑕᒧᑦ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐴᕈᓐᓇᖏᑉᐸᑕ ᐊᖏᓗᐊᒧᑦ.  ᐊᑐᓂ ᐊᖏᕐᕋᓂᑦ ᐱᖓᓱᓂᑦ ᓄᐊᑦᓯᔪᓐᓇᓛᖅᑐᑦ ᓴᓂᐸᐅᔭᓂᑦ, ᐊᒻᒪ ᒪᕐᕉᓐᓂᒃ ᖁᐊᒃᑯᕕᒥᓂᕐᒥᒃ, ᐃᒐᒥᓂᕐᒥᒃ ᐅᐊᓴᕐᕕᒥᓂᕐᒥᓘᓐᓃᑦ ᐸᓂᕐᓯᕕᒥᓂᕐᒥᓘᓐᓃᑦ ᓵᒥᓂᕐᓂᓘᓐᓃᑦ ᓇᓪᓕᑐᐃᓐᓇᖏᑦ ᒪᕐᕉᓚᐅᑐᐊᖅᐸᑎᒃ ᓴᓂᐸᐅᔮᒃ.