ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᐋᑦᑑᐸ 10-ᒥᑦ ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓘᓂᐊᖁᓪᓗᒍ

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᐋᑦᑑᐸ 10-ᒥᑦ ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓘᓂᐊᖁᓪᓗᒍ
ᐋᑦᑑᐸ 7, 2016 (ᐃᖃᓗᐃᑦ, ᓄᓇᕗᑦ) - ᑲᑎᒪᔩᑦ ᑲᑎᒪᑎᓪᓗᒋᑦ ᒫᓐᓇᕈᓘᓚᐅᖅᑐᖅ, ᓄᓇᓕᐸᐅᔭᐃᑦ ᐃᖃᓗᐃᑦ ᒪᐃᔭᖓᑦ, ᒫᑦᓕᓐ ᕆᐊᑦᕘᕐᓐ, ᐊᒻᒪ ᑲᑎᒪᔨᐅᔪᑦ ᓇᓗᓇᐃᕐᓯᕋᑖᓚᐅᖅᑐᑦ ᐋᑦᑑᐸ 10-ᒥᑦ, 2016 ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓘᓂᐊᖁᓪᓗᒍ. ᐊᕐᕌᒍᑦᑎᓐᓂ ᑐᕌᒐᕆᔭᐅᓂᐊᖅᑐᖅ ᖃᐅᒻᒪᐃᓂᖅ ᐊᒥᐊᓕᒻᒥᑦ ᐃᑦᑎᖕᖑᐊᒥᑦ, ᐱᓪᓗᒋᑦ ᓄᓇᕐᔪᐊᕐᒥ ᐃᓱᒪᓕᕆᕙᑦᑐᓄᑦ ᐅᓪᓗᖅ.
“ᐃᓚᒋᔭᐅᖁᔭᕋᓗᐊᒃᑲ ᓄᓇᓕᓐᓂᒥᐅᑕᐃᑦ, ᓇᒻᒥᓂᖃᖅᑎᐅᔪᑦ ᑮᓇᐅᔭᓕᐅᕈᑎᓂᑦ, ᑲᑐᔾᔨᖃᑎᒌᖑᔪᑦ, ᐃᓕᓐᓂᐊᕐᕖᓪᓗ ᐊᒻᒪ ᐅᐸᒐᐅᕙᑦᑐᑦ ᐅᕙᓐᓂᑦ ᓇᓗᓇᐃᕐᓯᓯᒪᖁᓪᓗᒋᑦ ᐊᔾᔨᐅᖏᑦᑐᒥᑦ ᐅᓪᓗᕐᒥᑦ ᐊᑐᕐᓗᑎᒃ ᐅᕝᕙᓘᓐᓃᑦ ᑕᑯᑦᓴᐅᑎᑦᓯᓗᑎᒃ ᐊᒥᐊᓕᓐᓂᑦ ᐃᑦᑎᖕᖑᐊᒥᑦ ᐊᒻᒪ ᓇᓗᓇᐃᔭᐃᑎᒋᓂᐊᕐᓗᒋᑦ ᐅᔾᔨᕈᓱᒃᑲᓐᓂᕆᐊᖃᕐᓂᑎᓐᓂᑦ ᐊᒻᒪ ᐃᑲᔪᕐᓱᐃᒋᐊᖃᕐᓂᑎᓐᓂᑦ ᑕᐃᒃᑯᓂᖓ ᐃᓱᒪᓕᕆᕙᑦᑐᓂᑦ ᐋᓐᓂᐊᒋᓪᓗᒍ, ᐊᒻᒪ ᖃᐅᔨᒪᑐᐃᓐᓇᕐᓂᐊᖁᓇᑕ ᐊᓯᒥᓂᑦ ᐱᑦᓯᐊᐸᖕᖏᑦᑐᓂᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ. ᓇᓗᓇᐃᕐᓯᔾᔪᑎ ᐅᕝᕙ ᐃᒪᐃᓕᖓᔪᖅ:
ᓇᓗᓇᐃᕐᓯᔾᔪᑎ
ᐃᒪᐃᒻᒪᑦ, ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓗᖅ ᐱᒋᐊᖅᑎᑕᐅᓚᐅᕐᓯᒪᔪᖅ 1992-ᖑᑎᓪᓗᒍ ᓄᓇᕐᔪᐊᕐᒥ ᑲᑐᔾᔨᖃᑎᒌᕐᔪᐊᓄᑦ ᐃᓱᒪᓕᕆᓂᕐᒥᑦ ᐱᓕᕆᔨᓄᑦ; ᐊᒻᒪ
ᐃᒪᐃᒻᒪᑦ, ᐊᒥᓲᓗᐊᖅᑐᑦ ᑭᒃᑯᑐᐃᓐᓇᑦᓯᐊᑦ ᖃᑦᓯᑐᐃᓐᓇᑦᓯᐊᓂᑦ ᐊᕐᕌᒍᓖᑦ ᓱᓕ ᖁᕕᐊᓇᖕᖏᑦᑐᓂᑦ ᐊᑐᖅᑎᑕᐅᕙᒻᒪᑕ ᐊᑦᑐᐃᔾᔪᑎᒃᑯᑦ ᐊᒻᒪ ᐃᓱᒪᔮᕈᑎᖃᕐᓂᒃᑯᑦ ᐊᓯᒥᓄᑦ ᐱᑦᓯᐊᖅᑕᐅᖏᓐᓂᕐᒥᑦ. ᑕᒪᑦᓱᒥᖓ ᐊᓯᒥᓄᑦ ᐱᑦᓯᐊᖏᔾᔪᑎᓄᑦ ᐅᔾᔨᕆᔭᐅᒋᐊᕆᐊᖃᓕᕐᒪᑕ ᐊᒻᒪ ᐃᓱᒪᓕᕆᓂᕐᒥᑦ ᓄᓇᕐᔪᐊᕐᒥ ᓇᒥᑐᐃᓐᓇᖅ ᐃᓱᒫᓘᑎᐅᒻᒪᑦ ᑭᒃᑯᑐᐃᓐᓇᕐᓄᑦ ᐅᔾᔨᕆᔭᐅᖏᓐᓇᕆᐊᖃᖅᑐᓂ; ᐊᒻᒪ
ᐃᒪᐃᒻᒪᑦ, ᐃᓐᓇᓵᒥᑦ ᐊᕐᓇᕐᒥᑦ, ᐊᒫᓐᑕ ᑖᑦ, ᐃᓅᔪᓐᓃᓚᐅᕐᓯᒪᔪᖅ ᐋᑦᑑᐸ 10-ᖑᑎᓪᓗᒍ, 2012, ᐊᓯᒥᓄᑦ ᐱᑦᓯᐊᖅᑕᐅᖃᑦᑕᖏᓂᕐᒥᓂᑦ ᐱᔾᔪᑎᖃᖅᑐᓂ. ᐃᓱᒪᕙᓚᐅᖅᑐᖅ ᐃᑲᔪᕈᒪᓪᓚᕆᑦᑐᓂ ᓱᕈᓯᕐᓂᑦ ᐊᒻᒪ ᐃᓐᓇᓵᓂᑦ; ᐊᒻᒪ
ᐃᒪᐃᒻᒪᑦ, ᑭᐅᕈ ᑖᑦ, ᐊᒫᓐᑕᐅᑉ ᐊᓈᓇᖓ, ᐱᒋᐊᖅᑎᑦᓯᓚᐅᕐᓯᒪᒻᒪᑕ ᐊᒫᓐᑕ ᑖᑦ ᕿᒪᒃᑲᑯᖏᓐᓂᑦ ᑲᑐᔾᔨᖃᑎᒌᓂᑦ, ᐃᓱᒪᓪᓗᓂ ᐃᑲᔪᕈᒪᓪᓗᓂᐅᒃ ᐸᓂᓂ ᓴᖅᑮᓗᓂ ᐃᓱᒪᒋᕙᓚᐅᖅᑕᖓᓂᑦ, ᐊᒻᒪ ᐱᑕᖃᕈᓐᓃᖁᓪᓗᒋᑦ ᐃᓱᒪᒋᔭᐅᒐᔪᑦᑐᑦ ᐊᒻᒪ ᐃᖅᑲᖅᑐᐃᔾᔪᑎᐅᕙᑦᑐᑦ ᐊᑦᑐᐊᔪᑦ ᐃᓱᒪᓕᕆᓂᕐᒧᑦ; ᐊᒻᒪ
ᐃᒪᐃᒻᒪᑦ, ᕿᒪᒃᑲᑯᓕᕆᔨᐅᔪᑦ ᑲᑐᔾᔨᖃᑎᒌᑦ ᓄᓇᕐᔪᐊᕐᒥ ᑐᕌᒐᕆᔭᕗᑦ: “ᖃᐅᒪᐃᓂᖅ ᐊᒥᐊᓕᒻᒥᑦ ᐃᑦᑎᖕᖑᐊᒥᑦ, ᐱᔾᔪᑎᒋᓪᓗᒍ ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓗᖅ” ᐱᒋᐊᖅᑎᑕᐅᓚᐅᖅᑐᖅ ᐃᑲᔫᑎᑐᐃᓐᓇᐅᔪᒪᒐᓂ ᑭᒃᑯᑐᐃᓐᓇᕐᓂᑦ ᐊᓯᖏᓐᓄᑦ ᐱᑦᓯᐊᖅᑕᐅᕙᖕᖏᑦᑐᓂᑦ, ᑭᓯᐊᓂᑦᑕᐅᖅ ᕿᓄᕕᐅᔪᒪᓪᓗᑎᒃ ᑭᒃᑯᑐᐃᓐᓇᐃᑦ ᐊᓐᓄᕌᕐᓯᒪᖁᔭᐅᓗᑎᒃ ᐊᒥᐊᓕᒻᒥᑦ ᐃᑦᑎᖕᖑᐊᒥᑦ ᐃᖅᑲᐃᑎᑦᓯᔾᔪᑎᐅᖁᓪᓗᒍ ᑲᑐᔾᔨᖃᑎᒌᒋᐊᖃᕐᓂᕐᒥᑦ, ᐅᖃᐅᓯᖃᕆᐊᖃᕐᓂᕐᒥᑦ, ᐃᓵᑦᓯᒋᐊᖃᕐᓂᕐᒥᑦ, ᐊᒻᒪ ᓇᓗᓇᐃᕐᓯᓂᕐᒥᑦ ᓱᓇᓂᑦ ᐊᓯᔾᔩᒋᐊᖃᓕᕐᒪᖔᑕ.
ᒫᓐᓇ, ᑕᐃᒪᐃᒻᒪᑦ, ᑭᒡᒐᖅᑐᐃᓗᖓ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓂᑦ, ᐅᕙᖓ, ᒫᑦᓕᓐ ᕆᐊᑦᕘᕐᓐ, ᒪᐃᔭ ᓄᓇᓕᐸᐅᔭᐃᑦ ᐃᖃᓗᓐᓂ, ᓇᓗᓇᐃᖅᐸᕋ ᓇᒡᒋᔾᔭᐅ, ᐋᑦᑑᐸ 10, 2016, ᐃᒫᒃ ᐅᓪᓘᓂᐊᕐᓂᖓᓂᑦ:
“ᓄᓇᕐᔪᐊᕐᒥ ᐃᓱᒪᓕᕆᓂᕐᒧᑦ ᐅᓪᓗᖅ”
ᓄᓇᓕᐸᐅᔭᐃᑦ ᐃᖃᓗᓐᓂ, ᐊᒻᒪ ᐊᔭᐅᕆᐊᖅᑐᒋᑦ ᓄᓇᓕᓐᓂᒥᐅᑕᐃᑦ, ᓇᒻᒥᓂᖃᖅᑏᑦ ᑮᓇᐅᔭᓕᐅᕈᑎᓂᑦ, ᑲᑐᔾᔨᖃᑎᒌᑦ, ᐃᓕᓐᓂᐊᕐᕖᑦ ᐊᒻᒪ ᓇᓗᓇᐃᒃᑯᑎᐅᔪᑦ
ᖃᓄᑐᐃᓐᓇᖅ ᐅᕙᓐᓂᑦ ᐃᓚᖃᓛᖁᓪᓗᒋᑦ ᓇᓗᓇᐃᕐᓯᓂᕐᒥᑦ ᐊᔾᔨᐅᖏᑦᑐᒥᑦ ᐅᓪᓗᕐᒥᑦ ᐊᑐᕐᓗᑕ ᐅᕝᕙᓘᓐᓃᑦ ᑕᑯᑦᓴᐅᑎᑦᓯᓗᑕ ᐊᒥᐊᓕᒻᒥᑦ ᐃᑦᑎᖕᖑᐊᒥᑦ ᐊᒻᒪ ᓇᓗᓇᐃᕐᓯᔾᔪᑎᒋᒋᐊᒃᑲᓐᓂᕐᓂᐊᕐᓗᒋᑦ ᐅᔾᔨᕈᓱᒃᑲᓐᓂᕆᐊᕐᓂᐊᓂᕐᒥᑦ ᐊᒻᒪ ᐃᑲᔪᕐᓱᐃᑲᓐᓂᕐᓂᐊᓂᕐᒥᑦ ᑕᐃᒃᑯᓂᖓ ᐃᓱᒪᓕᕆᕙᑦᑐᓂᑦ ᖁᕕᐊᓱᑉᐸᖏᑦᑐᓂᑦ, ᐊᒻᒪ ᖃᐅᔨᒪᑐᐃᓐᓇᕈᒪᖕᖏᓂᕐᒥᑦ ᐊᓯᒥᓂᒃ ᐱᑦᓯᐊᐸᖕᖏᑦᑐᓂᑦ.
ᓇᓗᓇᐃᖅᑕᐅᕗᖅ ᐅᓪᓗᒥ ᓰᑏᐱᕆ 27-ᖑᑎᓪᓗᒍ, 2016.
-30-
ᑐᑭᓯᒋᐊᕐᕕᐅᔪᓐᓇᖅᑐᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca