ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐳᐃᔾᔪᕋᕐᕕᒃ ᒪᑐᐃᓛᓯᔪᖅ ᔮᓐᓄᐊᕆ 26
ᔮᓐᓄᐊᕆ 10, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᒋᓪᓗᒍ ᑐᓴᖅᑎᑦᓯᔪᑦ ᒪᑐᐃᓛᓕᕐᓂᖓᓂᑦ ᐳᐃᔾᔪᕋᕐᕕᐅᑉ:
ᐅᓪᓗᕐᓯᐅᑦ: ᔮᓐᓄᐊᕆ 26, 2017
ᓯᕿᖕᖑᔭᖅ: ᐅᓪᓗᒃᑯᑦ ᖁᓛᓂ 12-ᒥ
ᓇᒥ: ᒪᔪᕋᐅᑎᖏᓐᓂ ᐳᐃᔾᔪᕋᕐᕕᐅᑉ
ᖃᓄᐃᓕᐅᕈᑎᐅᓛᖅᑐᖅ:
 ᐊᒥᓲᖕᖏᑦᑐᑦ ᐅᖃᓕᒪᓛᖅᑐᑦ ᐹᖓᑕ ᓯᓚᑖᓂ ᒪᑐᐃᖅᑕᐅᓂᖓ ᐱᓪᓗᒍ
 ᒪᐃᔭ ᐊᒻᒪ ᑲᑎᒪᔨᐅᔪᑦ ᒪᑐᐃᕐᓯᓛᖅᑐᑦ ᐳᐃᔾᔪᕋᕐᕕᒻᒥᑦ ᑭᐱᓯᔪᖃᕐᓗᓂ ᐊᑦᑐᓈᔭᒥᑦ
 ᒪᑐᐃᖅᑕᐅᓕᕐᓗᓂ ᑭᒃᑯᑐᐃᓐᓇᕐᓄᑦ ᐃᓯᕋᓚᑕᐅᓕᕐᓗᓂ ᕿᒥᕐᕈᐊᕈᒪᔪᓄᑦ ᐃᓗᐊᓂᑦ
 ᑲᐃᖃᓛᖅᑐᖅ ᐊᒻᒪ ᑳᐱᖃᕐᓗᑎᓪᓗ
ᐃᓯᕈᑎᖃᕆᐊᑐᓛᖕᖏᑦᑐᖅ ᐅᓪᓘᓐᓄᑦ ᒪᕐᕉᓐᓄᑦ ᒪᑐᐃᕋᑖᕐᓂᖓᓂ, ᑎᓴᒻᒥᕐᒥ ᐊᒻᒪ ᑕᓪᓕᒥᕐᒥ, ᔮᓐᓄᐊᕆ 26 ᐊᒻᒪ 27.

ᐱᕙᓪᓕᐊᔪᑦ
ᐱᒋᐊᖅᑎᑕᐅᔪᑦ ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓄᑦ ᒪᓕᒐᕋᓛᖅ
ᑏᓰᐱᕆ 23, 2016 (ᐃᖃᓗᐃᑦ, ᓄᓇᕗᑦ) - ᒪᓕᑦᑐᒋᑦ ᐅᖃᐅᓯᐅᓚᐅᖅᑐᑦ ᐋᑦᑑᐸ 25-ᒥ ᑲᑎᒪᔩᑦ ᑲᑎᒪᑎᓪᓗᒋᑦ, ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓂᑦ ᒪᓕᒐᕋᓛᖅ 813 ᐊᑐᓕᖅᑎᑕᐅᓛᖅᑐᖅ ᔮᓐᓄᐊᕆ 1, 2017.
“ᑲᑎᕐᓱᑕᐅᓪᓗᑎᒃ ᐊᐅᓚᑕᐅᓂᖏᑦ ᖃᓄᖅ ᐊᑭᓕᕆᐊᓖᑦ ᐊᑕᐅᑦᓯᒥ ᒪᓕᒐᕋᓛᕐᒥ, ᐊᒥᓱᐊᓗᓐᓃᓚᐅᕋᓗᐊᕐᒪᑕ ᒪᓕᒐᕋᓛᕐᓂ ᐊᒡᒍᕐᓯᒪᓪᓗᑎᒃ ᐱᓕᕆᔾᔪᑎᐅᕙᑦᑐᑦ, ᓄᓇᓕᐸᐅᔭᒃᑯᑦ ᐱᓕᕆᑦᓯᐊᓂᕐᓴᐅᔪᓐᓇᕐᓂᐊᓕᖅᑐᑦ ᐊᑲᐅᓂᕐᓴᒃᑯᑦ ᐱᕙᓪᓕᐅᑎᓂᕐᓴᒃᑯᓪᓗ ᐊᐅᓚᑦᓯᓗᑎᒃ ᐊᑭᓕᖅᑕᐅᒋᐊᖃᖅᐸᑦᑐᓂᑦ ᐱᔨᑦᓯᕋᕈᑎᓄᑦ,” ᐅᖃᖅᑐᖅ ᒪᐃᔭᐅᑉ ᑐᓪᓕᐊ ᕉᒪᐃᓐ ᓯᑏᕙᓐᓴᓐ.
ᐊᒻᒪᑦᑕᐅᖅ ᑲᑎᕐᓱᓂᕐᒧᑦ ᐃᓚᒋᔭᐅᔪᑦ, ᐱᔨᑦᓯᕋᕈᑎᓄᑦ ᐊᑭᓕᕆᐊᓖᑦ 2017-ᒥ ᐋᖅᑭᒋᐊᓛᖅᑐᑦ, ᐊᒻᒪ ᐃᓚᖏᑦ ᐊᑐᓕᖅᑎᑕᐅᒋᐊᓕᑕᐃᓐᓇᕐᓗᑎᒃ, ᒫᓐᓇᓂᓴᕐᓄᑦ ᐊᑭᓕᐅᑎᓂᑦ ᓄᐊᑦᓯᔾᔪᑎᓄᑦ ᑐᕌᖓᑎᑕᐅᒋᐊᕐᓗᑎᒃ.

ᑭᒃᑯᑐᐃᓐᓇᕐᓄᑦ ᑐᓴᒐᒃᒃᓴᖅ

ᐊᐱᖅᓲᑎ ᐱᓕᕆᐊᓄᑦ ᓄᑖᒥ ᐳᐃᔾᔪᕋᕐᕕᒻᒥ

ᑎᓯᐱᕆ 20, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᕈᒪᕗᑦ ᐃᓪᓕᓐᓂᒃ. ᐱᓇᓱᐊᕈᒪᓪᓗᑎᒃ ᐅᖃᐅᓯᒃᓴᓂᒃ ᐊᒻᒪᓗ ᖃᓄ ᐃᓱᒪᒻᒪᖔᑉᐱᑦ ᖃᓄᐃᑦᑐᓂᒃ ᐱᓕᕆᐊᑦᓴᓂᒃ ᑕᑯᒍᒪᒻᒪᖔᐱᑦ ᓄᑖᒥ ᐳᐃᔾᔪᕋᕐᕕᒻᒥ, ᓄᓇᓕᐸᐅᔭᒃᑯᑦ ᑭᒃᑯᓕᒫᕐᑎᑦᓯᖃᑕᓚᖓᒻᒪᑕ ᐸᕐᓇᑎᓪᓗᒋᑦ ᒪᑐᐃᕐᑕᐅᓂᕆᓛᖅᑕᖓ ᓄᑖᖅ ᐳᐃᔾᔪᕋᕕᒃ ᔭᓐᓄᐊᕆᒥ 2017. ᓄᓇᓕᒻᒥᐅᑕᐃᑦ ᑲᖐᓵᖅᑕᐅᕗᑦ ᑭᐅᖃᑦᑕᕐᓗᑎᒃ ᐊᐱᖅᑯᑎᓂᒃ ᐅᐸᒍᑎᓗᑎ ᓇᓕᐊᓄᑐᐃᓐᓇᖅ ᐅᑯᓇᓂ:

ᓂᐅᕕᕐᒥᒻᒥ – ᐊᐃᑉ[ᐃᖅ, ᑎᓯᐱᕆ 20, 5-ᒥᑦ- 6-ᒧᑦ

ᓄᑖᒥ ᐱᙳᐊᕐᕕᒻᒥ (ᖃᑕᙳᑎᒌᑦ ᐊᓐᓂᒃᑭᑦᑐᕐᑐᑦ) – ᐱᖓᑦᓯᖅ, ᑎᓯᐱᕆ 21, 4-ᒥᑦ-5ᒧᑦ

ᐅᕕᒃᑲᓄᑦ ᐅᐸᕝᕕᒃ – ᐱᖓᑦᓯᖅ, ᑎᓯᐱᕆ 21, 5ᒥᑦ-6-ᒧᑦ

ᐃᓐᓇᑐᖃᒃᑯᕕᒃ ᖃᒻᒪᖅ – ᐊᐃᐱᖅ ᑎᓯᐱᕆ 20 2-ᒥᑦ- 3-ᒧᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑕ ᐃᑲᕐᕋᑦᓴᖏᑦ/ᓄᓇᒃᑰᔫᒃᑯᑦ ᐱᔨᑦᓯᕋᖅᑏᓪᓗ ᕿᑲᑲᐃᓐᓇᕐᕕᒋᓂᐊᖅᑕᖏᑦ ᐅᓪᓗᐃᑦ
ᑏᓰᐱᕆ 19, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᐅᓪᓗᓂ ᕿᑲᕐᓇᐅᓂᐊᖅᑐᓂ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑏᓰᐱᕆ 26-ᒥ ᐊᒻᒪ 27-ᒥ, 2016, ᐊᒻᒪᑦᑕᐅᖅ ᔮᓐᓄᐊᕆ 2, 2017, ᐊᒻᒪ ᒪᑐᓴᕋᐃᓛᖅᑐᑎᒃ ᑏᓰᐱᕆ 23 ᐊᒻᒪ 30.
ᐅᑯᐊ ᐅᓪᓗᕐᓯᐅᑎᐅᓂᐊᖅᑐᑦ ᓄᓇᒃᑰᔫᓄᑦ ᐱᔨᑦᓯᕋᖅᑎᓄᑦ ᓴᓂᑦᑕᖅᑎᓄᑦ ᐊᒻᒪ ᐃᒥᖅᑕᖅᑎᓄᑦ ᐅᓪᓗᓂ ᖁᕕᐊᓱᕝᕕᐅᑉ ᑕᖅᑭᖓᓂ:
ᑏᓰᐱᕆ 24: ᐱᔨᑦᓯᕋᕐᓂᐊᖅᑐᑦ, ᐃᖅᑲᓇᐃᔭᕆᐊᕐᓗᑎᒃ ᐅᓪᓛᕈᓗᒃᑯᑦ
ᑏᓰᐱᕆ 25: ᐃᖅᑲᓇᐃᔭᔾᔮᖏᑦᑐᑦ
ᑏᓰᐱᕆ 26: ᐱᔨᑦᓯᕋᕐᓂᐊᖅᑐᑦ ᐱᐅᓯᕐᒥᓂᑦ ᐊᑐᕐᓗᑎᒃ
ᑏᓰᐱᕆ 27: ᐃᖅᑲᓇᐃᔭᔾᔮᖏᑦᑐᑦ
ᔮᓐᓄᐊᕆ 1, 2017: ᐃᖅᑲᓇᐃᔭᔾᔮᖏᑦᑐᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᐃᑎᑦᓯᔾᔪᑎ: ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᓄᑦ ᓄᖅᑲᑕᕐᕕᖏᑦ ᐊᑐᐃᓐᓇᐅᑎᑕᐅᔪᑦ ᑕᐃᒃᑯᓄᖓ ᑎᒥᒃᑯᑦ ᐊᔪᕈᑎᓕᓐᓄᑦ
ᑏᓰᐱᕆ 8, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖃᓗᒻᒥᐅᑕᓂᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᖅᑲᖓᖃᑦᑕᖁᔭᐅᖕᖏᒻᒪᑕ ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᖏᑕ ᓄᖅᑲᖓᕕᖏᓐᓂ. ᑕᒪᒃᑯᐊ ᓴᓂᕐᕙᑦᑕᐅᓯᒪᒻᒪᑕ ᐃᑲᔫᑎᐅᔪᒪᓪᓗᑎᒃ ᑕᐃᒃᑯᓂᖓ ᑎᒥᒃᑯᑦ ᐊᔪᕈᑎᓕᓐᓂᑦ, ᑎᑎᕋᕐᓯᒪᔪᖅᑕᖃᕐᒥᔪᑦ ᐊᒻᒪ ᒪᓕᒐᑎᒍᑦ ᓴᖅᑭᕐᓯᒪᔪᒥᑦ ᐱᑕᖃᖅᑎᑕᐅᓗᑎᒃ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᑕᒪᒃᑯᓇᓂ ᓄᖅᑲᖓᕕᓐᓂ ᓄᖅᑲᖓᒍᓐᓇᕈᑎᒋᕙᑦᑕᖏᑦ.
ᐱᑖᕈᒪᔪᑦ ᒪᓕᒐᑎᒍᑦ ᐱᔭᐅᓯᒪᔪᒥᑦ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᐃᖃᓗᒻᒥᐅᑕᐃᑦ ᖃᐅᔨᒋᐊᕆᐊᓖᑦ ᓄᓇᕘᑦ ᒐᕙᒪᒃᑯᖏᑕ ᐃᖏᕐᕋᔪᓕᕆᔨᒃᑯᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᒃᑯᑦ ᐃᖏᕐᕋᔪᑦ ᐅᑕᖅᑭᑎᑕᐅᖃᑦᑕᓛᑐᐃᓐᓇᕆᐊᓖᑦ ᐱᔾᔪᑎᐅᓗᓂ ᓵᓂᑲᓛᓯ ᐊᑐᕆᐊᑰᖃᑕᐅᓂᖓ ᒪᓕᑦᑐᒌᑦᑐᓄᑦ ᓈᑦᓯᐅᖑᔭᓛᕐᓂᐊᒥ ᑏᓰᐱᕆ 10
ᑏᓰᐱᕆ 9, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᐊᑐᕆᐊᒃᑯᑦ ᐃᖏᕐᕋᔭᓛᖅᑐᑦ ᐅᑕᖅᑭᑎᑕᐅᖃᑦᑕᓛᖅᐸᓪᓚᐃᒻᒪᑕ ᐃᓚᖏᑦ ᐊᑐᕆᐊᑦ ᒪᑐᓯᒪᔭᐅᑲᐃᓐᓇᖃᑦᑕᓛᕐᒪᑕ ᓵᓂᑲᓛᓯ ᐊᑐᕆᐊᒃᑰᖃᑕᐅᓕᖅᐸᑦ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 10, 2016.
ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᖃᖅᑲᓕᐊᕆᐊᑉ ᒥᑦᓵᓄᑦ ᐃᖏᕐᕋᓗᑎᒃ, ᓴᖑᓕᕐᓗᑎᒃ ᑕᓕᖅᐱᒻᒧᑦ, ᐊᒻᒪ ᓄᖅᑲᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓄᑦ, ᑕᐃᑲᓃᓛᖅᑐᖅ ᓵᓂᑲᓛᓯ ᒪᒃᑯᑦᑐᒃᑯᕕᒻᒥ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᕼᐋᑦ ᓴᑲᓚᑦᑐᖅᑎᑕᐅᓛᕐᒥᔪᑦ ᐱᔪᒪᓂᖏᑦ.

ᐃᓄᖕᓄᑦ ᑐᓴᕋᑦᓴᖅ
ᓵᓂᑲᓛᓯ ᐱᑖᖅᑎᑦᓯᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖅᑐᖅ ᒪᓕᑦᑎᒌᓪᓗᑎᒃ, ᓈᑦᓯᐅᖑᔭᓛᕐᓂᐊᖑᓕᖅᐸᑦ ᑏᓰᐱᕆ 10
ᑏᓰᐱᕆ 1, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᓱᓕᕆᕗᑦ ᑐᖕᖓᓱᑦᑎᑦᓯᓛᕐᓂᕐᒥᓂᒃ ᐃᖃᓗᓐᓂᒥᐅᑕᓂᑦ ᐊᕐᕌᒍᑦᑎᓐᓂ ᐱᑖᖅᑎᑦᓯᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖁᓪᓗᒍ, ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 10. ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᐊᒻᒪ ᓄᖅᑲᕐᓗᑎᒃ ᓴᓂᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ, ᑕᐃᑲᓃᓛᖅᑐᖅ ᐱᑖᖅᑎᑦᓯᔨ ᒪᒃᑯᑦᑐᒃᑯᕕᐅᓂᖓᓂ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᐆᓇᖅᑐᒥᑦ ᑯᑯᒥᑦ ᓂᐅᖅᑲᖃᓛᖅᑐᖅ.