ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐊᑦᓴᓗᐊᒥᓂᕐᓂᒃ ᐊᒻᒪ ᐹᑕᓖᒥᓂᕐᓂᒃ ᐃᒋᑦᓯᓂᖅ ᐊᑦᓯᕕᒻᒧᑦ
ᐋᒐᓯ 31, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᓕᕆᔾᔪᑎᒥᑦ ᐃᒋᑕᐅᖃᑦᑕᕐᓂᖏᓐᓄᑦ ᐊᑦᓴᓗᐊᒥᓃᑦ ᐊᒻᒪ ᐹᑕᓖᒥᓃᑦ ᐊᑦᓯᕕᒻᒧᑦ ᐱᒋᐊᖅᑎᑦᓯᑲᓐᓂᓕᕐᒥᒻᒪᑕ.
ᐱᒋᐊᕐᓗᑎᒃ ᓰᑏᐱᕆ 1, 2018, ᓄᓇᓕᕐᓂᒥᐅᑕᐃᑦ ᓄᓇᒃᑰᔫᒥᓂᕐᒥᒃ ᐃᒋᑦᓯᔪᒪᓂᐊᖅᑐᑦ ᐴᕐᒥᑦᑖᖃᑦᑕᕆᐊᖃᕐᓂᐊᓕᕐᒥᒻᒪᑕ ᓯᑎᒃᑯᑦ ᐊᓪᓚᕝᕕᖏᓐᓂᑦ, ᐊᒻᒪᑦᑕᐅᖅ ᐊᑭᓖᓗᑎᒃ ᐊᑭᓕᕆᐊᓕᓐᓂᑦ ᐃᒋᑦᓯᔾᔪᑎᑦᓴᓂᑦ, ᐊᑦᓯᕕᒻᒨᓚᐅᖏᓂᕐᒥᓂ ᐃᒋᑦᓯᒋᐊᖅᑐᕐᓗᓂ ᐊᑦᓴᓗᐊᒥᓃᑦ ᐊᒻᒪ ᐹᑕᓖᒥᓃᑦ. ᐊᑭᓕᕆᐊᓖᑦ ᒪᓕᖃᑦᑕᓂᐊᖅᑐᑦ ᖃᑦᓯᐅᓂᖏᓐᓄᑦ ᐊᒻᒪ ᖃᓄᐃᑦᑑᓂᖏᓐᓄᑦ ᐃᒋᑕᐅᓂᐊᖅᑐᑦ. ᐊᑦᓯᕕᒻᒥ ᐃᖅᑲᓇᐃᔭᖅᑏᑦ ᐴᕐᒥᑦᒥᑦ ᑕᑯᖄᖃᑦᑕᕆᐊᖃᕐᓂᐊᖅᑐᑦ ᐃᒋᑦᓯᒋᐊᖅᑐᖅᑐᑦ ᐊᑦᓯᕕᐅᑉ ᐃᓗᐊᓘᓚᐅᖏᓐᓂᖏᓐᓂ.

ᑐᓴᕋᑦᓴᑦ: ᐃᒥᖃᖕᖏᑲᐃᓐᓇᕆᐊᑐᔾᔮᖏᑦᑐᑦ ᐱᖓᑦᓯᕐᒥ ᓱᓪᓗᓕᓐᓂᑦ ᐱᐅᓯᑎᑦᓯᒋᐊᕐᓂᖅ ᐱᓪᓗᒍ
ᐋᒐᓯ 29, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᒥᖃᖕᖏᑎᑕᐅᑲᐃᓐᓇᕐᓂᐊᓚᐅᖅᑐᑦ ᓄᐊᕐᒫᑦ ᓂᐅᕕᕐᕕᒻᒥᒃ, ᓇᑲᓱᒃ ᐃᓕᓐᓂᐊᕐᕕᒻᒥᑦ ᐊᒻᒪ ᐃᓪᓗᒥᑦ 692 ᐊᑐᖅᑕᐅᔾᔮᔪᓐᓃᕐᒪᑦ.
ᐃᖅᑲᓇᐃᔭᖅᑏᑦ ᐱᔭᕇᕈᓐᓇᕐᓯᔪᕕᓃᑦ ᓴᓇᔭᒥᓂᒃ ᐃᒥᖃᐃᓐᓇᑎᑦᓯᓪᓗᑎᒃ ᑕᒪᒃᑯᓂᖓ ᐃᓪᓗᓃᑦᑐᓂᑦ. ᓴᓇᔭᐅᒋᐊᓖᑦ ᐱᔭᕇᕐᓯᒪᓕᕐᒪᑕ ᖃᓄᐃᓕᐅᒃᑲᓐᓂᔾᔮᔪᓐᓃᖅᑐᑦ.
ᓯᑎᒃᑯᑦ ᖁᔭᓐᓇᒦᕐᑐᑦ ᓄᓇᓕᕐᓂᒥᐅᑕᓂᑦ ᑐᑭᓯᑦᓯᐊᓂᕐᓯᓐᓂᑦ ᑕᒪᓐᓇ ᐱᓪᓗᒍ.
 

ᑐᓴᕋᑦᓴᐅᓚᐅᖅᑑᑉ ᐃᓚᖓ: ᖃᑦᓰᓐᓇᕈᕆᐊᖅᑕᑦ ᐃᑲᕐᕋᖏᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᐅᑉ ᐃᒥᖃᐅᑎᓄᑦ ᓱᓪᓗᓕᓐᓄᑦ ᐅᐃᒍᔭᐅᕕᐅᓂᐊᖅᑐᑦ
ᐋᒐᓯ 28, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᑐᕌᕈᑎᓕᓐᓂᑦ ᐅᑯᓂᖓ ᑎᑎᕋᖅᑕᐅᔪᓂ ᖃᓄᑎᒋ ᐃᒥᖃᖕᖏᑲᐃᓐᓇᕐᓂᐊᓚᐅᖅᑕᖏᑦ ᖃᑦᓰᓐᓇᕈᕆᐊᖅᑕᐅᓯᒪᒻᒪᑕ ᐃᑲᕐᕋᓄᑦ 12-ᓄᑦ, ᐊᒻᒪ ᐊᑐᖅᑕᐅᓂᐊᓕᕐᒪᑦ ᐅᓐᓄᒃ, ᐱᒋᐊᕐᓗᑎᒃ 7-ᒨᖅᐸᑦ ᓇᒡᒋᔾᔭᐅᓕᖅᑭᕐᒥ, ᐋᒐᓯ 28, ᑎᑭᓪᓗᒍ 7-ᒧᑦ ᐅᓪᓛᒃᑯᑦ, ᐱᖓᑦᓯᕐᒧᑦ, ᐋᒐᓯ 29, 2018.
ᐃᓪᓗᐃᑦ ᐊᑦᑐᖅᑕᐅᓯᒪᓂᐊᖅᑐᑦ ᐅᑯᐊ ᓈᓴᐅᑎᓖᑦ 2200-ᓂᑦ, 2400-ᓂᑦ (ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᑦ ᐊᑦᑐᖅᑕᐅᔾᔮᖏᑦᑐᑦ), 2600-ᓂᑦ, 2700-ᓂᑦ, 4000-ᓂᑦ, 4100-ᓂᑦ, 400-ᓂᑦ, 500-ᓂᑦ, ᐊᒻᒪ 1600-ᓂᑦ.

Tᐃᑲᔫᑎᑦᓴᑦ ᐅᐸᓗᖓᐃᔭᐃᓂᐊᕐᓗᓂ ᐃᒥᖃᖏᑲᐃᓐᓇᑎᓪᓗᒋᑦ
 ᐃᒥᖃᕈᓐᓃᓚᐅᖏᓐᓂᖏᓐᓂ, ᐃᒥᕐᒥᒃ ᑕᑕᑉᐸᓪᓗᒋᑦ ᐃᒥᒃᑯᕕᑦᓴᐃᑦ ᐊᒻᒪ ᓴᓂᕐᕙᑦᑕᐅᕙᓪᓗᑎᒃ ᓂᓪᓕᓇᖅᑐᒥ ᖃᐅᒪᓗᐊᖏᑦᑐᒥ.
 ᐅᕕᓂᓐᓂᐊᕐᕕᒃ ᐃᒻᒪᓪᓗᒍ ᐊᑐᖅᑕᐅᔪᓐᓇᖅᑐᒥᑦ ᐊᑐᕆᐊᖃᕐᓂᖅᐸᑦ.
ᖁᕝᕕᒻᒧᑦ ᐊᑐᖅᑕᐅᔪᓐᓇᕋᔭᕐᒪᑦ ᑯᕕᑎᒋᐊᖃᓕᕐᓂᖅᐸᑦ ᖁᕝᕕᒃ.
 ᖁᐱᕐᕈᕋᓛᓂᑦ ᑐᖁᑦᓯᔪᑎᒥᑦ ᐊᒡᒐᓯᐅᒻᒥᑦ ᐊᑐᐃᓐᓇᖃᖅᐸᓪᓗᓯ ᐊᐞᒐᓐᓂᑦ ᐅᐊᓴᐅᑎᑦᓴᒥᑦ.
ᐃᒥᖃᖅᑎᑕᐅᓕᖅᑎᓪᓗᒋᑦ
 ᐃᒥᖃᖕᖏᑎᑕᐅᔪᖃᖅᑎᓪᓗᒍ, ᓱᓪᓗᓖᑦ ᐃᖅᑲᖏᓐᓄᑦ ᓄᐊᓐᓂᐅᓴᑐᐃᓐᓇᕐᒪᑕ ᓴᓃᑦ, ᐃᒥᖅ ᐃᓱᓕᖅᐸᑦᑐᖅ ᑕᐃᒫᒃ ᓱᓪᓗᓕᒃᑰᖅᑎᑕᐅᓕᕋᐃᒻᒪᑦ.
 ᓂᓪᓕᓇᖅᑐᒥᑦ ᑯᕝᕕᕕᒃ ᑯᕕᑎᑕᐅᓐᓇᖁᔪᖅ ᐃᒥᖅ ᐃᓱᕈᓐᓃᕋᓱᓐᓂᖓᓄᑦ ᐊᓯᖏᓐᓂᑦ ᐃᒥᖅᑐᖅᑐᓂᑦ ᓱᓇᑐᐃᓐᓇᕐᓂᑦ ᐊᐅᓚᔾᔭᐃᔪᖃᖕᖏᓐᓂᖓᓄᑦ. (ᐃᒥᖅ ᖃᐅᔨᓴᖅᑕᐅᖅᑳᐸᑦᑐᖅ ᐊᑐᕋᑦᓴᐅᑦᓯᐊᓕᕋᓗᐊᕐᒪᖔᖅ ᐊᑐᐊᒐᑎᒍᑦ).

ᐃᒥᖃᖕᖏᑎᑕᐅᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᖅᑐᑦ ᐃᖃᓗᐃᑦ ᓄᓇᓕᖓᑕ ᐊᕝᕙᖓ
ᐋᒐᓯ 24, 2018 (ᐃᖃᓗᐃᑦ, ᓄᓇᕗᑦ) - ᐃᓚᒋᔭᐅᓗᓂ ᓯᑎᒃᑯᑦ ᒪᑭᒪᔾᔪᑎᖏᓐᓂᑦ ᐱᓕᕆᔾᔪᑎᓂᑦ ᓴᓇᓂᕐᒥᑦ ᐸᕐᓇᐅᑎᒧᑦ, ᐃᒥᖃᖕᖏᑲᐃᓐᓇᖅᑎᑕᐅᓂᐅᓴᔪᑦ, ᐊᒻᒪᑦᑕᐅᖅ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᓂᐊᖅᑐᑦ ᐅᑯᐊ ᐊᕙᑎᓄᑦ:
ᐅᕙᓂ uᓇᒡᒋᔾᔭᐅᓕᖅᑭᐅᓕᖅᐸᑦ, ᐋᒐᓯ 28, ᐅᑯᓇᓂ ᐃᓪᓗᓖᑦ ᐊᑦᑐᖅᑕᐅᓯᒪᓂᐊᖅᑐᑦ:
1) ᓈᓴᐅᑎᓖᑦ 100-ᓂᑦ, 200-ᓂᑦ ᐊᒻᒪ 300-ᓂᑦ, ᐃᒥᖃᖕᖏᑲᐃᓐᓇᓛᖅᑐᑦ ᐱᒋᐊᕐᓗᒋᑎᒃ ᐅᓪᓛᒃᑯᑦ 9-ᒨᖅᐸᑦ ᖁᓛᓅᕋᓱᓐᓂᖓᓄᑦ 12-ᒧᑦ. ᐊᒻᒪᑦᑕᐅᖅ, ᐅᓪᓘᓐᓄᑦ ᒪᕐᕉᓐᓄᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᑦ, ᖁᓛᓂᓂᑦ 12-ᒥ ᐱᒋᐊᕐᓗᑎᒃ ᓇᒡᒋᔾᔭᐅᓕᖅᑭᕐᒥ ᖁᓛᓄᓄᑦ 12-ᒨᖅᐸᑦ ᑎᓴᒻᒥᕐᒧᑦ.

ᑕᓪᓕᒥᕐᒥ ᐃᒥᖃᖕᖏᑲᐃᓐᓇᕐᓂᐅᓴᔪᑦ ᐅᓐᓄᓴᒃᑯᑦ 1-ᒥᓂᒃ 3-ᒨᕋᓱᓐᓂᖓᓄᑦ ᕼᐋᐱ ᕚᓕᒥᐅᑕᐃᑦ ᐃᓚᖏᑦ
ᐋᒐᓯ 23, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᓂᑦ ᑕᕝᕙᓂ ᑎᑎᖅᑕᐅᓯᒪᔪᓂ ᐃᒥᖃᖕᖏᑲᐃᓐᓇᓛᕐᒪᑕ ᑕᓪᓕᕐᒥᐅᓕᖅᐸᑦ, ᐋᒐᓯ 24, ᐅᓐᓄᓴᒃᑯᑦ 1-ᒥᓂᒃ 3-ᒨᕋᓱᓐᓂᐊᓄᑦ, ᓴᓇᔪᖃᑲᐃᓐᓇᕆᐊᖃᕐᒪᑦ ᐃᓚᖓᓂᑦ ᐱᓕᕆᔾᔪᑎᐅᑉ ᐊᖏᔪᐊᓘᖏᑦᑑᒐᓗᐊᒥᑦ.
ᐅᑯᐊ ᐃᒥᖃᖕᖏᑲᐃᓐᓇᓂᐊᖅᑐᑦ: 1600,1603,1605,1607,1609,1610,1611,1613, 1615,1617,1619,1620,1621,1623,1625,1627,1630,1640,1650 ᐊᒻᒪ 413.
ᓯᑎᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᐳᑦ ᑐᑭᓯᑦᓯᐊᓂᕐᓯᓐᓂᑦ.
 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 

ᑕᓪᓕᒥᕐᒥ ᐸᐅᓐᓇ ᐊᑐᕆᐊᖅ ᒪᑐᓯᒪᑲᐃᓐᓇᓂᐊᖅᑐᖅ

ᐋᒐᓯ 23, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓚᖓ ᐸᐅᓐᓇ ᐊᑐᕆᐊᑉ ᒪᑐᓯᒪᑲᐃᓐᓇᓂᐊᕐᒪᑦ ᓴᓇᔭᐅᑲᐃᓐᓇᕐᓗᓂ ᐅᓪᓗᓕᒫᖅ ᒪᑐᔭᐅᓗᓂ ᐅᓪᓛᒃᑯᑦ 6-ᒥ ᒪᑐᐃᕐᓗᓂ ᐅᓐᓄᓕᖅᐸᑦ 6-ᒥ, ᑕᓪᓕᕐᒥᐅᓕᖅᐸᑦ, ᐋᒐᓯ 24.

ᓴᓇᔨᓄᑦ ᐃᖅᑲᓇᐃᔭᖅᑏᑦ ᓄᓇᒃᑰᔫᖅᑐᓂᑦ ᐃᑲᔪᓛᕐᒥᔪᑦ ᓇᐅᒃᑰᕆᐊᖃᕐᒪᖔᑕ.

ᓯᑎᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᐳᑦ ᑐᑭᓯᑦᓯᐊᓂᕐᓯᓐᓂᑦ.

-30-

ᐃᖅᑲᐃᑎᑦᑎᔾᔪᑎ: ᓇᓴᖅᓯᒪᔭᕆᐊᓖᑦ/ᓇᓪᓕᐅᒃᑯᒫᖃᕆᐊᓖᑦ/ᒪᐃᓴᖃᕆᐊᓖᑦ ᑕᒪᕐᒥᑦᑎᐊᖅ ᐃᖏᕐᕋᔪᓐᓇᐅᑎᑦ ᓄᓇᒃᑯᑦ (ᑎᓴᒪᓖᑦ)
ᔪᓚᐃ 19, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᕗᑦ ᓄᓇᖃᑦᑎᐅᔪᓂᒃ ᓇᓪᓕᐅᒃᑯᒫᑦᑖᖅᓯᒪᓗᑎᒃ ᐊᒻᒪᓗᒃᑕᐅᖅ ᓚᐃᓴᑖᖅᓯᒪᓗᑎᒃ ᐱᓕᕆᕝᕕᐊᓂᒃ ᓄᓇᓯᐅᑎᓄᑦ ᑭᓇᑐᐃᓐᓇᑦᑎᐊᖅ ᐊᑐᕐᓂᐊᕐᕈᓂ ᐊᖅᑯᑎᓯᐅᑕᐅᖏᑦᑐᑦ ᐃᖏᕐᕋᔾᔪᑎᓂᒃ (ᑎᓴᒪᓕᓐᓂᒃ), ᐱᖃᓯᐅᑎᒻᒥᔪᑦᑕᐅᖅ ᒪᕐᕉᓐᓂᒃ ᐊᒃᓴᓗᐊᓖᑦ ᐃᖏᕐᔪᔾᑎᑦ. ᒪᓕᓪᓗᒍ ᑖᓐᓇ ᐊᖅᑯᑎᓯᐅᑕᐅᖏᑐᓄᑦ ᑐᕌᖓᔪᑦ ᒪᓕᒐᕋᓛᖅ ᓇᒻᒪ 557, ᖄᖓᒍᑦ ᐊᑭᓕᐅᑎᒋᔭᕆᐊᓕᖓᑕ ᑎᑭᐅᒪᔪᖅ $200−ᒧᑦ, ᐊᖁᑎᐅᔪᑦ ᐊᖅᓵᖅᑕᐅᔪᓐᓇᕐᒥᔪᑦ ᐃᖏᕐᕋᔾᔪᑎᒥᓂᒃ ᓄᖅᑲᑦᑎᑕᐅᒍᓂ ᐊᒻᒪᓗ ᓇᓪᓕᐅᒃᑯᒫᖃᖏᒃᑯᓂ. ᐊᖅᓵᖅᑕᐅᔪᖃᕈᓂ ᐃᖏᕐᕋᔾᔪᑎᒥᒃ, ᓇᒻᒥᓂᖃᑦᑎᐅᔪᑦ ᐊᑭᓖᒋᐊᖃᓕᕋᔭᖅᑐᖅ ᐱᓯᒪᔭᐅᓂᖏᓐᓄᑦ ᐊᑭᓖᔾᔪᑎᓂᒃ.

ᐊᕐᕌᒍᑕᒫᑦ ᐴᔾᔪᕋᕐᕕᒃ ᓴᓇᔭᐅᒋᐊᖃᖃᑦᑕᕐᓂᖓ: ᔪᓚᐃ 30- ᐋᒡᒌᔅᓯ 12
ᔪᓚᐃ 16, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᖃᐅᔨᒃᑲᐃᒍᒪᕗᑦ ᐃᖃᓗᒻᒥᐅᓂᑦ ᐴᔾᔪᕋᕐᕕᒃ ᒪᑐᓯᒪᓛᕐᓂᖓᓐᓂ ᐊᕐᕌᒍᑕᒫᑦ ᓴᓇᔭᐅᒋᐊᖃᖃᑦᑕᕐᓂᖓᓂ ᓇᒡᒐᔾᔭᐅᒥ, ᔪᓚᐃ 30−ᒥ, ᑎᑭᓪᓗᒍ ᓈᑦᑎᐅᖑᔭᖅ, ᐋᒡᒌᔅᓯ 12−ᒥ, ᒪᑐᐃᒃᑲᓐᓂᓛᖅᑐᖅ ᓇᒡᒐᔾᔭᐅᒥ ᐋᒡᒌᔅᓯ 13−ᒥ, 2018.
ᒪᑐᓯᒪᖃᑦᑕᕆᐊᖃᕐᖓᑦ ᐊᑕᐅᓯᐊᖅ ᐊᕐᕌᒎᑉ ᐃᓗᐊᓂ ᖃᐅᔨᓴᖅᑕᐅᖃᑦᑕᕆᐊᖃᕐᓂᖓᓐᓄᑦ ᑭᓯᐊᓂ ᑕᐃᒪᐃᒍᓐᓇᕐᖓᑕ ᒪᑐᓯᒪᓗᓂ ᐴᔾᔪᕋᕐᕕᒃ.
ᓴᓇᔭᐅᒋᐊᖃᖃᑦᑕᕐᓂᖏᑦ ᐃᑲᔪᕐᓂᖃᖃᑦᑕᖅᑐᑦ ᐊᑯᓂᐅᓂᖅᓴᖅ ᐱᒋᔭᐅᒐᔭᕐᓂᖓᓐᓂ, ᐊᒻᒪᓗ ᓱᕋᑦᑐᖃᑲᓪᓚᓐᖏᓐᓂᖅᓴᐅᒍᓐᓇᕐᖓᓪᓗ. ᓯᑎᒃᑯᓪᓗ ᒪᓕᒋᐊᖃᕐᓂᖏᓐᓂ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᓐᖏᓐᓂᖏᓐᓄᑦ ᒪᓕᒐᕐᓂᑦ ᐱᔨᑦᑎᕋᐅᑎᖏᓐᓂᓪᓗ.
ᓯᑎᒃᑯᑦ ᖁᔭᓐᓇᒦᖅᑯᑦ ᐃᓱᔪᖅᑐᐃᓂᕐᓄᑦ ᑐᑭᓯᓂᕐᓄᓪᓗ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᖃᓗᒻᒥᐅᑕᓂᑦ ᐊᖏᔫᑎᓂᑦ ᓄᐊᑦᑎᑎᓪᓗᒋᑦ
ᐃᖅᑲᐃᑎᑦᑎᔾᔪᑎ ᐱᔭᐅᖏᑦᑐᑦ ᐊᔅᓯᕕᒻᒨᕈᔾᔭᐅᓗᑎ
ᔪᓚᐃ 13, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᖓᑦ ᐃᖃᓗᐃᑦ ᖁᔭᓐᓇᒦᖅᑕᐃᓐᓇᕆᔪᒪᔭᖏᑦ ᐃᖃᓗᒻᒥᐅᑕᐃᑦ ᐊᖏᔫᑎᓂᑦ ᓄᐊᑦᑎᖃᑕᐅᕋᑖᓚᐅᖅᑐᑦ. ᑖᓐᓇ ᓄᐊᑦᑎᓂᐅᔪᖅ ᑲᔪᓯᓂᖃᑦᑎᐊᓚᐅᖅᑐᖅ ᓴᓂᐅᓗᐊᕈᓐᓃᑎᑦᑎᓪᓗᓂ, ᓴᓗᒫᑏᓐᓇᓂᐊᕐᓗᒍ ᓄᓇᓕᐸᐅᔭᕗᑦ.
ᐃᖅᑲᐃᑎᑦᑎᔾᔪᑎᐅᓪᓗᓂ, ᑭᓱᑐᐃᓐᓇᐃᑦ ᐱᖃᓯᐅᔾᔭᐅᓚᐅᖏᑦᑐᑦ ᐊᖏᔫᑏᑦ ᓄᐊᑕᐅᑎᓪᓗᒋᑦ (ᓲᕐᓗ, ᑭᓕᒋᔪᓐᓇᖅᑕᖏᑦ ᐃᓪᓗᒧᑦ ᐊᑕᐅᓯᕐᒧᑦ ᑎᑭᑕᐅᑎᓪᓗᒋᑦ, ᐅᕝᕙᓘᓐᓃᑦ ᐱᖃᓯᐅᔾᔭᐅᓚᐅᖏᑦᑐᑦ ᐊᖏᔫᑎᓂᑦ), ᓄᓇᓕᐸᐅᔭᒃᑯᑦ ᐊᔅᓯᕕᖓᓅᕈᔾᔭᐅᔭᕆᐊᓖᑦ. ᑖᓐᓇ ᓄᓇᓕᒻᒥᐅᑕᓄᑦ ᐊᑭᖃᖏᑦᑐᖅ ᐊᔅᓯᕕᒻᒨᕈᔾᔨᓂᖅ.