ᖃᑦᑎᕆᔨᒃᑯ ᒪᑐᐃᖓᓛᖅᑐᑦ ᓯᕙᑖᕐᕕᒻᒥ ᐊᑦᑑᑉᐱᕆ 13−ᒥ

ᖃᑦᑎᕆᔨᒃᑯ ᒪᑐᐃᖓᓛᖅᑐᑦ ᓯᕙᑖᕐᕕᒻᒥ ᐊᑦᑑᑉᐱᕆ 13−ᒥ  

ᐊᑦᑑᑉᐱᕆ 9 2018 (ᐃᖃᓗᐃᑦ, ᓄᓇᕗᑦ) – ᐱᓇᓱᐊᕈᓯᕆᓛᕐᖓᒍ ᐃᑭᑦᑎᑦᑎᑦᑕᐃᓕᒪᓂᕐᒧᑦ, ᓯᑎᒃᑯᑦ ᑐᐊᕕᕐᓇᖅᑐᓕᕆᕕᖓᓐᓂ ᒪᑐᐃᖓᑎᑦᑎᓛᖅᑐᑦ ᓯᕙᑖᕐᕕᒻᒥ, ᐊᑦᑑᑉᐱᕆ 13, 4−ᒥᑦ ᐅᓐᓄᒃᑯᑦ 7−ᒧᑦ ᐅᓐᓄᒃᑯᑦ ᖃᑦᑎᕆᕕᒻᒥ, ᓯᑎᒃᑯᓐᓂ.

ᑭᒃᑯᑐᐃᓐᓇᐃᑦ ᕿᒥᕐᕈᐊᕆᐊᖅᑐᕈᓐᓇᖅᑐᖅ ᖃᑦᑎᕈᑎᖃᕐᕕᒻᒥ, ᓄᓇᓯᐅᑎᒥᑦ ᕿᒥᕐᕈᐊᕆᐊᖅᑐᕐᓗᑎᑦ, ᐆᑦᑐᕋᖅᑐᓂᑦ “ᐃᑯᐊᓚᔪᒥᑦ” ᐳᓛᕐᕕᒻᒥ ᐃᑭᑎᑦᑎᓗᑎᑦ, ᑕᑯᔅᓴᐅᑎᑦᑎᓛᖅᑐᑦ, ᐹᐱᑭᐅᓛᕐᒥᔪᑦ ᐃᒥᒐᔅᓴᖃᕐᓗᑎᑦ.

ᑕᕝᕙᓂ ᐊᕐᕌᒍᒥ ᐃᑭᑎᑦᑎᑦᑕᐃᓕᒪᓂᕐᒧᑦ “ᕿᒥᕐᕈᓗᑕ, ᓈᓚᓪᓗᑕ, ᐃᓕᓐᓂᐊᕐᓗᑎᓗ. ᐅᔾᔨᕈᓱᓪᓗᑕ. ᓇᒥᑐᐃᓐᓇᑦᑎᐊᖅ ᐃᑭᑦᑐᖃᓲᖑᒻᒪᑦ”. ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᖃᓄᐅᖁᔨᓐᖏᑦᑎᐊᖅᑯᑦ ᐱᒻᒪᕆᐅᔪᓂᑦ ᖃᐅᔨᓴᖃᑦᑕᕐᓗᑎᑦ: 1) ᑕᑯᓄᑎᑦ – ᐃᑭᕝᕕᐅᔪᓐᓇᖅᑐᓂᑦ; 2) ᓈᓚᓪᓗᑎᑦ – ᖁᖁᐊᕈᑎᓄᑦ ᐃᑭᑦᑐᖃᓕᕐᓂᖅᑲᑦ; ᐊᒻᒪᓗ 3) ᐃᓕᓐᓂᐊᕐᓗᑎᑦ – ᒪᕐᕉᓐᓂᒃ ᐊᓂᕕᖃᔅᓴᐃᓐᓇᕆᐊᓖᑦ.

-30-