ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓯᑎᒃᑯᑦ ᐱᑎᑦᓯᕗᑦ ᐊᖏᕈᑎᒥᑦ ᓴᓇᔭᑦᓴᒧᑦ ᓴᓇᒋᐊᕈᑎᑦᓴᓂᑦ ᑭᓈᓗᒥᓂᕐᓂᒃ ᓴᓗᒻᒪᕐᓴᐃᕕᑦᓴᒥᑦ
ᒪᐃ 24, 2018 (ᐃᖃᓗᐃᑦ, ᓄᓇᕗᑦ) - ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔩᑦ ᖁᕕᐊᒋᓪᓗᒍ ᑐᓴᖅᑎᑦᓯᔪᒪᓕᕆᕗᑦ ᑯᑦᓕᒃ ᓴᓇᔩᑦ ᓕᒥᑕᑦ ᐱᑎᑕᐅᓚᐅᕐᒪᑕ $18.85 ᒥᓕᐊᓂᑦ ᐊᑭᖃᖅᑐᒥᑦ ᓴᓇᒋᐊᕈᑎᑦᓴᓂᒃ ᑭᓈᓗᒥᓂᕐᓂᒃ ᓴᓗᒻᒪᕐᓴᐃᕕᒻᒥᑦ. ᑕᒪᓐᓇ ᐃᓚᒋᕙᐅᒃ ᐊᑭᓕᕆᐊᓕᐅᑉ ᐱᓕᕆᐊᑦᓴᓕᒫᒧᑦ $26.5 ᒥᓕᐊᓐᕌᖅᑐᒧᑦ, ᐊᓯᖏᑦ ᑮᓇᐅᔭᐃᔭᐅᑎᐅᔪᑦ ᒪᑯᓄᖓ ᖃᓄᐃᓕᖓᓂᐊᕐᓂᖓᓄᑦ ᐋᖅᑭᓱᐃᔨᓄᑦ, ᖃᐅᔨᒪᔨᑕᓄᑦ ᓴᓇᒋᐊᓕᓐᓂᑦ ᐱᓕᕆᐊᓄᑦ ᐊᒻᒪ ᐱᓕᕆᐊᑦᓴᒥᑦ ᐊᐅᓚᑦᓯᔾᔪᑎᓄᑦ.

ᓯᑎᒃᑯᑦ ᓇᓗᓇᐃᖅᓯᕗᑦ ᖃᖓᑕᓲᒃᑯᕕᒻᒨᕆᐊᖅ ᓴᓇᔭᐅᒋᐊᕐᓂᐊᕐᓂᖓᓂ
ᒪᐃ14, 2018 (ᐃᖃᓗᐃᑦ, ᓄᓇᕗᑦ) – ᐃᖃᓗᐃᑦ ᒪᐃᔭᖓ ᒫᑕᓖ ᕋᑉᑦ ᑲᑎᒪᔨᖏᓪᓗ ᖁᕕᐊᑉᐳᑦ ᓇᓗᓇᐃᖅᓯᒍᓐᓇᕐᓂᖏᓐᓂ ᖃᖓᑕᓲᒃᑯᕕᒻᒨᕆᐊᖅ ᓴᓇᒋᐊᖅᑕᐅᓛᕐᖓᑦ ᐊᑐᕆᐊᖅ ᐱᒋᐊᕐᓗᒍ ᒪᐃ 21, 2018.
“ᖁᐊᖅᑕᖅᑐᓕᖅᑕᐅᓛᕐᖓᑦ ᖃᖓᑕᓲᒃᑯᕕᒻᒨᕆᐊᖅ ᐱᐅᓯᒋᐊᖅᑕᐅᓗᓂ, ᐊᕐᕌᒍᑕᒫᓪᓗ ᑮᓇᐅᔭᐃᑦ ᐊᑐᓐᖏᓂᖅᓴᐅᓂᐊᓕᖅᑐᑎᒃ ᓴᓇᔭᐅᒐᓱᖃᑦᑕᕐᓂᖓᓐᓄᑦ, ᐃᑲᔪᕐᓂᖃᕐᓂᐊᖅᑐᖅ ᑕᑯᒥᓇᒃᑲᓐᓂᓕᕐᓗᓂ ᓯᑎᒃᑯᑦ, ᐱᓗᐊᖅᑐᒥᑦ ᓂᐅᕐᕈᔪᓄᑦ ᖃᖓᑕᓲᒃᑯᕕᒻᒦᖔᖅᑐᓄᑦ,” ᐅᖃᖅᑐᓂ ᒪᐃᔭ ᕋᑦᐳᓐ.
ᖁᐊᑦᑕᖅᑐᑐᖃᖅ ᐲᔭᖅᑕᐅᓛᕐᖓᑦ ᖃᖅᑲᒥᐅᑦ ᐊᑐᕆᐊᖓᓐᓂ ᑎᑭᓪᓗᒍ ᐃᑲᓗᒃᑑᑦᑎᐊᖅ ᐊᑐᕆᐊᖓᓄᑦ. ᖁᐊᖅᑕᖅᑐᓕᖅᑕᐅᒍᒫᖅᑐᖅ ᐊᐃᑉᐸᖓᑕ ᐱᓇᓱᐊᕈᓯᖓᓐᓂ ᔪᓚᐃᒥ, 2018 ᑲᔪᓯᓂᐊᖅᑐᓂᓗ ᐊᐅᔭᒃᑯᑦ.
ᑲᒪᒋᔭᐅᖃᑦᑕᕐᓂᐊᖅᑐᑦ ᐃᖏᕐᕋᔪᑦ ᑕᒪᐅᓇ ᓴᓇᔭᐅᓂᖓᓂ, ᐊᑕᐅᓯᕐᒥᖅᑲᐃ ᐊᖅᑯᑎᖃᕐᓗᑎᑦ.

ᐃᖅᑲᐃᑎᑦᓯᒋᐊᕈᑦ ᖃᒧᑕᐅᔭᕐᐸᑦᑐᑦ ᐊᖅᑯᑎᖏᑦ ᓇᓗᓇᐃᕐᑕᐅᓯᒪᔪᑦ ᓱᑯᑦᓯᐊᓃᒻᒪᖔᑕ
ᒪᐃ 9, 2018 (ᐃᖃᓗᐃᑦ, ᓄᓇᕗᑦ) –- ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᕗᑦ ᖃᒧᑕᐅᔭᕐᐸᑦᑐᓄᑦ ᐊᖅᑯᑎᓕᐊᖑᓯᒪᔪᑦ ᑭᓯᐊᓂ ᐊᑐᖅᑕᐅᒋᐊᖃᕋᓗᐊᕐᖓᑕ ᓇᓗᓇᐃᕐᓯᒪᑦᓯᐊᕐᑐᑦ ᐊᔾᔨᓐᖑᐊᖃᕐᑐᑎᑦ ᓇᓗᓇᐃᒃᑯᑎᖏᑦ, ᑎᑎᕋᕐᓯᒪᓪᓗᑎᓪᓗ ᖃᒧᑕᐅᔭᑦ ᐊᖅᑯᑎᖏᑦ ᓄᓇᓐᖑᐊᒥ ᑖᒃᑯᓄᖓ ᐱᖃᓯᐅᔾᔭᐅᓯᒪᔪᓂ.
ᑕᐃᒫᖕ ᐅᖃᖅᓯᒪᒻᒪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖓᑦ 557, ᖃᒧᑕᐅᔭᖅᑏᑦ ᐊᓯᒥᓂᖕ ᐃᓱᒪᑦᓯᐊᕆᐊᖃᕋᓗᐊᕐᖓᑕ ᐃᖅᑲᓱᓐᓂᒃᑯᑦ ᐃᑉᐱᒋᑦᑎᐊᕐᓗᒋᑦ ᓄᓇᖅᑲᑎᕗᑦ ᓇᖕᒥᓂᓖᓪᓗ ᐱᖁᑎᖏᑦ. ᒪᓕᑦᑕᐅᖁᔭᐅᔪᓂᑦ ᒪᓕᑦᑐᖃᑦᓯᐊᖏᑉᐸᑦ ᐊᑭᓖᑎᑕᐅᔪᓐᓇᕋᑦᓯ $200−ᕼᐊᓇᓚᓅᖓᔪᓐᓇᕐᑐᓂᑦ.
ᓄᓇᓕᐸᔭᐅᒃᑯᑦ ᑲᑎᒪᔨᖏᑦ ᖁᔭᓕᔪᒪᕗᑦ ᖃᒧᑕᐅᔭᕐᐸᑦᑐᓄᑦ ᐃᑲᔪᓐᖑᐊᑕᕐᓯᓐᓇᕋᑦᓯ ᑐᑭᓯᑦᓯᐊᕋᑦᓯᓗ ᒪᓕᑦᑕᐅᖁᔭᐅᔪᓂᖕ.
 

“ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᐱᑦᔪᑎᒋᔭᐅᔪᖅ ᑐᐊᕕᓐᓇᖅᑐᓕᕆᓂᒧᑦ ᐅᐸᓗᖓᐃᖅᓯᒪᓂᕐᒧᑦ ᐱᓇᓱᐊᕈᓯᐊᓄᑦ

ᒪᐃ 7, 2018 (ᐃᖃᓗᐃᑦ, ᓄᓇᕗᑦ) –- “ᑐᐊᕕᓐᓇᖅᑐᖃᓕᖅᐸᑦ ᐅᐸᓗᖓᐃᖅᓯᒪᒋᑦ” ᑕᒫᓂ ᐊᕐᕋᒍᒥ ᑲᓇᑕᒥ ᐱᑦᔪᑎᐅᔪᖅ ᐱᓇᓱᐊᕈᓯᐊᓄᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ ᐅᐸᓗᖓᐃᖅᓯᒪᓂᕐᒧᑦ, ᐱᖏᐊᕐᓗᓂ ᒪᐃ 6 ᑎᑭᓪᓗᓂ 12-ᒧᑦ, 2018. ᑕᒪᓐᓇ ᐱᓇᓱᐊᕈᓯᖅ ᐃᖅᑲᐃᑎᑦᑎᔾᔪᑎᐅᓂᐊᖅᐳᖅ ᓄᓇᖃᑦᑎᐅᔪᓂᒃ ᐸᕐᓇᒃᓯᒪᓂᖅ ᐊᒻᒪᓗ ᐱᓕᕆᐊᖃᕐᓂᖅ ᐅᐸᓗᖓᐃᔭᖅᓯᒪᓗᓂ, ᐃᓚᒌᑦ ᐊᒻᒪᓗ ᐱᖁᑎᑦ ᓴᐳᔾᔭᐅᓯᒪᑦᑎᐊᕐᓂᖅᓴᐅᔪᓐᓇᖅᐳᑦ ᑐᐊᕕᓐᓇᖅᑐᖅᑕᖃᑦᑎᓪᓗᒍ.

ᐃᖅᑲᐃᑎᑦᑎᔾᔪᑦ ᑎᓯᔪᓄᑦ ᐸᐃᑉᐹᓄᑦ ᐊᐃᔭᐅᓂᖏᑦ
ᒪᐃ 4, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᙵᒪᔪᑦ ᐃᖃᓗᒻᒥᐅᑕᓂᑦ, ᐃᑲᔪᕐᓗᑎ ᓄᐊᑕᐅᓂᖏᑦ ᐊᒻᒪ ᐃᒋᑕᐅᓂᖏᑦ ᐸᐃᑉᐹᑦ ᑎᓯᔪᑦ ᐃᓛᒃᑰᖓᑎᑕᐅᓗᑎ ᐊᓯᖏᓐᓂᑦ ᐃᒋᑕᐅᔪᓂᑦ ᓄᐊᑦᑎᕕᐅᔪᓂᑦ ᐊᑦᑕᖃᑕᐅᑎᓂᑦ. ᐊᓯᖏᑦ ᖃᓄᐃᑦᑑᓂᖏᑦ ᐴᒥᓃᑦ, ᓲᕐᓗ ᐊᐅᑦᑕᔫᑦ ᐅᕝᕙᓘᓐᓃᑦ ᐆᓇᐃᓐᓇᖅᑐᑦ, ᐃᓛᑰᖓᑎᑕᐅᔭᕆᐊᓖᑦ, ᐊᒻᒪ ᐃᓚᒋᔭᐅᓗᑎ ᐃᒋᑦᑐᔅᓴᒫᓄᑦ ᐊᐃᔭᐅᕙᑦᑐᓄᑦ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᕐᑎᖏᑦ ᐃᑲᔪᕐᓂᐊᕋᑦᓯᐅᖕ, ᐊᒻᒪ ᐊᑐᐃᓐᓇᐅᖁᓪᓗᒋᑦ ᐴᖅᑲᐃᕕᑦᓴᐅᖁᓪᓗᒋᓪᓗ, ᐊᑦᑕᐅᑎᓯ ᐃᓗᐊ ᐊᕙᓗᐊᓗ ᐊᐳᑕᐃᔭᕐᔫᒥᖃᑦᑕᖁᔭᕋᓗᐊᕗᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐱᓕᕆᖃᑕᐅᔪᓐᓇᕋᕕᑦ ᐊᒻᒪ ᐃᑲᔪᖅᓱᓂᕐᓄᑦ.
-30-

ᐊᐳᑕᐃᔭᐃᓂᖅ
ᐃᐳᕈ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᓐᓂ ᐱᖁᑎᖃᖅᑎᓂᑦ ᐊᒻᒪ ᐱᖁᑎᓂᑦ ᐊᐅᓚᑦᓯᔨᓂᑦ ᒪᓕᑦᑐᒋᑦ, ᑎᑎᕋᕐᓯᒪᔪᑦ ᓄᓇᓕᓐᓂ ᒪᓕᒐᕋᓛᕐᒥ 591, ᐃᒻᒥᓂᒃ ᐊᐳᑕᐃᔭᐃᑎᑦᓯᒋᐊᖃᕐᒪᑕ ᓂᓚᐃᔭᐃᑎᑦᓯᓗᑎᓪᓗ ᓄᓇᓯᐅᑎᓄᑦ ᓄᖅᑲᖓᕖᑦ ᐅᖓᑎᖏᓐᓂᑦ, ᐅᕝᕙᓘᓐᓃᑦ ᐊᖅᑯᑎᓂᑦ ᓄᓇᓯᐅᑎᓄᑦ ᓄᖅᑲᖓᕕᓐᓅᕆᐊᓂᑦ ᐊᓂᕕᖏᓐᓂᑦ, ᐊᖅᑯᑎᖃᑦᓯᐊᖁᓪᓗᒋᓪᓗ ᐱᔨᑦᓯᕋᕈᑎᓂᑦ ᐊᒻᒪ ᑐᐊᕕᕐᓇᖅᑐᓕᕆᔾᔪᑎᓂᑦ ᐃᖅᑲᓇᐃᔭᖅᑏᑦ.
ᐊᒻᒪᑦᑕᐅᖅ, ᐱᖁᑎᖃᖅᑎᐅᔪᑦ ᓇᓗᓇᐃᕐᓯᒪᑦᓯᐊᕆᐊᖃᖅᐸᒻᒥᔪᑦ ᐊᐳᑕᐃᔭᐃᕕᖏᑦ ᐅᖓᓯᓐᓂᖃᖅᑐᑦ 5 ᒦᑕᓂᑦ ᐊᑐᕆᐊᓂᑦ ᐳᖅᑐᓂᖃᕆᐊᖃᖅᐸᒻᒪᑕ 1 ᒦᑕᒥᑦ. ᐊᒻᒪᑦᑕᐅᖅ, ᐊᐳᑕᐃᔭᐃᕕᐊᕆᐊᖃᕐᒥᔪᑦ ᑭᓯᐊᓂ ᓯᑎᒃᑯᓐᓂᑦ ᐊᐳᑕᐃᔭᐃᕕᐅᖁᔭᐅᔪᓂᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐊᐳᑕᐃᔭᐃᓂᖅ ᐱᓪᓗᒍ ᖃᕋᑕᐅᔭᒃᑯᑦ ᐃᑭᐊᖅᑭᕕᖓᒍᑦ ᖃᐅᔨᒋᐊᕈᓐᓇᖅᑐᑦ ᒪᓕᒐᕋᓛᓕᕆᔪᓂᑦ ᐅᕗᖓ:

ᐅᖃᐅᑎᑦᓴᖏᑦ ᒪᐃᔭ ᕆᐊᑦᕘᕐᓐ
ᐃᑲᔪᕐᓱᐃᔾᔪᑎ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᐅᓪᓗᕐᒥᑦ
ᖃᐅᔨᒪᔪᑦᓴᐅᒐᑦᓯ, ᐊᕐᕌᒍᑕᒫᖅ ᐃᖃᓗᒻᒥᐅᑕᐃᑦ ᑐᖕᖓᓱᐊᑎᑕᐅᕙᑦᑐᑦ ᐱᖃᑕᐅᖁᔭᐅᓗᑎᒃ ᑐᓂᖅ ᑕᓕᒥᑦ ᓇᓪᓕᐅᓂᕐᓯᐅᖅᑐᓂᑦ, ᑖᓐᓇᓕ ᐊᕐᕌᒍᑕᒫᕐᓯᐅᑎ ᐃᑲᔫᑎᖃᖅᐸᑦᑐᓂ ᓴᖅᑭᔮᖅᑎᑦᓯᓂᕐᒥᑦ ᐊᒻᒪ ᐊᑐᖅᑕᐅᑎᑦᓯᓂᕐᒥᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᑦ, ᐊᒻᒪᑦᑕᐅᖅ ᓇᓪᓕᐅᓂᕐᓯᐅᕈᑎᐅᕙᑦᑐᓂ ᐅᐱᕐᖓᑦᓵᑯᓘᓕᕐᓂᖓᓂᑦ.
ᐃᖅᑲᓇᐃᔭᖅᑏᑦ ᐱᖃᑕᐅᖁᑦᓯᐊᖅᑐᒋᑦ ᖃᓄᐃᓕᐅᕈᑎᓂ ᓇᓪᓕᐅᓂᕐᓯᐅᕈᑎᓂ, ᐊᒻᒪᑦᑕᐅᖅ ᐃᑲᔪᕈᒪᓐᓂᕈᑎᒃ ᐃᑲᔪᕈᓐᓇᖁᓪᓗᒋᑦ ᓇᓪᓕᐅᓂᕐᓯᐅᕈᑎᒥᑦ ᐊᐅᓚᑦᓯᔨᓂᑦ, 2012-ᖑᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᒪᓕᒐᕋᓛᓕᐅᓚᐅᖅᑐᑦ 735-ᒥᑦ, ᐊᑐᓕᖅᑎᑦᓯᓪᓗᑎᒃ ᐃᓚᖓᓂᑦ ᐱᖁᔭᕐᔪᐊᑉ ᓄᓇᓕᐸᐅᔭᓄᑦ, ᑕᐅᓐᖑᔪᓄᑦ ᐊᒻᒪ ᕕᓕᔾᔨᓄᑦ ᑐᕌᖓᔫᑉ ᓄᓇᓕᓐᓂ ᑲᑎᒪᔨᓂᑦ ᐱᔪᓐᓇᐅᑎᐅᔪᖅ ᐅᓪᓗᕐᒥᑦ ᓄᓇᓕᓐᓂ ᕿᑲᕐᓇᐅᔪᓐᓇᑎᑦᓯᓪᓗᑎᒃ ᐃᓗᐊᓃᑦᑐᓂᑦ ᐱᔪᓐᓇᐅᑎᖃᕐᕕᖏᑕ ᓄᓇᓕᐸᐅᔭᖏᑕ.

ᐅᖃᐅᑎᑦᓴᖏᑦ ᒪᐃᔭ ᕆᐊᑦᕘᕐᓐ
ᐃᑲᔪᕐᓱᐃᔾᔪᑎ ᑐᓂᖅ ᑕᐃᒥ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᐅᓪᓗᕐᒥᑦ
ᖃᐅᔨᒪᔪᑦᓴᐅᒐᑦᓯ, ᐊᕐᕌᒍᑕᒫᖅ ᐃᖃᓗᒻᒥᐅᑕᐃᑦ ᑐᖕᖓᓱᐊᑎᑕᐅᕙᑦᑐᑦ ᐱᖃᑕᐅᖁᔭᐅᓗᑎᒃ ᑐᓂᖅ ᑕᓕᒥᑦ ᓇᓪᓕᐅᓂᕐᓯᐅᖅᑐᓂᑦ, ᑖᓐᓇᓕ ᐊᕐᕌᒍᑕᒫᕐᓯᐅᑎ ᐃᑲᔫᑎᖃᖅᐸᑦᑐᓂ ᓴᖅᑭᔮᖅᑎᑦᓯᓂᕐᒥᑦ ᐊᒻᒪ ᐊᑐᖅᑕᐅᑎᑦᓯᓂᕐᒥᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᑦ, ᐊᒻᒪᑦᑕᐅᖅ ᓇᓪᓕᐅᓂᕐᓯᐅᕈᑎᐅᕙᑦᑐᓂ ᐅᐱᕐᖓᑦᓵᑯᓘᓕᕐᓂᖓᓂᑦ.
ᐃᖅᑲᓇᐃᔭᖅᑏᑦ ᐱᖃᑕᐅᖁᑦᓯᐊᖅᑐᒋᑦ ᖃᓄᐃᓕᐅᕈᑎᓂ ᓇᓪᓕᐅᓂᕐᓯᐅᕈᑎᓂ, ᐊᒻᒪᑦᑕᐅᖅ ᐃᑲᔪᕈᒪᓐᓂᕈᑎᒃ ᐃᑲᔪᕈᓐᓇᖁᓪᓗᒋᑦ ᓇᓪᓕᐅᓂᕐᓯᐅᕈᑎᒥᑦ ᐊᐅᓚᑦᓯᔨᓂᑦ, 2012-ᖑᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᒪᓕᒐᕋᓛᓕᐅᓚᐅᖅᑐᑦ 735-ᒥᑦ, ᐊᑐᓕᖅᑎᑦᓯᓪᓗᑎᒃ ᐃᓚᖓᓂᑦ ᐱᖁᔭᕐᔪᐊᑉ ᓄᓇᓕᐸᐅᔭᓄᑦ, ᑕᐅᓐᖑᔪᓄᑦ ᐊᒻᒪ ᕕᓕᔾᔨᓄᑦ ᑐᕌᖓᔫᑉ ᓄᓇᓕᓐᓂ ᑲᑎᒪᔨᓂᑦ ᐱᔪᓐᓇᐅᑎᐅᔪᖅ ᐅᓪᓗᕐᒥᑦ ᓄᓇᓕᓐᓂ ᕿᑲᕐᓇᐅᔪᓐᓇᑎᑦᓯᓪᓗᑎᒃ ᐃᓗᐊᓃᑦᑐᓂᑦ ᐱᔪᓐᓇᐅᑎᖃᕐᕕᖏᑕ ᓄᓇᓕᐸᐅᔭᖏᑕ.

ᐊᓯᔾᔨᕐᓂᖓ ᓯᕿᖕᖑᔭᐅᑉ ᐃᖅᑲᐃᑎᑦᓯᐊᕙᒃ ᐊᓯᔾᔩᒋᐊᖃᓕᕐᓂᖏᓐᓂᑦ ᐳᔪᕐᒥᑦ ᖃᐅᔨᓴᐅᑏᑦ
ᒫᕐᓯ 16, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐊᔭᐅᖅᑐᐃᓕᕆᕗᑦ ᓄᓇᓕᕐᓂᒥᐅᑕᓂᑦ ᓯᕿᖕᖑᔭᒃᑯᑦ ᐊᓯᔾᔨᐅᑎᐅᓚᐅᖅᑐᒥᑦ ᐃᖅᑲᐃᑎᑦᓯᔾᔪᑎᐅᖁᓪᓗᒍ ᖃᐅᔨᓴᖅᑕᐅᖁᓪᓗᒋᑦ ᖁᖁᐊᕈᑏᑦ ᐹᑕᓖᑐᐃᓐᓇᕆᖕᖏᑕᖏᑦ, ᑭᓯᐊᓂᑦᑕᐅᖅ ᖃᐅᔨᓴᕐᓗᒍ ᖃᖓᒃᑯᑦ ᐅᓪᓗᕐᓯᐅᑎᒍᑦ ᐋᖅᑭᑦᑕᐅᓚᐅᕐᓯᒪᒻᒪᖔᑕ, ᐊᒻᒪ ᐊᕐᕌᒍᐃᑦ ᖁᓕᑦ (10) ᓈᒐᐃᑉᐸᑕ ᖁᖁᐊᕈᑏᑦ ᐊᓯᔾᔨᖅᑕᐅᕙᓪᓗᑎᒃ.
ᐅᓐᓄᒃᑯᑦ ᐃᑭᓗᐊᖑᐊᓲᖑᒻᒪᑕ, ᓱᓇᒃᑯᑖᑦ ᖁᖁᐊᕈᓐᓇᑦᓯᐊᕋᓗᐊᕐᒪᖔᑕ ᖃᐅᔨᓴᖅᐸᓪᓗᒋᑦ ᐃᓅᓯᕐᓂᑦ ᐃᓄᓕᑦᓯᖃᑕᐅᔪᓐᓇᕋᑦᓯ.
ᖁᖁᐊᕈᑎᖃᖅᑎᐸᓪᓗᒋᑦ ᐃᓪᓗᓯᓐᓂ ᓇᑎᓕᒫᑦᓯᐊᑦ, ᐊᒻᒪᑦᑕᐅᖅ ᐃᓪᓗᕈᓯᖏᑦ, ᐃᓪᓗᐃᑦ ᓱᓪᓗᓕᑯᑖᖏᑦ ᓯᓂᕝᕕᒻᒨᖓᔪᑦ, ᐊᒻᒪ ᐃᓪᓗᐃᑦ ᐊᑎᖏᓐᓃᑦᑐᑦ.
ᖃᐅᔨᓴᖅᑕᐅᓕᕈᑎᒃ ᖁᖁᐊᕈᑏᑦ, ᐸᕐᓇᐅᑎᓕᐅᕐᓯᓐᓛᕈᑦᓯ ᓇᐅᒃᑯᑦ ᐊᓂᓵᕋᔭᕐᒪᖔᑦᓯ ᐊᑲᐅᒻᒥᔪᖅ.