ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐊᑐᐃᓐᓇᐅᓕᕐᒥᔪᖅ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ
 ᓯᑎᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕆᕗᑦ ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐅᓕᒻᒦᑦᑐᖅ ᒪᑐᐃᓛᓕᕐᓂᖓᓂᑦ ᒪᐃ 13, 2019. ᒪᑐᐃᕐᓂᖓ ᓇᓪᓕᐅᓂᕐᓯᐅᖅᑕᐅᖁᓪᓗᒍ, ᐳᓪᓚᓕᓐᓂᑦ ᐱᖕᖑᐊᕐᕕᓐᓂᑦ ᐋᖅᑭᑦᓯᓯᒪᓛᕐᒪᑕ ᐊᑭᖃᖕᖏᑦᑐᒥᑦ ᐃᓚᒌᓄᑦ ᐅᐸᑦᑕᐅᔪᓐᓇᓛᖅᑐᓂᑦ ᐅᐸᒍᒪᔪᓄᑦ, ᐃᓯᕐᕕᑦᓴᐅᓕᓛᖅᑐᖅ ᐅᓐᓄᓴᒃᑯᑦ 3:30-ᒥ ᓄᖅᑲᕐᓗᑎᒃ 5-ᒨᖅᐸᑦ ᐅᓐᓄᓴᒃᑯᑦ ᒪᐃ 13-ᖑᓕᖅᐸᑦ.
ᐱᖕᖑᐊᕐᕕᒻᒧᑦ ᐅᓪᓗᕐᓯᐅᑎ ᒪᐃᒧᑦ ᐊᒻᒪ ᔪᓂᒧᑦ ᓴᖅᑭᖅᑕᐅᓛᖅᑐᑦ ᑕᓪᓕᕐᒥᕐᒥ, ᐃᐳᕈ 26, 2019, ᐊᒻᒪ ᑕᑯᔭᐅᔪᓐᓇᓛᕆᓪᓗᑎᒃ ᓯᑎᒃᑯᑦ ᐃᑭᐊᖅᑭᕕᖓᓐᓂ, ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃᑯᑦ ᒪᑉᐱᒐᖓᓂ, ᐊᒻᒪᑦᑕᐅᖅ ᐸᐃᑉᐹᒥ ᑎᑎᕋᕐᓯᒪᑎᓪᓗᒋᑦ ᐱᔭᐅᔪᓐᓇᓛᕐᒥᔪᑦ ᐱᖕᖑᐊᕐᕕᐊᓗᒻᒥᑦ.

ᑲᑎᒪᔩᑦ ᑲᔪᓯᑎᑦᓯᔪᑦ 2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᑎᓯᒪᔪᓂᑦ ᑮᓇᐅᔭᓕᕆᔾᔪᑎᒥᓂᕐᓂᒃ

ᑲᑎᒪᔩᑦ ᑲᑎᒪᑎᓪᓗᒋᑦ ᐃᐳᕈ 23-ᒥ, 2019, ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔨᐅᔪᑦ ᓈᒻᒪᑦᓴᓚᐅᖅᑐᑦ ᐊᒻᒪ ᑲᔪᓯᑎᑦᓯᓪᓗᑎᒃ ᓯᑎᒃᑯᑦ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑮᓇᐅᔭᓕᕆᔾᔪᑎᒥᓂᐅᔪᓂᑦ ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᓴᖅᑭᓚᐅᖅᑕᖏᑦ ᑲᑎᒪᔨ ᓴᐳᕐᑦ, ᐃᑦᓯᕙᐅᑕᖓᑕ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ.

“2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑕᑯᑦᓴᐅᑎᑦᓯᑦᓯᐊᖅᑐᑦ ᐱᓕᕆᐊᕆᓯᒪᔭᒻᒪᕆᒥᓂᖏᓐᓂᑦ ᐃᖅᑲᓇᐃᔭᖅᑎᖁᑎᑦᑕ, ᑎᓕᔭᐅᓯᒪᕙᑦᑐᑎᒃ ᓴᖕᖏᓂᖃᑦᓯᐊᖅᑐᓄᑦ ᓯᕗᓕᖅᑎᓄᑦ ᑲᑎᒪᔨᓂᑦ, ᑐᑭᒧᐊᑦᑎᑕᐅᓕᒃᑲᓐᓂᖅᑐᑎᒃ ᓯᑎᒃᑯᑦ ᑮᓇᐅᔭᖁᑎᖏᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.

ᓄᑖᖅ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᑭᓕᐅᑎᑦᓴᓂᑦ ᒪᓕᒐᕋᓛᖅ ᐊᑭᓕᕐᓱᐃᔾᔪᑎᐅᔪᖅ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᓂᑦ ᓴᓇᔭᐅᒋᐊᖅᑐᓂᑦ 

ᐱᖓᔪᐊᓂ ᐊᒻᒪ ᑭᖑᓪᓕᖅᐹᖓᓂ ᐅᖃᓕᒫᕐᓂᖅ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᑭᓕᐅᑎᑦᓴᓂᑦ ᒪᓕᒐᕋᓛᖅ 873 ᐊᖏᖅᑕᐅᓗᓂ ᑲᔪᓯᑎᑕᐅᕋᑖᓚᐅᖅᑐᖅ ᑲᑎᒪᔨᓂᑦ.  ᒪᓕᒐᕋᓛᒃᑯᑦ ᐊᑕᐅᓯᐊᕐᓗᑎᒃ ᐊᑭᓖᑎᑕᐅᖃᑦᑕᕐᓂᐊᖅᑐᑦ ᓄᑖᓂᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᓴᓇᕙᓐᓂᐊᖅᑐᓂᑦ ᐊᑭᓕᐅᑎᑦᓴᐅᖁᓪᓗᒋᑦ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᓂᑦ ᐃᖃᓗᓐᓂ ᐃᓄᖏᑦ ᐊᒥᓱᕈᖅᐸᓪᓕᐊᓂᖏᑦ ᐱᓪᓗᒋᑦ ᐃᑲᔪᕐᓱᐃᔾᔪᑎᑦᓴᓂᑦ.

ᓯᑎᒃᑯᑦ ᓄᑖᒥᑦ ᐊᓪᓚᑦᑎᑖᖅᑐᑦ
ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᔪᖅ ᐊᐃᒥ ᐃᐅᓪᖒᕐᔅᒪ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᖅ ᑎᒃᑯᐊᖅᑕᐅᓚᐅᕐᓂᖓᓂᑦ ᕌᑦ ᒪᒡᕗᐊᕐᑦ ᓯᑎᒃᑯᑦ ᐊᓪᓚᑦᑎᒋᓂᐊᓕᕐᒪᒍ, ᐱᒋᐊᑦᑕᐅᑎᒋᓗᓂ.
“ᕌᑦ ᐱᓕᒻᒪᓴᕐᓯᒪᑦᓯᐊᖅᑐᖅ, ᖃᐅᔨᒪᓂᖃᑦᓯᐊᖅᑐᖅ ᐊᒻᒪ ᐱᓕᕆᓯᒪᑦᓯᐊᖅᑐᓂ ᐊᑐᕆᐊᓕᓐᓂᑦ ᑲᔪᓯᑦᓯᐊᕈᑎᒋᓂᐊᖅᑕᒥᓂᒃ ᓯᕗᓕᖅᑎᐅᓂᒃᑯᑦ ᓯᑎᒃᑯᓐᓂ,” ᐅᖃᖅᑐᖅ ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᔪᖅ ᐃᐅᓪᒎᕐᔅᒪ.
ᒥᔅᑕ ᒪᒡᕗᐊᕐᑦ ᓯᑎᒃᑯᓅᖅᑐᖅ ᒪᑕᓴᓐ ᕼᐋᑦᒥᑦ, ᐃᐅᓪᐴᕐᑕᐅᑉ ᓄᓇᓕᖃᕐᕕᔾᔪᐊᖓᓂᑦ, ᑕᐃᑲᓂ ᐊᖏᔪᖅᑲᐅᑎᓂ ᐃᖅᑲᓇᐃᔮᖃᖅᐸᓚᐅᖅᑐᖅ, ᐱᖃᓯᐅᑎᓪᓗᒍ ᐊᐅᓚᑦᓯᔨᐅᓂᖅ ᐃᖅᑲᓇᐃᔭᖅᑎᓕᕆᓂᕐᒥᑦ. ᐊᒻᒪᑦᑕᐅᖅ, ᒥᔅᑕ ᒪᒡᕗᐊᕐᑦ ᖃᐅᔨᒪᑦᓯᐊᕐᒥᔪᖅ ᐃᖃᓗᓐᓂᑦ, ᐃᖅᑲᓇᐃᔮᖃᓚᐅᕐᓯᒪᒻᒥᒐᒥ ᓯᑎᒃᑯᓐᓂ ᐊᖏᔪᖅᑳᖑᓪᓗᓂ ᒪᓕᒐᕋᓛᓕᕆᔨᓄᑦ 2007-ᒥᓂᑦ 2009-ᒧᓄᑦ.

ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᓂᑦ ᑐᑦᓯᕋᐅᑎᓕᐅᖁᔨᓂᖅ

 ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᑦᓯᕋᐅᑎᓕᐅᕐᕕᑦᓴᐅᓕᕐᒥᔪᑦ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᓂᑦ.  ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᑦ ᐊᑐᐃᓐᓇᐅᕙᑦᑐᑦ ᑮᓇᐅᔭᓕᐅᖅᑎᐅᖏᑦᑐᓄᑦ ᑲᑐᔾᔨᖃᑎᒌᓄᑦ, ᐃᓕᓴᕕᓐᓄᑦ, ᐸᐃᕆᕕᓐᓄᑦ ᐊᒻᒪ ᐱᓕᕆᕝᕕᓐᓄᑦ ᑐᖕᖓᓱᑦᑎᑦᓯᕙᑦᑐᓂᑦ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐊᑦᑐᐊᔪᓂᑦ ᐱᓕᕆᔾᔪᑎᑦᓴᓂᑦ ᐊᒻᒪ ᐱᓕᕆᐊᑦᓴᓂᑦ.

ᐱᔪᓐᓇᖅᑐᑦ ᐱᓕᕆᔾᔪᑎᑦᓴᓂᑦ, ᐱᓕᕆᔾᔪᑎᑦᓴᐃᑦ ᐊᒻᒪ ᐱᓕᕆᐊᑦᓴᐃᑦ ᐅᑯᓇᓂ ᓇᓪᓕᓐᓂ ᑕᓪᓕᒪᓂ (5) ᓇᓗᓇᐃᖅᑕᐅᓯᒪᔪᓃᑦᑐᑦ:

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ

ᓄᓇᓕᐸᐅᔭᐃ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᓄᖅᑲᖓᑎᑦᓯᑲᐃᓐᓇᕐᓂᐅᓴᒻᒪᑕ ᐱᔨᑦᓯᕋᕈᑎᓂᑦ, ᓲᕐᓗ ᐃᒥᖃᖅᑎᑦᓯᓂᖅ, ᓴᓂᓕᕆᓂᖅ, ᓴᓂᕐᓂᒃ ᓄᐊᑦᓯᓂᖅ ᐊᒻᒪ ᐊᐳᑕᐃᔭᐃᓂᕐᒥᑦ, ᐊᒻᒪ ᒪᑐᔭᐅᓗᑎᒃ ᓯᑎᒃᑯᑦ ᐱᓕᕆᕝᕕᖏᑦ ᐃᓄᓕᒫᓄᑦ, ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᔾᔪᑎᒋᓪᓗᒍ ᓯᓚᕈᔪᒻᒪᕆᐅᔪᖅ.

ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᕐᓂᐊᖅᑐᑦ ᓱᓕ ᐊᑦᑕᓇᖕᖏᑐᐊᖅᐸᑕ ᐊᑐᕆᐊᑦ ᐃᖏᕐᕋᕕᒋᓗᒋᑦ ᐊᒻᒪ/ᐅᕝᕙᓘᓐᓃᑦ ᐊᔪᕐᓇᖏᑐᐊᖅᐸᑦ, ᐊᑯᓂᒐᓚᒃ ᐅᑕᖅᑭᑐᐃᓐᓇᕆᐊᖃᕋᑦᓯ ᓂᕆᐅᓇᖅᑐᖅ.

ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᐊᖏᕐᕋᕐᓯᒪᖕᖏᒃᑯᕕᑦ, ᐊᖏᕐᕋᑲᐃᓐᓇᖁᔭᐅᒐᓗᐊᖅᑐᑎᑦ ᓯᓚᕈᔫᓗᐊᕐᓂᖓᓂ ᐊᖏᕐᕋᕐᓯᒪᐃᓐᓇᑲᐃᓐᓇᕐᓗᑎᑦ.

ᓄᑖᖅ ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᓂᕐᒧᑦ ᑎᒃᑯᐊᖅᑕᐅᔪᖅ

ᑐᓂᖅ ᑕᐃᖑᓕᖅᐸᑦ ᓄᓇᓕᓐᓂ ᕿᑲᕐᓇᐅᓛᖅᑐᖅ ᐃᐳᕈ 12
ᓄᓇᓕᐸᐅᔭᒃᑯᑦ ᖁᕕᐊᒋᑦᓯᐊᖅᑐᒍ ᑐᓴᖅᑎᑦᓯᒍᒪᓕᕐᒥᔪᑦ ᓄᓇᓕᓐᓂ ᕿᑲᕐᓇᐅᓛᖅᑐᒥᑦ ᑐᓂᖅ ᑕᐃᖑᓕᖅᐸᑦ ᑕᓪᓕᕐᒥᐅᓕᖅᐸᑦ, ᐃᐳᕈ 12, 2019. ᒪᓕᑦᑐᒋᑦ ᒪᓕᒐᕋᓛᑉ 735 ᑎᑎᕋᕐᓯᒪᓂᖏᑦ ᐊᒻᒪ ᐋᖅᑭᒋᐊᕈᑎᒥᓂᖏᑦ 771, ᓄᓇᓕᓐᓂ ᕿᑲᕐᓇᕈᖅᑎᑕᐅᓯᒪᔪᖅ, ᐊᑐᖅᑕᐅᓛᕐᓂᐊᖅᑐᖅ ᓯᕗᓪᓕᖅᐹᒥ ᑕᓪᓕᕐᒥᖓᓂ ᐃᐳᕈᑉ ᑕᖅᑭᖓᑕ ᓇᓪᓕᐊᓂᕐᓯᐅᓕᖅᐸᑕ, ᓴᖅᑭᖅᑕᐅᓚᐅᖅᑐᖅ ᓄᓇᓕᕐᓂᒥᐅᑕᐃᑦ ᐃᓚᒋᔭᐅᑦᓯᐊᖁᓪᓗᒋᑦ ᓇᓪᓕᐅᓂᕐᓯᐅᖅᑐᓄᑦ.
ᓄᓇᒃᑰᔫᒃᑯᑦ ᐱᔨᑦᓯᕋᓛᖅᑐᑦ ᑕᐃᑲᓂ ᐅᓪᓗᕐᒥ ᐃᒥᖅᑕᖅᑏᑦ, ᑭᓈᓗᖃᕐᕕᓐᓂᑦ ᒥᓪᓗᐊᖅᑏᑦ ᐊᒻᒪ ᓴᓂᓕᕆᔩᑦ. ᑭᓯᐊᓂ, ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ.

ᐃᖅᑲᐃᑎᑦᓯᔾᔪᑎ ᐅᖃᐅᓯᖃᕆᐊᖃᕋᑦᑕ ᐃᒥᒃᑯᑦ ᐱᔾᔪᑎᐅᔪᓂᑦ/ᐅᐸᓗᖓᐃᔭᕐᓂᖅ ᐃᒥᓕᕆᓂᒃᑯᑦ ᑐᐅᕕᕐᓇᖅᑐᑕᖃᓕᕐᓂᖅᐸᑦ
ᓯᑎᒃᑯᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᖃᐅᓯᖃᖃᑦᑕᖁᔭᐅᓗᑕ ᐃᖅᑲᓇᐃᔭᖅᑎᖏᓐᓄᑦ ᓴᓇᔪᓕᕆᔨᒃᑯᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᑕᕝᕙᓴᐃᓐᓇᖅ ᐱᔾᔪᑎᖃᓕᑐᐊᕈᑦᑕ ᐃᒥᖃᕈᓐᓃᓂᕐᒥᑦ ᐅᕝᕙᓘᓐᓃᑦ ᓱᓪᓗᓕᓐᓂᑦ ᖁᐊᕐᓯᒪᔪᖃᓕᕐᓂᖅᐸᑦ ᓇᔪᒐᖏᓐᓂ. ᐅᖃᐅᓯᐅᑦᓴᐅᑎᒋᕙᑦᑎᓪᓗᒋᑦ ᑐᐊᕕᐊᕆᔭᐅᓗᑎᒃ ᑲᒪᒋᔭᐅᖃᑦᑕᓂᐊᖅᑐᑦ.
ᐅᖃᐅᓯᖃᕈᒪᒍᕕᑦ ᐱᔾᔪᑎᐅᔪᒥᑦ, ᖃᐅᔨᒋᐊᖁᔭᐅᕗᒍᑦ ᓯᑎᒃᑯᓐᓂᑦ ᐅᑯᐊ ᐃᓱᒪᒋᒋᐊᕐᓗᒋᑦ ᑐᑭᓯᒋᐊᕈᑎᐅᔪᑦ:
ᓴᓇᔪᓕᕆᓂᖅ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ
s.avery@city.iqaluit.nu.ca
979-5630 8-ᒥᒃ ᐅᓪᓛᒃᑯᑦ – 4-ᒧᓄᑦ ᐅᓐᓄᓴᒃᑯᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ

2ND CONSULTATION PLANNED FOR WATER AND SEWER DEVELOPMENT CHARGES BY-LAW
The City is holding a second consultation on a proposed new by-law regarding a development charge to fund water and sewer infrastructure, that is required to support new development.
The by-law proposes to apply a one-time charge on new development that would be payable before a Development Permit is issued. The funds would help pay for upgrades to the main sewer line, which is currently at capacity.