ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᓯᑎᒃᑯᑦ ᑲᔪᓯᑎᑦᑎᕗᑦ ᒪᓕᒐᕋᓛᒥᑦ ᓱᐴᖅᑐᕐᓗᒐᖅᑐᕈᓐᓇᕐᓂᑦᒧ /ᓯᒡᒐᓕᐊᖅᑐᕈᓐᓇᓂᕐᒧᑦ /ᐳᔫᖅᑐᓂᑦ ᓯᒡᒐᓕᐊᓐᖑᐊᓄᑦ
ᐊᑦᑐᑉᐱᕆ 10, 2018 - (ᐃᖃᓗᐃᑦ,) - ᒪᐃᔭ ᕋᑦᐳᓐ, ᑭᒡᒐᖅᑐᐃᓪᓗᓂ ᑲᑎᒪᔨᓂᑦ, ᐅᖃᖅᑲᐅᔪᖅᐅᓪᓗᒥ ᐱᖓᔪᐊᓐᓂ ᐅᖃᓕᒫᖅᑕᐅᓚᐅᕐᖓᑦ ᐅᓐᓅᓚᐅᖅᑐᖅ. ᒪᓕᒐᕋᓛᖅ #863 ᐊᑐᓛᓕᖅᑐᖅ ᐊᑦᑑᑉᐱᕆ 17−ᒥ – ᒐᕙᒪᑐᖃᒃᑯᑦ ᐅᑭᐅᖅᑕᖅᑑᓪᓗ ᐊᕕᑦᑐᖅᓯᒪᓂᖏᑦᑕ ᓱᐴᖅᑐᕐᓗᒐᕐᓄ ᒪᓕᒐᖅᑎᒍᑦ ᐃᓕᓴᕆᔭᐅᓕᖅᑎᓪᓗᒍ.
ᓄᓇᕗᑦ ᒐᕙᒪᒃᑯᖏᑦ ᓱᐴᖅᑐᕐᓗᒐᕐᓄᑦ ᒪᓕᒐᖏᑦ, ᒪᓕᒐᔅᓴᖏᑦ 7 ᐱᓕᕆᔾᔪᑎᔅᓴᓄᑦ ᓱᐴᖅᑐᕐᓗᒐᕐᓂᑦ ᓂᐅᕐᕈᑎᖃᕐᓂᕐᒥᑦ, ᓂᐅᕕᕐᓂᕐᒥᑦ, ᐊᑐᕐᓂᕐᒥᑦ ᐊᒻᒪᓗ ᓄᖅᑲᖓᑎᑦᑎᓂᕐᒥᑦ ᓄᓇᕗᒻᒥ. ᓯᑎᒃᑯᑦ ᓱᐴᖅᑐᕐᓗᒐᕐᓂᕐᒥᑦ, ᓯᒡᒐᓕᐊᖅᑐᓂᕐᒥᑦ ᐳᔫᖅᑐᓂᓪᓗ ᓯᒡᒐᓕᐊᓐᖑᐊᕐᓂᑦ ᑐᑭᓯᒋᐊᒃᑲᓐᓂᕈᑎᓂᑦ ᓄᖅᑲᖓᓂᑎᑦᑎᓂᕐᒥᓪᓗ ᓱᐴᖅᑐᕐᓗᒐᕐᕕᐅᒋᐊᖃᓐᖏᑦᑐᓂᓪᓗ ᓯᑎᒃᑯᓐᓂ, ᓲᕐᓗ 9−ᒦᑕᓂᑦ ᐅᖓᓯᓐᓂᖃᕆᐊᖃᖅᑐᑦ ᐹᒥ ᓇᒥᑐᐃᓐᓇᖅ ᐅᐸᑦᑕᐅᒐᔪᑦᑐᓂᑦ. ᐊᒻᒪᓗ, ᓱᐴᖅᑐᓪᓗᒐᕆᐊᖃᓐᖏᑦᑐᑦ ᐃᓕᓐᓂᐊᕕᓐᓂᑦ, ᐸᐃᕆᕖᑦ ᐱᓐᖑᐊᕐᕕᖏᓐᓂ ᓇᒥᑐᐃᓐᓇᕐᓗ ᖃᓄᐃᓘᖅᑎᑕᐅᔪᓂᑦ ᐃᓄᓐᓂᑦ.
ᒪᐃᔭ ᕋᑦᐳᓐ ᐅᖃᖅᑐᓂ, “ᑲᑎᒪᔩᑦ ᖃᐅᔨᒪᒍᒪᓚᐅᕐᖓᑕ ᑲᔪᓯᑎᑦᑎᓯᒪᖁᓕᓪᓗᑎᑦ ᓯᑎᒃᑯᑦ ᓱᐴᖅᑐᕐᓗᒐᕐᓄᑦ ᒪᓕᒐᕋᓛᓂᑦ ᐊᑦᑑᑉᐱᕆ 17−ᕈᓚᐅᓐᖏᓐᓂᖓᓐᓂ, 2018 ᐊᒻᒪᓗ ᒪᑐᕕᔅᓴᖃᒪᐅᖅᑎᓐᓇᒍᓪᓗ ᑲᔪᓯᑎᑦᑐᑎᒍ.”
ᓯᑎᒃᑯᑦ ᐱᓕᕆᖃᑎᖃᖃᑦᑕᕐᖓᑕ ᒐᕙᒪᒃᑯᓐᓂ ᓄᓇᕗᒻᒥ ᐸᓖᓯᒃᑯᓂᓪᓗ ᑕᒪᒃᑯᓂᖓ ᐊᑐᓕᖅᑎᑕᐅᑦᑎᐊᖁᓕᓪᓗᑎᑦ ᓄᑖᓂᓪᓗ ᒪᓕᒐᕐᓂᑦ ᒪᓕᒐᕋᓛᓂᓪᓗ.
ᐊᑭᓖᑎᑕᐅᒐᔭᖅᑐᑦ ᓯᖁᒥᑦᑎᔪᑦ ᐱᒋᐊᕐᓗᒍ $200−ᒥᑦ ᓯᕗᓪᓕᖅᐹᒥ ᓯᖁᒥᑦᑎᔪᒧᑦ ᑎᑭᒍᓐᓇᖅᑐᓂ $10,000 ᐊᒥᓱᐊᖅᑎᓕᕐᓂᖅᑲᑦ ᓯᖁᒥᑦᑎᓗᓂ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕐᓗᑎᑦ ᐅᕗᖓ” ᓱᐴᖅᑐᕐᓗᒐᖅᑐᖅᑐᓂᑦ, ᓯᒡᒐᓕᐊᑦ, ᓯᒡᒐᓕᐊᓐᖑᐊᓪᓗ ᐳᔫᖅᑐᑦ ᒪᓕᒐᕋᓛᑉ ᓈᓴᐅᑎᖓ #863, ᓄᓇᕗᑦ ᒐᕙᒪᒃᑯᖏᑦ ᓱᐴᖅᑐᕐᓗᒐᕐᒧᑦ ᒪᓕᒐᖏᓐᓂ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᓱᐴᖅᑐᕐᓗᒐᕐᓂᑦ ᒪᓕᒐᕐᓂᑦ, ᐊᒻᒪᓗ ᐊᐱᖅᑯᑎᔅᓴᐃᑦ ᑭᔾᔪᓰᓪᓗ ᑎᑎᕋᖅᓯᒪᔪᑦ.
