ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᑳᕈᑎ ᒪᑐᐃᖓᓕᖅᑐᖅ ᑕᓯᓗᓕᐊᕆᐊᒦᑦᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖁᕕᐊᒋᓪᓗᒍ ᑐᓴᖅᑎᑦᓯᓕᕆᕗᑦ ᓄᓇᓕᕐᓂᒥᐅᑕᓂᒃ ᐃᑳᕈᑎ ᑕᓯᓗᓕᐊᕆᐊᒦᑦᑐᖅ ᓴᓇᔭᐅᓯᒪᓕᕐᒪᑦ.
ᐃᑳᕈᑎ ᐊᑐᖅᑕᐅᔪᓐᓇᓚᐅᖏᑦᑐᖅ ᒪᑐᓯᒪᓪᓗᓂ ᐃᖏᕐᕋᔪᓕᓐᓄᑦ ᐊᕐᕌᓂ ᐱᔾᔪᑎᐅᓗᓂ ᓇᐸᔾᔪᑎᖏᑦ ᐃᓱᒫᓘᑎᐅᓗᑎᒃ ᓇᓗᓇᐃᖅᑕᐅᓚᐅᖅᑐᓂᒃ ᖃᐅᔨᒪᔨᑕᐃ ᓴᓇᒋᐊᓕᓐᓂᒃ ᑐᑭᓯᐅᒪᑎᑦᓯᔨᒧᑦ ᐱᓕᕆᑎᑕᐅᓚᐅᖅᑐᒧᑦ ᓯᑎᒃᑯᓐᓂᑦ. ᓯᑎᒃᑯᑦ ᓇᐸᔾᔪᑎᖏᓐᓂᒃ ᓴᓇᓚᐅᖅᑐᑦ ᑭᓪᓕᖏᓐᓂᒃ (ᓇᐸᔾᔪᑎᖏᓐᓂᒃ), ᐊᒻᒪᑦᑕᐅᖅ ᐱᐅᓯᑎᑕᐅᒋᐊᖅᑐᑎᒃ ᓄᖑᑉᐸᓪᓕᐊᓂᖏᓐᓄᑦ ᓴᐳᒻᒥᑦᓯᔾᔪᑎᑦᓴᓂᒃ ᓇᐸᔾᔪᑎᖏᓐᓂᑦ, ᑲᒪᒋᔭᐅᔾᔪᑎᐅᓗᑎᒃ ᐃᓱᒫᓘᑎᐅᓯᒪᔪᓂᒃ, ᐊᑦᑕᓇᖅᑐᒦᖁᓇᒋᑦ ᓄᓇᓕᕐᓂᒥᐅᑕᐃᑦ.
ᐃᑳᕈᑎ ᐊᑐᖅᑕᐅᔪᓐᓇᑦᓯᐊᓕᖅᑐᖅ.
 

ᑭᓈᓗᓐᓂᒃ ᑯᕝᕕᕕᒃ ᓄᓇᒃᑰᔫᓄᑦ 1 ᐱᓕᕆᔾᔪᑎᐅᓕᕐᒥᔪᖅ

ᐅᔾᔨᕈᓱᒋᐊᖃᑦᑕᖁᔭᐅᔪᑦ ᖃᒧᑕᐅᔭᓄᑦ ᐃᑳᕐᕕᒃᑰᓕᕋᐃᒍᑎᒃ
 ᓯᑎᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᒻᒪ ᖃᒧᑕᐅᔭᖅᐸᑦᑐᓂᑦ ᐊᐳᑦᑕᐃᔭᐃᕙᓪᓕᐊᓕᕐᒥᒻᒪᑕ ᐊᑐᕆᐊᑦ ᓴᖑᒋᐊᕐᕕᖏᓐᓂᑦ ᐊᒻᒪ ᑰᕝᕕᖏᑕ ᐊᕙᑎᖏᓐᓂᑦ ᐃᖃᓗᐃᑦ ᐃᓗᐊᓂ. ᐊᐳᑕᐃᔭᐃᔪᑦ ᐊᑦᑐᐃᓂᖃᑐᐃᓐᓇᕆᐊᓖᑦ ᖃᒧᑕᐅᔭᖅᐸᑦᑐᓂᑦ ᓇᓪᓕᐊᓐᓂᑐᐃᓐᓇᖅ ᖃᐅᔨᒪᔭᐅᔪᒃᑯᑦ ᖃᒧᑕᐅᔭᓄᑦ ᐃᑳᕐᕕᒃᑯᑦ.
ᐱᓕᕆᐊᖑᒋᐊᖃᕐᒪᑕ ᐅᐸᓗᖓᐃᔭᐃᕙᓪᓕᐊᓗᑎᒃ ᐅᐱᕐᖓᑦᓵᒥ ᐊᐅᑉᐸᓪᓕᐊᓕᕐᓂᖓᓂᑦ, ᑰᕝᕕᒐᓚᐃᑦ ᐊᕝᕕᐊᖅᑕᐅᖁᓗᐊᕐᓇᒋᑦ ᐊᒻᒪ ᐊᑐᕆᐊᓅᓗᐊᖁᓇᒍ ᐊᐅᑉᐸᓪᓕᐊᓂᖓ.
ᓯᑎᒃᑯᑦ ᖃᒧᑕᐅᔭᖅᐸᑦᑐᓂᒃ ᐅᔾᔨᕈᓱᒋᐊᖃᖅᑐᖁᔨᓂᐊᖅᑐᑦ ᖃᒧᑕᐅᔭᖅᑎᓪᓗᒋᑦ ᐊᐳᑕᐃᔭᐃᕕᐅᔪᑦ ᓴᓂᖏᒍᑦ.
ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᑦ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
 

ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐊᑐᐃᓐᓇᐅᓕᕐᒥᔪᖅ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ
 ᓯᑎᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕆᕗᑦ ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐅᓕᒻᒦᑦᑐᖅ ᒪᑐᐃᓛᓕᕐᓂᖓᓂᑦ ᒪᐃ 13, 2019. ᒪᑐᐃᕐᓂᖓ ᓇᓪᓕᐅᓂᕐᓯᐅᖅᑕᐅᖁᓪᓗᒍ, ᐳᓪᓚᓕᓐᓂᑦ ᐱᖕᖑᐊᕐᕕᓐᓂᑦ ᐋᖅᑭᑦᓯᓯᒪᓛᕐᒪᑕ ᐊᑭᖃᖕᖏᑦᑐᒥᑦ ᐃᓚᒌᓄᑦ ᐅᐸᑦᑕᐅᔪᓐᓇᓛᖅᑐᓂᑦ ᐅᐸᒍᒪᔪᓄᑦ, ᐃᓯᕐᕕᑦᓴᐅᓕᓛᖅᑐᖅ ᐅᓐᓄᓴᒃᑯᑦ 3:30-ᒥ ᓄᖅᑲᕐᓗᑎᒃ 5-ᒨᖅᐸᑦ ᐅᓐᓄᓴᒃᑯᑦ ᒪᐃ 13-ᖑᓕᖅᐸᑦ.
ᐱᖕᖑᐊᕐᕕᒻᒧᑦ ᐅᓪᓗᕐᓯᐅᑎ ᒪᐃᒧᑦ ᐊᒻᒪ ᔪᓂᒧᑦ ᓴᖅᑭᖅᑕᐅᓛᖅᑐᑦ ᑕᓪᓕᕐᒥᕐᒥ, ᐃᐳᕈ 26, 2019, ᐊᒻᒪ ᑕᑯᔭᐅᔪᓐᓇᓛᕆᓪᓗᑎᒃ ᓯᑎᒃᑯᑦ ᐃᑭᐊᖅᑭᕕᖓᓐᓂ, ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃᑯᑦ ᒪᑉᐱᒐᖓᓂ, ᐊᒻᒪᑦᑕᐅᖅ ᐸᐃᑉᐹᒥ ᑎᑎᕋᕐᓯᒪᑎᓪᓗᒋᑦ ᐱᔭᐅᔪᓐᓇᓛᕐᒥᔪᑦ ᐱᖕᖑᐊᕐᕕᐊᓗᒻᒥᑦ.

ᑲᑎᒪᔩᑦ ᑲᔪᓯᑎᑦᓯᔪᑦ 2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᑎᓯᒪᔪᓂᑦ ᑮᓇᐅᔭᓕᕆᔾᔪᑎᒥᓂᕐᓂᒃ

ᑲᑎᒪᔩᑦ ᑲᑎᒪᑎᓪᓗᒋᑦ ᐃᐳᕈ 23-ᒥ, 2019, ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔨᐅᔪᑦ ᓈᒻᒪᑦᓴᓚᐅᖅᑐᑦ ᐊᒻᒪ ᑲᔪᓯᑎᑦᓯᓪᓗᑎᒃ ᓯᑎᒃᑯᑦ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑮᓇᐅᔭᓕᕆᔾᔪᑎᒥᓂᐅᔪᓂᑦ ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᓴᖅᑭᓚᐅᖅᑕᖏᑦ ᑲᑎᒪᔨ ᓴᐳᕐᑦ, ᐃᑦᓯᕙᐅᑕᖓᑕ ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ.

“2018-ᒥ ᑕᒻᒪᕐᓯᒪᔪᕐᓯᐅᖅᑎᓄᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᑕᑯᑦᓴᐅᑎᑦᓯᑦᓯᐊᖅᑐᑦ ᐱᓕᕆᐊᕆᓯᒪᔭᒻᒪᕆᒥᓂᖏᓐᓂᑦ ᐃᖅᑲᓇᐃᔭᖅᑎᖁᑎᑦᑕ, ᑎᓕᔭᐅᓯᒪᕙᑦᑐᑎᒃ ᓴᖕᖏᓂᖃᑦᓯᐊᖅᑐᓄᑦ ᓯᕗᓕᖅᑎᓄᑦ ᑲᑎᒪᔨᓂᑦ, ᑐᑭᒧᐊᑦᑎᑕᐅᓕᒃᑲᓐᓂᖅᑐᑎᒃ ᓯᑎᒃᑯᑦ ᑮᓇᐅᔭᖁᑎᖏᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.

ᓄᑖᖅ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᑭᓕᐅᑎᑦᓴᓂᑦ ᒪᓕᒐᕋᓛᖅ ᐊᑭᓕᕐᓱᐃᔾᔪᑎᐅᔪᖅ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᓂᑦ ᓴᓇᔭᐅᒋᐊᖅᑐᓂᑦ 

ᐱᖓᔪᐊᓂ ᐊᒻᒪ ᑭᖑᓪᓕᖅᐹᖓᓂ ᐅᖃᓕᒫᕐᓂᖅ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᑭᓕᐅᑎᑦᓴᓂᑦ ᒪᓕᒐᕋᓛᖅ 873 ᐊᖏᖅᑕᐅᓗᓂ ᑲᔪᓯᑎᑕᐅᕋᑖᓚᐅᖅᑐᖅ ᑲᑎᒪᔨᓂᑦ.  ᒪᓕᒐᕋᓛᒃᑯᑦ ᐊᑕᐅᓯᐊᕐᓗᑎᒃ ᐊᑭᓖᑎᑕᐅᖃᑦᑕᕐᓂᐊᖅᑐᑦ ᓄᑖᓂᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᓴᓇᕙᓐᓂᐊᖅᑐᓂᑦ ᐊᑭᓕᐅᑎᑦᓴᐅᖁᓪᓗᒋᑦ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᓂᑦ ᐃᖃᓗᓐᓂ ᐃᓄᖏᑦ ᐊᒥᓱᕈᖅᐸᓪᓕᐊᓂᖏᑦ ᐱᓪᓗᒋᑦ ᐃᑲᔪᕐᓱᐃᔾᔪᑎᑦᓴᓂᑦ.

ᓯᑎᒃᑯᑦ ᓄᑖᒥᑦ ᐊᓪᓚᑦᑎᑖᖅᑐᑦ
ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᔪᖅ ᐊᐃᒥ ᐃᐅᓪᖒᕐᔅᒪ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᖅ ᑎᒃᑯᐊᖅᑕᐅᓚᐅᕐᓂᖓᓂᑦ ᕌᑦ ᒪᒡᕗᐊᕐᑦ ᓯᑎᒃᑯᑦ ᐊᓪᓚᑦᑎᒋᓂᐊᓕᕐᒪᒍ, ᐱᒋᐊᑦᑕᐅᑎᒋᓗᓂ.
“ᕌᑦ ᐱᓕᒻᒪᓴᕐᓯᒪᑦᓯᐊᖅᑐᖅ, ᖃᐅᔨᒪᓂᖃᑦᓯᐊᖅᑐᖅ ᐊᒻᒪ ᐱᓕᕆᓯᒪᑦᓯᐊᖅᑐᓂ ᐊᑐᕆᐊᓕᓐᓂᑦ ᑲᔪᓯᑦᓯᐊᕈᑎᒋᓂᐊᖅᑕᒥᓂᒃ ᓯᕗᓕᖅᑎᐅᓂᒃᑯᑦ ᓯᑎᒃᑯᓐᓂ,” ᐅᖃᖅᑐᖅ ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᔪᖅ ᐃᐅᓪᒎᕐᔅᒪ.
ᒥᔅᑕ ᒪᒡᕗᐊᕐᑦ ᓯᑎᒃᑯᓅᖅᑐᖅ ᒪᑕᓴᓐ ᕼᐋᑦᒥᑦ, ᐃᐅᓪᐴᕐᑕᐅᑉ ᓄᓇᓕᖃᕐᕕᔾᔪᐊᖓᓂᑦ, ᑕᐃᑲᓂ ᐊᖏᔪᖅᑲᐅᑎᓂ ᐃᖅᑲᓇᐃᔮᖃᖅᐸᓚᐅᖅᑐᖅ, ᐱᖃᓯᐅᑎᓪᓗᒍ ᐊᐅᓚᑦᓯᔨᐅᓂᖅ ᐃᖅᑲᓇᐃᔭᖅᑎᓕᕆᓂᕐᒥᑦ. ᐊᒻᒪᑦᑕᐅᖅ, ᒥᔅᑕ ᒪᒡᕗᐊᕐᑦ ᖃᐅᔨᒪᑦᓯᐊᕐᒥᔪᖅ ᐃᖃᓗᓐᓂᑦ, ᐃᖅᑲᓇᐃᔮᖃᓚᐅᕐᓯᒪᒻᒥᒐᒥ ᓯᑎᒃᑯᓐᓂ ᐊᖏᔪᖅᑳᖑᓪᓗᓂ ᒪᓕᒐᕋᓛᓕᕆᔨᓄᑦ 2007-ᒥᓂᑦ 2009-ᒧᓄᑦ.

ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᓂᑦ ᑐᑦᓯᕋᐅᑎᓕᐅᖁᔨᓂᖅ

 ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᑦᓯᕋᐅᑎᓕᐅᕐᕕᑦᓴᐅᓕᕐᒥᔪᑦ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᓂᑦ.  ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦᓴᑦ ᐊᑐᐃᓐᓇᐅᕙᑦᑐᑦ ᑮᓇᐅᔭᓕᐅᖅᑎᐅᖏᑦᑐᓄᑦ ᑲᑐᔾᔨᖃᑎᒌᓄᑦ, ᐃᓕᓴᕕᓐᓄᑦ, ᐸᐃᕆᕕᓐᓄᑦ ᐊᒻᒪ ᐱᓕᕆᕝᕕᓐᓄᑦ ᑐᖕᖓᓱᑦᑎᑦᓯᕙᑦᑐᓂᑦ ᖃᓄᐃᖏᑦᓯᐊᖅᑐᓕᕆᓂᕐᒧᑦ ᐊᑦᑐᐊᔪᓂᑦ ᐱᓕᕆᔾᔪᑎᑦᓴᓂᑦ ᐊᒻᒪ ᐱᓕᕆᐊᑦᓴᓂᑦ.

ᐱᔪᓐᓇᖅᑐᑦ ᐱᓕᕆᔾᔪᑎᑦᓴᓂᑦ, ᐱᓕᕆᔾᔪᑎᑦᓴᐃᑦ ᐊᒻᒪ ᐱᓕᕆᐊᑦᓴᐃᑦ ᐅᑯᓇᓂ ᓇᓪᓕᓐᓂ ᑕᓪᓕᒪᓂ (5) ᓇᓗᓇᐃᖅᑕᐅᓯᒪᔪᓃᑦᑐᑦ:

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ

ᓄᓇᓕᐸᐅᔭᐃ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᓄᖅᑲᖓᑎᑦᓯᑲᐃᓐᓇᕐᓂᐅᓴᒻᒪᑕ ᐱᔨᑦᓯᕋᕈᑎᓂᑦ, ᓲᕐᓗ ᐃᒥᖃᖅᑎᑦᓯᓂᖅ, ᓴᓂᓕᕆᓂᖅ, ᓴᓂᕐᓂᒃ ᓄᐊᑦᓯᓂᖅ ᐊᒻᒪ ᐊᐳᑕᐃᔭᐃᓂᕐᒥᑦ, ᐊᒻᒪ ᒪᑐᔭᐅᓗᑎᒃ ᓯᑎᒃᑯᑦ ᐱᓕᕆᕝᕕᖏᑦ ᐃᓄᓕᒫᓄᑦ, ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᔾᔪᑎᒋᓪᓗᒍ ᓯᓚᕈᔪᒻᒪᕆᐅᔪᖅ.

ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᕐᓂᐊᖅᑐᑦ ᓱᓕ ᐊᑦᑕᓇᖕᖏᑐᐊᖅᐸᑕ ᐊᑐᕆᐊᑦ ᐃᖏᕐᕋᕕᒋᓗᒋᑦ ᐊᒻᒪ/ᐅᕝᕙᓘᓐᓃᑦ ᐊᔪᕐᓇᖏᑐᐊᖅᐸᑦ, ᐊᑯᓂᒐᓚᒃ ᐅᑕᖅᑭᑐᐃᓐᓇᕆᐊᖃᕋᑦᓯ ᓂᕆᐅᓇᖅᑐᖅ.

ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᐊᖏᕐᕋᕐᓯᒪᖕᖏᒃᑯᕕᑦ, ᐊᖏᕐᕋᑲᐃᓐᓇᖁᔭᐅᒐᓗᐊᖅᑐᑎᑦ ᓯᓚᕈᔫᓗᐊᕐᓂᖓᓂ ᐊᖏᕐᕋᕐᓯᒪᐃᓐᓇᑲᐃᓐᓇᕐᓗᑎᑦ.

ᓄᑖᖅ ᑎᒥᐅᔪᒥᑦ ᐊᐅᓚᑦᓯᔨᒻᒪᕆᐅᓂᕐᒧᑦ ᑎᒃᑯᐊᖅᑕᐅᔪᖅ