ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓯᑎᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ
ᓅᕖᐱᕆ 27, 2018 (ᐃᖃᓗᐃᑦ, ᓄᓇᕗᑦ) - ᑭᒡᒐᑐᖅᑐᒋᑦ ᓯᑎᒃᑯᑦ ᑲᑎᒪᔨᖏᓐᓂᑦ, ᒪᐃᔭ ᕆᐊᑦᕘᕐᓐ ᐅᖃᐅᓯᖃᖅᑲᐅᔪᖅ ᐅᓐᓄᒃ ᓯᑎᒃᑯᑦ ᑲᔪᓯᑎᑦᓯᖅᑲᐅᒻᒪᑕ 2019-ᒥ ᐊᐅᓚᑦᓯᔾᔪᑎᓄᑦ ᑮᓇᐅᔭᓂᑦ ᐊᑐᖅᑐᑦᓴᓂᑦ ᐊᒻᒪ ᐊᑭᑐᔪᓄᑦ ᑮᓇᐅᔭᐃᔭᐅᑎᑦᓴᓂᑦ ᐸᕐᓇᐅᑎᒥᑦ.
“ᓯᑎᒃᑯᑦ ᑲᑎᒪᔨᖏᑦ ᖁᕕᐊᒋᓪᓗᒋᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ, ᓇᓕᒧᐃᑎᕆᓂᒃᑯᑦ ᐱᓕᕆᔾᔪᑎᐅᓚᐅᖅᑐᖅ ᐃᑲᔫᑎᐅᓇᓱᐊᖅᑐᑎᒃ ᒪᑭᒪᔾᔪᑎᓂᑦ ᐱᓕᕆᔾᔪᑎᓂᑦ ᐊᑭᓕᑦᓴᐃᔭᐅᑎᓂᑦ ᐊᒻᒪ ᐊᑭᓕᕆᐊᓕᓐᓂᑦ ᐱᔨᑦᓯᕋᕈᑎᓄᑦ ᑭᖕᖒᒪᔭᐅᔪᓂᑦ ᐃᓄᒋᐊᑦᓯᕙᓪᓕᐊᑐᐃᓐᓇᖅᑐᓄᑦ ᐃᓄᓐᓄᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓯᐅᖅᑐᑦ ᖃᑦᑎᕆᔨᒃᑯᑦ
ᓅᕖᐱᕆ 21, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᔪᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓂᑦ ᖃᑦᑎᕆᔨᓂᑦ ᐃᓚᒋᔭᐅᒐᔭᖅᑐᓂᑦ ᐃᖃᓗᓐᓂ ᖃᑦᑎᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ.
ᐃᑲᔫᑎᑦᓴᐅᒐᔭᖅᑐᑦ ᑕᐃᒪᖕᖓᓕᒫᖅ ᐱᓕᒻᒪᓴᖅᐸᓐᓂᖅ, ᐃᓕᑕᕆᔭᐅᔾᔪᑎ ᐊᒻᒪ ᐱᔾᔪᓯᐊᖅᑎᑦᓯᓂᕐᒥᑦ ᐱᓕᕆᐊᑦᓴᖅ, ᐃᓅᖃᑎᒌᓐᓄᑦ ᖃᓄᐃᓕᐅᕈᑎᕈᓘᔭᐃᑦ ᐊᒻᒪᑦᑕᐅᖅ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᓂᑦ ᓇᓪᓕᐅᒃᑯᒫᖃᖅᑎᑕᐅᓂᖅ ᐊᒻᒪ ᐃᓅᓯᒃᑯᑦ ᓇᓪᓕᐅᒃᑯᒫᖃᖅᑎᑕᐅᓂᖅ. ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᑦ ᐱᑎᑕᐅᕙᒻᒥᔪᑦ ᐊᓐᓄᕌᓂᑦ ᖃᑦᑎᕆᔨᓄᑦ ᐊᑐᖅᑕᐅᓲᓂᑦ ᐊᒻᒪ ᑎᒥᒧᑦ ᓴᐴᒻᒥᑦᓯᔾᔪᑎᑦᓴᓂᑦ.
ᐃᑲᔪᖅᑎᐅᔪᒪᔪᑦ ᐅᑯᓂᖓ ᒪᓕᒋᐊᓖᑦ:
 ᐊᕐᕌᒍᖃᕐᓗᑎᒃ 19-ᓂᑦ ᐊᖏᔪᑦᑎᐅᓗᑎᓪᓘᓐᓃᑦ;
 ᒍᓚᐃ 10-ᒥᑦ ᐃᓕᓐᓂᐊᕐᓂᖃᕐᓗᓂ ᐊᔾᔨᐸᓗᐊᓂᓪᓘᓐᓃᑦ;
 ᑲᓇᑕᒥᐅᑕᐅᓗᓂ;

ᓄᓇᓕᐸᐅᔭᒃᑯᑦ ᓄᓇᓕᒻᒥᐅᑕᓂᑦ ᐊᔭᐅᖅᓯᒋᐊᖅᑐᑦ ᐱᐅᖅᓱᐊᖏᓐᓇᑎᑦᑎᓗᑎ ᐃᒥᕐᒥᑦ
ᓅᕕᐱᕆ 9, 2018 (ᐋᖅᑭᒋᐊᖅᑕᐅᔪᖅ 3:45) (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐊᔭᐅᖅᓯᒋᐊᖅᑐᑦ ᓄᓇᓕᒻᒥᐅᑕᓕᒫᓂᑦ ᐱᐅᖅᓱᐊᖏᓐᓇᕐᓗᑎᑦ ᐃᒥᕐᒥᑦ ᐅᓪᓗᒥᐅᒧᒧᑦ, ᐃᒥᕋᔅᓴᖅ ᐃᒥᖅ ᐊᑐᐃᓐᓇᐅᖏᓐᓇᖁᓂᐊᖅᑦᑐ ᐃᖃᓗᒻᒥᐅᑕᓕᒫᓄᓴ ᖃᑎᕆᔭᐅᑎᓪᓗᒍ ᓂᐅᕕᕐᕕᒻᒥ ᐃᑯᐊᓚᔪᖅ, ᐊᖏᔪᑲᓪᓚᒻᒥᑦ ᐃᒪᐃᖅᑕᐅᓚᐅᖅᑐᖅ ᓄᓇᓕᐸᐅᔭᒃᑯᑦ ᓴᓗᒻᒪᓴᖅᓯᒪᔪᒥᑦ ᐃᒥᖃᕐᕕᖓᓂᑦ. ᐃᒪᖓ ᖁᕝᕙᓯᓐᓂᖓ ᐊᔾᔨᒌᖏᓐᓇᑎᑦᑎᓂᐊᕐᓗᒍ, ᐱᐅᖅᓱᐊᖏᓐᓇᑐᐃᓐᓇᕆᑦ ᐃᒥᕐᒥᑦ ᐊᓯᐊᒍᖔᖅ ᐅᓪᓗᖓᓂ ᐊᓐᓄᕌᓂᑦ ᐅᐊᓴᐃᓂᐊᕐᓗᑎᑦ, ᕿᓚᒥᐅᓂᖅᓴᖅ ᐅᐊᓴᖃᑦᑕᕐᓗᑎᑦ ᐅᕕᓂᓐᓂᐊᖏᖔᕐᓗᑎᑦ, ᐅᓪᓗᒥ ᐊᐅᓚᑎᖏᑲᐃᓐᓇᕐᓗᒍ ᓂᕐᕈᑎᓄᑦ ᐅᐊᓴᕐᕕᒃ. ᖃᓄᑐᐃᓐᓇᖅ ᐱᐅᖅᓱᐊᕋᓱᓐᓂᖅ ᐃᒥᕐᒥᑦ ᖁᕕᐊᒋᔭᐅᒻᒪᕆᑦᑐᖅ. ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᑲᔪᕈᓐᓇᕋᕕᑦ ᐊᒻᒪ ᑐᑭᓯᒍᓐᓇᕋᕕᑦ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:

ᓱᕈᓯᕐᓂᑦ ᐊᑦᑕᓇᖅᑐᒦᖁᔨᖕᖏᓐᓂᖅ ᓯᕗᓪᓕᐅᔾᔭᐅᓯᒪᓂᐊᖅᑐᖅ ᕼᐋᓗᐄᖑᓂᐊᖅᑐᒥ
ᐋᑦᑑᐸ 30, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᒋᐊᕐᓯᒪᖃᑦᑕᖁᔭᐅᓪᓗᑎᒃ ᐊᓃᕋᔭᓕᕈᑎᒃ ᓇᒥᑐᐃᓐᓇᖅ ᕼᐋᓗᐄᖑᓂᖓᓂ ᐅᓐᓄᒃᑯᑦ, ᐋᑦᑑᐸ 31, 2018.
ᐃᔪᕈᕋᓛᕈᓗᐃᑦ ᐊᒻᒪ ᑐᖕᖓᕋᓛᕈᓗᐃᑦ ᐊᑦᑕᓇᖅᑐᒦᓐᓂᐊᖁᓇᒋᑦ ᐊᓃᕋᔭᓐᓂᖏᓐᓂᑦ ᐳᓚᕋᓐᓂᖏᓐᓂᓘᓐᓃᑦ, ᖃᐅᔨᒪᔭᐅᒋᐊᓖᑦ ᐅᑯᐊ ᕼᐋᓗᐄᖑᓂᖓᓂ ᐊᑐᕆᐊᒃᑯᑦ ᐊᖅᑯᑏᑦ ᐊᓯᔾᔨᕐᓯᒪᑲᐃᓐᓇᓂᐊᕐᒪᑕ 5:30-ᒥᑦ 8:30-ᒧᑦ ᐅᓐᓄᒃᑯᑦ:
- ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 2738 ᐃᓪᓗᒧᑦ 4123;
- ᑕᓯᓗᓕᐊᕆᐊᖅ ᐊᑐᕆᐊᖅ ᑕᐃᒫᑦᑕᐅᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 4112 ᐃᓪᓗᒧᑦ 2209;
- ᓄᓇᓕᓐᓂᒥᐅᑕᐃᑦ ᓴᖑᒍᓐᓇᔾᔮᖏᑲᐃᓐᓇᖅᑐᑦ ᑕᓯᓗᓕᐊᕆᐊᒧᑦ ᓂᐊᖁᖕᖒᓯᐊᕆᐊᒥᑦ

ᓄᓇᓕᐅᑉ ᕿᑎᐊᓂ ᐃᒥᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᖅᑐᑦ ᐋᑦᑑᐸ 23
ᐋᑦᑑᐸ 19, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᐅᑉ ᕿᑎᐊᓂ ᓄᓇᓕᓐᓂᑦ, ᐃᓪᓗᖃᖅᑐᑦ ᐅᖃᐅᓯᐅᓯᒪᔪᓂ, ᐃᒥᖃᖕᖏᑲᐃᓐᓇᖅᑎᑕᐅᓂᐊᕐᒪᑕ ᓇᒡᒋᔾᔭᐅᓕᖅᑭᕐᒥ, ᐋᑦᑑᐸ 23, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒨᖅᐸᑦ 5-ᒨᕋᓱᓐᓂᐊᓄᑦ ᐅᓐᓄᓴᒃᑯᑦ, ᐱᔾᔪᑎᐅᓗᑎᒃ ᐱᓕᕆᔾᔪᑎᓂᑦ ᓴᓇᔪᑦ ᐊᒻᒪ ᓴᓇᒋᐊᖅᑐᑦ ᐃᒥᕐᒧᑦ ᓱᓪᓗᓕᒻᒪᕆᒻᒥᑦ. ᐃᒥᕐᒧᑦ ᓱᓪᓗᓕᒻᒪᕆᒃ ᐊᑦᑐᖅᑕᐅᓂᐅᓴᓂᖓ ᐱᓪᓗᒍ, ᐅᔾᔨᕈᓲᑎᒋᒋᐊᖅᑐᒍ ᐃᑲᕐᕋᓂ 48-ᓂ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᖅᑐᑦ, ᐱᒋᐊᕐᓗᑎᒃ 5-ᒨᖅᐸᑦ ᐅᓄᓴᒃᑯᑦ ᓇᒡᒋᔾᔭᐅᓕᖅᑭᕐᒥ 5-ᒧᓄᑦ ᐅᓐᓄᓴᒃᑯᑦ ᑎᓴᒻᒥᐅᓕᖅᐸᑦ.

ᖃᑦᑎᕆᔨᓄᑦ ᐃᒪᖃᐅᑏᑦ ᖃᐅᔨᓴᖅᑕᐅᓂᖏᑦ ᐊᑦᑐᐃᓂᖃᑐᐃᓐᓇᕆᐊᓖᑦ ᐃᒥᕐᒧᑦ ᓱᓪᓗᓕᓐᓂ ᐳᓪᓚᑦᓯᒪᓂᖏᓐᓂᑦ / ᐃᓱᕐᓂᖓᓂᑦ
ᐋᑦᑑᐸ 17, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᓇᓱᐊᕈᓯᕐᓂ ᐊᒡᒋᖅᑐᓂ, ᐃᖅᑲᓇᐃᔭᖅᑏᑦ ᖃᐅᔨᓴᖃᑦᑕᖑᓱᒻᒪᑕ ᖃᑦᑎᕆᔨᓄᑦ ᐃᒥᖃᐅᑎᓂᑦ ᐃᖃᓗᐃᑦ ᐃᓗᐊᓂ ᓱᑐᐃᓐᓇᒦᑦᑐᓂᑦ, ᖃᓄᐃᖏᒃᑲᓗᐊᕐᒪᖔᑕ ᖃᖓᑐᐃᓐᓇᖅ ᐊᑐᖅᑕᐅᒋᐊᖃᓕᕐᓂᕈᑎᒃ. ᖃᐅᔨᓴᕐᓂᖏᓐᓂᑦ, ᐃᒥᕐᒧᑦ ᓱᓪᓗᓕᓐᓂ ᐳᓪᓚᓯᒪᓂᖏᑦ ᐊᑦᑐᖅᑕᐅᓚᐅᖅᐸᓂᐊᖅᑐᑦ ᕿᓚᒥᐅᒐᓗᐊᖅ. ᐊᒻᒪᑦᑕᐅᖅ, ᖃᐅᔨᓴᓚᐅᖅᑎᓪᓗᒋᑦ, ᐃᒥᖅ ᐃᓱᕐᓯᑐᐃᓐᓇᕆᐊᖃᕐᒪᑦ, ᐃᒥᒃᑯᕖᑦ ᐃᓗᖏᑦ ᐊᐅᓚᑎᑕᐅᑐᐃᓐᓇᕆᐊᖃᕐᒪᑕ ᐃᓗᓕᕈᓗᖏᑦ ᐊᐅᓚᔾᔭᓪᓗᑎᒃ. ᖃᐅᔨᒪᓂᐊᖅᑯᓯ ᐃᒥᖅ ᖃᐅᔨᓴᖅᑕᐅᖏᓐᓇᓯᐊᕐᒪᑦ, ᐊᒻᒪ ᐅᓗᕆᐊᓇᕋᓂ ᐃᒥᖅᑐᒍ. ᓯᑎᒃᑯᑦ ᓇᑯᕐᒦᖅᑐᑦ ᐃᑲᔪᕐᓯᑦᓯᐊᕐᓂᓯᓐᓂᑦ ᐊᒻᒪ ᑐᑭᓯᐊᑦᓯᐊᕐᓂᓯᓐᓂᑦ ᐱᓕᕆᒋᐊᓕᓐᓂᑦ. -30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᓯᑎᒃᑯᑦ ᑲᔪᓯᑎᑦᑎᕗᑦ ᒪᓕᒐᕋᓛᒥᑦ ᓱᐴᖅᑐᕐᓗᒐᖅᑐᕈᓐᓇᕐᓂᑦᒧ /ᓯᒡᒐᓕᐊᖅᑐᕈᓐᓇᓂᕐᒧᑦ /ᐳᔫᖅᑐᓂᑦ ᓯᒡᒐᓕᐊᓐᖑᐊᓄᑦ

ᐊᑦᑐᑉᐱᕆ 10, 2018 - (ᐃᖃᓗᐃᑦ,) -   ᒪᐃᔭ ᕋᑦᐳᓐ, ᑭᒡᒐᖅᑐᐃᓪᓗᓂ ᑲᑎᒪᔨᓂᑦ, ᐅᖃᖅᑲᐅᔪᖅᐅᓪᓗᒥ ᐱᖓᔪᐊᓐᓂ ᐅᖃᓕᒫᖅᑕᐅᓚᐅᕐᖓᑦ ᐅᓐᓅᓚᐅᖅᑐᖅ. ᒪᓕᒐᕋᓛᖅ #863 ᐊᑐᓛᓕᖅᑐᖅ ᐊᑦᑑᑉᐱᕆ 17−ᒥ – ᒐᕙᒪᑐᖃᒃᑯᑦ ᐅᑭᐅᖅᑕᖅᑑᓪᓗ ᐊᕕᑦᑐᖅᓯᒪᓂᖏᑦᑕ ᓱᐴᖅᑐᕐᓗᒐᕐᓄ ᒪᓕᒐᖅᑎᒍᑦ ᐃᓕᓴᕆᔭᐅᓕᖅᑎᓪᓗᒍ.

ᖃᑦᑎᕆᔨᒃᑯ ᒪᑐᐃᖓᓛᖅᑐᑦ ᓯᕙᑖᕐᕕᒻᒥ ᐊᑦᑑᑉᐱᕆ 13−ᒥ  

ᐊᑦᑑᑉᐱᕆ 9 2018 (ᐃᖃᓗᐃᑦ, ᓄᓇᕗᑦ) – ᐱᓇᓱᐊᕈᓯᕆᓛᕐᖓᒍ ᐃᑭᑦᑎᑦᑎᑦᑕᐃᓕᒪᓂᕐᒧᑦ, ᓯᑎᒃᑯᑦ ᑐᐊᕕᕐᓇᖅᑐᓕᕆᕕᖓᓐᓂ ᒪᑐᐃᖓᑎᑦᑎᓛᖅᑐᑦ ᓯᕙᑖᕐᕕᒻᒥ, ᐊᑦᑑᑉᐱᕆ 13, 4−ᒥᑦ ᐅᓐᓄᒃᑯᑦ 7−ᒧᑦ ᐅᓐᓄᒃᑯᑦ ᖃᑦᑎᕆᕕᒻᒥ, ᓯᑎᒃᑯᓐᓂ.