ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒪᑐᐃᒃᑲᓐᓂᖅᑐᖅ
ᔮᓐᓄᐊᕆ 8, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᕕᐊᓱᒃᑐᑎᑦ ᑐᓴᖅᑎᑦᑎᔪᒪᔪᑦ ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᐱᔭᕇᖅᑕᐅᓚᐅᕐᒪᑦ ᒪᑐᐃᕐᓂᐊᓕᖅᑐᓂᓗ ᐱᒋᐊᕐᓗᓂ ᐱᖕᒐᑦᓯᖅ ᔮᓐᓄᐊᕆ 8, 2025.

ᓂᓚᓕᒫᖕᒐᑦ ᐊᑦᑕᕐᓇᕈᓐᓃᖅᑐᖅ ᐊᑐᕋᔅᓴᐅᓕᖅᑐᖅ, ᓯᐊᕐᕆᔮᕐᕕᒃ ᐊᑐᐃᓐᓇᐅᓕᖅᑐᖅ ᐊᑐᖅᑕᐅᔪᓐᓇᖅᓯᔪᖅ. ᖃᐅᔨᒪᓂᐊᖅᐳᓯ ᐊᕐᓇᐃᑦᑐᖅ ᓯᐊᕐᕆᔮᕐᕕᐅᑉ ᐊᑐᖅᐸᑦᑕᖕᒋᑦ ᐊᓯᔾᔨᖖᒋᑦᑐᑦ.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᓄᓇᓕᖕᒥᐅᓂᑦ ᕿᓄᐃᓵᕈᓐᓇᕐᓂᖕᒋᓐᓄᑦ ᑐᑭᓯᐅᒪᓂᖕᒋᓐᓄᓪᓗ ᒪᑐᓯᒪᓚᐅᖅᑎᓪᓗᒍ ᑭᒃᑯᓕᒫᓂᑦ ᖁᕕᐊᓱᒃᑲᓐᓂᖁᔨᓕᕐᒥᔪᑦ ᐊᑐᖅᑕᐅᓗᓂ.

##

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕐᕕᒋᔪᓐᓇᖅᑕᐃᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓄᑐᐃᓐᓇᕐᓂᒃ ᑭᒡᒐᖅᑐᐃᓗᓂ ᑲᑎᒪᔨᕈᕋᓱᐊᖁᔨᔾᔪᑎ – ᑲᑎᒪᔩᑦ ᐋᖅᑭᒋᐊᖅᓯᓂᕐᒧᑦ
ᔮᓐᓄᐊᕆ 8, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᕿᓂᖅᑐᑦ ᐃᖃᓗᒻᒥᐅᑕᕐᓂᒃ ᑲᑎᒪᔨᑐᐃᓐᓇᐅᒍᒪᒐᔭᖅᑐᓂᑦ ᐊᑕᐅᓯᕐᒧᑦ ᐊᕐᕋᒍᒧᑦ ᐊᑯᓂᐅᑎᒋᔪᖅ ᑲᑎᒪᔨᐅᒐᔭᖅᑐᒥᒃ ᑲᑎᒪᔨᑐᐃᓐᓇᐅᓗᓂ ᐃᓄᖕᓂᒃ ᑭᒡᒐᖅᑐᐃᓗᓂ ᐋᖅᑭᒋᐊᖅᑎᒃᑯᓐᓂ 2025-ᒧᑦ. ᑲᑎᒪᔨᐅᔪᑦ ᑲᑎᒪᓂᕆᖃᑦᑕᕋᔭᖅᑕᖏᑦ ᐅᕙᓂ ᒪᐃ 1, 2025, ᓯᕿᙳᔭᖅ 6:00 ᐅᓐᓄᒃᑯᑦ.

ᑲᑎᒪᔨᑉ ᒪᑐᐃᖓᔪᖅ:
  • ᑲᑎᒪᔩᑦ ᐋᖅᑭᒋᐊᖅᓯᓂᕐᒧᑦ – 1 ᑲᑎᒪᔨᐅᒐᔭᖅᓱᖅ ᒪᑐᐃᖓᔪᖅ

ᐱᑕᖃᕆᐊᖃᖅᑎᑕᐅᔪᑦ:
  • ᐃᓄᐃᑦ ᑲᑎᒪᔨᕈᕈᒪᔪᑦ ᑮᓇᐅᔭᓂᒃ ᐊᑭᓕᒃᓴᖃᕆᐊᖃᙱᑦᑐᑦ ᓄᓇᓕᐸᐅᔭᒃᑯᓐᓄᑦ, $500.00-ᓂᒃ ᐅᖓᑖᓄᑦ ᐊᑭᓕᒃᓴᖃᙱᓪᓗᑎᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᑖᖅ ᐊᕐᕌᒍᒧᑦ ᐅᓐᓄᐊᖓᓕ ᖁᒻᒧᐊᔫᑦ ᓴᕿᔮᖅᑎᑕᐅᓂᐊᖅᑐᑦ
ᑎᓯᐱᕆ 27, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᒃᐳᑦ ᑐᓴᖅᑎᑦᑎᔪᓐᓇᕋᒥᒃ ᐅᑎᖅᑐᑦ ᖁᕕᐊᒋᔭᐅᓂᖅᐸᐅᓲᖅ ᐊᕐᕌᒍᑕᒫᑦ ᓄᑖᒧᑦ ᐊᕐᕌᒍᒧᑦ ᐅᓐᓄᐊᖓᓕ ᖁᒻᒨᐊᔫᓂᒃ ᓴᕿᔮᖅᑎᑦᑎᓂᐊᖅᑐᑦ ᖁᕕᐊᓱᒍᑎᖃᕐᓗᑎᒃ ᑎᑭᑕᐅᖕᒪᖔᑦᑕ 2025-ᒧᑦ! ᖁᒻᒧᐊᔫᑦ ᖃᐅᒻᒪᒃᑎᑦᑎᓂᐊᖅᑐᑦ ᓯᓚᑦᑎᓐᓂᒃ ᐅᓐᓄᐊᖅ ᖁᓛᓂ ᑎᓯᐱᕆ 31, 2024, ᐱᒋᐊᕐᓂᐊᖅᑐᑦ ᐃᑎᔪᒥ ᑭᓴᕐᕕᖕᒥᑦ.

ᐊᖏᔪᒥᒃ ᖁᔭᓕᕗᒍᑦ ᒪᐃᑯ ᓴᓗᒪᓂ ᐊᑑᑎᖃᒻᒪᕆᒃᑐᒥᒃ ᐃᑲᔪᖅᓯᒪᔪᖅ ᑲᒪᒋᓪᓗᒍ ᑕᒪᓐᓇ ᖃᓄᐃᓕᐅᖃᑎᒌᖕᓂᐅᔪᖅ, ᐳᐃᒍᔮᙱᑕᑦᑎᓪᓕᒃ ᖁᕕᐊᓱᒍᒃᑎᑦᑎᕗᖅ ᑕᒪᐃᓐᓄᑦ. ᖁᔭᓐᓇᒦᒃᑕᐅᖅ ᐊᖏᔪᒥᒃ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᑲᔪᕐᒪᑕ ᐋᕿᒃᓱᑐᐃᓪᓗᑎᒃ ᐊᑐᖅᑕᐅᓪᓗᓂ ᐃᑎᔪᒥ ᑭᓴᕐᕕᑦ ᑕᒪᑐᒧᖓ ᐊᕐᕌᒍᒥᑦ ᓄᑖᒥᒃ ᖁᕕᐊᓱᒍᑎᖃᖅᑎᓪᓗᑕ.