ᐃᑉᐱᒍᓱᑦᓯᐊᓂᕐᒥᒃ ᐊᖏᕐᕋᓂ ᐆᒪᔪᖁᑎᓂᒃ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑉᐱᒍᓱᑦᓯᐊᓂᕐᒥᒃ ᐊᖏᕐᕋᓂ ᐆᒪᔪᖁᑎᓂᒃ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ
ᒪᐃ 20, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᓕᒐᕋᓛᓕᕆᔨᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐃᑉᐱᒍᓱᑦᓯᐊᓂᒃᑯᑦ ᐊᖏᕐᕋᒥ ᐆᒪᔪᖁᑎᖃᕐᓂᐅᔪᖅ ᐊᑑᑎᖃᖅᑐᒻᒪᕆᐅᒻᒪᑕ ᐊᑦᑕᓇᔾᔭᐃᕐᓯᒪᒋᐊᖃᕐᓂᒃᑯᑦ ᐊᒻᒪ ᖃᓄᐃᖕᖏᒋᐊᖃᕐᓂᖏᓐᓄᒃ ᓄᓇᓕᑦᑕ ᐃᓗᐊᓂᕐᒥᐅᑕᐃᑦ.

ᑭᐅᔾᔪᑎᐅᓗᑎᒃ ᐱᕐᕈᓗᐊᕿᓕᐅᒥᓯᒪᔪᓄᑦ ᐱᔾᔪᑎᐅᓗᑎᒃ ᑕᒫᓂᖅᑭᕙᑦᑐᑦ ᐆᒪᔪᐃᑦ, ᒪᓕᒐᕋᓛᓕᕆᔨᒃᑯᑦ ᖃᐅᔨᓴᕐᓂᕐᓴᐅᕙᓐᓂᐊᓕᖅᑐᑦ ᓄᓇᓕᐅᑉ ᐃᓗᐊᓂ. ᑲᒪᔨᐅᔪᑦ ᐱᓕᕆᐊᖃᖅᐸᑎᓪᓗᒋᑦᑕᐅᖅ, ᐱᕙᓪᓕᐅᑎᓂᖅᐹᖑᔪᖅ ᐆᒪᔪᐃᑦ ᐊᒥᓱᐃᑦ ᑕᒫᓂᖅᑭᓗᐊᖁᓇᒋᑦ ᐆᒪᔪᖁᑎᓕᐅᔪᑦ ᑭᓯᐊᓂᑦᑕᐅᖅ ᐱᓕᕆᖃᑕᐅᕙᓪᓗᑎᒃ ᑕᒪᓐᓇ ᐱᓪᓗᒍ.

ᑕᒫᓂᖅᑭᕙᑦᑐᑦ ᐆᒪᔪᐃᑦ ᐊᔾᔨᒌᖏᑦᑐᓂᒃ ᐅᓗᕆᐊᓇᖅᑐᓕᐅᕈᓐᓇᒥᒻᒪᑕ: ᐃᒻᒥᒍᑦ ᐋᓐᓂᑐᐃᓐᓇᕆᐊᖃᕐᒪᑕ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓂᒃ ᐋᓐᓂᕐᓯᓗᑎᒃ, ᐊᑐᕆᐊᒃᑯᑦ ᐃᖏᕐᕋᔪᓂᒃ ᐱᕐᕈᓗᐊᕿᑎᑦᓯᒍᓐᓇᖅᑐᑦ, ᐱᖁᑎᒋᔭᓂᒃ ᓱᕋᐃᔭᐅᒍᓐᓇᕐᒪᑕ, ᐊᒻᒪ ᐋᓐᓂᐊᓇᖅᑐᓂᒃ/ᖃᓂᒪᓇᖅᑐᓂᒃ ᓯᐊᒻᒪᐃᒍᓐᓇᕆᓪᓗᑎᒃ. ᓄᓇᓕᐸᐅᔭᒃᑯᑦ

ᑐᑭᓯᐊᑦᓯᐊᖅᑑᒐᓗᐊᑦ ᖃᓄᑐᐃᓐᓇᑦᓯᐊᖅ ᐊᑐᖅᑐᖃᓕᕈᓐᓇᕐᒪᑦ ᐱᔮᖅᑯᑕᐅᖏᑐᒃᑯᑦ, ᐱᓕᕆᐊᖃᖅᐸᑦᑐᓂ ᑕᒫᓂᖅᑭᔾᔭᐃᕐᓯᒪᖁᓪᓗᒋᑦ ᐆᒪᔪᖁᑎᒋᔭᐅᕙᑦᑐᑦ ᐊᒻᒪ ᐱᑑᔾᔮᕐᔭᐃᕐᓯᒪᑦᓯᐊᐸᑦᑐᒋᑦ ᐅᓗᕆᐊᓇᖅᑐᑦ ᐊᑐᖅᑕᐅᔾᔭᐃᕐᓯᒪᒍᓐᓇᕐᒪᑕ.

ᐊᖏᕐᕋᒥ ᐆᒪᔪᖁᑎᖃᖅᐸᑦᑐᑦ ᓇᓗᓇᐃᕐᓯᒪᖁᔭᐅᕙᑉᐳᑦ ᐊᖏᕐᕋᖏᑦ ᐊᒻᒪ ᐃᓪᓗᖏᑕ ᓯᓚᑎᑦᓯᐊᖏᑦ ᖃᓄᐃᖏᒃᑲᓗᐊᕐᒪᖔᑕ, ᐊᒻᒪ ᖃᐅᔨᓴᖅᐸᓪᓗᑎᒃ ᒪᑐᖏᓐᓂᒃ, ᐃᒐᓛᖏᓐᓂᒃ, ᐊᒻᒪ ᐃᓪᓗᐃᑦ ᐊᕙᓗᖏᓐᓂᒃ ᐊᕙᓗᖃᕈᑎᒃ ᐆᒪᔪᖁᑎᖏᓐᓄᑦ ᐊᓂᕕᑦᓴᐅᖏᒃᑲᓗᐊᕐᒪᖔᑕ ᖃᐅᔨᓴᖅᑕᐅᖏᓪᓗᑎᒃ. ᐱᓱᖃᑎᖃᕐᓂᐊᕈᕕᑦ ᐆᒪᔪᖁᑎᓐᓂᒃ, ᑕᓯᒍᐊᕐᓯᒪᑦᓯᐊᐸᓪᓗᒍ ᐊᒻᒪ ᖁᖓᓯᕐᒥᐅᑕᖏᑦ ᐲᕐᓂᐅᓴᖏᓪᓗᑎᒃ ᐅᕝᕙᓘᓐᓃᑦ ᐱᑑᑕᖏᑦ, ᐃᓕᓐᓂᐊᕐᓯᒪᑦᓯᐊᖅᑑᒐᓗᐊᑦ ᐆᒪᔪᖁᑎᐅᔪᑦ ᓂᕆᐅᓇᖏᑦᑐᓂᒃ ᖃᓄᐃᓯᑲᓪᓚᒍᓐᓇᕐᒪᑕ. ᐆᒪᔪᐃᑦ ᖃᐅᔨᓴᖅᑕᐅᖏᓐᓇᕆᐊᖃᖅᐸᑦᑐᑦ ᕿᒪᑦᑕᐅᑐᐃᓐᓇᕐᓯᒪᕙᖏᓪᓗᑎᒃ ᐊᑯᓂᑲᓪᓚᐅᔪᖅ, ᐱᓗᐊᖅᑐᒥ ᓯᓚᒥ ᐱᑐᑦᑕᐅᓯᒪᑎᓪᓗᒋᑦ. ᐃᖃᐃᓕᓴᕐᓯᒪᑦᓯᐊᐸᓐᓂᐅᔪᖅ ᐊᒻᒪ ᐃᓱᒪᒃᑯᑦ ᖃᓄᐃᒐᓱᐊᖏᑎᑦᓯᓂᐅᔪᖅ ᐱᒻᒪᕆᐅᒻᒥᔪᑦ ᐆᒪᔪᖁᑎᐅᔪᑦ ᐃᕿᐊᖑᓗᐊᕐᓂᖏᓐᓄᑦ ᕿᒫᒐᓱᐊᖃᑦᑕᖁᓇᒋᑦ.

ᐃᓘᓐᓇᑎᒃ ᐊᖏᕐᕋᓂ ᐆᒪᔪᖁᑎᐅᔪᑦ ᓇᓗᓇᐃᖅᑕᐅᔪᓐᓇᑦᓯᐊᕆᐊᖃᖅᐸᑦᑐᑦ. ᐆᒪᔪᓄᑦ ᓚᐃᓴᐃᑦ ᐊᑐᐃᓐᓇᐅᔪᑦ ᐊᑭᖃᕋᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᓪᓚᕝᕕᖏᓐᓂᒃ (ᐃᓪᓗᒥ 1549) ᐊᒻᒪ ᐱᓕᕆᔾᔪᑎᓪᓚᕆᐅᕙᑦᑐᑎᒃ ᐊᓯᐅᔭᐅᓯᒪᔪᑦ ᐆᒪᔪᐃᑦ ᐅᑎᖅᑎᑕᐅᓇᓱᐊᖅᑎᓪᓗᒋᑦ ᐃᓄᖏᓐᓄᑦ.

ᑕᒪᒃᑯᐊ ᐊᑐᖅᐸᓪᓗᒋᑦ, ᓄᓇᓕᕐᒥᐅᑕᐃᑦ ᐃᑲᔪᖅᐸᓂᐊᖅᑐᑦ ᐊᑦᑕᓇᔾᔭᐃᕐᓯᒪᓂᒃᑯᑦ ᐊᒻᒪ ᐃᓅᖃᑎᒌᑦᓯᐊᓂᕐᓴᐅᓕᕐᓂᖏᓐᓄᑦ ᑭᒃᑯᑐᐃᓐᓇᑦᓯᐊᑦ ᐃᖃᓗᓐᓃᑦᑐᑦ.

ᑕᒫᓂᖅᑭᔪᒥᒃ ᐆᒪᔪᒥᒃ ᑕᑯᓐᓂᕈᕕᑦ, ᐅᖃᐅᓯᕆᔪᓐᓇᖅᑕᓯ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐃᑲᕐᕋᖏᑕ ᐃᓗᖏᓐᓂ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᑭᐅᔨᖏᓐᓄᑦ ᐅᕗᖓ ᐅᖄᓚᓗᓯ 867-979-5650. ᐃᑲᔫᑎᖃᕈᓐᓇᓯᐊᖅᑐᑦ ᓇᓗᓇᐃᕐᓯᓯᒪᒍᓐᓇᕈᑎᒃ ᐆᒪᔪᖅ ᖃᓄᐃᑦᑑᓂᖓᓄᑦ, ᓄᓇᓕᐅᑉ ᐃᓗᐊᓂ ᓱᑯᑦᓯᐊᓃᓐᓂᖓᓄᑦ, ᐊᒻᒪ ᓇᒧᑦ ᑐᕌᖅᑲᐅᒻᒪᖔᖅ.

ᖁᔭᓐᓇᒦᒃ ᐃᑲᔪᖅᐸᑲᑦᓯ ᐃᖃᓗᐃᑦ ᐃᓗᐊ ᐊᑦᑕᓇᔾᔭᐃᕐᓯᒪᖁᓪᓗᒍ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᔭᕝ ᐴᕐᓐ

ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca