ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖄᖅᑎᑦᓯᔪᖃᓛᕐᓂᖓᓄᑦ ᓇᓗᓇᐃᕐᓯᔾᔪᑎ - ᐃᓄᐃᑦ ᓄᓇᖁᑎᖏᓐᓂ ᓴᓇᔪᖃᓕᖅᐸᑦ ᐱᓕᕆᐊᑦᓴᒥᒃ
ᒪᐃ 9, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᑯᐊ ᓴᓇᔨᐅᔪᑦ ᐱᓕᑕᒃᑯᑦ (Pilitak Enterprises Ltd.) ᖃᐅᑕᒫᖅ ᖄᖅᑎᑦᓯᕙᓐᓂᐊᕐᒪᑕᒎᖅ ᐃᓚᒋᔭᐅᔪᓂᒃ ᐃᓄᐃᑦ ᓄᓇᖁᑎᖏᓐᓂ ᓴᓇᔪᓄᑦ ᐱᓕᕆᐊᑦᓴᒧᑦ. ᖄᖅᑎᑦᓯᖃᑦᑕᓛᕐᓂᐊᖅᑐᑦ ᒪᐃ 12-ᒥᓂᒃ ᔪᓚᐃ 1-ᒧᓄᑦ, 2025, ᐃᖃᕐᕋᐃᑦ ᐊᑯᓐᓂᖏᓐᓂ ᐱᒋᐊᖅᐸᓪᓗᑎᒃ ᐅᓪᓛᒃᑯᑦ 7:30 ᐊᒻᒪ 5:30 ᐅᓐᓄᐸᓪᓕᐊᓕᖅᑎᓪᓗᒍ.
ᖄᖅᑎᑦᓯᖃᑦᑕᓛᖅᑐᑦ ᖃᓂᒋᖓᓂ ᓄᓇᐅᑉ ᒫᓃᑦᑑᑉ ᓄᓇᕐᔪᐊᑎᒍᑦ 63°45'23.58" ᐅᐊᓐᓇᕐᒥ ᐊᒻᒪ 68°31'43.02" ᐱᖓᓐᓇᒥ, ᐃᓂᖃᖅᑐᒥ ᐅᖓᑖᓃ ᐊᖅᓴᕐᓃᑦ ᑐᔪᕐᒥᕕᐅᑉ ᐊᒻᒪ ᑲᑎᒪᕕᔾᔪᐊᕐᕕᐅᑉ. ᖄᖅᑎᑦᓯᕕᐅᑉ ᐊᕙᑎᓄᑦ ᑎᑭᑉᐸᓂᐊᖅᑐᑦ 50 ᒦᑕᓄᑦ. ᐊᑦᑕᓇᔾᔭᐃᒃᑯᑎᓂᒃ ᐊᓪᓕᓂᐅᔭᕐᓂᒃ ᐅᓕᖃᓛᖅᑐᑦ, ᐊᒻᒪ ᐃᓘᓐᓇᑎᒃ ᐊᑦᑕᓇᔾᔭᐃᒃᑯᑎᐅᔪᑦ ᐱᓕᕆᔾᔪᑎᖏᑦ ᐊᑐᖅᑕᐅᓛᕐᒥᔪᑦ ᓴᐳᒻᒥᑦᓯᔾᔪᑎᐅᓗᑎᒃ ᓄᓇᓕᕐᒥᐅᑕᓂᑦ ᐊᒻᒪ ᖃᖓᑕᓲᑯᕕᓕᕆᔨᐅᔪᑦ ᐊᐅᓚᑦᓯᔾᔪᑎᖏᓐᓂᒃ.
ᓇᓗᓇᐃᔭᐃᑎᓂᒃ ᐊᒻᒪ ᐅᓗᕆᐊᓱᖁᔨᔾᔪᑎᓂᒃ ᑎᑎᖅᑲᓂᒃ ᓇᑉᐸᐃᓯᒪᓛᕐᒥᔪᑦ ᖄᖅᑎᑦᓯᕕᐅᑉ ᖃᓂᒋᔭᖏᓐᓂ ᑐᓴᐅᒪᑎᑦᓯᔾᔪᑎᑦᓴᓂᒃ ᐊᒻᒪ ᐊᑦᑕᓇᔾᔭᐃᕐᓯᒪᖁᓪᓗᒋᑦ ᑭᒃᑯᑐᐃᓐᓇᐃᑦ. ᓄᓇᓕᕐᒥᐅᑕᐃᑦ ᖄᖅᑎᑦᓯᕕᐅᑉ ᖃᓂᒋᔮᓅᖁᔭᐅᖏᓯᐊᕐᓂᐊᖅᑐᑦ ᐊᒻᒪ ᖃᐅᔨᓴᕐᔫᒥᕙᓪᓗᑎᒃ ᑎᑎᕋᕐᓯᒪᔪᓂᒃ ᓇᓗᓇᐃᔭᐃᑎᓂᒃ ᐋᖅᑮᓯᒪᔪᖃᓕᕐᓂᕐᒪᖔᖅ.
ᐊᐱᖅᑯᓄᑦ ᐃᓱᒫᓘᑎᐅᔪᓄᓪᓘᓐᓃᑦ, ᖃᐅᔨᒋᐊᖁᔪᑦ ᓴᓇᔨᐅᔪᑦ ᐱᓕᑕᒃᑯᑦ (Pilitak Enterprises Ltd.) ᐃᕐᖐᓇᖅᑕᐅᑎᒃᑯᑦ ᐅᕗᖓ Iqaluit2@gely.biz, ᐅᖄᓚᐅᑎᒃᑯᑦ ᐅᕗᖓ 867-979-1166, ᐅᕝᕙᓘᓐᓃᑦ ᐊᑭᖃᖏᑦᑐᒧᑦ ᐅᕗᖓ 866-781-0704.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᖅᑐᑦ ᓄᓇᓕᕐᒥᐅᑕᓂᒃ ᐃᑲᔪᑦᓯᐊᕐᓂᖏᓐᓄᑦ ᑲᑐᔾᔨᖃᑕᐅᓗᑎᒃ ᐊᒻᒪ ᑐᑭᓯᐊᑦᓯᐊᕐᓂᖏᓐᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
