ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᓕᕆᓂᖅ ᐊᒻᒪ ᖃᐅᔨᓴᒃᑲᓐᓂᐸᓐᓂᐊᓕᕐᓂᖏᑦ
ᒪᐃ 9, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᓂ ᐆᒪᔪᖁᑎᓕᒫᑦ ᓚᐃᓴᖃᕆᐊᖃᕐᒪᑕ. ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᐃᑦ ᐊᑭᖃᖏᑦᑐᖅ ᐊᒻᒪ ᐊᑐᐃᓐᓇᐅᓯᐊᖅᑐᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᕐᓚᕝᕕᖓᓐᓂ (ᐃᓪᓗᒥ 1549 ᖃᖓᑕᓲᒃᑯᕕᓕᐊᕆᐊᑉ ᐃᓚᖓᓂ). ᓇᓗᓇᐃᕐᓯᒪᒋᐊᖃᖅᑐᓯ ᐊᖏᕐᕋᓐᓂ ᐆᒪᔪᖁᑎᒋᔭᐃᑦ ᐅᔭᒥᓯᒪᑎᒋᐊᖃᕋᕕᐅᒃ - ᑲᒪᔨᓄᑦ ᓇᓗᓇᐃᒃᑯᑎᐅᒻᒪᑕ ᑭᒃᑯᓐᓄᑦ ᐆᒪᔪᖁᑎᐅᒻᒪᖔᑕ ᕿᓚᒥᐅᔫᒥᔪᒃᑯᑦ ᐊᒻᒪ ᐊᑭᓕᕋᔭᖕᖑᐊᖅᑐᓂᒃ ᐊᑭᓖᔾᔭᐃᒃᑯᑎᐅᒍᓐᓇᕐᒪᑕ ᑎᒍᔭᐅᓐᓂᖅᐸᑕ ᒪᓕᑦᑐᒋᑦ ᑎᑎᕋᕐᓯᒪᔪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖁᑎᖓᓐᓂ 924.
ᐃᖃᓗᐃᑦ ᐃᓗᐊᓂ ᖃᐅᔨᓴᖅᐸᑦᑐᑦ ᖃᐅᔨᓴᒃᑲᓐᓂᖃᑦᑕᕐᓂᐊᓕᕐᒥᔪᑦ ᑕᒫᓂᖅᑭᔪᓂᒃ ᐆᒪᔪᕐᓯᐅᐸᓪᓗᑎᒃ. ᑕᑯᓐᓂᕈᕕᑦ ᐱᓱᑦᑐᓂᒃ ᑲᒪᔨᓂᒃ ᓇᔪᒐᖃᕐᕕᑦᓯᓐᓂ, ᖃᐅᔨᒪᓂᐊᖅᑯᓯ ᓇᓗᓇᐃᔭᐃᒻᒪᑕ ᐊᒻᒪ ᐱᔾᔪᑎᐅᔪᓂᒃ ᐱᓕᕆᐊᖃᕋᓱᒻᒪᑕ ᐱᔾᔪᑎᖃᖅᑐᓂᒃ ᑕᒫᓂᖅᑭᔪᓂᒃ ᐅᕝᕙᓘᓐᓃᑦ ᐱᑐᔾᔮᕐᓯᒪᔪᓂᒃ ᐆᒪᔪᓂᒃ.
ᑕᒪᓐᓇ ᐱᒋᐊᖅᑎᑕᐅᔪᖅ ᐃᓚᒋᔭᐅᔪᖅ ᐊᑦᑕᓇᔾᔭᐃᕐᓯᒪᑎᑦᓯᔾᔪᑎᒋᓇᓱᐊᖅᑕᑎᓐᓄᑦ ᑭᒃᑯᑐᐃᓐᓇᕐᓂᒃ ᐊᒻᒪ ᐆᒪᔪᐃᑦ ᖃᓄᐃᖁᓇᒋᑦ. ᑕᒫᓂᖅᑭᔪᑦ ᐆᒪᔪᐃᑦ ᐊᑐᕆᐊᒃᑯᑦ ᐃᖏᕐᕋᔪᓂᒃ ᐅᓗᕆᐊᓇᖅᑐᒦᑎᑦᓯᒍᓐᓇᕐᒪᑕ, ᐱᖁᑎᒋᔭᐅᔪᓂᒃ ᓱᕋᐃᔭᐃᒍᓐᓇᖅᑐᑎᓪᓗ, ᐊᒻᒪ ᐋᓐᓂᖅᑎᑦᓯᑐᐃᓐᓇᕆᐊᖃᖅᑐᑎᒃ ᐅᕝᕙᓘᓐᓃᑦ ᖃᓂᒪᓇᖅᑐᖃᕐᓗᑎᒃ ᑭᒃᑯᑐᐃᓐᓈᕈᓐᓇᖅᑐᓂᒃ. ᓄᓇᓕᕐᒥᐅᑕᓕᒫᑦᓯᐊᑦ ᐃᑲᔪᖁᔭᕋᓗᐊᕗᑦ ᐆᒪᔪᖁᑎᓯ ᐱᑐᑦᓯᒪᑎᑉᐸᓪᓗᒋᑦ ᐊᓃᖅᑎᓕᕋᐃᒍᑦᓯᐅᒃ ᐊᒻᒪ ᐊᖏᕐᕋᓯᓐᓂᒃ ᐊᓂᔾᔭᐃᕐᓯᒪᑎᑉᐸᓪᓗᒋᑦ ᐱᑐᑦᓯᒪᑎᓐᓇᒋᑦ.
ᖃᓄᖅ ᐃᑲᔪᕈᓐᓇᕐᒪᖔᑦᓯ:
• ᐆᒪᔪᖁᑎᓯ ᐱᑐᑦᓯᒪᑎᑉᐸᓪᓗᒋᑦ ᐱᓱᖃᑎᒋᓂᐊᕈᕕᒋᑦ ᓯᓚᒃᑯᑦ.
• ᓇᓗᓇᐃᕐᓯᒪᑦᓯᐊᐸᓪᓗᒋᑦ ᖁᖓᓯᕈᖏᑦ ᐊᒻᒪ ᐊᕐᓵᖅᑑᔭᖏᑦ ᐋᖅᑭᑦᓯᒪᑦᓯᐊᕋᓗᐊᕐᒪᖔᑕ.
• ᐊᑭᖃᖏᑦᑐᒥᒃ ᓂᕕᖓᑖᑦᓴᒥᒃ ᐊᐃᑦᓯᖁᔪᖅ ᐊᒻᒪ ᐊᑕᑎᓐᓂᐊᕐᓗᒍ ᐆᒪᔪᖁᑎᑦᓯ ᐅᔭᒥᖓᓄᑦ.
• ᐅᖃᐅᓯᖃᕈᓐᓇᖅᑐᓯ ᑕᒫᓂᖅᑭᔪᓂᒃ ᐆᒪᔪᓂᒃ ᐅᖄᓚᓗᓯ ᐅᕗᖓ 867-979-5650 ᐅᓪᓗᒃᑯᑦ ᐱᓕᕆᓐᓇᐅᓂᖓᓂ. ᐅᖃᐅᓯᕆᒋᐊᓕᑦᓯ ᓇᒦᒻᒪᖔᑕ ᐆᒪᔪᐃᑦ, ᖃᓄᐃᑦᑑᒻᒪᖔᑕ, ᐊᒻᒪ ᓇᒧᑦ ᑐᕌᖅᑑᔮᖅᑲᐅᒻᒪᖔᑕ ᖃᐅᔨᒪᔭᐅᒍᑎᒃ.
ᐱᓕᕆᖃᑎᒌᑉᐸᓂᒃᑯᑦ ᑲᑐᔾᔨᓗᑕ, ᐃᑲᔪᕈᓐᓇᖅᑕᕗᑦ ᑲᒪᔨᐅᔪᑦ ᐊᒻᒪ ᓄᓇᓕᑦᑕ ᐃᓗᐊᓂᒃ ᐊᑦᑕᓇᔾᔭᐃᕐᓯᒪᑎᑦᓯᕙᓪᓗᑕ, ᑲᔾᔮᓇᖅᑎᒐᓱᓪᓗᒍ ᑭᒃᑯᑐᐃᓐᓇᑦᓯᐊᓄᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
