ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᓱᓛᖅᑐᑦ ᐱᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ
ᓰᑏᐱᕆ 9, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᓱᓐᓂᖃᓛᕐᓂᖏᓐᓄᑦ ᐅᐸᓗᖓᐃᖅᑕᐅᔪᒥᒃ ᐅᑯᓄᖓ ᐃᓵᑦᓯᒪᒋᑦ ᐃᓅᓯᕐᒥᒃ ᑲᑎᒪᔨᓄᑦ ᐃᓕᑕᕆᔭᐅᖁᓪᓗᒍ ᐃᓵᑦᓯᒪᒋᑦ ᐃᓅᓯᕐᒥᒃ ᐅᓪᓗᖓ.

ᐱᓱᓛᕈᒪᔪᑦ ᐱᖓᑦᓯᖅ, ᓰᑏᐱᕆ 10, 2025, ᐅᓐᓄᓴᒃᑯᑦ 4-ᒨᖅᐸᑦ, ᐱᓱᒋᐊᓯᓗᑎᒃ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒻᒥ ᐊᒻᒪ ᐃᓱᓕᓪᓗᑎᒃ ᐃᓐᓇᑐᖃᐃᑦ ᖃᒻᒪᖓᓂ. ᐅᓇ ᐊᕐᕌᒍᑕᒫᕐᓯᐅᑎᐅᔪᖅ ᐊᑐᖅᑎᑦᓯᔾᔪᑎᐅᓇᓱᐊᖅᐸᑦᑐᖅ ᐃᓱᒪᓕᕆᕙᓐᓂᕐᒥᒃ ᐅᔾᔨᕈᓱᒋᐊᕈᑎᓂᒃ, ᐃᓅᓯᕐᓂᒃ ᑭᐱᓯᑦᑕᐃᓕᒪᑎᑦᓯᓂᕐᒥᒃ, ᐊᒻᒪ ᓄᓇᓕᕐᒥᐅᖃᑎᒌᓐᓂᒃ ᑲᑎᑎᑦᓯᔾᔪᑎᐅᕙᑦᑐᓂ ᐊᑦᑐᐊᖃᑎᒌᒍᑎᖃᕐᓂᒃᑯᑦ ᐃᓅᓯᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᔭᕇᖅᓯᕙᓪᓕᐊᓂᖅ ᐊᐅᔭᒃᑯᑦ ᓄᓇᓕᓐᓂ ᒐᕙᒪᐅᔪᖅ ᐱᓪᓗᒍ ᐃᓕᓐᓂᐊᖅᑎᑦᑎᒍᑎᑦᑎᓐᓂ
ᓯᑎᐱᕆ 9, 2025 − ᐃᖃᓗᐃᑦ, ᓄᓇᕗᑦ

ᑕᒫᓂ ᐊᐅᔭᕐᒥ, ᐃᖃᓗᐃᑦ ᓄᓇᓕᐸᐅᔭᖓ ᓴᖅᑮᓚᐅᖅᑐᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕈᑎᓂᒃ ᑐᑭᓯᐅᒪᑎᑕᐅᑦᓯᐊᖁᓪᓗᒋᑦ ᐃᖃᓗᒻᒥᐅᑦ ᖃᓄᖅ ᓄᓇᓕᓐᓂ ᒐᕙᒪᖏᑦ ᐊᐅᓚᓂᖃᓲᖑᒻᒪᖔᑕ ᐊᒻᒪᓗ ᖃᓄᖅ ᐃᓚᐅᖃᑕᐅᔪᓐᓇᕐᒪᖔᑦ ᐋᖅᑮᓗᑎᑦ ᓄᓇᓕᑦᑎᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ
ᐅᖃᐅᔾᔪᐃᔾᔪᑎ - 2230 A-B, 2231 A-B, 2232 A-B, 2233 A-D, 2711, 2713,
2715, 2717, 2719, 2721, 2726, 2728, 2730, 2732, 2734
ᐊᒻᒪ 2736 A-F
ᓰᑏᐱᕆ 5, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᖅ, ᓰᑏᐱᕆ 7, ᐱᒋᐊᕐᓗᑎᒃ ᐅᓪᓗᒃᑯᑦ 9- ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230 A-B, 2231 A-B, 2232 A-B, 2233 A-D, 2711, 2713, 2715, 2717, 2719, 2721, 2726, 2728, 2730, 2732, 2734 ᐊᒻᒪ 2736 A-F.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᖁᔭᓐᓇᒦᒃ ᐊᐅᔭᒃᑯᑦ ᓴᓂᖅᑏᑦ
ᓰᑏᐱᕆ 3, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᑦᑎᐊᖅᑐᑦ ᐃᖅᑲᓇᐃᔭᕈᒪᓪᓚᕆᓚᐅᖅᑐᓄᑦ ᐊᐅᔭᖅ ᓴᓂᖅᑎᓄᑦ. ᐊᒃᓱᕈᕐᓂᕆᔭᐃᑦ ᐊᖕᒋᖅᓯᒪᓂᓯᓗ ᐊᐅᔭᐅᑎᓪᓗᒍ ᐅᔾᔨᕐᓇᖅᑐᒥᑦ ᐊᓯᔾᔩᓯᒪᒪᕆᒃᐳᑦ ᓄᓇᓕᐸᐅᔭᑦᑎᓐᓂᑦ. ᒥᕐᖕᒍᐃᖅᓯᕐᕕᖕᓂ ᐊᖅᑯᑎᓄᑦ, ᐱᓇᓱᒍᑎᒋᔭᓯ ᐃᑲᔪᑦᑎᐊᖅᑐᑦ ᐃᖃᓗᐃᑦ ᓴᓗᒻᒪᕐᔫᒥᓂᖕᒐᓄᑦ ᑐᖖᒐᓇᕐᓂᖅᓴᐅᓕᖅᑐᓂᓗ ᓄᓇᖅᑲᑎᒌᓄᑦ ᐊᒻᒪᓗ ᓂᐅᕐᕈᔪᓄᑦ.

ᓯᓚ ᐊᓯᔾᔨᖅᐸᓪᓕᐊᑎᓪᓗᒍ, ᑭᒃᑯᑐᐃᓐᓇᑦᑎᐊᓂᒃ ᑐᖖᒐᓱᒃᑎᑦᑎᕗᒍᑦ ᓄᓇᓕᑦᑎᓐᓂ ᐃᑲᔪᖁᔨᓪᓗᑕ ᑕᒪᓐᓇ ᑲᔪᓰᓐᓇᖁᓪᓗᒍ:

   ᓴᓃᑦ ᐃᒋᑦᑎᐊᖅᐸᓪᓗᒋᑦ,
   ᓴᓂᕕᒡᔪᐊᖅᑐᖃᓕᕌᖕᒐ ᓴᓂᖃᑕᐅᕙᓪᓗᑎᑦ,
   ᐊᒻᒪᓗ ᐅᐱᒍᓱᐃᓐᓇᕐᓗᑕ ᑲᑐᔾᔨᔪᓂᑦ ᐃᓂᐅᔪᓂᑦ.

ᐱᓕᕆᖃᑎᒌᓪᓗᑕ, ᐃᖃᓗᐃᑦ ᑕᑯᒥᓇᖅᑎᒍᓐᓇᖅᑕᕗᑦ ᐊᕐᕌᒍᓕᒫᖅ.

ᖁᔭᓐᓇᒦᒃ!

##

ᑭᒃᑯᑐᐃᓐᓇᖕᓄᑦ ᑐᓴᕋᑦᓴᖅ
ᒪᓕᒐᕋᓛᓂᒃ ᐊᑐᓕᖅᑎᑦᓯᓇᓱᐊᕐᓂᖅ ᐊᒻᒪ ᑭᒃᑯᑐᐃᓐᓇᕐᓄᑦ ᐃᑉᐱᒋᔭᐅᔭᕆᐊᓖᑦ
ᓰᑏᐱᕆ 2, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᖃᓄᖅ ᓄᓇᓕᓐᓂ ᒪᓕᒐᕋᓛᓕᐊᖑᕙᑦᑐᑦ ᐊᑐᖅᑎᑕᐅᓇᓱᐊᖅᐸᓐᓂᖏᓐᓄᑦ ᓄᓇᑦᑎᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖅ
ᐋᒡᒌᓯ 29, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᐅᑎᕐᓂᖓᓄᑦ ᐊᕐᕌᒍᑕᒫᕐᓯᐅᑎᐅᑉ ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖁᑎᖓᑕ. ᓰᑏᐱᕆ 8-ᒥᒃ 12-ᒧᑦ, 2025, ᓄᓇᓕᕐᒥᐅᑕᐃᑦ ᐊᑲᐅᓈᕈᑎᖃᕈᓐᓇᓛᓕᕐᒥᔪᑦ ᐃᒋᑦᑎᒍᓐᓇᖅᑎᑕᐅᓗᑎᒃ ᐊᖏᔫᑎᓂᒃ ᓴᓂᕐᓂᒃ ᐊᖏᕐᕋᖏᓐᓂ ᓱᓇᒃᑯᑖᒥᓂᕐᓂᒃ ᐊᑭᓖᖏᓪᓗᑎᒃ.

ᐃᒋᑕᐅᒍᓐᓇᓛᖅᑐᑦ ᓴᓃᑦ:

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᓕᓐᓂᐊᕐᓇᐅᓂᐊᓕᕐᒥᒻᒪᑦ – ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᖅ
ᐋᒐᓯ 29 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᓕᓐᓂᐊᖅᑏᑦ ᐃᓕᓐᓂᐊᓛᓕᕐᒥᒻᒪᑕ ᓰᑎᐱᕆ 2, 2025-ᖕᒍᓕᖅᐸᑦ, ᐅᔾᔨᖅᓱᑦᑎᐊᕆᐊᖃᖅᑐᓯ ᐃᖕᒋᕐᕋᓕᕌᖕᒐᔅᓯ, ᐱᓗᐊᖅᑐᒥ ᐃᓕᓐᓂᐊᕐᕕᐅᑉ ᓱᕈᓯᖅᑕᐅᑎᖕᒋᓐᓂ ᐊᒻᒪᓗ ᐃᓕᓐᓂᐊᕐᕕᐅᑉ ᖃᓂᒋᔭᖕᒋᓐᓂ.

ᐅᔾᔨᖅᓱᑦᑎᐊᖃᑦᑕᕐᓂᐊᖅᐳᑎᑦ ᐅᓪᓛᒃᑯᑦ ᐊᒻᒪᓗ ᑖᖅᓯᓕᖅᑎᓪᓗᒍ, ᑕᑯᒐᕐᓂᖖᒋᑐᐃᓐᓇᕆᐊᖃᕐᒪᑕ ᐱᓱᒃᐸᒃᑐᑦ.

ᐃᖅᑲᐅᒪᒋᑦ ᒪᓕᒐᕐᒥᒃ ᓱᕋᐃᓂᐅᒻᒪᑦ ᓱᕈᓯᖅᑕᐅᑎᐅᑉ ᐊᐅᐸᖅᑐᑦ ᖃᐅᒻᒪᖕᒋᑦ ᖃᐅᒻᒪᓪᓛᑎᓪᓗᒋᑦ ᐊᒻᒪᓗ ᓄᖅᑲᕆᐊᖃᖅᑐᑎᑦ.

ᐊᖁᕝᕕᐅᔫᒃ ᑕᒪᕐᒥᒃ ᓄᖅᑲᖕᒐᕕᐅᔪᐃᓐᓇᐅᔭᕆᐊᓖᑦ ᐊᐅᐸᖅᑐᑦ ᖃᐅᒪᖕᒋᑦ ᖃᒥᒐᓱᓐᓂᖕᒋᓐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᓄᖅ ᐃᓚᒋᔭᐅᖃᑕᐅᕕᔅᓴᐅᓂᕐᒧᑦ ᓄᓇᓕᒻᒥᑦ ᒐᕙᒪᒧᑦ
ᐋᒡᒌᓯ 27, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓᑦ ᐃᖃᓗᐃᑦ ᖃᐅᔨᒃᑲᕈᒪᔭᖏᑦ ᓄᓇᓕᒻᒥᐅᑕᐃᑦ ᐱᔾᔪᑎᖃᖅᑐᓂᑦ ᐊᒥᓱᓂᑦ ᐃᓚᒋᔭᐅᖃᑕᐅᔪᓐᓇᕐᓂᖏᓐᓄᑦ ᓄᓇᓕᒻᒥᑦ ᒐᕙᒪᒥᑦ ᐊᒻᒪ ᐃᑲᔪᕐᓗᑎ ᐃᓱᒪᓕᐅᖅᑕᐅᔪᓂᑦ ᐊᑦᑐᐊᐃᓂᖃᖅᑐᓂᑦ ᓄᓇᓕᑦᑎᓐᓂ.

ᐃᓚᒋᔭᖓ ᐱᒻᒪᕆᐅᓛᖑᔪᖅ ᖃᓄᑦ ᐃᓚᒋᔭᐅᖃᑕᐅᔪᓐᓇᓂᕐᒧᑦ ᓂᕈᐊᕐᓗᑎ ᓄᓇᓕᒻᒧᑦ ᓂᕈᐊᓂᕐᒧᑦ. ᓂᕈᐊᖃᑕᐅᓗᓂ ᐃᖃᓗᐃᑦ ᓄᓇᓕᒻᒥ ᓂᕈᐊᕐᓂᐅᔪᓂᑦ, ᓄᓇᓕᒻᒥᐅᑕᐃᑦ ᑲᓇᑕᒥᐅᑕᐅᔭᕆᐊᓖᑦ, 18−ᓂ ᐊᕐᕌᒍᖃᕐᓗᑎ ᓂᕈᐊᓂᕐᒧᑦ ᐅᓪᓗᖓᓂ, ᐊᒻᒪ ᓄᓇᕗᒻᒥᐅᑕᐅᓯᒪᓗᓂ ᐊᑕᐅᓯᕐᒥᑦ ᐊᕐᕌᒍᒥᑦ. ᓂᕈᐊᖅᑐᑦ ᐃᖃᓗᒻᒥᐅᑕᐅᔭᕆᐊᖃᕐᒥᔪᑦ. ᓂᕈᐊᕐᓂᖃᖃᑦᑕᖅᑐᑦ ᑎᓴᒪᓂᑦ ᐊᕐᕌᒍᓂᑕᒫᑦ, ᐊᒻᒪ ᓄᓇᓕᒻᒥᐅᑕᐃᑦ ᐊᑎᓕᐅᕈᓐᓇᖅᑐᑦ ᓂᕈᐊᕐᕕᒻᒥ ᓂᕈᐊᕐᓇᒥ ᐅᓪᓗᖓᓂ ᐱᑕᖃᖅᑎᑦᑎᓗᑎ ᓈᒻᒪᑦᑐᓂᑦ ᓇᓗᓇᐃᖅᓯᒍᑎᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒥᑦ ᓴᓗᒻᒪᖅᓴᐃᓂᖅ – ᐱᓕᕆᐊᖅ ᐅᖓᕐᕙᕆᐊᖅᑕᐅᔪᖅ ᓄᓇᓕᒻᒥᐅᑕᓄᑦ
ᐋᒡᒌᓯ 25, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᓄᓇᒥᑦ ᓴᓗᒻᒪᖅᓴᐃᓂᖅ ᓴᓗᒻᒪᖅᓴᐃᓂᕐᒧᑦ ᐊᔾᔨᙳᐊᓂ ᐊᑭᑦᑐᕋᐅᑎᓂᕐᒧᑦ ᓄᓇᓕᒻᒥᐅᑕᓄᑦ ᐅᖓᕐᕙᕆᐊᖅᑕᐅᓯᒪᔪᖅ ᑎᑭᒐᓱᐊᕐᓂᖓᓄᑦ ᑕᓪᓕᕐᒥᖅ, ᓯᑎᐱᕆ 26. ᑖᓐᓇ ᐅᖓᕐᕙᕆᐊᖅᑕᐅᓂᖓ ᑕᐃᒪᐃᒍᓐᓇᖅᑎᑕᐅᔪᖅ ᐃᑲᔪᕐᓂᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᕆᓕᕆᑯᖓ ᐊᕙᑎᖓᓂ ᓴᐳᒻᒥᑦᑎᓂᕐᒧᑦ.

ᐱᓇᓱᐊᕈᓯᑕᒫᑦ ᐊᒧᔭᐅᔪᑦ ᑲᔪᓯᓂᐊᖅᑐᑦ ᑕᓪᓕᕐᒥᑕᒫᑦ, ᓂᐅᕕᕈᑎᓂᑦ ᐱᔾᔪᓯᐊᖅᑐᑎ ᐊᑕᐅᒥᕐᒧᑦ ᐃᓚᒋᔭᐅᖃᑕᐅᔪᒧᑦ ᓄᓇᓕᒻᒥᐅᑕᒧᑦ ᐊᒻᒪ ᑳᐱᕈᑎᓄᑦ ᑐᓂᔭᐅᔪᑦ ᐊᑕᐅᓯᕐᒧᑦ ᓇᒻᒥᓂᐅᔪᒧᑦ. ᑭᖑᓪᓕᖅᐹᒥ ᐱᔾᔪᓯᐊᒧᑦ ᐊᒧᔭᐅᔪᖅ ᑕᒪᒃᑭᓐᓄ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ ᐱᖓᑦᑎᒥᐅᓛᖅᑐᖅ, ᐅᑦᑑᐱᕆ 1.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖃᓗᖕᓂ ᑮᓇᐅᔭᖅᑑᑎᒃᓴᑦ ᐊᐅᓚᓂᖕᒋᑦ ᕿᒥᕐᕈᓂᖅ
ᐋᒡᒌᓯ 19, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᓐᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᖃᓄᖅ ᓄᓇᓕᐸᐅᔭᒃᑯᑦ ᐋᖅᑭᒃᓱᐃᕙᖕᒪᖕᒑᑕ ᐊᕐᕌᒍᑕᒫᑦ ᑮᓇᐅᔭᖁᑎᒋᔭᒥᓂᒃ ᐊᐅᓚᑦᑎᕙᖕᓂᖕᒋᓐᓂᑦ.

ᐊᕐᕌᒍᑕᒫᑦ, ᓄᓇᓕᐸᐅᔭᒃᑯᑦ ᐱᕙᒌᔭᓲᖕᒍᒻᒪᑕ ᒪᕐᕉᖕᓂᒃ ᐊᕕᒃᓯᒪᔪᓂᒃ ᑭᓯᐊᓂ ᐊᒃᑐᐊᓂᓕᖕᓄᑦ ᑮᓇᐅᔭᖅᑐᕈᑎᒃᓴᓄᑦ. ᐊᐅᓚᔾᔪᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᑮᓇᐅᔭᖃᖅᑎᑦᑎᕗᑦ ᓄᓇᓕᐸᐅᔭᒃᑯᑦ ᖃᐅᑕᒫᑦ ᐱᔨᑦᑎᕋᐅᑎᖕᒋᓐᓂᒃ. ᑕᒪᓐᓇ ᐃᓚᖃᖅᑐᖅ ᐃᒥᖃᕐᓂᕐᒧᑦ ᑭᓈᓗᖃᕐᕕᖕᒧᑦ ᐊᐅᓚᑦᑎᕕᐅᔪᓂᒃ, ᐊᐳᑏᔭᐃᓂᖅ, ᐊᖅᑯᑎᓂᒃ ᐋᖅᑭᐅᒻᑎᑦᑎᓂᖅ, ᐱᖖᒍᐊᖅᑐᓕᕆᓂᕐᒧᑦ ᐱᓕᕆᐊᑦ, ᑕᒪᐃᓐᓄᑦ ᐊᐅᓚᑦᑎᓂᒥᒃ, ᐊᒻᒪᓗ ᑮᓐᓇᐅᔾᔭᒃᓵᖕᒋᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᓐᓄᑦ. ᐊᑭᓕᐅᑕᐅᕙᒃᑭᓪᓗᓂ ᓲᕐᓗ ᐅᖅᓱᐊᓗᒃ, ᓇᓪᓕᐅᒃᑯᒫᑦ, ᐆᒻᒪᖅᑯᑎᓄᑦ, ᐱᖁᑎᓄᓪᓗ.