ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖅᑲᐃᑎᑦᓯᔾᔪᑎ ᐊᐳᑕᐃᔭᐃᒋᐊᖃᕐᓂᑎᓐᓄᑦ ᐊᒻᒪ ᓂᓚᐃᔭᖅᐸᓪᓗᒋᑦ ᓄᓇᒃᑰᔫᑦ
ᓅᕖᐱᕆ 26, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᒃᑰᔫᖅᐸᑦᑐᓂᒃ ᐊᐳᑕᐃᔭᐃᖃᑦᑕᖁᔭᐅᓗᑎᒃ, ᓂᓚᐃᔭᐃᕙᓪᓗᑎᒃ, ᐊᒻᒪ ᓱᓇᑐᐃᓐᓇᕐᓂᒃ ᐲᔭᐃᕙᓪᓗᑎᒃ ᐊᕝᕕᐊᖅᑐᓂᒃ ᐃᒐᓛᖏᓐᓂᒃ ᐅᕝᕙᓘᓐᓃᑦ ᖃᐅᔨᒪᖅᐸᓪᓗᓯ ᑲᑕᐃᓂᐅᓴᖏᒃᑲᓗᐊᕐᒪᖔᑦᓯ ᐅᓯᔭᑦᓯᓐᓂᒃ ᓄᓇᒃᑰᔫᓂ. ᑕᒪᓐᓇ ᒪᓕᑦᑕᐅᒋᐊᖃᖅᑎᑕᐅᔪᑦ ᐅᑯᓅᓇ ᓄᓇᓕᐸᐅᔭᒃᑯᑦ ᐊᑐᕆᐊᓂ ᐃᖏᕐᕋᕙᑦᑐᓄᑦ ᒪᓕᒐᕋᓛᖅ 943 ᐊᒻᒪ ᐅᑯᓅᓇ ᓄᓇᕗᑦ ᐊᑐᕆᐊᓂ ᐃᖏᕐᕋᕙᑦᑐᓄᑦ ᐊᑦᑕᓇᔾᔭᐃᒃᑯᑎᓕᕆᔪᖅ ᒪᓕᒐᖅ.
ᐅᑭᐅᖅᑎᓪᓗᑕ, ᓄᓇᒃᑰᔫᑦ ᐊᐳᑕᐃᔭᕐᓯᒪᒋᐊᖃᒻᒪᕆᓕᖅᐸᒻᒪᑕ ᐊᒻᒪ ᓂᓚᐃᔭᕐᓯᒪᓗᑎᒃ. ᐊᐳᑎᖃᖅᑎᓪᓗᒍ ᐅᕝᕙᓘᓐᓃᑦ ᓂᓚᐃᓐᓇᐅᑎᓪᓗᒍ ᓄᓇᒃᑰᔫᕆᔭᐃᑦ ᓇᒧᑐᐃᓐᓇᖅ ᑕᑯᕕᑦᓴᐅᓗᐊᕈᓐᓇᖏᒻᒪᑦ ᐅᕝᕙᓘᓐᓃᑦ ᐲᖅᑐᖃᑲᓪᓚᓂᖅᐸᑦ ᓄᓇᒃᑰᔫᒧᑦ ᓂᐱᖕᖓᔪᒥᓂᕐᓂᒃ ᐊᓯᕕᑦ ᓄᓇᒃᑰᔫᖏᓐᓅᑐᐃᓐᓇᕆᐊᖃᕐᒪᑕ ᐅᕝᕙᓘᓐᓃᑦ ᐃᓄᒻᒧᑦ. ᑭᒃᑯᑐᐃᓐᓇᕐᓄᑦ ᐅᓗᕆᐊᓇᓕᕈᓐᓇᕐᒪᑕ ᐊᑦᓱᑲᓪᓚᐅᔪᖅ ᐊᑐᕆᐊᒃᑰᖅᑐᓄᑦ.
ᓄᓇᒃᑰᔫᖅᐸᑦᑐᑦ ᐊᐳᑕᐃᔭᐃᒋᐊᖃᖅᐸᑦᑐᑦ ᐊᒻᒪ ᓂᓚᐃᔭᐃᕙᓪᓗᑎᒃ ᐃᒐᓛᓕᒫᓂᒃ ᐊᒻᒪ ᑕᕐᕋᖅᑑᑎᖏᓐᓂᒃ ᓄᓇᒃᑰᔫᑉ ᑕᑯᔪᓐᓇᑦᓯᐊᖁᓪᓗᒋᑦ ᓇᒧᑐᐃᓐᓇᖅ. ᓄᓇᒃᑰᔫᑉ ᖁᓛ, ᐊᐅᓚᐅᑎᑦᑕᖏᑕ ᐅᓕᖓ, ᐊᒻᒪ ᐅᑦᓯᕕᖓᑕ ᐊᐳᑕᐃᔭᕐᓯᒪᑦᓯᐊᕆᐊᖃᕐᒥᔪᑦ ᐃᖏᕐᕋᑎᓪᓗᓯ ᑲᑕᒐᖅᐸᓂᐊᖏᒻᒪᑕ ᐅᕝᕙᓘᓐᓃᑦ ᒪᐅᖓᑐᐃᓐᓇᖅ ᓄᓇᒃᑰᔫᖅᑎᓪᓗᓯ. ᖃᐅᒪᖏᑦ ᐳᐃᒍᖅᑕᐃᓕᓯᐅᒃ ᐊᒻᒪ ᓚᐃᓴᕕᑦ ᓈᓴᐅᑎᖃᕐᕕᖓ. ᑕᒪᒃᑯᐊ ᑕᑯᑦᓴᐅᖏᓐᓇᑦᓯᐊᕆᐊᖃᖅᐸᑦᑐᑦ ᖃᐅᑕᒫᑦ. ᐊᐳᒻᒧᑦ, ᓂᓚᒻᒧᑦ, ᐅᕝᕙᓘᓐᓃᑦ ᓴᓂᕈᓘᔭᕐᓄᑦ ᐊᕝᕕᐊᖅᑕᐅᒍᑦᓯ ᐅᕝᕙᓘᓐᓃᑦ ᓈᓴᐅᑎᑦᓴᖓ ᑕᕐᕆᓯᒪᑎᑕᐅᒍᓂ, ᐊᑭᓖᑎᑕᐅᔪᓐᓇᕋᑦᓯ ᑎᑭᒍᓐᓇᖅᑐᓄᑦ ᑮᓇᐅᔭᑎᒍᑦ ᐃᒪᓐᓇᓄᑦ $250.
ᓄᓇᒃᑰᔫᕆᐊᓚᐅᖏᓂᕐᓂ, ᐅᑯᐊ ᐊᑐᕆᐊᖅᐸᓂᐊᖅᐸᓯᐅᒃ:
• ᐱᒋᐊᖅᐸᓪᓗᓯ ᖁᓕᖏᓐᓂᒃ ᐃᒐᓛᖏᑦ ᓄᓇᒃᑰᔫᑉ ᐊᐳᒻᒧᑦ ᑲᑕᒑᕕᐅᕙᓐᓂᐊᖏᒻᒪᑕ.
• ᐃᒐᓛᓕᒫᖏᑦ ᓴᓗᒻᒪᓴᖅᐸᓪᓗᒋᑦ, ᑕᕐᕋᖅᑑᑎᖏᑦ, ᐊᒻᒪ ᖃᐅᒪᖏᑦ ᑕᑯᔪᓐᓇᐸᓐᓂᐊᕋᕕᑦ ᐅᖓᓯᑦᑐᒧᑦ ᐊᒻᒪ ᑕᑯᔭᐅᔪᓐᓇᐸᓪᓗᓯ.
• ᓚᐃᓴᖓᑕ ᓈᓴᐅᑎᖃᕐᕕᖓ ᓴᓗᒻᒪᓴᖅᐸᓪᓗᒍ ᓈᓴᐅᑎᑦᑕᖏᑦ ᑕᑯᑦᓴᐅᑦᓯᐊᖁᓪᓗᒋᑦ.
• ᑭᓕᐅᖅᑕᐅᒻᒧᑦ ᓂᓚᐃᔭᖅᐸᓪᓗᒋᑦ ᐅᕝᕙᓘᓐᓃᑦ ᓂᓚᐃᔭᐃᒻᒧᑦ, ᐱᓗᐊᖅᑐᒥ ᐃᓗᖏᑦ ᐊᒻᒪ ᐊᕙᑎᖏᑦ ᑕᕐᕋᖅᑑᑎᖏᑦ, ᐊᑦᓴᓗᐊᖏᑦ, ᐊᒻᒪ ᖃᐅᒪᖏᑦ.
ᑕᒪᒃᑯᐊ ᐱᓕᕆᐊᕆᕙᒃᑯᑦᓯᐅᒃ ᐊᑦᓱᕈᕐᓇᓗᐊᖏᑦᑐᑦ ᐃᓕᑦᓯᓐᓂᒃ ᓴᐳᔾᔨᒍᓐᓇᖅᑐᑦ, ᐃᑭᒪᔨᐊᑦᓯᓐᓂᒃ, ᐊᒻᒪ ᐊᓯᑦᓯᓐᓂᒃ ᓄᓇᓕᕐᒥᐅᖃᑎᑦᓯᓐᓂᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᓯᑏᕝ ᐋᓚᓐ
ᐊᖏᔪᖅᑳᖓᑦ ᒪᓕᒐᕋᓛᓂᒃ ᑲᒪᔨᐅᔪᑦ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5674 | S.Allen@iqaluit.ca
