
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐱᔪᓐᓇᐅᑎᖃᕋᑎᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᑎᕙᑦᑐᓄᑦ ᓇᓗᓇᐃᕐᓯᔾᔪᑎ
ᓅᕖᐱᕆ 19, 2024 - ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᕝᕙᓘᓐᓃᑦ ᐱᖕᖑᐊᖅᑐᓕᕆᔨᒃᑯᖏᑦ ᒫᓐᓇᒃᑯᑦ ᐃᓚᒋᔭᐅᖏᒻᒪᑕ ᖃᓄᑐᐃᓐᓇᖅ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᓯᔪᓄᑦ ᐃᓅᖃᑎᒌᓐᓂᒃ ᑐᓴᐅᒪᑎᑦᓯᔾᔪᑎᒃᑰᐸᑦᑐᓄᑦ. ᐅᖃᐅᓯᐅᕙᓕᕐᒪᑕ ᐱᔪᓐᓇᐅᑎᖃᕋᑎᒃ ᐊᒻᒪ ᐊᑦᑐᐊᖃᑕᐅᒐᑎᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᑎᓂᒃᑯᑦ ᐱᒋᐊᖅᑎᑕᐅᓯᒪᔪᓄᑦ ᓱᓕᒐᑎᒃ ᑭᒡᒐᖅᑐᐃᓂᕋᖅᐸᑦᑐᑎᒃ ᓄᓇᓕᐸᐅᔭᒃᑯᓐᓂᒃ ᐃᓱᒫᓗᓇᓕᕐᒪᑕ.
ᖃᐅᔨᒪᓂᐊᖅᑯᓯ ᖃᓄᑐᐃᓐᓇᖅ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᖃᓄᖅᑑᕈᑎᐅᕙᑦᑐᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᓐᓂ ᐅᖃᐅᓯᐅᕙᓐᓂᐊᕐᒪᑕ ᓄᓇᓕᐸᐅᔭᒃᑯᑦ ᐱᓕᕆᔾᔪᑎᒍᑦ ᐃᓅᖃᑎᒌᓐᓂᒃ ᑐᓴᐅᒪᑎᑦᓯᔾᔪᑎᖏᒍᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ ᐊᒻᒪ ᐊᐅᓚᑕᐅᕙᒐᑎᒃ ᐃᓄᑐᐊᓄᑦ.
ᓄᓇᓕᕐᒥᐅᑕᐃᑦ ᐅᖃᐅᔾᔭᐅᕗᑦ ᐅᔾᔨᕈᓱᑦᓯᐊᖃᑦᑕᖁᔭᐅᓗᑎᒃ ᐊᒻᒪ ᓇᓗᓇᐃᕆᐊᕐᓯᒪᕙᓪᓗᑎᒃ ᐱᓕᕆᔾᔪᑎᒍᑦ ᐱᓕᕆᐊᖑᒐᓗᐊᕐᒪᖔᑕ ᑮᓇᐅᔭᓂᒃ ᓄᐊᑦᓯᔾᔪᑎᐅᕙᑦᑐᑦ ᐃᑲᔪᕐᓱᐃᔾᔪᑎᖃᖏᓂᕐᓄᑦ. ᑲᑐᔾᔨᖃᑎᒌᓂᒃ ᑭᓇᒥᓪᓘᓐᓃᑦ ᖃᐅᔨᓐᓂᕈᕕᑦ ᑭᒡᒐᖅᑐᐃᓂᕋᖅᑐᓂᒃ ᓄᓇᓕᐸᐅᔭᒃᑯᓐᓂᒃ ᐃᖃᓗᓐᓂ ᐱᔪᓐᓇᐅᑎᖃᕋᑎᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᖃᓄᖅᑑᕈᑎᓕᓐᓂᒃ, ᑐᑭᓯᒋᐊᕈᑎᓂᒃ ᐃᓕᓐᓅᖓᔪᓂᒃ ᐅᕝᕙᓘᓐᓃᑦ ᑮᓇᐅᔭᓕᕆᔪᓂᒃ ᐱᑎᑦᓯᑦᑕᐃᓕᒪᕙᒋᑦᓯ.
ᐅᖃᐅᓯᖃᕈᒪᒍᕕᑦ ᒪᓕᒐᕐᓂᒃ ᓱᕋᐃᔪᓂᒃ ᓇᓚᐅᑦᑖᑎᑦᓯᔪᓂᒃ ᐅᕝᕙᓘᓐᓃᑦ ᑲᖐᓇᖅᑐᓂᒃ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᓯᔪᓂᒃ, ᖃᐅᔨᒋᐊᕐᓯᐅᒃ ᒐᕙᒪᒃᑯᑦ ᓄᓇᕘᒧᑦ (GN) ᓂᐅᕐᕈᑎᓕᕆᓂᕐᒥᒃ ᐊᑐᖅᐸᑦᑐᓂᒃ ᐱᓕᕆᔨᖏᑕ ᐊᓪᓚᕝᕕᖏᑦ ᐅᖄᓚᐅᑎᒃᑯᑦ ᐅᕗᖓ 1-888-975-5999 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ ConsumerAffairs@gov.nu.ca.
ᐱᓕᕆᖃᑎᒌᓚᐅᖅᑕ ᓇᓗᓇᐃᕐᓯᒪᖁᓪᓗᒋᑦ ᐱᑦᓯᐊᕈᑎᐅᓂᖏᓐᓄᑦ ᒪᓕᒐᑎᒍᑦ ᑮᓇᐅᔭᓂᒃ ᐱᓕᕆᔾᔪᑎᑦᓴᓂᒃ ᓄᐊᑦᓯᕙᑦᑐᑦ ᐊᒻᒪ ᓴᐳᔾᔨᓪᓗᒍ ᓄᓇᓕᕗᑦ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᔪᓐᓇᖅᑕᐃᑦ:
ᔨᐊᕝ ᕚᕐᓂ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭ
867-979-5619 | G.Byrne@iqaluit.ca