2025 ᓇᖕᒥᓂᖃᕐᑐᓄᑦ ᐱᔪᓐᓇᐅᑎᓄᑦ ᓄᑖᖑᕐᑎᑦᑎᑲᓐᓂᕐᓂᕐᒃ

14/11/2024

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᕐᒃ
2025 ᓇᖕᒥᓂᖃᕐᑐᓄᑦ ᐱᔪᓐᓇᐅᑎᓄᑦ ᓄᑖᖑᕐᑎᑦᑎᑲᓐᓂᕐᓂᕐᒃ
ᓅᕖᐱᕆ 14, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᑲᕐᓗᖕᓂ ᐃᖃᐃᑎᑦᑎᔪᒪᕗᑦ ᓇᖕᒥᓂᖃᕐᑐᓄᑦ ᑮᓇᐅᔭᓕᐅᕐᓂᕐᒧᑦ ᖃᕋᓴᐅᔭᒃᑯᑦ ᐃᑭᐊᕿᕕᒃ 2025 ᓇᖕᒥᓂᖃᕐᑐᓄᑦ ᐱᔪᓐᓇᐅᑎᓄᑦ ᓄᑖᖑᕐᑎᑦᑎᑲᓐᓂᕐᓂᕐᒃ ᒪᑐᐃᖓᓕᕐᒪᑦ.

ᑮᓇᐅᔭᓕᐅᕐᓂᕐᒧᑦ ᓇᖕᒥᓂᖃᕐᑐᑦ ᑲᔪᖏᕐᓴᕐᑕᐅᕗᑦ ᑐᓂᓯᖁᔭᐅᓪᓗᑎᒃ ᓄᑖᖑᕐᕆᐊᕈᑎᒥᒃ ᑐᒃᓯᕋᐅᑎᓂᒃ ᑕᕝᕘᓇ ᐃᖃᓗᐃᑦ ᑮᓇᔭᐅᓕᐅᕋᕐᓱᐊᕐᓂᕐᒧᑦ ᐱᔪᓐᓇᐅᑎᑦ ᑎᑭᓪᓗᒍ ᔮᓄᐊᕆ 31, 2025, ᐱᕕᖃᕈᓐᓇᖁᓪᓗᒋᑦ ᐊᑭᒃᑭᓕᒋᐊᕐᓯᒪᔪᒥᒃ ᓄᑖᒍᕐᑎᑦᑎᓂᕐᒧᑦ ᐊᑭᒋᕙᒃᑕᖓᓂᒃ. ᑐᒃᓯᕋᕈᑏᑦ ᐱᔭᐅᔪᑦ ᐅᖓᑖᓂ ᕖᕗᐊᕆ 1, 2025, ᐊᑭᓪᓚᑦᑖᖓᓂᒃ ᓄᑖᖑᕐᑎᑦᑎᓂᕐᒧᑦ ᐊᑭᓕᕐᑎᑕᐅᓂᐊᕐᑐᑦ.

ᒪᓕᒃᑐᒍ ᓄᓇᓕᐸᐅᔭᒃᑯᑦ ᓇᖕᒥᓂᖃᕐᓂᕐᒧᑦ ᐱᔪᓐᓇᐅᑎᑖᕈᑎᒧᑦ ᒪᓕᒐᕋᓛᕐᒃ ᓇᐃᓴᐅᑎᖓ No. 859, ᓇᖕᒥᓂᖃᕐᑐᐃᓇᐃᑦ ᐱᓯᒪᔭᕆᐊᖃᕐᑐᑦ 2025 ᐱᔪᓐᓇᐅᑎᒥᓂᒃ ᑕᕝᕗᖓ ᑎᑭᓪᓗᒍ ᕖᕗᐊᕆ 15, 2025, ᑮᓇᐅᔭᐃᕐᑎᑕᐅᑲᓐᓂᔾᔮᖏᒪᑕ. ᓄᑖᖑᕐᑎᑦᑎᔪᑦ ᑐᒃᓯᕋᐅᑎᒃᑯᑦ ᐱᔭᐅᔪᑦ ᑭᓪᓕᖓᑕ ᐅᖓᑖᓂ ᐊᑭᓕᕐᑎᑕᐅᓂᐊᕐᑐᑦ ᐃᒪᓐᓇᑎᒋ $50.00 ᐱᓕᕆᔭᐅᔾᔪᑎᒧᑦ ᐃᓚᒋᓗᓂᐅᒃ ᓄᑖᖑᕐᑎᕈᑎᖓᑕ ᐊᑭᖏᓐᓄᑦ.

ᐱᒻᒪᕆᐅᔪᕐᒃ ᑐᓴᒐᒃᓴᕐᒃ:

ᐱᒋᐊᕐᓗᓂᒃ ᐊᒃᑑᐸ 1, 2024, ᓇᖏᒥᓂᖃᕐᑐᑦ ᑐᒃᓯᕋᕐᑐᑦ ᓄᓇᓕᐸᐅᔭᒃᑯᓐᓂ ᓇᖕᒥᓂᖃᕐᓂᕐᒧᑦ ᐱᔪᓐᓇᐅᑎᓂᒃ ᐊᑐᕆᐊᖃᕈᓐᓃᕐᑐᑦ ᐸᐃᐹᒥᒃ ᓇᓗᓇᐃᕐᓯᒪᔪᒥᒃ ᒪᓕᒃᓂᕐᒥᓄᑦ ᐃᖃᓇᐃᔭᕐᑏᑦ ᐊᑕᕐᓇᕐᑕᐃᓕᒪᓂᓐᒧᑦ ᐊᒻᒪᓗ ᑮᓇᐅᔭᕐᑖᕐᑎᑕᐅᕙᒃᓂᒃᑯᑦ ᑎᒥᖏᓐᓄᑦ (WSCC). ᑭᓯᐊᓂ, ᑐᒃᓯᕋᕐᑐᑦ ᑐᓂᓯᔭᕆᐊᖃᕐᑐᑦ ᐃᒻᒥᓂᒃ−ᐊᑎᓕᐅᕐᓯᒪᔭᒥᓂᒃ ᐸᐃᐹᒥᒃ ᓇᓗᓇᐃᑯᑎᒥᒃ ᒪᓕᒃᓂᕐᒥᓂᒃ ᑕᑦᑕᑎᕐᓯᒪᔪᒥᒃ, ᓇᓗᓇᐃᕐᓗᓂ:
• ᐊᑕᖏᕐᓱᑎᒃ ᖃᐅᔨᓴᕐᑕᐅᓯᒪᔪᑦ ᑖᑯᓅᓇ ᐃᖃᓇᐃᔭᕐᑏᑦ ᐊᑕᕐᓇᕐᑕᐃᓕᒪᓂᓐᒧᑦ ᐊᒻᒪᓗ ᑮᓇᐅᔭᕐᑖᕐᑎᑕᐅᕙᒃᓂᒃᑯᑦ ᑎᒥᖏᓐᓄᑦ (WCA) ᐊᑭᓕᕐᑕᐅᓯᒪᓂᖏᓐᓄᑦ, ᐅᕝᕙᓘᓃᑦ
• ᖃᐅᔨᓴᕐᑕᐅᔭᕆᐊᖃᖏᑦᑐᑦ ᑖᑯᓐᓅᓇ ᐃᖃᓇᐃᔭᕐᑏᑦ ᐊᑕᕐᓇᕐᑕᐃᓕᒪᓂᓐᒧᑦ ᐊᒻᒪᓗ ᑮᓇᐅᔭᕐᑖᕐᑎᑕᐅᕙᒃᓂᒃᑯᑦ ᑎᒥᖏᓐᓄᑦ.

ᑕᒪᒃᑯᐊ ᐃᒻᒥᓂᒃ−ᐊᑎᓕᐅᕐᓯᒪᔭᒥᓂᒃ ᐸᐃᐹᒥᒃ ᓇᓗᓇᐃᑯᑎᒥᒃ ᒪᓕᒃᓂᕐᒥᓂᒃ ᑕᑦᑕᑎᕈᑎᒃᓴᑦ ᓇᓂᔭᐅᔪᓐᓇᕐᑐᑦ ᒐᕙᒪᒃᑯᑦ ᓄᓇᕗᒻᒥ ᐃᑭᐊᕿᕕᖓᑎᒍᑦ ᐊᑖᓂ ᓇᖕᒥᓂᖃᕐᓂᕐᒃ ᐊᒻᒪᓗ ᑮᓇᐅᔭᓕᐅᕋᓱᐊᓂᕐᒃ ᐃᓛᑰᖓᓂ . ᐊᓯᐊᒍᓪᓘᓃᑦ, ᓇᖕᒥᓂᖃᕐᑐᑦ ᐃᖐᓇᕐᑕᐅᑎᒃᑯᑦ ᑎᑎᕋᕈᓐᓇᕐᑐᑦ ᐱᕝᕙᓪᓕᐊᔪᓕᕆᔨᒧᑦ ᐃᖃᓐᓇᐃᔭᕐᑎᒧᑦ (EDO) ᐅᕗᖓ g.byrne@iqaluit.ca ᑐᒃᓯᕋᕈᒪᒍᑎᒃ ᑕᑕᑎᕆᔾᔪᑎᒥᒃ.

ᑐᓂᔪᒪᒍᕕᐅᒃ ᓄᑖᖑᕐᑎᑦᑎᓂᕐᒧᑦ ᑐᒃᓯᕋᕈᑎᑦ, ᖃᐅᔨᒋᐊᕈᒃ ᐃᑭᐊᕿᕕᒃᑯᑦ ᐅᕙᓂ https://business.city.iqaluit.nu.ca/ ᐊᒻᒪᓗ ᐱᔭᕇᓪᓗᒍ ᓄᑖᖑᕐᑎᒋᐊᕈᑎ.

##
 

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕈᕐᒃ:

ᔭᕝ ᐴᕐᓐ

ᐱᕝᕙᓕᐊᔪᓕᕆᓂᕐᒧᑦ ᐃᑲᓇᐃᔭᕐᑎ

ᓄᓇᓕᐸᐅᔭᒃᑯᑦ ᐃᖃᓗᐃᑦ 867-979-5619 | G.Byrne@iqaluit.ca

Notice: