ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᒪᑐᓯᒪᑲᐃᓐᓇᕐᓂᐊᕐᓂᖏᑦ ᑭᒃᑯᑐᐃᓐᓇᕐᓄᑦ ᐊᓯᔾᔨᕐᕕᒃ ᐊᒻᒪ ᐳᐃᕐᔪᕋᕐᕕᒃ ᓄᑖᓐᖑᕆᐊᖅᑎᑕᐅᓂᖏᓄᑦ
ᐋᒃᑑᕝᕙ 18, 2024 – ᐃᖃᓗᐃ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᓐᓂ ᖃᐅᔨᒃᑲᐃᒍᒪᕗᑦ ᓄᓇᓕᒻᒥᐅᑕᓂᒃ ᑭᒃᑯᑐᐃᓐᓇᕐᓄᑦ ᐊᓯᔾᔨᕐᕕᒃ ᐃᖃᓗᐃᑦ ᐱᐅᔾᔪᕋᒃᕕᖓᓂ ᒪᑐᓯᒪᑲᐃᓐᓇᓛᕐᒪᑦ ᓴᓇᔭᐅᒋᐊᕐᑎᓪᓗᒋᒃ. ᒪᒥᐊᑉᐳᒍᑦ ᐊᑲᕐᕋᔮᖅᑎᑦᑎᒍᑦᑕ ᐊᒻᒪ ᑐᑭᓯᑦᑎᐊᖁᕙᓯ ᒫᓐᓇ ᑕᐃᒪᐃᓕᐅᖅᑎᓪᓗᑕ. ᖃᐅᔨᒃᑲᐃᑦᑕᐅᑎᒋᓛᖅᑐᒍᑦ ᖃᖓ ᒪᑐᐃᒃᑲᓐᓂᓛᕐᒪᖔᖅ.

ᐃᓚᒋᐊᕐᓗᒍ, ᐱᒋᐊᕐᓗᒍ ᓯᕙᑖᕐᕕᒃ, ᐋᒃᑑᕝᕙ 19ᒥ, ᐳᐃᔾᔪᕋᕐᕕᐅᑉ ᐳᐃᔾᔪᕋᕆᐅᕐᓴᑎᑦᑎᓂᖓ ᒪᑐᐃᓕᖅᑭᓛᕐᒥᔪᖅ. ᐱᓇᓱᐊᕈᓯᐅᓛᖅᑑᑉ ᐱᒋᐊᓐᖓᕐᓂᖓᓂ, ᐱᐅᔾᔪᕋᕐᕕᒃ ᐊᑐᐃᓐᓇᐅᓛᕐᒥᔪᖅ ᓯᕿᖑᔭᒃᑯᑦ ᐋᖅᑭᑦᑕᐅᓯᒪᔪᑎᒍᑦ.

ᖁᔭᓐᓇᒦᒃ ᐅᑕᖅᑭᑦᑎᐊᕈᓐᓇᕋᕕᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᑲᔪᖅᑕᐅᓕᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᑦᑏᓇᓱᐊᖅᑎᓪᓗᒋᑦ ᓄᑖᒥᒃ ᐊᑐᕆᐊᑦᓴᒥᒃ ᖃᕋᑕᐅᔭᒃᑯᑦ ᓂᕈᐊᖅᑕᐅᓗᓂ
ᐋᒃᑑᐸ 16, 2024 – ᐃᖃᓗᐃᑦ, ᓄᓇᕗᑦ

ᓄᓇᕗᑦ ᒪᒥᓴᕐᕕᑦᓴᐅᑉ ᑐᖕᖓᕕᑦᓴᖓ ᓴᓇᔭᐅᕙᓪᓕᐊᓕᕐᒪᑦ, ᓄᑖᒥᒃ ᐊᑐᕆᐊᑦᓴᒥᒃ ᓴᓇᖃᓯᐅᑎᓪᓗᑎᒃ ᐊᖅᑯᑎᑦᓴᒥᒃ ᒪᒥᓴᕐᕕᒻᒧᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᑲᑎᒪᔨᖏᑦ ᒪᕐᕉᓐᓂᒃ (2) ᐊᑎᑦᓵᓐᓂᒃ ᐃᓱᒪᓕᐅᕆᔾᔪᑎᖃᓚᐅᖅᑐᑦ ᓄᓇᓕᕐᒥᐅᑕᐃᑦ ᓂᕈᐊᖁᔭᐅᓗᑎᒃ ᓇᓪᓕᐊᓐᓂᒃ ᐊᑎᐅᖁᔭᐅᔪᒥᒃ. ᐊᔾᔨᖕᖑᐊᖅ
ᑎᑎᖅᑐᒐᕐᓯᒪᔪᖅ ᐊᒻᒪ ᓄᓇᖕᖑᐊᖅ ᑕᑯᑦᓴᐅᑎᑕᐅᓗᓂ ᓄᑖᖅ ᐊᑐᕆᐊᖅ.

ᐃᑲᔪᖅᑕᐅᓕᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᑦᑏᓇᓱᐊᖅᑎᓪᓗᒋᑦ ᓄᑖᒥᒃ ᐊᑐᕆᐊᑦᓴᒥᒃ ᖃᕋᑕᐅᔭᒃᑯᑦ ᓂᕈᐊᖅᑕᐅᓗᓂ: plan.iqaluit.ca/road

##
 

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ

ᐋᒃᑑᐸ 12, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ:

 101,102,103,104,105,106,107,108,109,120,121,122,123,124,125,126,127,128,129,130,131,132,133,134,135,136,137,138,139,140,141,142,143,144,145,146,146,148,150,199,151,152,153,

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓂᐊᖅᑐᖅ - ᓂᐊᖁᖕᖒᑎᓂ ᐃᑳᕈᑎᖓ ᑭᖑᕝᕕᖅᑕᐅᓂᖓᓄᑦ
ᐋᒃᑑᐸ 10, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓴᓇᔭᐅᓂᖓᓄᑦ ᓂᐊᖁᖕᖒᑎᐅᑉ ᐃᑳᕈᑎᖓ ᓄᑖᖅ, ᐱᔭᕇᖅᑕᐅᔭᖕᖒᓚᐅᖅᑐᖅ ᐋᒃᑑᐸ 20, ᑭᖑᕙᒋᐊᖅᑕᐅᓯᒪᓕᕐᒥᔪᖅ ᐱᔭᕇᕐᕕᑦᓴᖓ ᓅᕖᐱᕆ 10-ᒧᑦ, 2024.

ᑭᖑᕙᒋᐊᕈᑎᐅᔪᖅ ᐱᔾᔪᑎᖃᖅᑐᖅ ᓂᕆᐅᒋᔭᐅᓚᐅᖏᑦᑐᒧᑦ ᓄᓇᑦᑕᖓ ᐱᔾᔪᑎᐅᓗᓂ ᐊᑖᓃᓐᓂᖓ ᐃᑳᕈᑎᐅᑉ, ᐱᓕᕆᐊᖑᒃᑲᓐᓂᕆᐊᖃᕐᓂᓚᐅᕐᒪᑦ ᓅᔾᔭᐃᕐᓯᒪᖁᓪᓗᒍ ᓴᖕᖏᓂᖃᑦᓯᐊᕐᓗᓂ ᐊᒻᒪ ᐊᑯᓂᐊᓗᒃ ᐊᑐᖅᑕᐅᔪᓐᓇᕋᔭᕐᓗᓂ ᑐᖕᖓᕕᖓ. ᐃᓛᓐᓂᒃᑯᑦ ᓯᓚᓗᑉᐸᓚᐅᕐᓂᖓᓄᑦ ᐃᖅᑲᓇᐃᔮᖑᔪᓐᓇᓚᐅᖏᒻᒪᑦ ᑭᖑᕙᓚᕿᒍᑎᐅᓗᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᑦ - ᖁᔭᓕᓐᓇᐅᓕᖅᐸᑦ
ᐋᒃᑑᐸ 10, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᐋᒃᑑᐸ 14, 2024, ᖁᔭᓕᓐᓇᐅᓕᖅᐸᑦ ᕿᑲᕐᓇᐅᓛᖅᑐᒥ.

ᖃᐅᔨᒪᓂᐊᖅᑯᓯ ᓇᔪᒐᕐᓂᒃ ᐃᒻᒪᐃᕙᑦᑐᑦ ᐊᒻᒪ ᑭᓈᓗᓕᕆᔾᔪᑎᖏᓐᓂᒃ ᒥᓪᓗᐊᕐᓯᕙᑦᑐᑦ ᐱᔨᑦᓯᕋᖅᑎᖏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐊᐅᓚᐃᓐᓇᓛᕐᒪᑕ ᐱᐅᓯᕐᒥᓂᒃ ᐊᑐᕐᓗᑎᒃ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓛᕐᒥᔪᖅ ᐅᓪᓗᒃᑯᑦ 12-ᒥᓂᒃ 4-ᒧᓄᑦ ᐅᓐᓄᓴᒧᑦ.

ᒫᓐᓇᐅᔪᖅ ᐃᓱᒪᒋᔭᖅᑎᓪᓗᑕ ᓱᓇᓂᒃ ᐊᓐᓂᕈᓱᓐᓂᑎᓐᓂᒃ - ᓄᓇᓕᕗᑦ, ᓄᓇᕗᑦ, ᐊᒻᒪ ᐃᓚᒌᓐᓂᕆᕙᑦᑕᕗᑦ ᐃᓘᓐᓇᑕ - ᓄᓇᓕᕐᒥᐅᑕᓕᒫᑦᓯᐊᑦ ᑕᐃᑲᓂ ᐅᓪᓗᕐᒥ ᓴᐃᓕᖓᑦᓯᐊᓛᖁᔭᕗᑦ ᐊᒻᒪ ᑕᖃᐃᕐᓯᑦᓯᐊᓛᕐᓗᑎᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖅ ᐱᓪᓗᒍ ᑐᓴᕋᑦᓴᖅ
ᐋᒃᑑᐸ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒋᑦ ᑐᓴᖅᑎᑦᓯᒍᒪᓕᕆᕗᑦ ᑲᔪᓯᔭᐅᔪᒥᒃ ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖁᑎᖓᑕ. ᐅᓪᓗᒥᒧᑦ, ᑲᑎᑦᑐᒋᑦ 50-ᓂᒃ ᓄᓇᒃᑰᔫᒥᓂᕐᓂᒃ ᓄᐊᑦᓯᓯᒪᓕᖅᑐᑦ, ᐊᑦᓱᑲᓪᓚᐅᔪᖅ ᑮᓇᐅᔭᓂᒃ ᐊᑐᖕᖏᔾᔪᑎᐅᓕᖅᑐᓂᒃ $37,000-ᒪᕆᓐᓂᒃ ᓄᓇᓕᒻᒧᑦ ᐊᑐᖅᑕᐅᔪᓐᓇᖅᑐᓂᒃ ᖃᖓᑐᐃᓐᓇᒃᑯᑦ. ᐊᒻᒪᑦᑕᐅᖅ, 7 ᖃᒧᑕᐅᔭᒥᓃᑦ ᐊᒻᒪ ᑎᓴᒪᓕᑲᓪᓚᒥᓃᑦ ᐱᓲᑎᑲᓪᓚᐃᑦ ᓄᐊᑕᐅᓚᐅᕆᓪᓗᑎᒃ, ᓄᓇᓕᕐᒥᐅᑕᐃᑦ ᑮᓇᐅᔭᓂᒃ ᐊᑐᖕᖏᑎᑕᐅᓗᑎᒃ ᐊᑭᓕᐅᑎᐅᒐᔭᖅᑐᓂᒃ ᐃᒪᓐᓇᓂᒃ $1,500.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ
ᐋᒃᑑᐸ 9, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᐋᒃᑑᐸ 10, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᑦ 5-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴ
ᓂᕿᑖᕈᑎᑦᓴᓂᒃ ᓇᓕᖅᑲᑎᒍᑦ ᐱᓕᕆᐊᑦᓴᖅ ᐃᓄᖕᓄᑦ ᐃᓚᒌᓄᑦ
ᐋᒃᑑᐸ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᔭᖃᑦᓯᐊᖅᑐᑎᒃ ᐅᖃᐅᓯᖃᕈᒪᓕᕐᒥᔪᑦ ᓄᑖᒥᒃ ᐱᒋᐊᖅᑎᑕᐅᔪᒥᒃ ᐃᑲᔪᕐᓱᐃᔾᔪᑎᑦᓴᓂᒃ ᐃᓄᖕᓂᒃ ᐃᓚᒌᓂᒃ ᓱᕈᓯᖁᑎᓕᓐᓂᒃ ᐱᓕᕆᐊᖃᖅᑐᑎᒃ ᓂᕿᑦᓴᑭᑉᐸᑦᑐᓂᒃ ᓄᓇᓕᑦᑎᓐᓂ. ᐱᓕᕆᐊᑦᓴᖅ, ᐊᔪᕐᓇᖏᑎᑕᐅᓯᒪᔪᖅ ᑮᓇᐅᔭᑎᒍᑦ ᐅᑯᓇᖕᖓᑦ ᓱᕈᓯᕐᓄᑦ ᓯᕗᓪᓕᓯᐅᑏᑦ ᐱᒋᐊᖅᑎᑕᐅᔪᑦ ᐊᒻᒪ ᔪᐊᕐᑕᓐ ᐱᓕᕆᔾᔪᑎᖏᓐᓂᒃ ᐱᓕᕆᐊᑦᓴᖏᑎᒍᑦ, ᑲᑐᔾᔨᖃᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᓱᕈᓯᕐᓄᑦ ᐱᓕᕆᕝᕕᒻᒥᒃ ᑲᓇᑕᒥ, ᑮᓇᐅᔭᑎᒍᑦ ᐃᑲᔪᕐᓱᐃᔾᔪᑎᖃᖅᐸᓂᐊᖅᑐᑦ ᐃᓚᒌᓂᒃ ᐱᔪᓐᓇᖁᓪᓗᒋᑦ ᓂᕿᑦᓯᐊᕙᓐᓂᒃ ᐊᒻᒪ ᐊᑭᑐᓗᐊᖏᑦᑐᓂᒃ ᓂᕿᓂᒃ ᓄᓇᕘᒥ.