ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᖑᓪᓕᖅᐹᖅ ᐅᓪᓗᕐᓯᐅᑎᒍᑦ ᓄᑖᓄᑦ ᐱᔨᑦᓯᕋᖅᑕᐅᔪᑦᓴᓂᒃ ᑐᑦᓯᕋᐅᑎᓄᑦ, ᐊᐅᑦᑕᔫᓂᒃ ᑭᖑᕝᕖᒍᒪᔪᓄᑦ ᐊᒻᒪ ᐊᒥᐊᒃᑯᖏᑦ ᖃᑦᓯᐅᓕᕐᓂᖏᓐᓄᑦ ᖃᐅᔨᒋᐊᕐᓂᖅ - ᐃᓄᐃᑦ ᓱᕈᓰᑦ ᓯᕗᓪᓕᐅᒋᐊᖃᕐᓂᖏᓐᓄᑦ ᐱᒋᐊᖅᑎᑕᐅᓯᒪᔪᖅ (ICFI)
ᒫᕐᓯ 24, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᑭᖑᓪᓕᖅᐹᖑᓛᓕᖅᑐᖅ ᐅᓪᓗᕐᓯᐅᑎᒍᑦ ᐱᑎᑦᓯᒍᒪᔪᓄᑦ ᓄᑖᓂᒃ ᐱᔨᑦᓯᕋᕈᑎᐅᔪᓂᒃ ᑐᑦᓯᕋᐅᑎᓂᒃ ᐊᑐᖅᑕᐅᕙᑦᑐᒧᑦ ᐃᓄᐃᑦ ᓱᕈᓰᑦ ᓯᕗᓪᓕᐅᒋᐊᕐᓂᖏᓐᓄᑦ ᐱᒋᐊᖅᑎᑕᐅᓯᒪᔪᒧᑦ (ICFI) ᐱᖓᑦᓯᖅ, ᒫᕐᓯ 26, 2025.
ᐊᒻᒪᑦᑕᐅᖅ, ᒫᕐᓯ 26, 2025, ᑭᖑᓪᓕᖅᐹᖑᓛᖅᑐᖅ ᐅᓪᓗᕐᓯᐅᑎᒍᑦ ᐱᔨᑦᓯᕋᕈᑎᐅᔪᓄᑦ ᑭᖑᕝᕖᖁᔨᔪᓄᑦ ᐊᓯᐅᓯᒪᓐᓂᕈᑎᒃ ᐊᐅᑦᑕᔫᖁᑎᖏᓐᓂᒃ ᓂᕿᑖᕈᑎᓂᒃ. ᑕᒪᐅᓇ ᐱᕕᖃᑦᓯᐊᕋᔭᖅᑐᑦ ᓂᐅᕕᕐᕕᐅᕙᑦᑐᑦ ᓄᑖᕈᖅᑎᑦᓯᒋᐊᖃᕐᒥᒻᒪᑕ ᓄᑖᓂᒃ ᐊᐅᑦᑕᔫᓂᒃ ᐱᓕᕆᐊᑦᓴᖅ ᐃᓱᓕᓚᐅᖏᓐᓂᖓᓂ.
ᐱᑐᐃᓐᓇᐅᖏᔾᔪᑎᓂᒃ ᐅᕝᕙᓘᓐᓃᑦ ᐅᐃᒍᐃᖁᔨᔪᓂᒃ ᕿᐱᓗᖃᑦᑕᓂᐊᖅᑐᑦ ᐅᖓᑖᓂ ᐅᓪᓗᕐᓯᐅᑎᐅᑉ ᑕᐃᔭᐃᓯᒪᔫᑉ ᓄᑖᓄᑦ ᐱᔨᑦᓯᕋᕈᑎᓂᒃ ᑐᑦᓯᕋᐅᑎᓄᑦ ᐅᕝᕙᓘᓐᓃᑦ ᑭᖑᕝᕖᒍᒪᓂᐊᖅᑐᑦ ᐊᐅᑦᑕᔫᓂᒃ.
ᐃᓘᓐᓇᑎᒃ ᑮᓇᐅᔭᖃᐅᑎᐅᔪᑦ ᐊᑐᖅᑐᑎᒃ ᐆᕕᖓ ᐱᒋᐊᖅᑎᑕᐅᓯᒪᔪᒥᒃ ᐊᒥᐊᒃᑯᖏᓐᓂᒃ ᐊᑐᕐᓯᒪᒋᐊᖃᕐᓂᐊᖅᑐᑦ ᑎᑭᑉᐸᑦ ᒫᕐᓯ 31, 2025. ᐊᑐᖅᑕᐅᓯᒪᖏᑦᑐᑦ ᑮᓇᐅᔭᐃᑦ ᐅᑎᖅᑎᑕᐅᓂᐊᖅᑐᑦ ᐱᓕᕆᐊᑦᓴᒧᑦ ᐅᓪᓗᕐᓯᐅᑎ ᑕᐃᔭᐅᓯᒪᔪᖅ ᑭᖑᓂᐊᓂ.
ᒫᓐᓇᐅᔪᕐᓕ, ᓄᓇᓕᐸᐅᔭᒃᑯᑦ ᓱᓕ ᓇᓗᓇᐃᕐᓯᕕᐅᓯᒪᖏᑦᑐᑦ ᐱᔾᔪᑎᖃᖅᑐᓂᒃ ᐊᕐᕌᒍᒧᑦ 2025-26 ᐃᓄᐃᑦ ᓱᕈᓰᑦ ᓯᕗᓪᓕᐅᒋᐊᕐᓂᖏᓐᓄᑦ ᐱᒋᐊᖅᑎᑕᐅᓯᒪᔪᒧᑦ (ICFI) ᐱᓕᕆᐊᑦᓴᖅ ᐊᒻᒪ ᓱᓕ ᐅᑕᖅᑭᔪᑦ ᓇᓗᓇᐃᕐᓯᔾᔪᑎᑦᓴᓂᒃ ᓄᓇᖃᖅᑳᕐᓯᒪᔪᓂᒃ ᐱᔨᑦᓯᕋᖅᑎᓂᒃ ᑲᓇᑕᒥ (ISC). ᓂᕆᐊᒋᖏᑕᕗᑦ ᐱᓕᕆᐊᑦᓴᖅ ᑲᔪᓯᒐᔭᕐᓂᖓᓄᑦ ᐃᐳᕈᒧᑦ ᖃᓄᐃᖏᓪᓗᓂ, ᐊᒻᒪ ᑭᖑᕙᕐᓯᒪᖃᑦᑕᓂᐊᖅᑐᓴᐅᒻᒥᔪᑦ ᐱᒋᐊᓚᐅᖏᓐᓂᖓᓂ ᐱᓕᕆᐊᑦᓴᖅ ᐅᑕᖅᑭᓂᑦᑎᓐᓂ ᑐᑦᓯᕋᐅᑎᓕᐊᕆᓯᒪᔭᕗᑦ ᕿᒥᕐᕈᐊᖅᑕᐅᓇᓱᐊᕐᓂᖓᓂ. ᑐᑭᓯᑎᑕᐅᓐᓂᕈᑦᑕ ᖃᓄᑐᐃᓐᓇᑦᓯᐊᖅ, ᓄᓇᓕᕐᒥᐅᑕᐃᑦ ᑐᓴᖅᑎᒐᔭᖅᑕᕗᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
