ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᓴᕋᑦᓴᑦ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᓄᐃᑦ ᓱᕈᓰᑦ ᓯᕗᓪᓕᐅᒋᐊᖃᕐᓂᖏᓐᓄᑦ ᐱᒋᐊᖅᑎᑕᐅᓯᒪᔪᖅ (ICFI) ᓂᕿᑖᕈᑎᐅᕙᑦᑐᖅ/ᖁᑦᑕᕕᑦᑖᕈᑎᐅᕙᑦᑐᖅ ᐱᓕᕆᐊᑦᓴᖅ ᐱᓪᓗᒍ
ᒫᕐᓯ 12, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᓲᑎᖃᑦᓯᐊᓕᕆᕗᑦ ᑐᓴᖅᑎᑕᐅᓚᐅᖅᑐᑎᒃ ᒐᕙᒪᒃᑯᑦ ᑲᓇᑕᒧᑦ ᓄᑖᕈᖅᑎᑦᓯᓚᐅᕐᓂᖏᓐᓄᑦ ᐃᓄᐃᑦ ᓱᕈᓰᑦ ᓯᕗᓪᓕᐅᔾᔭᐅᒋᐊᖃᕐᓂᖏᓐᓄᑦ ᐱᒋᐊᖅᑎᑕᐅᓯᒪᔪᒥᒃ (ICFI). ᐅᓇ ᐱᒻᒪᕆᐅᔪᖅ ᐱᓕᕆᐊᑦᓴᖅ ᐊᑑᑎᓕᒻᒪᕆᒃᑯᑦ ᐃᑲᔪᕐᓱᐃᔾᔪᑎᐅᕙᑦᑐᖅ ᐃᓄᐃᑦ ᓱᕈᓯᖏᓐᓄᑦ ᐊᒻᒪ ᐃᓚᒌᓄᑦ, ᐊᒻᒪ ᐃᓕᑕᕆᓯᒪᓪᓗᑎᒍᑦ ᐊᑦᓱᑲᓪᓚᐅᔪᖅ ᐊᑦᑐᐃᓯᒪᓂᖓᓄᑦ ᓄᓇᓕᑦᑎᓐᓂᒃ.
ᒫᓐᓇᐅᔪᕐᓕ, ᓄᓇᓕᐸᐅᔭᒃᑯᑦ ᓱᓕ ᓇᓗᓇᐃᕐᓯᕕᐅᓚᑦᑖᓚᐅᖏᑦᑐᑦ ᐱᔾᔪᑎᖃᖅᑐᓂᒃ ᐊᓯᔾᔨᐅᑎᑦᓴᓂᒃ ᐱᑕᖃᕐᓂᖅᐸᑕ ᐱᖃᑕᐅᔾᔪᑎᒋᔪᓐᓇᑕᖅᑎᓐᓂᒃ ᐱᓕᕆᐊᑦᓴᒧᑦ. ᐊᑐᖅᑐᒍ ᐊᖏᕈᑎᕗᑦ ᐊᑐᖅᑕᕗᑦ ᒫᓐᓇ ᓄᓇᖃᖅᑳᕐᓯᒪᔪᓂᒃ ᐱᔨᑦᓯᕋᖅᑎᐅᔪᑦ ᑲᓇᑕᒥ, ᓂᕿᑖᕈᑎᑦᓴᑦ ᐊᒻᒪ ᖁᑦᑕᕕᑦᑖᕈᑎᑦᓴᑦ ᐱᓕᕆᐊᑦᓴᕗᑦ ᐃᓱᓕᓛᕐᓂᐊᖅᑐᖅ ᒫᕐᓯ 31, 2025. ᐅᑕᖅᑭᒐᑦᑕ ᓇᓗᓇᐃᔭᐃᑎᐅᒐᔭᖅᑐᓂᒃ ᖃᓄᐃᓕᖓᓂᐊᕐᓂᑎᓐᓄᑦ ᓄᑖᕈᖅᑎᑕᐅᒍᑎᒃ ᑮᓇᐅᔭᐃᑦ ᐱᓕᕆᐊᑦᓴᑎᒍᑦ, ᐱᖃᓯᐅᔾᔭᐅᓗᑎᒃ ᐊᓯᔾᔩᓂᐊᕐᓂᕈᑎᒃ ᐊᓯᔾᔨᐅᑎᑦᓴᑦ ᑐᑦᓯᕋᐅᑎᓕᐅᕈᑎᒍᑦ ᐱᔾᔪᑎᑦᓴᓂᒃ.
ᖁᔭᒋᑦᓯᐊᐸᑦᑕᕗᑦ ᖃᓄᑎᒋ ᐊᑑᑎᖃᕐᓂᖓ ᐅᓇ ᐱᒋᐊᖅᑎᑕᐅᓯᒪᔪᖅ ᐱᓪᓗᒍ ᐃᖃᓗᒻᒥᐅᑕᓄᑦ ᐃᓚᒌᓄᑦ ᐊᒻᒪ ᑐᓴᖅᑎᑦᓯᕙᓐᓂᐊᖅᑐᒍᑦ ᑐᑭᓯᑎᑕᐅᒃᑲᓐᓂᑐᐊᕈᑦᑕ ᑕᒪᓐᓇ ᐱᔾᔪᑎᐅᓗᓂ. ᖁᔭᓐᓇᒦᑐᐃᓐᓇᓕᖅᐳᒍᑦ ᐅᑕᖅᑭᑦᓯᐊᓂᕐᓯᓐᓂ ᐊᒻᒪ ᑐᑭᓯᐊᑦᓯᐊᓂᕐᓯᓐᓂ ᐊᑐᖅᑕᑎᓐᓂᒃ - ᖃᓄᐃᓕᖓᓂᐊᕐᒪᖔᑕ ᓄᑖᑦ ᑮᓇᐅᔭᐃᑦ ᑐᓴᕈᒪᑐᐃᓐᓇᑦᓯᐊᕐᒥᒐᑦᑕ ᐃᑲᔪᕐᓱᐃᔾᔪᑎᐅᓂᐊᕐᓂᖏᓐᓄᑦ ᓄᓇᓕᑦᑎᓐᓂᒃ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
